لوكنتوا في محلي شسون,,,,؟

حبيبتي انا وحده من رفيجاي كانت عندها نفس المشكله بالضبط تمت تصبر وتحاول واخر شي ماكو فايده تطلقت وعندها بنت اسبوع عندها واسبوع عند اهل ريلها فمادري لين متي بتسكتين لازم تحاولين معاه ومع هله وماتسكتين لان راح تتعذبين اكثر والله يوفقج

انا برايي
افضل انج تفارقين هالانسان .. لانج بتعيشين معاه في عذاب مستمر و باجر يوم بتيبين عيال بتستوي السالفه اصعب ..
مشكله المرض النفسي انه صعب الواحد يتعايش معاه ..
بس اذا انتي محتاره صلي استخاره و الله يجدم اللي فيه الخير لج يا رب

اي عيال ياربي لك الحمد اساسا انا مالي الا سنه وشوي كأننا متزوجين من زماااااااااااااان مسببله ضعف واسااسا لما تزوجت جلست سبع شهور بكر الين تدخل الطب فينا

وتم الامر بس للأن مااحس برضاا تااام

وعنده ضعف شديد في الحيوانات المنويه بسبب المرض النفسي


مشكلتي اني احب طيبته وقلبه بس مع ايماني انها مااتأكل عيش

هو مرضه يعاااوده لمااااااا يتعرض لحزن من اي نوع


مع شكري لكل من رد علي

السلام عليكم

[GLINT]حـبـيـبــــــتــــــي حــــــــــــــــــرمــــــــــــــــــــــــــــه[/GLINT]
صـــــــــــــــــراحــــــــه الـــلـــــــه يـــــكـــــــــون بــعــونـــــــــك :(ومــــا أقــدر أقــولــك غــيـــر .......اســتـــشـــيـــري حد مــن أصــحــاب الإخـتــصـــــاص أقصد دكتور بالأمراض الـنـفـسـيـة مثلا......وأنــت ما ذكــرتــي اســم الـــمــرض النـفـســي إلي يعــانــي مـنـه زوجـك _ربــــي يـشـفــيــه وكل مرضـى المسـلـمـيـن _يمكن من النـوع إلي يتعالــج بس محتــاج فتـرة طويـــلة.....إذا كذا ما علـيـه اصــبـــــــري......وأهــلــك أحــس الموضوع جدا حــســاس إذا فيه مجــال اســـــــتشيري حد منهم بالذات أمـــك....وربـــــــي يعــيـنـك ....المـفــروض لـمـا حد يخــطــــب يــخـلـي كــل شــي واضــح مــن الــبــدايـــــة ويكون الطـرفـيـن عـلـى نـــــــور .......الــــــــزواج مــو لـعـبـة أو حــكــايــة اسبوع أو شــهــر هذا عــــمـــر....هـــذا شــــي خـطـيـر ومش متأكدة إذا هــو زي شـي اســمــه التــغريــر....؟وله حـكـم بالديــن! والــــــــلـــــــــه أعــــــــــــلـــــــــــــــــم...........
حبيبتي هـذي دنـيـا ماتكمل لحد وأنــتــي قـلـتــي إنه طــيـــب وتحبيــه وفـي هذا الزمن نادر ما تشوفي زوج فيه هذي الـصـفـة...أنا مو متزوجة بس والـلــه حاسـه فــيــك .....شــوفــي وضــعــه المــرضــي ...إذا ما لـــه علاج مع إنه ما خلق ربنا داء إلا وجعل له الدواء...... اســتــغــفــري ربــك كثيييييييير و ادعـــي كثيييير.......

"لا يــكــلــف الــلــه نــفــســا إلا وســعـــهــا" ........إذا حــاســه إنك خلاص مش قــادرة ...اســـــتــــــخــــيـــــري وربنــا بكتبلك إلي فيه الخير.............

وربـــــــــــــــــي يــفــرج هــمـــك ويــكــشــف غــمـــــــك .......وثــقـــي مــاضــاقــت إلا وفــرجــت.......
"إن مــع الـعــســر يــســــرا"........بس أنتي قـــــــــــــــــولــــــــي يـــــــــــــــــــــــــــــــــــــــــارب مـــــــالـــــــي ســـــــــــواك........

