ليتكم تقروني ..وتدعو لي ..والله بحاجة دعواتكم
م
01-01-2008 | 01:40 AM
السلام عليكم ورحمة الله وبركاته
يمكن أكون عضوة يديدة وياكم , لكن اللي شفته شجعني ادخل وافضفض لكم شوي عن مشكلتي
وياليت تقروني وتقترحون علي شنو ممكن أسويه ...
تزوجت من 4 شهور .. كنت فرحانه مثلي مثل غيري بالعرس والزاج والحياة اليديدة
لكن مو كل شيء نتمناه يصير .. من دخلت بيت زوجي وانا مو مرتاحة
طبعا انا عشت وياهم بنفس البيت مع اهله ..
وراح اقولكم ليش ما ارتحت !
اول شيء ماكانوا يحترمون خصوصيتي ..خواته يدخلون يتعطرون ويطلعون من دون استئذان ..
او يعزمون بعض على ثلاجتي وانا قاعدة ولا فيه أي تقدير .. والمصيبة ينسبون كل شيء لأخوهم ,يعني مثل اللي يقولون مالج حق بشيء حتى نهتم ونستأذن منج !
وانا والله والله الحمدلل شايفه خير وماني ضيقة عين على الاكل بالعكس كنت أطلع كل اللي في ثلاجتي واحطه جدامهم ..لأن ماحب آكل بروحي ...
خاصة ان زوجي دوامي من الصبح لي بالليل .. وانا بروحي وياهم ..حاولت كثير أكسبهم لكن الخباثة بدمهم
وراح أكملكم شنو مقصدي ..
زوجي يمووووت بخواته ,,وادري انه شيء حلو ..لكن حب زوجي لخواته هو سبب دمار حياتي
وراح اختصر التفاصيل ...
اول ليلة عرسي ..ما وصاني على امه ..قالي بالحرف : تبين تكسبيني اكسبي خواتي ..
يمكن استغربت ليش ما قال اكسبي امي !!! ..بس قلت له ان شاء الله ,وانا ماكنت ناوية اصلا أعادي أحد ...
شوي شوي ..بدت تتضح الصورة عندي ,, يطلع الصبح ويرجع بالليل ..ركضة يقعد عند خواته حتى ما يجي مشتاق لي ..
ولي دخل عندي وسولفت وياه .. ألقى ثاني يوم سوالفي كلها حتى اللي أقولها بضحك خواته وامه عندهم علم فيها !!!!!! , يعني يسولف لهم كل شيء يدور بينا , ووين نطلع , وشنو اطلبه , وشنو أصرف ,
والله يا بنات ما كذبت عليكم ..أنه يحرشونه عليّ..
اشتريت بدلة لعرس اختي وسألأوني عنها قلت لهم سعرها ..
ومن يومها صرت كل ما اطلبه فلوس ..يقولي ماعندي دبري عمرج !!!
ولا تقولون شلون عرفتي .... اقروا للآخر وانتوا تعرفون شلون عرفت انهم يحرشونه !
غير جذي .. حتى زيارتي لأهلي يمنعني ..
مرة كنت أتوحم وكرهت داري صرت ماحب أدخلها وان دخلت رجعت كل اللي ببطني - وانتوا بكرامه-
اتصلت فيه وانا ابجي .. قالي مسفة الطريق وانا عندج ...كنت أزهب نفسي وانطره ,شافتني اخته وراحت علمت امها ..وانا ادري انهم دقوا عليه ,لأنها تمت تقولي اختي فلانه نفسج جذي بس زوجها ما يرضى تقعد عندنا !! , المهم نطرته وما جاني ..دقيت عليه ..كلمني بعصبية وقالي راجع للشغل وماكو روحه ..كل الحريم يتوحمون ..وهذي اختي ما تجينا ..وسكر التلفون بوجهي !!
اللي يخليني اعرف انه يردد كلامهم بالحرف عندي ...
والله لما يكون عندي يقولي كلمة ...وبس يطلع عندهم ..يرجع لي بكلمة ثانية غير !
ولي سألته شنو يغير رايك ..يتنرفز ويطلع معصب ومايرد عليّ !!
تدرون ؟ والله حتى العيد ماعطاني له شيء ..بعت موبايلي واشتريت لي شيء بس حتى ما اتفشل جدام الناس وماكنت أبي أحد يدري !
