الحجاااااااااب

هلا أختي


حلوو انج تفكرين ان تنصحينهاا

بس في البداية لاازم ان تكونين انتي محجبة وملتزمة
ولازم يكون عندج ايماان قووي وخوفج على دينج واهميته لج

انصحيهااا بأسلوب جميل وتحملي تجبرينهاا وادعيلها بظهر الغيب أن الله يهدي عليها وتتحجب
ولا تيأسين ابداً اصبري عليها

اهديها شريط اسلامي يتكلم عن الحجاب وقرآن وكتيبات وقولي لها احبج فالله

وصدقيني اذا كنتي تبغينها تتحجب وسعيتي لها ربي بييسر لج امورج

وطريق الدعوة طوويل وشاق بس رب العالمين ييسر لنا ويوفقنا

واسأل الله أن يهدييينا أجمعين ويوفقنا للخير

ياهلا فيك اختي ..جزاك الله خير

اتمنى اقدر اساعدك ..وأسال الله ان يوفقك ..

ممكن تاخذين مقتطفات من المواضيع وترتبينه على شكل رساله ..

تفضلي ..

رسالة إلى امرأة متبرجة

نصيحة لمتهاونة بالحجاب

رسالة إلى .. عابرة سبيل


http://go.3roos.com/duGQY0XPPgo

شريط حجابي عزتي عبدالله الحويل

للامانه ما سمعته لكن قريت موضوع فيه ..

اذا ارداتي اي مساعده انا حاضره ..

بارك الله فيج اختي .. ويزاج الله الف خير

الله يسهل عليج هالمهمة

وخبرينا بكل يديد ...

جزاكم الله خير ما قصرتوا


والله يجعلها فميزان حسناتكم



انتظر بقية البنات اذا حد بعد ممكن يساعد

فاسم شريط او كتابة رسالة ؟؟؟؟؟؟؟؟

بارك الله فيك أختي الحبيبة

يقول الرسول الكريم صلى الله عليه وسلم : ( لئن يهدي الله بك رجل واحد خير لك من حمر النعم )
أسأل الله أن تجديها في ميزان أعمالك يوم لا ينفع مال ولا بنون

من الكتب التي تحدثت عن الحجاب

كتاب حراسة الفضيلة للشيخ بكر بن عبد الله أبو زيد
وكتاب رسالة الحجاب للشيخ محمد بن عثيمين

[COLOR="Red"]ومن الأشرطة [/COLOR]

شريط ما أقوى شخصيتها لعبد المحسن الأحمد

وإليك هذه الرسالة كتبتها بشكل عام وبحكم معرفتك بتلك الفتاة يمكنك إضافة أو حذف ما تريدين أسأل الله أن ينفع بها

أختي الحبيبة

عهدت فيك من صفات الخير الكثير الكثير أراك تحافظين على الصلاة فأسر بذلك أرى طاعتك لوالديك فيسرني ذلك .... وأعلم أنك ما فعلتِ ذلك إلا طاعة لخالقك الذي أمرك بذلك وطمعا لما أعده سبحانه للطائعين والطائعات مما لا عين رأت ولا أُذن سمعت ولا خطر على قلب بشر
( فلا تعلم نفس ما أخفي لهم من قرة أعين جزاء بما كانوا يعملون )

ولكن أُخيتي

رأيتك تقصرين في عبادة أمر بها من أمر بالصلاة والصيام وسائر الفرائض

رأيتك تقصرين في الحجاب

والحق سبحانه في محكم التنزيل يقول : { يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ }

ألا يشملك هذا النداء أخيتي
وظاهر الدلالة فيها على وجوب ستر الوجه على جميع المؤمنات .

