كل الامهات اللي عيالهم ما ينامون الا على ذراعهم تعالوا لو سمحتوا

انا ولدي كان جذي ماينام ال على ذراعي
بس بعدين صرت انيمه بس في النهار على السريره وانا ارقد وياه
وبعدين اتعود صار حتى في الليل ينام ابروحه بس لازم انا معاه اكون

وشكرا

فديتها الغاليه نجوده يسلمها ربي

والله يا أم شجاع مدري بشنو أنصحج لأني والله وأني اقرا موضوعش وارد عليه وبنين على دراعي

وأني أشوف الافضل أنش ماتعودينها النوم عالذراع لانهم بيكبرون وهم يحبون هالوضعيه


أمي بالسابق نصحتني لمن كنت بنفاسي بعلوووي وما طعتها وتندمت ....
لاني كنت كل حاطه علوووي بحضني وحتى هو قاعد أو نايم
وما حسيت بأني غلط بتعويده عالحضن الا لمن جيت شقتي بعد النفاس
وصار ماينام ويقعد الا بحظني صار عود وهو ماينام الا بحظني

انا ولدي والله كان دوم في ذراعي بس ينام بسريره عادي:)


وكان يحب يلعب في الارض ومايرضى اشيله فدراعي

معني انا اموت عليه هههه وكله ابغا اشيله

وكله يقولون لي بيتعود بيتعود ولاشوفه اتعود ولحد اللحين ماشاءالله عليه عمره سنه وشهر ومايحب وايد الشيل يحب يمشي بروحه ويروح للكل ماشاءالله عليه

السلام عليكم ورحمة الله وبركاته

ولدي عادي ما شاء الله عليه مع اني وحدة كنت ع طولللللللللللللل حاملته متخرعه فيه وهو بجري واول حفيد في بيت اهلي من جذي كله حاملين وحاطينه بحضنهم
بس احين ما شاء الله عليه من صار يقعد عاددددددددي يحب يلعب ع الارض ويفضل الدراجة ههه
واوقات اذا مشغولة اخليه بسريره وينام لحاله الحمد لله


في أمان الله

انا بنتي كانت اول ماتولدت مش بتنام على دراعي كنت ارضعها واحطها على السرير بس دلوقتي اتعودت تنام وهي متشالة وانا اللي تعبانة في الموضوع دة ربنا يهديها

انا اشوف ان الطفل يجي وهو متعودة الي يبه هو الي يصير

انا ولدي كنت ما اعرف ارضعه قاعدة لازم منبطحة لانة صدري صغير جدا

ووضيعتي من اول ما جبته اني انبطح صوبه وارضعه لكن هو بعد اسبوعين يصيح كل يبى حظني

ولما كبر اكثر صار ما يرضى بس بحظني وانا قاعدة لازم احمله وادور ابه

رغم اني ما علمته هو متعلم بروحه والي يشوفني يقول لي انتين علميتيه

انا الي سويته انه ما يسكت في سريره فاخذه في حظني

واذا ما سكت في حظني وظل يصيح شنو اسوي في هالحالة

اكيد بحاول اسكته واذا ما رضى يسكت اقوم احمله وادور ابه ويسكت يعني انا اشوف هو الي يبي جذي ومو انا الي عودته مثل ما الناس تقول

وعلى فكرة ولدي الحين عمره 3 سنوات ونص وينام في حظني وساعات ما يرضى ينام ويقول مافيه نومة

احمله وادور ابه عشان يتعب وينام واعتقد ان كل طفل يختلف عن الثاني

واذا تعبان عادي ينام بروحه بس ينام صوبي على السرير وهو مجود يدي وبعدين اشيله اوديه سريره

بنتي عمرها 7 شهور وما تناام الا فحضني قليل جددا اذا تنام بروحها
اذا تنام بروحها استانس احسها كبيييره

الله يعينكم ويعينا يا امهات

صج عندكم وعندنا خير

هلا بأم شجاع

أني ولدي ما ينام إلا على ذراعي ولما أشيله يقعد ولين ما أحسه خلاص نام أشيله من صوبي لكن من أقوم من على السرير يقعد واذا أحطه في سلته ما يطول في النوم

لازم يبغيني صوبه وأنس واجد متأذيه من هالشي ولاني عارفة شلون أعوده ينام بروحه

المشكله اذا أني تعبانة أنبطح صوبه وأرضعه وأغط وهو ينام ويظل على ذراعي

الله يعينا

انوار حاولي تنومينه على الكرسي الهزاز مال الاطفال( الجالوسية)

