احلى العطور العربية،، تجدونها هنا,, وعن تجربة

جربت مخلط دهن العود من الرصاصي حلوو .. وعطر رافال من سيد جنيد روووعه .. وعطر غلا زايد و فزاع حلويين .. اما عن الدخون اشتري من البنات اللي يسوونه في البيت .. عندج دخون جميرا من الياس و دخون الراقيه والمراسم من الرصاصي .. وننتظر مشاركات باقي البنات ^_^

Cute_Barbie

يا هلا ومرحبا بش اختى
وتسلمين عالمرور والمشاركة الحلوة
واكيد راح نستفيد منش والبنات يفيدونا

ولا تنسين خبرينا بكل جديدك
في عالم العطور العربية

انا جربت عطور وخلطات وايد ويعجبني
مخلط جمان........الماس........الراقية........ريانة........اناهيد
الدخون جربت الجود وهذي كلها من عند (ام أحمد) يعني hand made مش من المحلات لأنها ما تقنعني
العود من أجمل الا المعطر
والمخمرية الملكية الأصلية بعد من عند حرمة تسويها.........

** عطوراتي العربية **
مثل ما وعدتكم

نسمي بسم الله الرحمن الرحيم

وابدأ على بركة الله

استخدم دايما نوعين من المسك
مسك روز من أجمل
ومسك العروس من القرشي

وهم اشتري من القرشي مكعبات المسك .. هذي روووعة سواء للجسم او لدولاب الملابس
وهم بالسعودية بالمحلات العادية تلقين مكعبات العمبر هم هذي ريحتها رووعة

عن المخلطات الشرقية وخمريات الشعر
اغلبها اشتريها من المعارض الي تصير عندنا بالبلد من الاقسام الاماراتيه والكويتية
واحلى مخلط اماراتي جربته اسمه عزيزة .. توي بدخل بيت ابوي العود .. على طول عمتي سألتني شنو هالطيب شنو هالزين. وفعلا بعدها بيوم رحت شريت لي الزجاجة كلها من عند المحل الي بالمعرض ههههههه
وخليتهم عندي ومن وقت خطوبتي للحين استخدم فيه هالطيب.. واحلى خمرية شريتها من محلات هم اماراتيه تدرون هم اهل الطيب والزين كله وللاسف ما اذكر اسمها وخلصت وخذت قلبي معاها على ما خلصتها ههههه
.. وبعد كان عندي عطر اماراتي من المعرض اسمه ام فاطمة .. خذت العطر بالتولة والهردة .. ياربي وين ما اقعد مع البنات يسألوني شنو حاطة شنوو عاد تحسفت اني شاريه بس توولة وليومكم هذا اسأل عنه بكل المعارض حتى الاماراتيات نفسهم ما سلموا مني هههه غربلتهم والله وانا اسأل فيهم وللاسف ما لقيته.

وهم من المعرض خذت مخلط فزاع العطر بالبخور
وريحته مررره غاااوويه وطيبة وقوية وثابته

وعندي امير القلوب و المكان اشتري العطور مع البخور من المركز الملكي بالكويت

والي من اجمل احلى شي يعجبني عنده دهن عود الشمس، ودهن العود رغيد، ومخلط دهن العود معتق شنوو روووعة غااااااايه في الروووعة وهذا صج يخلي ريحتش دووم عالقة بالعوود حتى لو استحميتي وهم رغيد بالمثل واقوى

ومن عبد الصمد القرشي
تواصل لجديد مرررررره غااااوي
وسفاري شي روووووعة

والي من الرصاصي احلى شي بخور الرصاصي ، ودهن العود الرصاصي

ومن اصغر علي .. ما اتعامل معاه وااايد
اشتريت مره "رحاب" وريحته ناعمة وقوية ثابته احطه على يدي بعد اللوشن

ومن حامل المسك
عادتاً اخذ لي من الزجاجات الي تكون معرووضة
مخلطات حلوووة عربية على فرنسية والحلو ان ريحتها مرره مميزة وتثبت

الهردة
اخذها دايما دايما من المعارض من الاقسام الكويتية بالذات
وخصوصا الهردة الي على العوود
والهرادات الخاصة ... شريت لي وحدة اتوقع اسمها كرستال من ركن كويتي
شنو روووووعة التولة بـ 16 دينار .. تسوى وربي كانت روووعة خليتها عندي سنتين وما استخدمها إلا للمناسبات الخاصة جدا حتى استخدمتها يوم الي زارونا اهل زوجي اول مره.