وهو ولا هامه ..وتحملت وصبرت خاصة اني حامل بالشهر الثالث الحين ..
لكن ..لا حول ولا قوة الا بالله ..
آخر مره طلبته فلوس كنت محتاجتهم للصالون ..عصب علي وقالي مالي شغل فيج ..دبري نفسج
قلت له حرام عليك انا من تزوجت وانا اهلي يصرفون علي .. وكان رده هو نفسه مالي شغل !!
قلت له : ترى مافيه رجال يرضاها ...
راح قايل لأهله تقولي انا مو رجال !! ... وفيه فرق بين كلمتي وكلمته ..
كنت بس بأقوله وانبهه وأصحيه عن كلام خواته وامه ..
بس ماكو فايده ..وكل شيء طبعا يقولهم عليه ..والعن من جذي ..يزود فيه
حتى العيد راحوا خواته معاي طلعنا .. وانا والله ماكلمته عن روحتهم ويانا ولا قلت له لا يطلعون !
رايح قالهم ماتبيكم تطلعون معاي !! .
هذا كله عرفته لما جتني امه واخته .. والمصيبة انها طيحت حظة جدامي
لأن كل شيء اهي عندها علم فيه ... وكانت تهدد راح ازوجه من باجر ومن الكلام هذا
لدرجة لما قلت لها مايصرف عليّ ..قالت عادي مافيها شيء أهلج يصرفون عليج !!!!
ونفس الكلام اللي كان يقوله لي ..قالته , وغير جذي سوالفي كلها عندهم بالتفاااااصيل
صدقوني بنات كرهته كثييييييييير واحسه طاح من عيني
ومو قادرة حتى اسمع طاريه ...
واهو طبعا ما تنازل وجاني , ولا هم من بعد ذيك المره اللي هددوني فيها ..
وانا الحين موقفة ..ولي قلت لأمي تجيب اغراضي من هناك ..تقولي اصبري !!
ازين اصبر على شنو ؟ ان كنت كارهه ارجع هناك ..وكارهه اعيش وياه من يديد ؟؟
شلون اعيش مع انسان ماقدر اقول جدامه كلمه لو بضحك إلا وثاني يوم عند اهله علم فيها ؟!
شلون اعيش مع انسان قال عني كلام انا ماقلته !
والمصيبة واللي كاسر ظهري هو اللي ببطني
ومو عارفه ارسي على بر ..
آنا عني مابيه , لكن مافيني حمل محاكم ومشاكل خاصة انهم ناس متعودة ع المحاكم
واهلي مو وجه بهدله أحطهم بنص مشاكلي واجرجرهم معاي بالمحاكم !!
ادري طولت ..لكن والله بس بسولف واطلع اللي بقلبي ,بس بأرتاح شوي
ولو مابيدكم حلول لي ,ادعو الله يخلصني منه ويطلقني هو من عنده ..ويريحني ..
ادعولي اتخلص منه ..
ر
01-01-2008 | 01:50 AM
اختي الله يعينج يارب
ولا تنسين ان الله يختبرج على صبرج
المهم
لازم الحين احد من اهلج مثلا ابوج او عمج او اخوك الكبير يقعد مع زوجج لوحدهم
ويكلمة عن كل شي الخصوصيات المصروف وكلللشي
ويفتح صفحه جديده معاج ،،
ترى زووجج من النوع اللي خواته وامه اهم اللي يشوشونة وعلى فكرة الريال لان ماعنده خبرة وهذي حياه جديده
وكل ريال يختلف عن الثاني طبعا
لان من كلامج ان يوم كنتي تتوحمين كان بيييج ركيض بس خواته شوشو ورجع في كلامة
ويارب يسر لج كل امورج يارب
ولا تنسين ان الله يختبرج على صبرج
المهم
لازم الحين احد من اهلج مثلا ابوج او عمج او اخوك الكبير يقعد مع زوجج لوحدهم
ويكلمة عن كل شي الخصوصيات المصروف وكلللشي
ويفتح صفحه جديده معاج ،،
ترى زووجج من النوع اللي خواته وامه اهم اللي يشوشونة وعلى فكرة الريال لان ماعنده خبرة وهذي حياه جديده
وكل ريال يختلف عن الثاني طبعا
لان من كلامج ان يوم كنتي تتوحمين كان بيييج ركيض بس خواته شوشو ورجع في كلامة
ويارب يسر لج كل امورج يارب
ا
01-01-2008 | 02:01 AM
الله يكون بعونك اختي ..
