صديقتي اكتشفت ان خطوبتها انهاردة....شوفتو النكته

كل سنة و انتم طيبيين و سنة سعيدة علينا يا رب طبعا مكنتش اتمني اني ابتدي السنة الجديدة بمشكلة بس الحمدالله انا و الله ما عارفه افرح و لا ازعل ولا اضحك
صديقتي مختفية بئلها يوميين بكلمها محدش بيرود امبارح و انهاردة مامتها ردت و قالتلي نزلت تشتري حجات :cool::cool::cool::cool: المهم الساعة 11 بليل كلمتني و تخيلو يتئولي ايه!!!!!!!!!!!!!!!! باركيلي قرأنا الفاتحة و لبسنا الدبل هاهاهاههههههههههههههههها لأ و ايه بتئولي دنا معرفتش غير انهاردة.في حد ميعرفش ان خطوبته انهاردة

أحلي حاجة في الموضوع ان دي تاني مرة تعملها في الصيف لاقيتها مرة بتكلمني و بتبكي بكاء هستيري و كنا أيامها بنذاكر عشان البكالريوس و قالتلي ان فلان جه طلب ايدها و حصلت مشكله بين والده و والدها طبعا عرفت انه راحلهم البيت و والده و والدته يمكن أربع أو خمس مرات معرفتش
أنا الا لما حصلت مشاكل و طلبت مني اني أقف جنبها و انا بهبلي كنت زعلانة أوي و بعتلكو في المنتدي عن مشكلتها:D:D:D و جت عندي البيت عشان تذاكر معايا و أيام فظيعة و دلوقتي بتعيدها تاني مرة .انا نفسي أفهم هو لبس الدبل سهل أوي كده و أنا أعمل معاها ايه أنا قلتلها مبروك بس بجد من ساعتها و أنا متنحة مش عارفة افرحلها و لا أزعل ولا اعمل عبيطة و مخدتش بالي .
و بعدين أنا بجد مش فاهمة هي الخطوبة دي سر حربي ده نصيب و بعدين أنا الحمدالله بشهادة الكل جميلة و كانو بيقولو عليه أجمل واحدة في السكشن و لسة 23 سنة و الجواز ده نصيب و ربنا يعلم أنا عمري محسدت حد ولا عمري أعدت أقول دي اتخطبت ولا دي اتجوزت ما ربنا يسهل للجميع.
انا أسفة اني طولت عليكم بس انصحوني