ومن سيد جنيد العووود الكمبودي
وعطر رئال
والطين المعمول على العوود والمسك والعمبر والخلطات الشرقية
وهم في عود وصلني هدية بخطوبتي وللحين خاطري فيه وبسرعة خلصته
زجاجته ثقيلة وفاخرة وعود لونه ازرق مدري اخضر! بس ريحته مرره قووية وطيبة
واخر مره غيرت العود لاني شريته من ماليزيا شي ممتاز مرره


هذا الي اتذكره حاليا
وان شاء الله بتكون لي مشتريات بهذا الشهر
راح اخبركم بالجديد
واذا في شي تذكرته مميز استخدمته راح اخبركن عنه اكيد


ياليت البنات تفيدنا بتجاربها بعد

وحياكم الله

NA3OOOma;4859494:
انا جربت عطور وخلطات وايد ويعجبني
مخلط جمان........الماس........الراقية........ريانة........اناهيد
الدخون جربت الجود وهذي كلها من عند (ام أحمد) يعني hand made مش من المحلات لأنها ما تقنعني
العود من أجمل الا المعطر
والمخمرية الملكية الأصلية بعد من عند حرمة تسويها.........

مراحب اختى NA3OOOma
انتوا هل الطيب كله
وما يحتاج اتأكد من الريحة .. لانها وصلتني لمكاني
فعلا احلى شي العطورات الاماراتيه المعمولة بالبيت
بس للاسف احنا ما عندنا كثير الي يسوون هالشغلة
ونعتمد على المحلات اضمن لنا لريحة قوية وثابته

ومره حضرت حفلة زفاف وحدة من اهلنا بالامارات
الي لفت نظري ماشاء الله صينية العطوورات شنو عاااامره طيب اشكال والوان
وروايح تهبل والله
بس للاسف ما خذت لي جوولة بدبي .. لاني نزلت للعرس ومشيت

تسلمين الغلا على مشاركتش والمرور

وخبرينا بجديدك من المحلات العربية

جربت مسك اصفر
مسك متسلق
دعاء الجنه
سلطان العطور بس رجالى
خلطه الحجر الاسود

بس تنصحونى بايه من عند القرشى
و شكرا للموضوع الهايل

هلا مرحبا اختي الشيخة ماشاء الله عليج عطرتي الركن بالعود والعنبر

عني مااستغني عن مسك العروس وأرزة لبنان من عبدالصمد القرشي

وعود مبخر من أجمل ومن نجدية للعطور هذا المحل من السعودية

دهن العود من الهند نوصي عليه

ولوشن عود عادي على ريحة بسيطه وصبيت عليه دهن عود من عندي وتركزت ريحته

ولوشن مسك من نفس الماركة *bettina brenner او من اليسا اشيلي حلوووو اللوشنات مالهم


ومخلط اسمه عبد الصمد القرشي باسم صاحب المحل يجي في توله

واللافندر دايما يعطوني اياه كهدية في تولة صغير

prof_nona21;4859709:
جربت مسك اصفر
مسك متسلق
دعاء الجنه
سلطان العطور بس رجالى
خلطه الحجر الاسود

بس تنصحونى بايه من عند القرشى
و شكرا للموضوع الهايل

لايفوتك مسك العروس ومسك أرزة لبنان وعنده مخلطات حلوة شمي ريحتها واختاري عبد الصمد موجود في سيتي ستار بمدينة نصر خخخخ تراني اعرف كل شيء بمصر مدليتها :flower:

هلا الشيخة
تعجبني بعض العطور العربية من اجمل مثل:-
مخلط دهن العود ..........
من عند الرصاصي مخلط غزالة........

prof_nona21;4859709:
جربت مسك اصفر
مسك متسلق
دعاء الجنه
سلطان العطور بس رجالى
خلطه الحجر الاسود