بصراحه مالك الا الصبر وتحاولي قد ماتقدري ماتتنرفزي ولا شي لان اخواته مسيطيرين عليه تماما واي تصرف مابيكون في صالحك..
من رايي اخذي لك فترة نقاهه لاتكلمية ابد ..وشوفي يايرجع ويراضيك ولا حاولي تغيرين سكنك عنهم ..
ولاتنسي الدعاء والاستغفار..
امنيه
بصراحه مالك الا الصبر وتحاولي قد ماتقدري ماتتنرفزي ولا شي لان اخواته مسيطيرين عليه تماما واي تصرف مابيكون في صالحك..
من رايي اخذي لك فترة نقاهه لاتكلمية ابد ..وشوفي يايرجع ويراضيك ولا حاولي تغيرين سكنك عنهم ..
ولاتنسي الدعاء والاستغفار..
امنيه
د
01-01-2008 | 02:01 AM
حبيبتي عورتي قلبي والله
ماتستاهلين اللي يصيرلج والله
ريلج الصراحه ماعرف شو اقول عنه بس صدق مايخاف الله فيج ولا في اللي في بطنج
عنبوه لي جيه
والله ماعرف شو اقولج بس مابيدي غير الدعاء الله يعيييييييييييييينج ويصبرج
ماتستاهلين اللي يصيرلج والله
ريلج الصراحه ماعرف شو اقول عنه بس صدق مايخاف الله فيج ولا في اللي في بطنج
عنبوه لي جيه
والله ماعرف شو اقولج بس مابيدي غير الدعاء الله يعيييييييييييييينج ويصبرج
م
01-01-2008 | 02:13 AM
هلا خواتي
وماقصرتوا عسى ربي يهنيكم يارب ولا تشوفون اللي شفته ...
زوجي من يوم جيت بيت اهلي واهو ماسأل عني ..
ودز اخته وامه ..يهددوني ويتوعدون انهم يزوجونه ..
غير جذي اهم مسيطرين عليه بشكل مو طبيعي ..
لدرجة انه ما يغلطهم في شيء, وعنده كلامهم اهو الصح وبسسسسس ..
ونسيت اقول انه كان متزوج من قبل .. وزوجته الاولى ماقعدت شهر واحد ..وكان لها بيت بروحها !
يعني انا الزوجه الثانية بالنسبة له ..عنده خبرة لكن ماعنده شخصية وراي جدام خواته
قويات كثييير ..والوحده منهم تاكل اللي جدامها بلسانها !!
والله ولا بالغت ..انهم خبيييثات كثييير ..عشان جذي لعانتهم ماتنكشف بسرعه وطبعا النوعية هذي تمشي الاخوان والابو بعد على كيفها .. كأنهم مغيبين ...!!
عقب اللي صار صعب علي ارجع , غير انه اصلا ما سأل ولا حاول حتى يكلمني ..
وهو يدري بتعب الوحام اللي فيني ..
وكل ما قلت لأمي بأجيب اغراضي قالت صبري شوي ,, وانا عارفه انهم ماراح يخلونه يجيني
آنا كل اللي ابيه الآن انه يطلقني ويفكني منه ومن اهله
تدرون
عقب ما جتني اخته وامه وفضحوه جدامي وطيحوا حظه وامسحوا حتى رجولته
طرشت قلت له : ماخليت شيء للحريم ..آنا الحرمه ماقلت لأهي عن شيء بينا ..
طابت النفس منك .. وماقول إلا خسارة بس
ولا رد ليّ حتى .. مادري مستحي من نفسه ,او ان قال لخواته ع المسج وقالوله لا ترد !!
المهم ان لا حس ولا خبر منه
وانا اصلا مابيه , لكن خايفة من المشاكل اللي تنطرني بكره ..وخايفة توصل للمحاكم وانا مو حملها !!
والله والله ..ان اول مابدت المشكلة اهلي كانوا يلوموني ع كل شيء ..لأني كتومه كثير وخشيت بقلبي كل شيء صار لي وياهم ... ولما قلت لهم انصدموا ..ولاموني اني ماقلت لهم من الأول
كنت أبي أغير منه شوي يعني من دون ما ادخل احد ,,, لقيته هو مو مقصر يسولف لهم عن كل شيء !!!
كأن الأدوار انقلبت بيني وبينه ... وهذا اللي قاهرني !
