um.3badee;4884189:
اختي اسماء عساكي بخير ..........بغيت اطمان عليكي بعد الاحداث الي صارت عندكم في باكستان ..........والله من اطالع التلفزيون واشوف المناظر اتخرع الله يعينكم
اختي طمانيني عليكي في اقرب فرصه وان شاء الله تكوني بعيده عن مواقع الاحداث
اما بالنسبه للاكل وهذا اهم شي عندي احب الاكل واحب اسوي طبخات جديده :D
في عندنا عاده نعملها بعد صلاة العيد
يعني بعد ما يرجعوا الناس من الصلاه يتجمعوا اهل البيت للافطار ........وطبعا الافطار عباره عن اكله اسمها( العرسيه)
وهذي الله يسلمك تكون عباره عن رز ودجاج
طبعا في البدايه تغسلي الدجاج وتقطعيه الى اربع اقسام وتبداءي تغليه مع هيل حب وملح ودارسين اعواد
بعد ما يخلص طلعي الدجاج من الماء السلق وابدئي افرزي الدجاج عن العظام وقطعيه الى قطع صغيره
طبعا تكوني مغسله الرز وطبعا منقوع .......الحين حطي الرز في ماء الدجاج وخليه يغلي
لما يبدء يستوي حطي عليه الدجاج المقطع
لما يبداء الرز يلين اكثر جيبي ملعقه خشب وابداء اضربي في الرز علشان ينطحن في ناس يحطون الرز في الطحانه بس انا افضل اني اضربه بملعقة الخشب لحد ما ينهرس الرز
وبعدين يكون جهز ...........وقدميه في صحن مع السمن او مع الترشه وهذا سوس خاص ينعمل مع هذي الاكله
والناس تختلف في عمله بس طرقتي انا هي
تجيبي زبيب وتغليه في ماء لما يبداء الزبيب ينتفخ سكري عليه النار وحطيه في الطحانه(لا تستخدمي كل ماء الزبيب استخدمي مقدار بسيط) مع ما التمر الهندي (تجيبي التمر الهندي وتحطيه في ماء دافي لحد ما يذوب وبعدين تطلعي الحب منه)
بعد الطحن حطيه على النار مره ثانيه بس لحد ما يبداء يغلي شوي وبعدين قدميه مع العرسيه
الصراحه هو طبق لذيذ وانا واجد احبه بس اكثر شي احب اكل العرسيه مع الزبادي
وبالهناء والشفاء
الله يجزيك كل خير أم عبادي ... الأحوال لا تسر لكن نحمد الله على كل حال ... منع التجول لثلاثة أيام آخرها كان أمس واليوم هو أول يوم للخروج وخرجت طبعا مشاوير متأخرة كثيييييييييرة ... أديت بعضها والحمد لله
امتحانات الجامعات بعدما بدأت أوقفت حتى إشعار آخر !!
وربنا يسترها في القادم ..
الشوارع في إسلام آباد أكثر أمنا من أي مكان آخر ... لكنها لا تخلو من عمليات شغب قليلة والحمد لله ...
بالنسبة للطبخة شكلها لذيذ وإن شاء الله بس تستقر أموري في الجامعة والبيت أجربها .. وراح أكتب لك رأيي بكل صراحة ... جزاك الله كل خير وتسلم أيديك ...