ياالللي تستخدميين كرسي السيارة..سؤال

هلا ام سليمان

سبحان الله انا بعد امس قطعت مشوار ورحت بيبي شوب علشان اشتري كرسي سيارة حق زهاري
والحمدلله شريت بس للحين ما ركبناه
وانا ولدي كمل 4 ودش الخامس اليوم
والكرسي الا حصلته يمكن شفتيه اهو جونيور لونه رصاصي وكان طلب كثير عليه واللي اخذناه كان اخر حبة
وقال لي الموظف يصلح حق سن من 4 شهور الى سنتين ونص

والله يخليلج سليماني

:) كرسي السياره كان من اول اهتماماتي


وانا ماااقدر اتكل على احد هاي طبعي وماشاءالله من لربعين سقت وولدي وره يرقد فيه :)

انزين بس ام احلى حمود ماخبرتيينا كيف اخترتييه واتوفقتي وكيوت مذر الريال هو الللى عطاج اياه مال بيبي شوب ؟؟!!
وبعدين ماخبرتونى ظهرالطفل يكون لكم ؟!!

مشكورين على ردودكم

اختي اخذيها نصيحه مني
انا ياتني هدية كرسي سيارة ييزيه لي سنه و نص و احسه ضيييق احسن شي سيري مذركير و اخذي له كرسي مريح ييزيه لي 4 سنوات ممتاز و افكر اخذه

انا اختي جبيته مع عربايه البيبي من ماماز و باباز

صح بالبدايه كنت اخاف على ظهر بنتي بس سألت الدكتور و قال عادي

و اعتقد انه البيبي من عمره ثلاث شهور و فوق خلاص مكن يقعد فيه

و علشان اكون صادقه ميه في الميه

انا احط بنيت فيه حوالي نص ساعه

و بعدين اشيلها شوي ارضعها و انيمها و ارجعها يعني ما اخليها كثير

أختي

أنا أستخدم كرسي السيارة و أثبته في السيارة من يوم ما ينولد البيبي...

لأنه خطر جدا يقعد على حجري و أنا قاعدة في الأمام...

و لأني أغلب الأحيان أكون سايقة...ما ينفع أترك البيبي دون كرسي

ييجي كرسي السيارة نوعين...نوع صغيرة...مقوس شويه...لحد الطفل ما يوصل 6 شهور أو 8 ممكن يقعد فيه...و غالبا ييجي مع العرباية الخاصة بالطفل

و نوع ثاني ظهره مفرود...و يبدأ الطفل يجلس فيه أول ما يعرف يقعد كويس...و يظل لحد عمر سنتين فيه...

و هذا اللي عملته مع بناتي...

و إن شاء الله تلاقي طلبك...

انا استخدمت كرسي السيارة من كان عمر بنتي 3 ايام يعني من طلعت من المستشفى
لان واااااااايد خطر تشيلين الطفل في حضنج لو يصير شي لا قدر الله
و الكرسي الي شريته يصير من 0 الى 9 اشهر
بس بالبدايه ينحط مقلوب و بعدين الفه و يتعدل لمن يكبر البيبي

و بعدها انشاءالله لمن بنتي تكبر اشتري الكرسي مال 9 اشهر الى 3 سنين

انا مشترية حق ولدي من عمره سنتين كرسي سيارة بس في أنواللبييات أصغر من سنة والله عمرهم سنه وفوق وكرسي ولدي وأقعده عادي وويهه صوبنا بس مال البيبيات الأقل من سنة مادري بس يحبث تخلين أحد يشلنه وأنتي تسوقين لين ما يعرف ييلس بروحه

أستخدمت الكرسي من عمر ولدي 3 شهور، كنت أحطه فيه واسوق كل مكان وأنا مطمئنة،، هو من النوع المقوس، وطبعا كنت أحط به أسفنجة أول الشهور ولح دالشهر التاسع شريت له الكبير من سنة إلى 4 سنوات ولأن ولدي حجمه صغير بعده يقعد فيه وأطلع كل مكان وأنا مرتاحة وهو تعود عليه لأن من يوم كان صغير يجلس به، لكن لو الطفل كبير ماراح يرضى يقعد به....
ألكرسيين اللي شريته من ماركة جونيورز ووايد زينيين....

