سؤال للبحرينيات عن الفاتح في السلمانية

قلب البتول;4890826:
سلامي للجميع

انا حامل ودخلت الشهر التاسع دعواتكم لي بيسر الطلق وحسن خلق الجنين وسلامتة

المهم حولوني المركز الى السلمانية للمتابعة لان عندي نسبة الماي زايدة حول الجنين وقالوا لي روحي الى بناية الفاتح عند الدكتورة امل حساني

وانا الصراحة ولا مرة رحت الفاتح فياريت اذا في وحدة تقول لي وش اسوي اهناك لاني سمعت انها عبارة عن عيادات الى اكثر من دكتورة واكثر من تخصص فشنوا اسوي ياريت اذا في احد يشرح لي شسوي من ادخل الفاتح لين ما اطلع وهل صدق ان الفاتح كلة غصة ولازم اروح من الساعة 6 ولا عادي اروح متأخرة

صباح الخير اختي قلب البتول
ما تشوفين شر خيو وان شاء الله كل شي اوكي خيو ويطلع نسبة الماي زينة ...المهم اذا رحتين الفاتح كوني موجودة على الساعة سبع الا ربع او سبع مو اكثر عشان لا تتاخرين هناك ...واول ما الدشين الفاتح بتشوفين الكونتر اللي هو الاستقبال خلي بطاقة الحوامل حتى لو كان مافي احد هناك ...انزين وبعدين روحي قسم الحوامل وقعدي انتظري هم بنادون عليش بس بيكون بعد الساعة ثمان لانه الدكاترة ما يجون الا متاخرين ...وقبل لا تدخلين هم بينادون حق الوزن والضغط وتحليل السكر بيعطونش ورقة خليها عندش وانتظري لين ما ينادون عليش خيو وان شاء الله نطمن عليش.....

الفاتح موقع يكون مقابل بوابة السلمانية القديمة ومن تدخلين الفاتح روحي على يدج اليمين لان القسم الاخر حق الاذن والحنجرة والعين وووو فأنتي روحي على يدج اليمين ومن توصلين روحي الكونتر عطي الرجال كارتج مال الحمل وانطري على الكراسي وبعدها رح ياخذون عليج مال سكر وبول وضغط ويعطونج ورقة مكتوب بها هالمعلومات اي قبل لا انسى من تجوفين الحمل قاموا اسئلي وين رايحين لان مثلي انا ما كنت اعرف وين رايحين عقب عرفت انهم رايحين الى هالسوالف لان يصير من ورى بس وعقبها تنطرين دورج عند الدكتورة وسلامتج والله يردج بالسلامة

انسة ملعقة

ماء الحب

مشكورين وما قصرتون واللة يسعدكم مثل ما اسعدتوني بردودكم وبسوي مثل ما قلتون واللة المعين يارب

البنات ما قصروا وانشاء الله تولدين بالسلامة وادعي لنا بالذرية الصالحة

ام خماس حبيبتي اللة يرزقك ما تتمنين يا رب

طمنينا عليش خيو وان شاء الله ما تشوفين الا مسرة الخاطر

انسة ملعقة ماقصرت
بس عن الضغط والوزن
مو هم ينادون عليش
لازم اول ماتوصلين اتروحين توقفين على الميزان
وبعدين تقعدين مقابل الي عندهم اجهزة الضغط
وحدة وحدة يجيكون ضغطها
وهي بتسالش جم وزنش وبتكتبه في ورقة صغيرة ياالضغط
وبس
وان شاء الله خير
وطمنينا عليش
والله يساعدش على غفصتهم