رجال يسولف عن زوجته لأهله وبعض اللي يقوله كذب ومبالغة .. شأنطر منه بعدين ؟؟
رجال مايبي يصرف علي , ويمشي ورا كلمة خواته وامه بكل شيء ... , شأنطر منه بعدين ؟
رجال كل شوي بكلمة , حتى اخته قالتها بلسانها : فلان كلمة توديه وكلمة تجيبه
ولولا انها ببيتنا ..كنت قلت لها هالكلمة اللي توديه وتجيبه منكم مو من أحد ثاني
بس قلت مابي اكبر الموضوع اكثر واكثر ...
قولولي .. بس ..
العمر نعيشه مره وحده .. واللي امر فيه مو ظروف وتعدي عشان اصبر واتحمل متى تخلص
هذي طبايع فيهم وعمرها ما تتغير او تتبدل ...
وماني عارفة شنو الحل !
ا
01-01-2008 | 02:13 AM
اختي الغاليه
ما انصحج بالطلاااق
احس ان زوجك يحبك ويحب اهله وااايد
يعني هو حياااته كانت ويا امه واخواااته وطنشي على الاشياء الشينه الي يسووونها اصبري واكسبيهم وحبيبيهم فيش
اقولج ما في احد حصل مثل ما حصلت اختي من بيت عمهااا
باقول لج بعض من المواقف الي صارت اليها وانتي احكمي
قبل الخطوبه لما راحت اختي تشرى اغراض وثياب طقم اليهاااا راحت وياهه اخت خطيبها واشترت مثل ما اختي تشتري من اغراض ومن فلوس خطيبهااا تصوري (( مع انها هي العرووووس ))
وكانوا ما يكلمونها الا لما يبغون شي من عند اختي
واختي كانت بتسافر ولا احد جى يسلم عليها بس اختي راحت اليهم في نفس اليوم علشان تسلم عليهم ومع هذا ما سلمو عليها تصوري تمد ايدها اليهم وهم حاقرينهااا ما ركبت الطائره والا ودمعتها على خدهاااااااااااا :mad::mad:
ويش اقول ويش اخلي
احس ان اخوات ريلج اشوا بوووواااااااااااايد منهم (( الله يسامحهم ))
مثل ما قلت لج حاولي تكسبينهم ولا تهدمي بيتج وخصوصا ان توش متزوجه ولازم اول سنه زواج يكون فيها مشاكل لان بعدكم ما تتعودون على بعض وعلى طبايع بعض
ما انصحج بالطلاااق
احس ان زوجك يحبك ويحب اهله وااايد
يعني هو حياااته كانت ويا امه واخواااته وطنشي على الاشياء الشينه الي يسووونها اصبري واكسبيهم وحبيبيهم فيش
اقولج ما في احد حصل مثل ما حصلت اختي من بيت عمهااا
باقول لج بعض من المواقف الي صارت اليها وانتي احكمي
قبل الخطوبه لما راحت اختي تشرى اغراض وثياب طقم اليهاااا راحت وياهه اخت خطيبها واشترت مثل ما اختي تشتري من اغراض ومن فلوس خطيبهااا تصوري (( مع انها هي العرووووس ))
وكانوا ما يكلمونها الا لما يبغون شي من عند اختي
واختي كانت بتسافر ولا احد جى يسلم عليها بس اختي راحت اليهم في نفس اليوم علشان تسلم عليهم ومع هذا ما سلمو عليها تصوري تمد ايدها اليهم وهم حاقرينهااا ما ركبت الطائره والا ودمعتها على خدهاااااااااااا :mad::mad:
ويش اقول ويش اخلي
احس ان اخوات ريلج اشوا بوووواااااااااااايد منهم (( الله يسامحهم ))
مثل ما قلت لج حاولي تكسبينهم ولا تهدمي بيتج وخصوصا ان توش متزوجه ولازم اول سنه زواج يكون فيها مشاكل لان بعدكم ما تتعودون على بعض وعلى طبايع بعض
ا
01-01-2008 | 08:45 AM
اصبري وعاقبة الصبر الجميل جميله
اخواته مصيرهم الزواج
والله حينتصر لك منهم اصبري ترى الدنيا دوارة
وخليك طيبة وادعي ربك انه يحببه فيك ويسخره لك ويجعل كلمتك العليا عليه
ترى الدعوة الاخيرة لها عجب عجااااااااااب
الله ييسر امرك
اخواته مصيرهم الزواج
والله حينتصر لك منهم اصبري ترى الدنيا دوارة