استمعي إلى قول أم سلمة رضي الله عنها تقول لما نزلت هذه الآية خرج نساء الأنصار كأن على رؤوسهن الغربان عليهن أكسية سود يلبسونها . أي لا يُرى منهن شيئا
وأم المؤمنين عائشة رضي الله عنها تقول ( يرحم الله نساء المهاجرات الأُول لما أنزل الله :
{ وليضربن بخمرهن على جيوبهن } شققن مروطهن فاختمرن بها )
ومعنى اختمرن بها أي غطين وجوههن
وتقول رضي الله عنها وعن أبيها : " كان الركبان يمرون بنا ونحن محرمات مع الرسول صلى الله عليه وسلم فإذا حاذونا سدلت إحدانا جلبابها على وجهها من رأسها فإذا جوزنا كشفناه " .
أختي أليست أؤلئك هن القدوة التي نقتدي بها ونسأل الله أن يحشرنا معهن بحبنا لهن وأتباعنا لسيرتهن ، أليس في فعلهن ما يدل على امتثال شرع الله وتمسكهن بالحجاب

أختي الحبيبة

الفتاة إذا خرجت متبرجة فسدت وأفسدت
والرسول صلى الله عليه وسلم يقول : " ما تركت بعدي فتنة أضر على الرجال من النساء "
وما من شاب مسلم يفتتن بك فتصرفيه عن ذكر الله وعن الصراط المستقيم أو تدفعيه إلى فاحشة من الفواحش المحرمة إلا أعقبك الله منها غداً نكالا عظيما .

أختي الحبيبة

قد زان الله خلقك بالجمال فصوني هذا الجمال عن النار، واختمي هذا العام بتوبة صادقة للملك الديان وأسأليه سبحانه الصفح عما مضى وكان ، وعاهديه بصدق التوبة والتزام طريق الحق
وأبشري بتوبة الله

( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا )

بل وأبشري بتبديل سيئاتك إلى حسنات .

أسأل الله أن يقبل توبتنا ويغفر ذنوبنا ويستر عيوبنا ويوفقنا لما يحب ويرضى ، وأن يجمعنا في جنته أخوات على سرر متقابلات

إنه سميع مجيب

ما شاء الله تبارك الله


الله يوفقك يارب ويرزقك سعادة الدنيا والاخرة

ويجعله فميزان حسناتك

ما تتصوري اشكثر فرحني ردك

الله يفرح قلبك دوم ويشرحلك صدرك

ياااااااااارب (f)(f)

والله يا اختى انا اشكرك على طيبة قلبش وخوفش على الاخرين

وانش تتمنين لهم الخير

بس صدقيني لا الاشرطة ولا الكلام الشديد والملح هو الي يفيد

اختى كانت تدرس بالخارج وكانت صدقيتها عربية مش متحجبة سبحان الله اختى كلمتها مره بهدوء وبعد اسبوع البنت نوت تلبس الحجاب ودايما تشكرها

وهم انا في ناس في حياتي اتمنى انهم يتحجبوون
بس شنو الوسيلة ما ادري

لانه بالبداية لازم يكون عند البنت قبووول نفسي لهذا الشي
عشان تتقبل

اعذريني لو ما قدرت افيدش
اتمنى باقي البنات يقدروون يخدموونش لما فيه الصلاح

بس نصيحة مني لازم نفسيتها تكون مهيأه لهذا الشي
هذا قرار صعب مش سهل ترى ان الوحدة تفصخ وتلبس الحجاب
عشان تلبسه صح لازم تكون على قناعة تاااااامه فيه عشان ما ترجع تتهاون عنه


موفقة

السلام عليكم ورحمه الله وبركاته ..

اختي الفاضله اول شي احب اشكرك على ثقتك فيني .. ودعوتك لي لموضوعك ..ز

اعتقد الاخوات ما قصرو ,, بموضوع الرساله وانا طبعا ما راح اعطيج موضوع للرساله او اشرطه .

انا بقولج عن نفسي ... مع اني هالشي مو مفخره او شي ..