خليه يرضع وهو على الكرسي

وهزيه ليما ينام

هذي نصيحة زوجة اخوي لي

تقول فادت وياها ليما كبر ولدها ما ينام الا على الكرسي

بس انا للحين ما جربت

ام شجاع;4896094:
انوار حاولي تنومينه على الكرسي الهزاز مال الاطفال( الجالوسية)

خليه يرضع وهو على الكرسي

وهزيه ليما ينام

هذي نصيحة زوجة اخوي لي

تقول فادت وياها ليما كبر ولدها ما ينام الا على الكرسي

بس انا للحين ما جربت

انا بنتي كل على ذراعي ذابحتني ما ترضى انزلها ولا حتى احطها على الجالوسية واذا نامت ونزلتها في السرير تبكي مع اني ما علمتها ع الذراع يوم انا في النفاس اصلا من احد يشيلها اقول لهمنزلوها لا تتعود وكل هذا تعلمت ع الذراع شلون مدري

انا الحمدلله من هالناحية مرتاحه ..

عيالي اثنينهم ما عودتهم ع الحظن او الحمال ،، من اول ما اجيبهم تعودت ما احطهم بحضني الا وقت الرضاعه ومن ينامون مباشرة انزلهم ولا احملهم وادور حتى لو صاحوا ولا شي ..

والسالفه حسب ما اشوف انها فعلا على التعود .. حسب ما تعودين ولدك راح يستمر على نفس عليه الطفل ..

والحين ولدي الصغير عمره سنة وشهر تقريبا صار لي فترة يمكن 3 اشهر او اكثر ما انيمه بحضني ،، وقت النوم عقب ما ابدل له وكل شي اسوي له مرضعه واعطيه اياه واحطه بسريره وهو ينام بروحه .. حتى اذا قعد الليل بس اقوم واسوي له مرضعه واعطيه اياه يشربها بروحه وينام .. مااحطه في حضني خلاص ، واخوه يمكن كان اصغر يوم تعود على هالوضع والحمدلله :)



في النهاية انا اقول ان هالشي يبي له ان الام تجمد قلبها شوي علشان الطفل يتعود لاني اشوف بعض الامهات بس يبكي طفلها شالته وحطته بحضنها وبعدها الطفل يتعود على الحضن وتقعد الام تشتكي ان طفلي ما يبي الا حضني ومتعبني .. انا شخصيا لما عيالي يقعدون يصيحون احاول اسكتهم وهم مكانهم .. اقصد اذا شبعانين ومو محتاجين رضاعه ، يعني اقعد اكلمهم والاعبهم واشغلهم لما يسكتون ولما يكبرون شوي في حدود شهر يعني ابتدي احطهم على كرسي الاطفال الخاص واحط لهم العاب والحمدلله مرتاحه في هالشي ..

ام شجاع

سويت هالطريقة وينام على الكرسي لكن بالليل ما يصلح امبي اشيله واحطه في سلته على طول يقعد

وابوه وراه دوام من الصبح وزوجي راسه واجد خفيف ولين قعد ما ينام بسهولة ويصيده صداع فأني بعد أراعي ليه

وأحاول ان ما اخلي حمود يصيح واجد بالليل فأخليه بحضني وينام شسوي

بس بحاول من عقب ما أرضعه أبعده عني عشان ما يتعود

انا ريموه صارلها شهر وهيه متعلمه هالطبع ما اطيع ترقد الا على ايدي .. وعقب احطها في سريرها ..

ولا لازم اتم تلعب واتحط ايدها ع شفايفي والا شعري .. واذا شفت ان الحلوه بايعتها بشرف وما تبغي تنام على طول احطها في سريرها .. اتصيح اشويه واتخاف وعقب على طوووووووووووووووووول ...

اتدس عمرها ولاصقه في حظني وعلى ايدي وتنام .. على بالها اني برد احطها فالسرير هههههههههههههههههههههههههههههههههههه

انا ارضع بنتي طبيعي و من الاربعين عودتها انها تنام بالفراش
و الحين صارت تنام بروحها بالفراش مو لازم اكون شايلتها
بس طبعاً ترتاح اكثر لمن تنام بحضني بس ما اطول اوديها الفراش بسرعه عشان ما تتعود
و ناويه اطلعها من غرفتي بعد شهر ان شاءالله

انا انيمهم على يدي بعدين بس ينامون اخليهم على السرير واذا كلحين يصيحون واردهم بعدين خلاص اخليهم يمي لين ينامون اذا مانمت معاهم اردهم على سريرهم بس في هالفترة ترى زين انك تخليها بحضنك وبين ذراعك عشان تحس بالامان والطمانئينة

ماما حسون;4896221:
انا الحمدلله من هالناحية مرتاحه ..

