اترك له البيت واطلع....بليز ساعدوني

زوجي اذا تذكرون رسالتي السابقه فيه برود مب طبيعي....صار لي اربع اسنين متزوجته وكل ماله للاسوأ... ما في حوار بينا بالمره واللي باط جبدي ومجنني اني اذا اكلمه كأني اكلم طوفه والله ان ما ايرد علي مع اني قبل ما اتكلم اناديه باسمه واقول له اسمعني لاكن يعد مت اكمل حكيي واقولهها ويش رايك ما يرد الاخ مندمج يا مع التلفزيون او النت واقوله ليش ما تسمعني يضحك ويرد ايكمل والله اربع سنين وكل تاله للاسوأ..خاطري يقعد معاي ينكلم يقول اي شي..مو كفايه من اول ما أخذت حتى كلمه حلوة ما يقول واذا قلت له ايقول ما اعرف...رديت عليه وانا اضحك علشان ما يعصي او ياخذ بخاطرة مني قول لي مثل ما تقول لعيالك رد علي الرد المعتاد ابتسامه يليها السكوت..واللي صار اليوم خلاني خلاص افكر اروح بيت اهلي كم يمكن يعرف قيمتي..
فيه حركه اهو يسويها ووايد تنرفزني..كل ما شفته فاضي قلت افتح معاه حديث يروح ينادي احد من عياله ويلعب معاه مع ان كلامي يكو عادي مب اني اشكيله لا والله كنت اقول له موقف ايضحك صار مع اليهال اليوم فبطيتها بويها وقلت له ليش لما ابدا اكلمك ما تعطيني بال وتبدا تكلم اليهال وتلعب معاهم احس اتكتكرهني وما تبيني اكلم معاك تخيلو ما رد علي وكمل لعبه مع اليهال(ترى عيالي 3شور الثاني 3سنين)قلته شوف انا اكلمك عن اللي يضايقني وانت ترد تسويه قال انا بام تبين شي قلت له عادي عندك تنام وانا زعلانه منك تخيلو اخذ ابني الصغير وراح ينام وخلاني ابكي ولما رد ايجع ابني عندي شافني ابكي وراح يكمل نومته ..قولو لي ايش اسوي..احس نفسي خادمه بالبيت بس اقوم فيه هو وعياله ما احس ابد اني وحدة متزوجة..فقررت اني بكره اروح بيت اهلي على اساس ان اهو شفت ليل علشان ما يحسون يمكن يتأدب ويعاملني كزوجه يعني البيت مو بس اكل وتلفزيون ونومه وبعدها ربعه والدوام طيب ويني انا من جدوله ابيه بس مره لي دخل البيت يسألني عن اخباري ايش سويت بغيابه..
قولو لي خواتي اطلع من البيت مع اي متأكدة بيقول لي انا ما غلطت فيج ومتى ما بترجعين ارجعي
قولو لي ايش اسوي..