قصة ولادتي

السلام عليكم ورحمة الله وبركاته
كيفكم حبايبي اليوم جايه اليكم بقصة ولادتي راااح ابدا

طبعا كان يوم الخميس حاسه بتعب واني في بيت خالتي وكانوا يقروا ادعيه ..........الخ واني احس بشي ينزل مني وكل 10 دقايق اروح الحمام اشوف شنو الي ينزل مني
وطلع قطرات ماي بس ماتكلمت ولا قلت الي احد حتي زوجي ماقلت اليه
وجا يوم ثاني يوم الجمعه
ساعه 5 صباح احس بشي ينزل وروح علي طول الحمام ولا اشوف الماي ينزل طبعا اني خفت وقلت لازم اقول الي زوجي لانه كاااان يجيني الـــــــــــــــــــم بس محتمل
وصحيت زوجي وطبعا زوجي كاان في سابع نومه قلت اليه اني باروح المستشفي بعد شوي اول شي باروح اسبح قالي اوكي
ورحت اسبح وجلست انطف جسمي عن شعر وقمت انشف جسمي الا اشوووووف دم وهنا يبدا الخوووووووووووووف
وركبت فوق اشوف زوجي الاابو الشباب نااااااااااااايم ولما قلت اليه ينزل مني دم وماي قااام علي طول من السرير وراااااح شغل السياره وداني المستشفي الحكومي عشان اشوف اذا في ولاده او لا
وقالوا لي رحم عندك مفتوح 2 علي 3 سم لازم تروحي المستشفي الي راح تولدي فيه لانه في ولاده عندك
واني في طريق واني اكل لي تمرررررررر لين ماوصلت الي المستشفي الي راح اولد فيه وفحصت عليي وحده هناك قالت لي مفتوح عندش 5 سم طبعا اني استانست وقلت ماراح يجي الظهر الا اني ولدت
ولما جت دكتوره ثانيه تكشف قالت لي 3 سم :(تحطمت قالت لي دكتوره راح نوديك غرفة الولاده ولما ودوني غرفة الولاده حطوا عليي التخطيط وكل شوي اجي لي دكتوره وتقول لي عندك طلق
وطلق الي عندك وايد ممتاز وانشاء الظهر او العصر راح تولدي واني مستانسه ابي بس اشوف بنتي
وجت الظهر تشوف كم سم مفتوح شافت مازال 3 سم :tears: وقلت الي دكتوره لا مو معقووول الي الحين 3 سم اجل متي راح اولد
الحين اطلق مرتفع وايد عندش لازم نعطيش ابره مخدره عشان ترتاحي وتنامي لش شوي وعطوني الابره وطعا اول ماعطوني الابره حسيت بدنيا تدور مثل الدوامه وامي الله يخليها ويحفظها لي كانت تصارخ الا تدخل غرفة الطلق وتشوفني ودخلت وشافتني وكانت الدمعه علي عينه لانه اني اول بنت عندها راح تولد




















ادري طول عليكم وراح اكمل اليكم بعدين لانه بنتي الله يخليها جلست من النوم
جالسه تصيح