مقدمة راس بنتي صلعة

اقترررررح انك تعمليلها تحااليل وخصوصا الدم لان فقر الدم يسبب تساقط الشعر من الامام

يارب ينبت شعر بنتك من قداام والله هاالشعر جايب لنا ازززمة

اهلين اختي

انابقولك تجربتي ويا بنتي الصغيره عمرها كان هذاك الوقت 10 سنوات وكان عليها شعر مو طبيعي بكثافته

وجماله ونعومته وبيومين بس وربي شاهد صار لها صلعه بالوسط من كثر مانتفت شعرها

المهم واقب واخلط زيوت من راسي بعد ماتعبت مالقيت حل

خلطت لها زيت سمسم للنعومه وخروع للكثافه ونارجيل ولوز وجرجير كلهم خلطتهم بعلبه من كل

نوع علبه وحده وحطيتهم بعلبه كبيره وحطيت عليها ملعقه محلب

وخلاص صرت يومين بالاسبوع احط على شعرها وربي صار ينبت بشكل رهيب

خصوصا ان البنت منتفته بيصير اصلا مو حلو لكن رحمه ربي طلع شعرها

وصرت احط الين ابي يطول هالجديد ويوصل على الاقل يصير قذله واقصه لها

والحمدالله يمكن خذيت 6 او 8 شهور بالاخير تعالي شوفيها الحين يهبل بسم الله عليها

وبرضوووو قد جربت زيت انوب روووووووووووعه انتي حطي لبنتك من الخلطه يومين بالاسبوع

وانوب مره اللي يريحك والله يطلع هالشعر وتصير قموره ويخليها لك

اختي يستحسن ما تستخدمين اي زيت على شعر بنتك لان مو زين واهي عمرها سنه
لان اللي اصغر من سنتين للحين راسهم لين ومو زين يحطون لهم زيت "امي تقول"
انتظري خل تكبر شوي اكيد بيطلع شعرها .. وبعد السنتين استخدمي لها زيوت
وإن شاء الله تكبر ويصير شعرها حلو .. والله يبارك لك فيها

ام احلى بنوته;4879421:
يعطيكم العافية مشرفات المنتدى انا جديدة فيه وابغى اقولكم على مشكلة بنتي ان شاء الله الاقي عندكم علاج بنتي عمرها سنة ونولدت ومقدمة راسها من غير شعر وايضا شعرها خفيف مرررة وحاولت استخدملها عدة زيوت مافادت تقريبا زيت الخروع كان له مفعول جدااا بسيط مع اني استمريت لكن ماعاد يجيب نتيجة وفي ناس قالولي على جل الصبار برضه ما نفع اخاف ماينبتلها شعر مسكينه كل من شافها يحزن عليها ارجوااا من عندها حل لاتبخل عليه بيه وان شاء الله يكون في ميزان حسناتكم

أختي بصراحة كان عند بنتي نفس المشكلة لحد ما صار عمرها 8 شهور وهي على نفس المعدل مقدمة الراس ما فيها شعر والجبهة صايرة كبيرة من قلة الشعر والراس يبين كبير وايد قلت بنتي بتصير قرعة وما بيطلع لها شعر ونصحوني أقرعها بموس قلت يقصون علي وصمم أبوها على ان احنا نقرعها بعد ما كسرت خاطره وقرعناها بموس وقلت ما بيطلع لبنتي شعر بس بعد شهر بدا ينبت شعرها وصار حلو وكثيف وانحلت مشكلة الشعر الخفيف وصارت جبهتها ما تبين من الشعر وألحين أهتم في شعرها بالزيوت أحط لها زيت خروع مع زيت سمسم ولوز وإذا كان بالإمكان حبة سودا بصراحة صار شعرها حلو فأنصحج اختى انج تحلقينها قبل ما تكبر أكثر من جذيه وصدقيني هاي نصيحة ناس مجربين وأنا جربت بعد وألحين عمر بنتي سنة وشهرين وشعرها شحلوة وجربي وادعي لي

الله يجزاكي خير يالبنت الشلبيةعلى دعوتك الحلوه
يجزاكي الله الف خير على نقل تجربتك مااتهاب انشاءالله ابدا اجرب طريقتك
يعطيكي العافية بنت الخليج انا كنت خايفة من الزيوت بس شكله مافي غيرها
اختي shaikhaaaa
ابوها يقوللي نحاول نجرب الموس ويعطيكي العافية انت وكل من رد علية مشكورين ويجعله في موازين حسناتكم

الله يرزقها شعر طويل وغليظ انشالله بس بقولج انا ولدي كان اصلع وشعره يطيح خصل خصل وانا كنت محسنته باسبوعه الاول حد قال عين حد قال ثعلبه حد قال ما ادري شو المهم ما بطول عليج سرت عند الدكتور عطاه فيتامينات قطرات وزيت البرافين قبل السبوح ادهنه وشامبو من الصيدليه ما اذكر اسمه بس مكتوب عليه خالي من الصابون وبسسسسسسسسسسسسسسس
ولله الحمد شهرين ونبت شعره بس مب غليظ لتخافين الدكتور يقول لين سنتين لو الياهل ما فيه شعر لتخافون ها الشي طبيعي
ولا تنسين الدعاء ثم الدعاء

ان شاء الله يطلع لها شعر وانا من راي shaikhaaaa ان تحلقين شعره ويطلع جديد اعرف اطفال كثير كانوا هيك وطلع لهم شعر
ولا تكثري من استخدام لزيوت وكل مرة تغيري ثبتي على نوع حتى لا يخترب شعرها

يعطيكم العافية اخواتي حلقت لبنتي شعرها بس سبحان الله بدا ينبت الشعر من الخلف اما مقدمة راسها لم تنبت ماادري ايش اعملها وبالنسبة للدكتور اوديها دكتور جلدية او اطفال