بـــك أسـتـجــيـر ومـن يـجــيــر ســـواك * * * * فـأجــر ضـعــيــفــا يــحــتـمـــي بـحـمــاك

بس اعتقد حـــــــرام جذي خبوا عليج مرضه العضوي و النفسي شهالعنصرية لو الحرمة هي اللي فيها هالسوالف ان جان كل شي تـــــــــــــــاريخ من اول يوم و الله صعبة تلقين حد يستر على حرمة حتى لو مشكلتها بسيييطة و الدنيا تقوم و ما تقعد بس الريال غييييير ..و الله مادري حبيبتي بس جدددددا صعبة العيشة مع مريض نفسي بنوبات تراها واااايد صعبة حتى بتلاقين انتي ياتلج حالة نفسية مثل الخوف و العصبية ..و انتي مادريتي الا يوم خذتيه هذا يعتبر غش لانهم كانوا يدرون بالشيئين و لا قالولج و هذي من اساسيات الزواج و الاساس ما فيه مصداقية .. اسالي شيخ عن الحكم..بس لو انتي راضية تحملي وخذي اجر فيه..الله يعينج و يشفيه

حبيبتي والله الموضوع مابينسكت عليه ياانكم تشوفوا طبيب لي ممكن يعالج او تشوفوا الحل المناسب بس انك تظلين ساكته وقاعد مايصير
قعدي معاه واوصلوا لحل مناسب لي بيرضي الطرفين
واهم شي استخري ربنا
والله يعينك

ترى هذا يتوقف على رصيد ك من الصبر يعني لو تقدري تصبري وتحتسبي الاجر
ولكن ايضا لا يكلف الله نفسا الا وسعها
لو ما في عيال ممكن يكون الانفصال اولى لو ما قدرت الزوجة تصبر فعلا

سلاااام
اختي ..الله يكون بعونج..بس حبيت اسال شنو مرضه النفسي بالضبط عشان نقدر نعطيج حل يساعدج انتي وزوجك...اللحين ما اقدر اقول الا الله يفرج همك اختي...
تحياتي

حبيبتي

انتي سألتي احنا لو مكانج شبنسوي،
اول شي في بداية الزواج محد قال لج عن مرضه وهذا الشي يعتبر غش وهالشي بروحه ممكن يسبب لج تعب نفسي وجسدي
فكيف لما يكون الشي اللي غاشينج به شي كبير ومرض نفسي

في ناس ممكن يتقبلون هالشي ويعيشون معاه ويحتسبون الاجر لان هذا شي ماهو بسهل بس جزاءه عند الله كبير

المهم، انا لو كنت مكانج اول شي بشوف شو هو المرض وطبعا انتي ماقلتي لنا
ففي بعض الامراض ممكن تكون بسيطه وبعض الامراض لها تأثير كبير على الحياة الزوجية وهذا باين من اللي قلتيه
انتي قلتي ان هو طيب وممكن الحين يكون كاسر خاطرج وتحسين انها مو حلوه انج تتركينه وتتخلين عنه وهو مريض وبعدين هو وش ذنبه في هالمرض وبعدين تفكرين يمكن تزيد حالته لانج قلتي انها تزيد اذا حزن

بس قعدي مع نفسج وفكري، شوفي الحال اللي انتي فيها الحين وهالسنة اللي انتي عشتيها معاه وتذكري كل شي صار وشوفي تقدرين تستحملين ضعف اللي صار او عشر اضعافه وانتي قلتي ان سنة وحده وكأنكم من زمااااااااااان متزوجين فكيف بتصير السنة الثانية والثالثة...الخ

بعدين حسبي تأثير الوقت اللي بتعيشينه معاه عليج، لازم نفسيتج بتتعب اكثر وهذا هو الاساس ان تعبت نفسيتج جسمج بيتعب وممكن تتأثرين بأمراض وحتى شكلج بيصير اكبر من سنج بوااايد

وانتي الحين يمكن ماتفكرين بالاولاد بس بعدين بتفكرين بهالشي وهاذي فطرتنا احنا اللي الله خلقنا عليها، فكيف بتكون حياتج معاه اذا كانت بدون اولاد بس انتي وهو وانتي عايشه في قلق وتعب
وكيف بتكون حياتج معاه ومع اولادج وهم يشوفون معاناتكم، لازم بيتأثرون سواء واصلتي معاه او لا

بعدين حطي في بالج ان انتي الضحيه في هالموضوع وانتي ضحية خداع وغش، ومو هو الضحيه لان هو بعد يعتبر مشترك معاهم في اللي صار، اذا كان موافقهم على هالسالفه من البدايه

