مشروع تأجير باصات - منتديات عروس

ن

نوف الثريا

عروس نشيطة

03-01-2008 | 07:19 AM

السلام عليكم ورحمة الله وبركاته

أخواتي الغاليات

عندي فكرة مشروع وهي أن اشتري باص متوسط الحجم وأأجره على البنات في الجامعة للي بيوتهم بعيده أو مدرسة وأسوي معاهم عقد..بس بالنسبه للبنات سمعت انه ممنوع الا اذا كان عن طريق الجامعة و بالنسبه للمدرسة لازم يكون بيني وبينهم عقد تأجير بس حبيت أنكم تفيدوني فاللي تعرف حد أو تشتغل في مدرسة خاصه في اي إماره وممكن اتعامل معاهم ياليت ماتبخل عليه(سمعت عن شخص متعاقد مع مدرسة بس لانه يعرف صاحب المدرسة) ..وبرأيكم هالمشروع ناجح والا لا ؟ لانه راس مالي هالمبلغ لي ناويه ابدأ به هالمشروع..

r

rosemarry

عروس مشرقة

03-01-2008 | 12:33 PM

حبيبتي مشروعج ناجح بتأكيد
ما اقدر افيدك بالنسبة للعقود مع المدارس الخاصه بس فكرة تأجير الباصات ما تتوقف على المدارس والجامعات عندك رياض الاطفال اكثرهم حاجة ويتراوالي سهل التعامل وياهم وهم تحضين لج اعلان للتوصيل بتلاقين اشكثر اللي يبون توصيل للاشغال وخصوصا النساء
بالتوفيق حبيبتي

ا

انا حلوة

مشرفة سابقة

03-01-2008 | 08:42 PM

السلام عليكم

اتصور لو اعلان في الجريدة او الوسيط عن " تأجير باص " اتوقع باذن الله اصدائه اكبر من المنتديات

لان اصحاب المدارس الخاصة و رياض الاطفال ياخذون خبر من الجرائد في المقام الاول

بالتوفيق

أ

أم يسافي11

عروس جديدة

04-01-2008 | 09:41 PM

مرحبا حبوبه قبل ماتشترين الباص اتصلي المدارس الشركات اتفقي معاهم وشوري ريال في الموضوع تقدرين اشغلينه العصرشفتات

ع

عضوة

05-01-2008 | 12:17 AM

السلام عليكم

والله اختي ما انصحج في هالمشروع بالمره اختي اشترت باص عن طريق سلفيه واجرته على هندي ب2000در هم شهريا واخر شيء قال لها انتي ادفعي البيمه والتجديد يعني ما استفادت اي شيء والباص صار له كم شهر في واقف في البيت من غير الفلوس اللي خسرتها عشان تييب الهندي ومن غير الاعلانات اللي خطتها في الجريده وخسرت عليها وايد

واخر شي قررت تبيعه وخسرت

اذا عندج واسطه وحد بيدخله لج في الوره او في شركه توكلي على الله واذا ما عندج ما انصحج اذا عندج فلوس شغليهن في الاسهم اخير لج