اختي انا لو اقولج اني توني متحجبه من كم سنه ما بتصدقين .. انا اصلا ما كنت متحجبه .. ومو اعز صديقاتي ,, الكل كان يدعوني للحجاب .. بس نفسيا انا ما كنت مقتنعه ..

حسيت ان حريتي بتروح ... طبعا اعتقاد خاطئ بس هذا كان تفكيري .. شوي شوي .. قمت اقرا المنشورات وشوف بعض المواضيع عن الحجاب ...

ومن نفسي اهتديت ... والحمدالله الحين محجبه .. اغطي شعري كامل واللبس العبايه الواسعه ..

بالنسبه لصاحبتك .. هل حسيتي عندها قبول ... ممكن تعرفين هالموضوع بطريقه وحده وهي السؤال الصريح..

اخذيها على جنب لمه تكونون بروحكم ,, او مع صديقه محجبه قريبه منج ومنها ,, وسألوها ايش رايحها في الحجاب بشكل عام ...

ان ابدت موافقه ... اقترحي عليها لبس العبايه كبدايه ... ووضع الشيله ..حتى لو ما غطت كامل شعرها ... بس تجرب تلبسهم ... وبعدين شوي شوي .. تبتدي بتغطيه شعرها ..

طبعا كل خطوه لازم انتو معاها يوم الي تروح تفصل عبايه اقترحو عليها انكم انتو تودونها ,, ويكون احلى لو فصلتو لها العبايه هديه منكم على بدايه الطريق الصحيح ...

ان ابدت رفضها لا تلحين عليها .. لانها بتكره الحجاب .. خليها .. وبعد فتره طويله حاولي تفتحين نفس الموضوع ... .

على فكره رؤوس الاقلام الي كتبتيها معناه انج تعرفين تكتبين ,, بس تحتاجين ترتيب افكار .. ومواضيع الحجاب كثيره الحين وما تحتاج خبيره من المنتدى تكتبه لج اخيتي

بس اهم شي .. انج ما تضغطين عليها .. وخبرينا عن تطورات موضوعج ,

وان شاء الله اااحنا متابعين لج وبنفيدج .. اهم شي لا تخسرينها ...

تحياتي ام جنى

ربنا يبارك فيكى و تتحجب صاحبتك
افتكر البنات فادوكى
بس حبيت أضيف ملحوظه
حاولى تخلى كلامك معاها بسيط
و تحببيحها فى الحجاب
مش تضغطى عليها و تقسي فى كلامك و تفضلى لحوحه تزعجينها فى الرايحه و الجايه
هتعتبر كلامك تعدى على خصوصياتها
و ما تنسي قول الله تعالى
و أن كنت فظا غليظ القول لأنفضوا من حولك
صدق الله العظيم
ان شاء الله ربنا يهديها و يوفقها
اللهم أمين
و جزاك خير

الصراحه انا وايد عجبني الموضوع واستانست منه

وبقول لج رايي المتواضع جدا

اول اول شي وهي اهم نقطه انج لازم تكونين على معرفه جيده بالبنت وتعرفين اطباعها ونفسيتها شلون عشان تعرفين من وين تدخلين لها بالكلام والاسلوب اللي يناسبها
لان الناس يختلفون، كل واحد نفسيته وتفكيره تختلف عن الثاني

مثلا بقول لج عن ناس انا اعرفهم
عندي بنت عمة قبل كانت علاقتنا اقدر اقول عنها قوية نوعا ما
بس صارت سوالف وابتعدت عنهم بعدين رجعنا مثل قبل تقريبا بحكم دراستنا مع بعض
طيب انا متحجبه وهي لا يعني تحط شيله بس ونص شعرها طالع، انا ما احف حواجبي وهي تحفهم
انا الحمدلله قد ماقدر احافظ على صلاتي وهي لااا
وانا الحين معاها صار لي سنيييين بس مافكرت اني اقول لها ليش ماتتحجبين او اي شي من هالقبيل
ليش؟ لاني اعرف ان هالاسلوب مايمشي معاها وممكن تصير السالفه كبيره وبدل ما اكسبها راح اخسرها
وبعدين هذا الشي صعب اني ابتدي فيه السالفه لان امها عادي ماتقول لها شي حتى لو مالبست شيله
وزوجها الحين عادي عنده وخواته بعد نفس الحال
يعني البيئة اللي عايشة هي فيها ماتساعد على هالشي ابداااااااا، وبعدين هي صارت لها ظروف قبل ونفسيا وايد متأثره مع انها ماتبين هالشي
يعني شوفي انا شلون اعرفها زين