حبيبتي كرسي السيارة وايد مهم لسلامة الطفل..
ابد لاتفكري تجلسي ولدج قدام صدقيني خطر عليه..

انا كرسي صلوح كان هدية من صاحباتي.. بس الصراحة عملي وحلو
لو تبين بشوف شو ماركته وبخبرك..
اظنها (سيفتي)

موفقة في الاختيار :)

احسن كرسي الي يكون من عمر الشهور الي سنتين او 3 و حتى في منهم يكون لين خمس سنوات

اول شي لانه يوفر عليج انج في كل محله تروحين تشترين كرسي

و ثاني شي ان كرسي الشهور بسسسسرعه يصغر عليهم و اصلا في هذا السن ما يطلعينهم وايد

وعن انه يكون مقابل الخلف ...في منظره يبيعونها تتثبت على الكرسي جدامه و تعكس للمظره السياره و بالتالي تقدرين تشوفينه



هذا الي اقصده انه يكون لفتره عمريه طويله ...يعني مب بس للشهور



و هذي المنظره الي اقصدها ...و في منها تكون بس منظره من غير لعبه ..و هذي احلى لان فيها لعبه بعد

انا استخدم كرسي لمروان من عمره 5 شهووور لاني كنت كل يوم اوديه عند اختي...

تردين كنت احطه فالكرسي الي جدام واجدم الكرسي لين ما يصك بالي جدام فالكرسي يثبت جي وكان مروان بعده ما يتحرك.... وكنت احط فراشي مروان تحته عندي شرات الدووشق احطه فا ما يكون وايد مقوس...

وبعدين يوم كبر غيرت الواجه ارد الكرسي الكبير كله ورااااا وانزله كله وبعدين احط كرسي مروان واثبته بالحزام واربطه هوو بعد بحزام السياره فا يتم ثابت جي واحطله لعبه جدامه اعلقها من فوووق عسب ما يأذيني..



والحين يوم كبر افره ورا هههههههههههه بالكرسي ماله واثبته بالحزام بس الخدامه تكون ويااااه تشووووفه

ماقصرتو يابنات

كنت انا بعد احاتي هالموضوع

انا الصراحه لما كنت في عمان ما كنت استخدم كرسي السياره مع اني شاريه واحد بس ما كنت استخدمه .......بس الصراحه من جيت الى امريكا وانا استخدمه لانه طبعا ممنوع
الحمد لله واجد مرتاحه عيالي يلعبوا يناموا ياكلوا وهم في كراسيهم وطبعا احس بامان
وطبعااا اهم شي ما يلعوزوني :tongue: اذا بغوا ياكلوا

لي فتره وانا افكر في كرسي السيااره

انا عمر خلود 3 شهور واسبوع

اذا حطيته في الكرسي وجلس يبكي شسوي له ؟

وياريت اذا تعرفون كرسي يكفيه فتره اطول على الاقل سنتين

وهوج وانا بعد اليوم رحت مشوار وتعبت
خاصة انه فدوكة نامت علي بالسيلارة ولا هي ارتاحت ولا انا
عشان جذي باشتري كرسي السيارة
وكنت بافتح الموضووع بس انتي فتحتيه
وانا للان ما رحت اشوف بس بارووووووووح
موفقيييييييين

كرسي السيــارة مفيد جداااااااا
اشتريتــه لولــدي وهو عمره الحين 4 أشهر
واسبوع وبصراحـــة مرتاحـــة

حبيبتي كرسي السيارة جدا ممتاز ومريح وبعدين احسن تعودين الطفل من البداية عليه عشان ما يتعبج مستقبلا

انا اشتريت كرسي حق بنتي من سن 0 الى 3 سنوات




انتي تقدرين تتحكمين في وضع البيبي حسب السن وهذا بتغير مكان الحزام