اقروا قصتي و احكموا؟؟؟؟؟؟أطلق والا اتم واكمل المشوار...............

بنات اشحالكم عساكم يخير ...... أممممممم انا متردده اكتب قصتي بس ما لي غيركم تنصحوني وتقولون لي رايكم
في الموضوع ........ اناخطبت في يونيووملجة في اكتوبر ..... واللي اتقدم لي واحد لا اعرفه ولا شئ يعني زواج تقليدي وانا وهو بنفس العمر يعني 27 سنه هو انسان محترم ويخاف ربه لكن مستواه الدراسي ثانويه عامه وانا جامعية ويحبني مووووووووووووت بس انا ما احس بهالاحساس اتجاه حاولت احبه لكن ما قدرت واللي خلاني اتأكد من هالشئ النقاط التاليه:

اول شئ ان دايما كنا في خلافات يوم نتناقش في كل الاموروتفكيره غيييييير عن تفكيري ودايما يسألني اذا قلت له اي كلمه ليش قلتي لي هالكلمه وشو كنتي تقصدين وحتى لو جاوبت ع اسئلته اليوم يرد نفس الكلام ويرد نفس الاسئلة اليوم الثاني والثالث ويتم يتذكر السالفة يعني انسان يشل في خاطره
والشئ الثاني انه ما يقدر يكون كتوم يعني اي كلمه تنقال بيني و بينه يروووح يخبر كل اهلي واهله واحيانا يخليني في موقف صعب قدامهم مع اني اقدر ارد عليهم واقوللهم ليش قلت جذي بس عنادا فيه وفي تصرفاته اسكت وما ابرر افعالي وهالشئ خله اهلي يعتقدون اني انا السبب في كل المشاكل الحاصله بيناوع فكره هو دلوع امه مكل شئ يستوي يقول حق امه
..... والشئ الاخير اللي خلاني اقرر انهى هالعلاقة والارتباط انه هو يريدني انا اخذ السكن وادفع مبلغ الايجار وفي مقابل هذا هو يدفع مبلغ ضئيل والسبب ان راتبه نصف راتبي وفي كل مناسبه يلمح بطريقة غير مباشرة عن المناسبه وعن الهديه ما ادري ليش احس انه ماخذني عشان اساعده مع اني اطرد هالتفكير ........
راح اعطيكم نبذه عن المواقف اللي استوت بينا:
من مواقف سوءالتفاهم بيني وبين ريلي في مواضيع الزهبه والتجهيزات .... هو طلب مني اني أتجهز مع اخته وبس واي شئ اخته اتسويه أنا ما اردها المهم سرت مع خالتي واختي الصغيره عشان الكوشة والتصوير........ واول ما شافتها اخت ريلي ما عيبها ييت خالتي وقالتلي بعد ما خذتني ع طرف مره ثانية لا اتيبن حد معاج الا اختج الصغيرة وانا الفقيره ساكته ما قلت شئ المهم سرنا عشان نشوف الكوشه وانا ما عيبتني الكوشة اللي اختارتها اخته والا التصوير وقلتلها قبل ما انرد البيت انا في كوشه عايبتني واريدج اتشوفينها واخته قالت اوكي في البدايه المهم اول ما وصلت البيت اتصلت عمت ام ريلي وقالتلي انتي ليش يايبه هالجيش ودام انتي جذي سيري اتزهبي روحج وخلص نحن مالنا خص وهالكلام وسكرت وانا ساكته ما رديت .... في اليوم الثاني رديت كلمت اخت ريلي وقالتلها انا اريد الكوشه اللي عايبتني وبحجز في الاستديو الفلاني وسكرت اخته وما قالت اوكي ولا شئ وفي نفس اليوم زارني ريلي قالتله شو قلت حق اخته قام هو وحرج وقاللي انتي كسرتي قلب اختي وما عيبج ذوقها وانتي امج وخالتج يجرجونج واتصل حق اخته وانا قاعده وسألها وهي قالت له شو صاروقام يغلط عليه وهي ع الخط اونه انا ماي من تحت تبن وانا اهلي يجرجوني ومالي شخصيه لاني احترم اهلي وقام ويهيني وقال عني كلمة وووووووواااايد ****ة ............. الصراحة انصدمت وكلمت امي وقالتلها انا ما اباه ..... بعد هذا اللي صار اجلت موضوع العرس حتى اجل غير مسمى

وموقف ثاني انه يوميا قاعد يزورنا من يطلع من الدوام يمر البيت عندنا ويتم لين وقت متاخر... وانا مليت وقلت له خف زيالراتك خواتي من رايمين ياخذون راحتهم لان نحن نيلس في المجلس ولان صديقاتهم يمرون عليهم المهم حرج وشد معاي في الكلام فقلت له نحن ما نقدر نتفاهم وانا تعبت من هالموضوع قلت له طلقني قال لي طالق مره وحده .......... بعدين قطعنا لفترة 20 يوم انا قلت حق اهلي ما اريده قالولي استخيري بنات صليت استخاره بس ما حلمت بأي شئ وما احس عمري اقدر اكمل بهالعلاقه بس هو ما خله حد من خوالي ويدتي وامي الا دخلهم في الموضوع وقاللهم هو قال الكلمه عشان يأدبني وهو مب قاصد هالشئ وهو يحبني ويموت فيني بس انا تميت ع موقفي وحاول يكلمني وانا رافضتنا لين العيد زارنا وكان يايب لي هديه وكلمني وانا قلت له انا اريد الانفصال بس هو حلف انه ما راح يطلقني وهو اتغير وهالكلام .................

بالنسبه حق اهلي امي اتقولي راح اندم لاني ما اريد هذا الشخص لان هو يحبني ويموتووون فيني بس انا مب امقدره هالشئ وان الناس راح يتكلمون وما عندنا بنت تتطلق وانتي ما راح يتقدملج غيره بما معناه انا عانس وهذا فرصتي الاخيره ....وكلهم معه ضدي على اساس اني انا اللي معانده ومب زينه بس وااااااااللللللللللللللله انا ما اقدر اتقبل كزوووووج في حياتي بنات انتوا شو رايكم .............. شورررررررررررررررررروووووا علي الله يخليكم ؟لا تبخلون علي بارائكـــــــــــــــــــــــــــــــــم