المهم، انا اعرف الاسلوب اللي ادخل لها به، ولانها مب غبيه
فاذا ابي شي مثلا اقترح عليها او اقول لها فكره او اييب لها سالفه عادية واتركها وبعدين بعد فتره اشوفها رجعت وطبقت اللي انا قلته وخذت برايي
وهذا الشي شفته يصير كذا مره في اشيا تتعلق بالدراسه او اللبس او اشيا ثانية
وحتى لو ماطبقت انا ادري وواثقه انها بتفكر في الكلام اللي قلته الحين او بعدين ومااستعجل على النتائج
بس اهم شي الصبر، وبعدين لازم تعرف ان انتي اهل للثقه وممكن تعتمد عليج في اي وقت
وبعدين لازم المتابعه معاها وماتتركينها، عشان جذي لازم ماتكون علاقتج بها سطحيه

وعندي بعد مثال على هالشي
انا كنت الوحيده من صديقاتي ايام المدرسه اللي متحجبة
وبعدين في الجامعه تقريبا نفس الشي ، هم يلبسون عباية وشيله بس عادي اذا مالبسوا
المهم، في وحده معانا اسرتها كانت متفككه ونفسيتها وااايد صعبه
كانت اذا نطلع مع بعض تستحي مني اذا شيلتها طاحت من على راسها او شي جذي وبسرعه تلبسها وترجعها
وبعد فتره ياتني كنت بطلع معاها الا تقول لي انا تحجبت وباركت لها واستانست لها
بس بعد فتره ابتعدنا عن بعض وقلت لها مره اني ابي الاقيها على الغدا قالت لي اوكي بس ابي اقول لج اني ترى ما البس لا عباية ولا شيله الحين
بس عشان ماتنصدمين، انا طبعا انصدمت وعورني قلبي بس مابينت ابدا لها وهي للحين نفس الشي بس انا مايأست للحين وان شاء الله يهديها وترجع مثل قبل
طبعا انا عرفت السبب من دون ماتقول لي لاني اعرفها زين
وهو البيئه المحيطه بها، امها وخواتها وصديقاتها واهلها تقريبا كلهم مش متحجبات وهي كانت الوحيده بينهم، فكانت تنتقد من خواتها على طووووول
وبعدين هي كانت في فتره تدور على شغل ومحتاجه له
فصار عليها ضغط واكيد لاقت تشجيع من اللي حواليها وقامت بهالشي، وفي اشيا ثانيه بعد

عشان جذي لازم بعد ماتتحجب تكونين معاها على طووووووول لان هذا شي مو سهل خصوصا اذا كانت البيئه اللي عايشه فيها مو مساعده على هالشي

يعني خلاصة القول
لازم تعرفين الطريقة المناسبة اللي تدخلين لها بها عشان ماتتحسس من الموضوع
ممكن تكون عن طريق اشرطه تعطينها اياهم وتقولين لها انهم عجبوج وودج انها تسمعهم، وتكون المواضيع مختلفه مو بس عن الحجاب، لان ممكن اللي يهديها شريط عن الجنة او اشراط الساعه او اي شي ثاني ومو شريط الحجاب
وممكن تروحين معاها محاضرات ودروس دينية في مكان عدل ، يعني مثلا تروحون مع بعض يوم في الاسبوع