وخليك طيبة وادعي ربك انه يحببه فيك ويسخره لك ويجعل كلمتك العليا عليه
ترى الدعوة الاخيرة لها عجب عجااااااااااب
الله ييسر امرك
م
01-01-2008 | 09:11 AM
انــا مــع كلام اختــي اسيل
والله يفرجهــا عليــج ويشــرح صدرج ياارب
والله يفرجهــا عليــج ويشــرح صدرج ياارب
ا
01-01-2008 | 11:14 AM
اسيل 2;4887173:
اصبري وعاقبة الصبر الجميل جميله
اخواته مصيرهم الزواج
والله حينتصر لك منهم اصبري ترى الدنيا دوارة
وخليك طيبة وادعي ربك انه يحببه فيك ويسخره لك ويجعل كلمتك العليا عليه
ترى الدعوة الاخيرة لها عجب عجااااااااااب
الله ييسر امرك
أنا مع أسيل
خاصة انه ابو عيالك
وعندنا البنت مب لاقيه ريال عدل اشلون ام عيال
الخليج صار كله هم وغم وتفكك أسري ومناكر وقطيعة رحم
ماادري ليش:ss:
الله يكفينا الشر
ا
01-01-2008 | 12:04 PM
الله يعينك ويصبرك عليه ياختي ممكن كل اللي تمرين فيه اختبار من ربي او مصيبه تؤجرين عليها وصععب اذا الرجال تزوج وللحين يسمع كلام اهله هنا سبب كل المشاكل اقعدي معاه وفهميه انك مابينك وبين خواته شي بس لازم تكون لك خصوصيه اذا مافهم خلي واحد من اهلك يتفاهم معاه ابوك او اخوك على كل شي لان الحياه ماتستمر بهالطريقه او اطلبي سكن خاص فيك والله يعنيك
أ
01-01-2008 | 02:33 PM
الله يعينج ويصبرج اختي انا ما انصحج بطلاق كثري من الدعاء وصبري
ا
01-01-2008 | 03:54 PM
نفس مشكلة زوجة ولد عمتي
ولد عمتي من النوع لي كل كبيرة وصغيرة يقولها لامه واخته وحتى لما يكون مع زوجة بغرفة النوم ..... ثاني يوم يقول لامه كل شي
البنت بعد راحت لبيت امها وهي حامل ولا ساله عنها ولا عبرها لا عرف اذا هي محتاجة شي او لا وعمتي لما نكلمها ونقول لها انه تعقل ولدها وحرمته حامل وتنتظر بيبي تقول لا والله انا حالفه على وليدي مايروح هي سوت وسوت وسوت ونلاقي كل لي تقول بس خرابيط ماقدر ولا واحد من العيلة لا كبير او صغير يقنع امه مو الولد لانه الولد ما بايده شي قدام امه واخته وهو كثير متعلق فيهم مادري ليش مع انه هو رجال وعاقل مو توه صغير او مراهق بس الشكوه لله
والله حتى يوم ولدت قبل ايام ماراح ، اتصل بيه ابوها وقاله انه زوجته بتولد ولا احد راح لها ولا سالوا عنها ويوم السبوع اهلها هي سووه وهم ولا هنا كانه الولد لي انولد مو ولدهم والناس لي تعرف هذه السالفه تروح عنده وتقوله عيب وهذا الشي مالازم يصير بس لا حياة لمن تنادي
انا قلتلك عن هذه الواقعة ولي انا شفتها بنفسي ماادري الرجال ماعندهم عقل يميزون او شنو سالفتهم ماادري وبعد امهاتهم واخوانهم مايعرفون انه هذا الشي لي بيسووه غلط ولا ما يهمهم مع انه عمتي الصلاة بوقتها والقران وعمرة كل سنة وحج كل سنة بس هي تكوينها كده وتشوف لي تسويه صح وهم الغلط
حبيبتي نرجع لمشكلتك انتي اقعدي لحين بيبت اهلك كمرحلة نقاهة وارتاحي وبعدين اذا مر الوقت ولاحس ولاخبر ديك الساعة خلي ابوك او واحد من اخوانك يكلموه ويشوفوا هو على ايش ناوي واذا كان صج يحبك وبس امه واخواته لي مسيطرين عليه اقترحي عليه انه تسكنوا بيبت ولو حتى صغير لحالكم والله ييسر امرك
وبعدين ابي اعاتبك على ايش ولو انه ماراح يفيد بشي انتم طالما تعرفوا انه كان متزوج وزوجته الاولى ماقعدت معاه ولو شهر كنتي سالتي ولو حتى من بعيد ليش ،بس خلاص قدر الله وماشاء فعل