انتي حطي جميع الاحتمالات والخيارات في بالج ولا تنسين الاستخاره

وانا حطيت نفسي في مكانج والصراحه الموضوع ماهو سهل وصحيح قرار الانفصال ممكن يكون وااايد صعب وممكن احس معاه بتأنيب الضمير بس بعد لازم احط في بالي ان انا مالي ذنب وبعدين الالم اللي بحسه الحين اذا تركته بيكون مؤقت بس شاء الله بيروح مع الوقت
غير الالم اللي بحسه وبعيش معاه كل يوم

والله يكون في عونج واي شي بيصير بيكون في صالحج وفيه الخير لج ان شاء الله

الجوكره;4902204:
حبيبتي والله الموضوع مابينسكت عليه ياانكم تشوفوا طبيب لي ممكن يعالج او تشوفوا الحل المناسب بس انك تظلين ساكته وقاعد مايصير
قعدي معاه واوصلوا لحل مناسب لي بيرضي الطرفين
واهم شي استخري ربنا
والله يعينك

مشكوره لكل من شااركني

وأخص بالشكرلمن قرأت افكاري اختي انا الشوق والله كلماتك تأثرت فيها كأنك ترجمتي ماافكرفيه


وخااصه لمااقلتي اخاف من تأنيب الضمير لمااتركه ويزيد حزنه


واشكرتفاعلكم ياربي لاتحرمكم الاجر


ومرضه عباره عن اضطراب وجداني

تحيتي

انا اقول حرااااااااااااااااام على الاهل اللي يعرفون ان ولدهم مريض ويخفون الامر عى من ؟ على الانسانة اللي بتعيش معاه عمرها والله صارت كثيييييييييير مع بنات حرام انحسب عليهم زواج وتطلقو ا وهم مثل ماهم كنهم ماتزوجو

انا اقوللك حاولي معاه العلاج واذا حاسة انك مو قادرة تستمرين تطلقي وانشالله ربي يعوضك خير

اتمنى لك التوفيق

الله يكون في عونك ويشفيه ان شاء الله...


بصراحة اختي وضعك صعب بس اشوف ان وضع زوجك اصعب..

خصوصا انه مريض مثل ما قلتي هو طيب وهالشي مش بايدو..

انتي وحدك ممكن تقرري حبيبتي..


ادا تحبي زوجك وشايفة انه في يستاهل انك تعيشي معه...فنا لو مكانك ما كنت تركته..

بس لو شايفة ان حياتك معاه مستحيلعه وانه ممكن يسببلك ضرر بهالمرض ..

انسحبي من حياته...

بس قبل حالو شوفو الاطباء يمكن ان شاء الله في حل..

دمتي بود حبيبتي والله يوفقك0...

مرض نفسي خطير يعني ؟ لو خطير لازم يتعالج وانتي شجعيه

اه و الف اه

حبيبتي انا صار معاي مثلك اتزوجت واحد مريض او (ملبوس من 13 سنة) و اهله كلهم يدرون و ما قالولي و لمن اكتشفت قلت ميخالف مع انهم غشوني و خربوا شبابي (عمري كان حزتها 18 ) خليني اصير احسن منهم و اوقف معاه و ظليت واقفة معاه لحد ما قال الشيخ اللي يعالجه انه ماكو حل لان هو ما عنده التزام كامل فضطريت اني اطلب الطلاق و اتطلقت و انا عمري 18 بعد زواج دام 4 شهور بس الحمد الله عوضني بزوج و ابن يسوون الدنيا و اللي فيها

الله يوفقك على الخيار الصحيح

حـرمـه;4901952:
اي عيال ياربي لك الحمد اساسا انا مالي الا سنه وشوي كأننا متزوجين من زماااااااااااااان مسببله ضعف واسااسا لما تزوجت جلست سبع شهور بكر الين تدخل الطب فينا

وتم الامر بس للأن مااحس برضاا تااام

وعنده ضعف شديد في الحيوانات المنويه بسبب المرض النفسي


مشكلتي اني احب طيبته وقلبه بس مع ايماني انها مااتأكل عيش

هو مرضه يعاااوده لمااااااا يتعرض لحزن من اي نوع


مع شكري لكل من رد علي

السلام عليكم

يم يم

جذبني موضوعج لاني اتعامل مع هذي الفئه من الناس


وانا عكس الكل اقولج لا تتركينه ترا المرض النفسي حاله حال اي مرض عضوي وممكن تتحكمين فيه اذا ركزتي على نقاط معينه

يعني ليش الي في زوجها سكري لا فشل كلوي ما تركته

وترا الامراض النفسيه منتشره بشكل ما تتوقعونه

المهم

اولا الضعف الجنسي من مضاعفات الادويه الي ياخذها اذا كانت antipsychotics ممكن نتواصل اذا تحبين مساعدتي