ومن رايي الرساله تخلينها لوقت ثاني

مادري انا احس ان كلامي مو مترابط ووايد تكلمت بس في بالي وايد اشيا ودي اقولها
بس ما اطول عليج

وان شاء الله اكون افدتج

جزاك الله خير

وكثر الله من امثالك

وان شاء الله تتقبل النصيحه

اختي العزيزة
ماشاء الله ردود البنات كثيره وكل رد احلى من الثاني
والله يهدي صديقتج الغاليه
وتلبس الحجاب


انتي عليج انج تنصحينها مره ومرتين وكل وحده فينا عارفه ان هالشي فرض وواجب على كل بنت مسلمه
بس لاتكثرين ولاتثقلين عليها

انتي عطيها هديه في مناسبة حلوه عليها هديه عبارة عن حجاب حلو ومعاه شريط من الاشرطة اللي قالوا عنها البنات وكتبي على الكرت

(( لاني احبج واعزج واخاف عليج من حساب رب العالمين اهديج هالهدية واتمنى من كل قلبي انج تتقبلينها مني ))


والله يهديها ادعي لها



دمتم سالمين
اختكم شريفة

احلى كلام سمعته عن الحجاب
خاطب فيه النفس والعقل
درس من دروس عمرو خالد

مشكورة أختي على ثقتج فيني ودعوتج لي للمشاركة

ولكن الموضوع حساس وأنا عادة ما أحب أتدخل بخصوصيات الناس حتى لو كانت غلط، أشلون؟؟؟

أنا صج ملتزمة ومتحجبه من وأنا 11 سنة طبعا برغبتي وقناعتي مش ضغط من الوالدين لأن تعرفين أن الدين يبغيله قناعة.

أنا هديت ناس إلتزمو بدينهم ولكن مو بطريق النصيحة لالالالالا الناس في هالزمن تكره النصيحة وحتى يمكن إنج تخسرين هالصديقة بكثرة إلحاحك عليها في سالفة الحجاب، فأنا عن نفسي كنت أبين للناس إلتزامي وبالتالي إذا عجبتهم طريقتي يتبعونها.

مثلا: أنا ما ألبس البنطلون في البيت أمام أخواني وأبوي لأنه عيب ولأن البنطلون يفصل الجسم ويعتبر فتنه، طبعا ما ألبسه إلا إذا كنت لابسه معاه قميص طويل إلى الفخذ مراعاة للحشمة.

مثال ثاني: لما أحد الصغار في العايلة تبدي عليه بوادر البلوغ على طول أتحجب عنه وأقوله روح أقعد في الميلس مع الرجال، حتى لو طريقتي راح تزعل ناس لكن مو مهم أهم شي إني أحافظ على ديني بأي طريقة كانت. وهالشي مع الوقت راح يحوز على إعجابهم وخصوصا أن هالأم لما أحسس ولدها أنه صار رجال راح تشكرني بعدين لما تشوف أن ولدها بدى ينفصل عنها إلى مجالس الرجال بدل ما كان ملازمها.

ولا تنسين أختي أن المغريات في هالزمان كثيرة يعني كل شي نسويه لازم يكون عن قناعة. بس تقدرين كبداية أنك تقولين لها هل أنتي ملتزمة بالصلاة، إن قالت نعم أكيد، قولي لها لكنج بالطبع ما تقدرين تصلينها في وقتها، وإن قالت لج كيف يعني؟؟ قولي لها لأنج مو متحجبه والصلاة تحتاج للستر الكامل فأنتي راح تقصرين في أهم شي في الدين وهو الصلاة ومثل ما تعرفين أن الصلاة عمود الدين، حيث أنج ماراح تكونين مستعدة لها.

وخليها بعدين بروحها تفكر في هالأمر والله يهدي الجميع

ه7ههغهغهغ

يزاااج الله خير وانشالله البناات يساعدوونج