الله يوفقك ابقي طمنينا عليك
ولد عمتي من النوع لي كل كبيرة وصغيرة يقولها لامه واخته وحتى لما يكون مع زوجة بغرفة النوم ..... ثاني يوم يقول لامه كل شي
البنت بعد راحت لبيت امها وهي حامل ولا ساله عنها ولا عبرها لا عرف اذا هي محتاجة شي او لا وعمتي لما نكلمها ونقول لها انه تعقل ولدها وحرمته حامل وتنتظر بيبي تقول لا والله انا حالفه على وليدي مايروح هي سوت وسوت وسوت ونلاقي كل لي تقول بس خرابيط ماقدر ولا واحد من العيلة لا كبير او صغير يقنع امه مو الولد لانه الولد ما بايده شي قدام امه واخته وهو كثير متعلق فيهم مادري ليش مع انه هو رجال وعاقل مو توه صغير او مراهق بس الشكوه لله
والله حتى يوم ولدت قبل ايام ماراح ، اتصل بيه ابوها وقاله انه زوجته بتولد ولا احد راح لها ولا سالوا عنها ويوم السبوع اهلها هي سووه وهم ولا هنا كانه الولد لي انولد مو ولدهم والناس لي تعرف هذه السالفه تروح عنده وتقوله عيب وهذا الشي مالازم يصير بس لا حياة لمن تنادي
انا قلتلك عن هذه الواقعة ولي انا شفتها بنفسي ماادري الرجال ماعندهم عقل يميزون او شنو سالفتهم ماادري وبعد امهاتهم واخوانهم مايعرفون انه هذا الشي لي بيسووه غلط ولا ما يهمهم مع انه عمتي الصلاة بوقتها والقران وعمرة كل سنة وحج كل سنة بس هي تكوينها كده وتشوف لي تسويه صح وهم الغلط
حبيبتي نرجع لمشكلتك انتي اقعدي لحين بيبت اهلك كمرحلة نقاهة وارتاحي وبعدين اذا مر الوقت ولاحس ولاخبر ديك الساعة خلي ابوك او واحد من اخوانك يكلموه ويشوفوا هو على ايش ناوي واذا كان صج يحبك وبس امه واخواته لي مسيطرين عليه اقترحي عليه انه تسكنوا بيبت ولو حتى صغير لحالكم والله ييسر امرك
وبعدين ابي اعاتبك على ايش ولو انه ماراح يفيد بشي انتم طالما تعرفوا انه كان متزوج وزوجته الاولى ماقعدت معاه ولو شهر كنتي سالتي ولو حتى من بعيد ليش ،بس خلاص قدر الله وماشاء فعل
الله يوفقك ابقي طمنينا عليك
م
01-01-2008 | 08:15 PM
الله يكون بعونج
بس اختي انا اعرف سبب هالمشاكل ان خواته مب متزوجات يعني فاضيات للمشاكل
اختي تمر بنفس المشاكل
بس رجلها يعرف خبث خواته
والشي الثاني خليه يطلع لج بيت بروحج احسن لج من انج تعيشين معاهم
اقطعيه عن خواته
انا من رايي تصبرين اشوي
لاتستعجلين على الطلاق
يمكن قلبه لان
حزتها اطلبي منه يطلعج بشقه بروحج
صراحه مع احترامي
رجلج ورى هله الله لايلانا والله يهديه
والله يعينج ياربي
بس اختي انا اعرف سبب هالمشاكل ان خواته مب متزوجات يعني فاضيات للمشاكل
اختي تمر بنفس المشاكل
بس رجلها يعرف خبث خواته
والشي الثاني خليه يطلع لج بيت بروحج احسن لج من انج تعيشين معاهم
اقطعيه عن خواته
انا من رايي تصبرين اشوي
لاتستعجلين على الطلاق
يمكن قلبه لان
حزتها اطلبي منه يطلعج بشقه بروحج
صراحه مع احترامي
رجلج ورى هله الله لايلانا والله يهديه
والله يعينج ياربي
y
01-01-2008 | 08:38 PM
مش عارفة شو احكيلك اختي الغالية
بس مالي الا انصحك بالصلاة في الثلث الاخير من الليل
و الدعاء ليل نهار
مايسكت لسانك عن الدعاء
صدقيني اختي انا مرة وقعت في مصيبة وقلت ما رح تنحل
بس هيك بقيت يمكن شهر ما خلي وقت اعرف انه الدعاء مستحب فيه الا و دعيت
