نفسى والله نفسى اتعلم

يا الله يابنات سعدوه الله يسعدكم علشان نستفيد ونفيد

في عدنا وايد خبيرات في المنتدي ان شا الله تتعلمين المكياج وتكونين خبيرة:D

هلا الغاليه أم طيف الحل بسيط جدا ولكن تحتاج القليل من الصبر وفعل البروفه حتى تتقنين العمليه..

والطريقه:
1- وزعي الاساس في الوجه وحتى في منطقة الجفون والحواجب.. حتى تتماسك الشادو عند وضعها..
2- ثم يأتي دور بودره الحره (السائبه) وتوزعين القليل منه على الجفون حتى يكون اللون مطابق للون الوجه..
3- تأتين بشادو ذهبي أو فضي ووزعي على الجفن كااااااااااامل من تحت الحواجب لفوق جفن العين.. وتركزين تحت الحاجبين وكلما تنزلين خفي من اللون حتى عندما توصلين للعين يكون الشادو خفيف بالمره..
4- وبعده تأتين لخط الذي يفصل بين الجفن العلوي والسفلي.. يعني خط الي يفصل المنطقه التي تحت الحواجب ومنطقه فوق العين وتحطين لون بيج فاااااااتح أو وردي فااااااااتح ومن هالخط تنزلين لتحت توزعين اللون بيج أو الوردي..
5- هنيه يأتي الدور الأهم :) تحضرين الشادو الأسود وتنزلين تحت الشادو الوردي يعني وين الخط تحته بقليل وتنزلين تحت وكلما تنزلين اتركزين باللون الاسود بانه يكون أغمق بكثير حتى تصلين للعين وكثري منه..
6- وحطي آيلينر والا الكحل وطولي على الاطراف.. وعقب ييبي الشادو وحطي عليه وحتى تحت العيون حطي شادو وعقب آيلينر والا الكحل..
7- عشان يتركز اللون خلطي الشادو بالماي كم من نقاط عشان يتركز..
8- تيبين الماسكرا وتمشطين الحواجب..
9- آخر شي تيبين البودره الحره (السائبه) وتحطين تحت العين بخفيف عشان الي تبعثر يختفي :)

السلام عليكم يا اختي

اولا ما بقول لج كيفية وضع كريم الاساس لانج اتعرفينه مثل ما قلتي بس خلينى اقولج عن الاسموكي اييز


1- حطي كريم اساس على العين من فوق و تحت ثم ضعي البودرة الحره على الجفن و كثري تحت العين لانج كل اشوي بتمسحينه بالفرشاه

2- ضعي طبقة اي شادو ابيض على شفاف على الجفن كامل

3- ارسمي بالكحل عل طول الجفن محاذاة للرموش
4- خذي اللون الرمادي و ارسمي فيه على الجفن ابتداء من الانف الى الاذن

5- بعدين ضعي الاي شادو الاسود من خارج الحدود للجفن من الخارج اللى الداخل بس للنص و الجفن العلوي بعد من الي النص

و6- ادمجي الالوان مع بعضها

7- ارسمي خط على طول الجفن السفلي بالاي شادو احسن

8- ضعي طبقة من الاي شادو الفضي تحت الحواجب و ادمجيه بالاي الشادو الاسود من اعلى للاسفل

9- حطي الكحل داخل العين من فوق و تحت

10- ضعي الماسكارا على الرموش

11- سوي الحاجب و رتبيه بالمشط

12- لاتنسي ان تزيلي اثار الاي شادو من على الوجه بالفرشاه


اتمنى اني افدتج بالموضوع و اسمحيلي على القصور

الله يسعدكم ويخليكم لى وللمنتدى معليش مارديت عليكم بسرعه لانى اول ماقريت تعليمات سن وايت الله يعافيها على طول قمت احوس بعينى ياريتكم تشوفون الشدو الى سويته ولا اكبر كوافيره تسوى الشدو الى انا سويته;) :o امزح لاكن حسيت انى احسن من اول واشكرك يااخت طموح والله يجزا خير كل الى علمونى وردو على لاكن عندى سؤال لوسمحتو لازم الشدو يكون بودره يعنى لمن اسى بلقلم واوزعه بلاسفنجه الاقى الشدو انطبع فى الجفن ايش اسوى فى هذى الحاله وسلامتكم من كل سؤ

(ياريتكم تشوفون الشدو الى سويته ولا اكبر كوافيره تسوى الشدو الى انا سويته) ههههههههههههه ضحكتيني والله يوم قريت هالكلام دمج خفيف.. شوفي الغاليه مع الاستمرار بتشوفين نفسج أحسن عنهم بكثير :) وخاصه اذا بديتي تستخدمين الالوان الغامجه مع مرور الوقت بتحسين انه شكلج يتغير كثير والله :).. وان شاء الله مع الاستمرار بتشوفين ان هذا الشي عاااااااادي وحتى بتشوفين انج اتخلصين المكياج بسرعه وما بتصدقين كيف تعلمتي بهذي السرعه..:)

وأشكر خواتي طموووح وحوراء ما قصرو افادوج أكثر ما شاء الله عليهم ويستاهلون التقدير :)

وبنسبه لسؤالج حبوبه:
*لازم الشدو يكون بودره يعنى لمن اسوى بلقلم واوزعه بلاسفنجه الاقى الشدو انطبع فى الجفن ايش اسوى فى هذى الحاله!؟
حبوبه :) الشادو يفضل انه يكون بودره لان يتوزع بسرعه واذا استخدمتيه مع الماء يرتكز ويثبت.. ولا يتوزع على الجفن.. وبنسبه للقلم.. هذا يفضل استخدامه ككحل ويفضل استخدامه تحت العين يعني تحت خط العين لتكبير العيون ويثبت اكثر ولا يتوزع.. واذا استخدمتيه فوق العين كشادو هذا غلط لانه كسائل مع فتح واغلاق العين بتشوفينه توزع وانطبع عرفتي.. واذا حبيتي تستخدمينه استخدميه كآيلينر وكحل بسيط فوق العين ولكن لا تستخدمينه كشدو..

وأي سؤال نحن خواتج في المنتدى ما بنقصر وحاضرين :)

مشكورة اختي سنووايت تراج مووووووووووول ما تقصرين ويا حد و الله يعطيج العافية

وانشالله استفدتي يا اختي من الموضوع و صدق مثل ما قالت الاخت سنو وايت بالممارسة بشوفين عمرج متمرسه والمكياج كله ما ياخذ عنج ربع ساعة و بالنسبة للقلم انصحج باستخدام مثل ما قالت الاخت ككحل اي الالوان اتكون يعنى بس مجرد خط من فوق و تحت عشان تثبت الالوان وانصحج باستخدام الاي شادو الجاف مع خلطة بالماء لتثبية واي تامرين عليه بالخدمة انا و خواتج


و تسلمين يا اكبر كوافيره هاهاهاه:D

تسلمولنا على هادي الوصفات لاكن انا اتمنى من اي واحده تقدر

وتكتب طريقة رسم العين با لصور خطوه خطوه.علشان نقدر نتابع معاها

;)