عيالي اثنينهم ما عودتهم ع الحظن او الحمال ،، من اول ما اجيبهم تعودت ما احطهم بحضني الا وقت الرضاعه ومن ينامون مباشرة انزلهم ولا احملهم وادور حتى لو صاحوا ولا شي ..

والسالفه حسب ما اشوف انها فعلا على التعود .. حسب ما تعودين ولدك راح يستمر على نفس عليه الطفل ..

والحين ولدي الصغير عمره سنة وشهر تقريبا صار لي فترة يمكن 3 اشهر او اكثر ما انيمه بحضني ،، وقت النوم عقب ما ابدل له وكل شي اسوي له مرضعه واعطيه اياه واحطه بسريره وهو ينام بروحه .. حتى اذا قعد الليل بس اقوم واسوي له مرضعه واعطيه اياه يشربها بروحه وينام .. مااحطه في حضني خلاص ، واخوه يمكن كان اصغر يوم تعود على هالوضع والحمدلله :)



في النهاية انا اقول ان هالشي يبي له ان الام تجمد قلبها شوي علشان الطفل يتعود لاني اشوف بعض الامهات بس يبكي طفلها شالته وحطته بحضنها وبعدها الطفل يتعود على الحضن وتقعد الام تشتكي ان طفلي ما يبي الا حضني ومتعبني .. انا شخصيا لما عيالي يقعدون يصيحون احاول اسكتهم وهم مكانهم .. اقصد اذا شبعانين ومو محتاجين رضاعه ، يعني اقعد اكلمهم والاعبهم واشغلهم لما يسكتون ولما يكبرون شوي في حدود شهر يعني ابتدي احطهم على كرسي الاطفال الخاص واحط لهم العاب والحمدلله مرتاحه في هالشي ..

ماما حسون انا مثلك بالضبط هذا اللي اسويه ويه اعيالي ما احب اعودهم على الحضن مولية وحتى لو صاحت بنتي وراحت لها اختي تحملها اقول لها نزليها خليها في سريرها ما احب تتعود لي على الايد مع اني في البداية في النفاس وايد تعبت وياها لان بالمستشفى كلمن جا شالها في ايده واتعودت في عالفترة بس وعلى قولة امي اذا سويتين شي يوم واحد بيتعود عليه الطفل قوي قلبش اشوي وبيتعود وانا جدي اسوي والحمد لله احيانا انام بعد ما ارضعها وهي اظل قاعدة بسريرها بعدين تتعب واتنام >> ام شجاع عودي بنتش على الفراش افضل من الكرسي الهزاز والله انج بترتاحين والله يوفق الجميع يارب ويهدي الجميع
ا

جروح صامتة;4896160:
انا بنتي كل على ذراعي ذابحتني ما ترضى انزلها ولا حتى احطها على الجالوسية واذا نامت ونزلتها في السرير تبكي مع اني ما علمتها ع الذراع يوم انا في النفاس اصلا من احد يشيلها اقول لهمنزلوها لا تتعود وكل هذا تعلمت ع الذراع شلون مدري

جروح انت في الاساس لا تشيلينها من الجالوسية حتى لو صاحت حتى تتعود

اذا كنت ترضعينها صناعي رضعيها وهي في الجالوسية وهزيها وبتتعود

والله صدقتي يا ماما حسون المسالة يبي لها قلب جامد

أنوار المودة;4898826:
ام شجاع

سويت هالطريقة وينام على الكرسي لكن بالليل ما يصلح امبي اشيله واحطه في سلته على طول يقعد

وابوه وراه دوام من الصبح وزوجي راسه واجد خفيف ولين قعد ما ينام بسهولة ويصيده صداع فأني بعد أراعي ليه

وأحاول ان ما اخلي حمود يصيح واجد بالليل فأخليه بحضني وينام شسوي

بس بحاول من عقب ما أرضعه أبعده عني عشان ما يتعود

انوار انا زوجة اخوي كانت تخلي ولدها للصبح في الجالوسية

تخلي تحته مخدة لينة وبعدها فراشه وكانت الجالوسية تستوي سيدة عشان ما يعوره ظهره

وتخلي الجالوسية على السرير وتنام يمه

وهذا ولد اخوي صار له 4 سنوات وهو ما يقدر ينام الا في الجالوسية مالته