والحمدلله الله فرج كربتي و اذا بدك الصراحة لليوم مابعرف كيف
بس الحمدلله
الله يفرج همك و يهدي زوجك
بس مالي الا انصحك بالصلاة في الثلث الاخير من الليل
و الدعاء ليل نهار
مايسكت لسانك عن الدعاء
صدقيني اختي انا مرة وقعت في مصيبة وقلت ما رح تنحل
بس هيك بقيت يمكن شهر ما خلي وقت اعرف انه الدعاء مستحب فيه الا و دعيت
والحمدلله الله فرج كربتي و اذا بدك الصراحة لليوم مابعرف كيف
بس الحمدلله
الله يفرج همك و يهدي زوجك
ل
01-01-2008 | 08:59 PM
والله مدري شقولك يااختي بصراحه وضع لا تحسدين عليه الله يعينك ويصبرك ويفرج همك ..
بس ماانصحك باطلاق انتي توك في بداية زواجك وطبيعي هالمرحله يكون فيها مشاكل كثير وغير كذا بينكم طفل حرام ينحرم من احد والديه والسبب ناس مادري شقول فيهم الله يهديهم بس
علييييك بالصبر والدعاء والاستغفار ...
بالنسبة لخواته وحاولي تكسبينه قد ماتقدرين ومهما يعاملونك بسيئه بادليهم باحسان (( ادفع بالتي هي احسن فاذا الذي بينك وبينه عداوه كنه ولي حميم))
وشوفي انتي اذا قادره تجلسين مع اعقل خواته وتتكلمين معها وعن الي قاعدين يسونه وياك باسلوب لطيف يمكن ربي يحنن قلبها عليك ويغيرون معاملتهم وياك..
والله يفرج همك ويعينك ويختارلك الصالح
ويسخره لك ويسخر اهله لك ويسخرك لهم ..
بس ماانصحك باطلاق انتي توك في بداية زواجك وطبيعي هالمرحله يكون فيها مشاكل كثير وغير كذا بينكم طفل حرام ينحرم من احد والديه والسبب ناس مادري شقول فيهم الله يهديهم بس
علييييك بالصبر والدعاء والاستغفار ...
بالنسبة لخواته وحاولي تكسبينه قد ماتقدرين ومهما يعاملونك بسيئه بادليهم باحسان (( ادفع بالتي هي احسن فاذا الذي بينك وبينه عداوه كنه ولي حميم))
وشوفي انتي اذا قادره تجلسين مع اعقل خواته وتتكلمين معها وعن الي قاعدين يسونه وياك باسلوب لطيف يمكن ربي يحنن قلبها عليك ويغيرون معاملتهم وياك..
والله يفرج همك ويعينك ويختارلك الصالح
ويسخره لك ويسخر اهله لك ويسخرك لهم ..
s
01-01-2008 | 09:33 PM
الله يصبرج ويصلح لج زوجج
فعلا عزيزتي عليج بالدعاء
ولا تتسرعين بالطلاق
زوجج فيه اشارات خير
جربي تعرضين حالتكم على مركز استشارات عائلية
الحين موجودين بكل بلد اعتقد
قعدوا تكلموا عن كل شي انتوا كارهينه في علاقتكم بصراحه
شوفي اذا كانت عنده نية الاصلاح..هو بعد بيصير اب
حاولوا تعالجون الوضع..عطيه فرصه..السنوات الاولى دايما صعبه
واعتقد بتكون الاوضاع افضل لو كنتي في شقه او بيت بروحج
او اذا وعدج يحط حدود بينج و بين اهله وحافظ على وعده
الله يقدم لج اللي فيه الخير عزيزتي
فعلا عزيزتي عليج بالدعاء
ولا تتسرعين بالطلاق
زوجج فيه اشارات خير
جربي تعرضين حالتكم على مركز استشارات عائلية
الحين موجودين بكل بلد اعتقد
قعدوا تكلموا عن كل شي انتوا كارهينه في علاقتكم بصراحه
شوفي اذا كانت عنده نية الاصلاح..هو بعد بيصير اب
حاولوا تعالجون الوضع..عطيه فرصه..السنوات الاولى دايما صعبه
واعتقد بتكون الاوضاع افضل لو كنتي في شقه او بيت بروحج
او اذا وعدج يحط حدود بينج و بين اهله وحافظ على وعده
الله يقدم لج اللي فيه الخير عزيزتي
م
01-01-2008 | 09:39 PM
الله يفرج همك اختي وييسر امرك
و
01-01-2008 | 09:51 PM
حبيــبتي .. أنا ما عندي خبــرة..
