سوال بخصوص القيصريه ارجوكم ردوا علي..

حمدلله على سلامتج اختي

انا بالنسبه لي ماطهرت الا بعد الاربعين يوم واعتقد يختلف من وحده للثانيه

والمراخ انا بعد سالت نفس سؤالك وماعرفت رد للحين انشالله يردون الي يعرفون لان ودي اعرف

الرياضه بس المشي عادي لمدة 6 شهور بعدين اعتقد عادي الرياضه بس مادري هل في رياضه معينة بعد او لا

حبيبتي اهم شي الحين تحاولي تمشي وتشدي جسمك سيدا لفوق لان المشي يلئم الجرح يقولون

الله يقومج بالسلامة

بخصوص الطهور اليوم لي 36 من الأربعين وإلى اليوم ماطهرت

فرق عن الولاده الطبيعبه ويوم دم ويومين واكثر لا وخايفه بعد الأربعين أجلس كثير

والله يعين ويجزى والدينا ووالديكم بالجنه

بالنسبة للدم فعادي آنا ظل ينزل علي دم
لي عقب الاربعين بعد يعني تقريبا 60 يوم
وكان نفسج ينزل بشكل متقطع يعني مب يوميا
وعن الرياضة فاتصور تبتدين بالمشي شوي شوي
لحد مايلتأم الجرح عدل بس الرياضة والمساد ما ادري بصراحة
وهل ضروري المساد اصلا؟

للرفع ..

مرحباااااااااااااا
حبيبتي انا ولدت قيصري من شهرين تقريبا
انا مثلك بالنسبه للدم يكون خفيف مرررره ويوم ايه ويوم لا وضليت على هالحال
اسبوعين بعد الولاده وبعدها وقف الدم
على فكره الاطباء بينظفو الرحم علشان كذا مايكون فيه دم كثير

تقبلي مروري
اختك نوري

مرحبـا ...
انا ولدت قيصري من 5 شهور تقريباً .. بس كان ينزل مني الدم لمدة اسبوعين عادي وبعدها خف ... اما بنسبه للمسادة جاتني بعد اسبوعين مسدتني وعن ترفيع الرحم بعد ما اتكملين ال6 شهور تجي ... والرياضة بعد 6 شهور تبتدين الرياضه واولها المشي وبعدها شد البطن ..

وشكـراً ..

في ولادتي الاولى ماطهرت الا على الستين يوم
وفي ولادتي الثانيه طهرت في الاربعين بالتمام

بغض النظر عن غزاره الدم لان كلنا عارفين القيصري مش مثل الاطبيعي

بالنسبه للرياضه كل الدكتورات قالو لي الرياضه العنيفه بعد شهرين اما العاديه فبعد اول يوم من الولاده تجيني الاخصائيه حقت الرياضه تعلمني وتخليني اطبق معاها
بالنسبه للمساد ماعندي خبره
اما الاشياء اللي تتجنبينها فاكيد شيل الثقيل والحمل بسرعه وغير جذي دربك خضر ايه مسحي جرحك بالمسحات لطبيه وجففيه عقب السبوح عشان مايتعب الجرح

موفقه

السلام عليكم ورحمة الله وبركاته
راح اشاركم الموضوع بما اني مريت بالتجربة هذي
انا ولادتي كانت قيصرية بس من 3 سنوات ونصف

بالنسبة الى مدة نزول الدم الي اعرفه ان اثناء العملية القيصرية يتم تنظيف الرحم من الدم فبعد الولادة مجرد دم يكون خفيف ويمكن لمدة خمسة ايام وبعدها يتوقف هذا بنالنسة الى مستشفى البحرين بس يمكن بالسعودية يختلف لان مستغربة ان كل وحدة الى الاربعين يمكن انتم ما ينظفون الرحم كثير ما اعرف بصراة بس معظم اهلي نفسي
اما بالنسبة الى الرياضة انا سئلت الدكتورة قالت لي بعد 6 شهور تقدرين تمارسينها بس لما فاتت ست شهور احس ما كنت اقدر كنت اخاف تنفتح العملية وكان في الم بالرغم انا مب مليانة انا ضعيفة والى الان يوجد الم عند حمل شيئ ثقيل او عند ركوب ابنك على بطنك

بالنسبة الى المساد نسميه المراخة او المساج بصرحة وحدة تسوي عملية قيصرية وتجربه ما سمعت فيه صح بعد الولادة الطبيعة بفترة يسوون هالشيئ اما بخصوص عملية ما قط سمعت فيها انهم جربوها

هذا كل شيئ وانشاء الله قدرت افيدج
تشكرات لكم

الف شكر لكم ونورتوا موضوعي وعسا ربي يعطيكم العافيه