بس مــالي غير أدعــي لكـ ..
الله يعينكـ .. ويسخر زوجكـ لكـ ..
في بداية الزواج لازم تصير مثل هذي المشـــاكل ..وبإذن الله راح يتغير زوجج ان شاء الله بس يبي لها صبر وسياسة ..
دعواتي لكـ من كل قلبــي ..:)..
بس مــالي غير أدعــي لكـ ..
الله يعينكـ .. ويسخر زوجكـ لكـ ..
في بداية الزواج لازم تصير مثل هذي المشـــاكل ..وبإذن الله راح يتغير زوجج ان شاء الله بس يبي لها صبر وسياسة ..
دعواتي لكـ من كل قلبــي ..:)..
s
01-01-2008 | 10:05 PM
والله الطلاق انسب حل مع هالاشكال سبحان الله اخوات الزوج الله لايبلانا حسد وغيرة لو حلال يزوجون اخوهم مايقصرون بس اخوهم انسان فاشل الله لايبلانا انتي حامل بواحد احسن مايكونون اربع او خمس مراح يتغير ابدا
ب
01-01-2008 | 10:25 PM
[GLINT]مسافرة بلا هوية[/GLINT]
أنا من رايي تصبرين لأني احس انه ريلج يحبج بس خواته مخربين عليكم،، وبعدين لا تنسين اللي ف بطنج شو مصيره،، وشو ذنبه اذا صار بينكم طلاق،، حاولي تتفاهمين ويا ريلج بروحكم،، وقولي له عن حياتكم وهذي اسرار لازم ما تطلع برا،، وذكريه بزواجه الاولي،، يعني مب كل مرة يتزوج ويطلق،، ماصار زواج هذا،، لعب،، الله يعينج ويصبرج،،، الصبر مفتاح الفرج
وبعدين مثل ما قالت اسيل،، خواته اكيد بيي يوم وبيتزوجن،، يعني ان شالله عقب صبرج هذا الله بيوفقج وبيسعدج،،،
ولا تنسين الصلاة اخر الليل والدعاء بخشوع،، قيام الليل وايد الدعاء فيه مستجاب،، ادعي ربج ليل نهار انه الله يرجع لج زوجج،، ويهديه،، ويحنن قلبه عليج،، وادعي بعد انه الله يسعدكم انتوا الاثنين،، واكثري من الاستغفار،، والله ما بتندمين،، والله ما راح يخيب رجائج فيه،،
الله يوفقج ان شالله
أنا من رايي تصبرين لأني احس انه ريلج يحبج بس خواته مخربين عليكم،، وبعدين لا تنسين اللي ف بطنج شو مصيره،، وشو ذنبه اذا صار بينكم طلاق،، حاولي تتفاهمين ويا ريلج بروحكم،، وقولي له عن حياتكم وهذي اسرار لازم ما تطلع برا،، وذكريه بزواجه الاولي،، يعني مب كل مرة يتزوج ويطلق،، ماصار زواج هذا،، لعب،، الله يعينج ويصبرج،،، الصبر مفتاح الفرج
وبعدين مثل ما قالت اسيل،، خواته اكيد بيي يوم وبيتزوجن،، يعني ان شالله عقب صبرج هذا الله بيوفقج وبيسعدج،،،
ولا تنسين الصلاة اخر الليل والدعاء بخشوع،، قيام الليل وايد الدعاء فيه مستجاب،، ادعي ربج ليل نهار انه الله يرجع لج زوجج،، ويهديه،، ويحنن قلبه عليج،، وادعي بعد انه الله يسعدكم انتوا الاثنين،، واكثري من الاستغفار،، والله ما بتندمين،، والله ما راح يخيب رجائج فيه،،
الله يوفقج ان شالله