بس تنصحونى بايه من عند القرشى
و شكرا للموضوع الهايل

مرحبا بش اختى prof_nona21
العطورات الي ذكرتيها من اي محل تشترينها ؟؟

وعن الحجر الاسود اكيد معروووف انه وااايد روووعة

والي انصحك فيه وعجبني مررره وعن تجربه
عطرين من عبد الصمد القرشي .. تواصل وسفاري جربي تروحين تشمينهم وخبريني قدرتي تقاوميهم ولا لا ههههه لانهم فعلا روووعة
وهم عود الشيخة فاطمة وااايد كشخة الريحة

ويا هلا بمرورك الطيب

عذراء البحرين;4859725:
هلا مرحبا اختي الشيخة ماشاء الله عليج عطرتي الركن بالعود والعنبر

عني مااستغني عن مسك العروس وأرزة لبنان من عبدالصمد القرشي

وعود مبخر من أجمل ومن نجدية للعطور هذا المحل من السعودية

دهن العود من الهند نوصي عليه

ولوشن عود عادي على ريحة بسيطه وصبيت عليه دهن عود من عندي وتركزت ريحته

ولوشن مسك من نفس الماركة *bettina brenner او من اليسا اشيلي حلوووو اللوشنات مالهم


ومخلط اسمه عبد الصمد القرشي باسم صاحب المحل يجي في توله

واللافندر دايما يعطوني اياه كهدية في تولة صغير

هلا عزيزتي عذار
عساش عالقوة .. وتشكرين عالكلام الحلو .. مرورك الطيب هو الي زاد على المكان طيبة

بالفعل محل نجدية عنده اشياء رووعة بعمرة العيد بمكة شرينا منه شغلات بسوق الشرتون
وشرينه منه مجموعات مميزة والي عجبني مرره وخذته هدية لامي العمبر الخاص مرره رووعة

ولاننا كنا قرووب حريم مشترين واايد من عنده وانا اصغرهم .. عطاني هدية هرردة حلووة بس ما اعرف شنو اسمها للاسف ما يكتبون الاسماء عليهم وهذا عيب المحلات الي تعطي بالتوولة بدون كتابة الاسم عليه.

بس عن اللوشنات الي ذكرتيها .. حبيت اسألش خبريني وين المحل الي تشترين منه؟؟ وهل موجود بالبحرين؟

تسلمين عالمشاركة الطيبة


لا تحرمينا من مرورش وردك عالموضوع

عذراء البحرين;4859742:
لايفوتك مسك العروس ومسك أرزة لبنان وعنده مخلطات حلوة شمي ريحتها واختاري عبد الصمد موجود في سيتي ستار بمدينة نصر خخخخ تراني اعرف كل شيء بمصر مدليتها :flower:

تشكرين عذار على مساعدتش لاختنا الطيبة

يا لذيذ يا رايق انت! تدلين ايجبت من ورانا هههه

هم انا بروح بكرة اشم أرزة لبنان
واذا عجبني واكيد كل شي من القرشي يعجبني هههه بدعي لش

الله يوفقش

NA3OOOma;4860425:
هلا الشيخة
تعجبني بعض العطور العربية من اجمل مثل:-
مخلط دهن العود ..........
من عند الرصاصي مخلط غزالة........

مراحب اختى NA3OOOma
تسلمين لي عالمرور والمشاركة
وبالفعل مخلط دهن العود ما عليه كلام روووعة

بس مخلط غزاله بروح اشمه ان شاء الله وخبرش براي

تسلميييييين

يا هلا

تسلمون على الروائح الطيبه بموت فى العطور العربيه رغم انى مصريه مش خليجيه
بس ياريت تزكروا الاسعار بتاعه العطور وخصوصا القرشى فيه مشكله عندنا بيغلو فى القرشى علينا جامد مش عارفه ليه :( الحجات بنجبها من السعوديه ارخص من مصر
واحسن مخمريه جربتوها كانت ايه ؟؟؟؟

يعطيج العافية عزيزتي على موضوعج

آنا أستخدم أكثر العطور العربية من أصغر علي وأجمل ونادراً من جنيد لأن ريحتها قوووية حيل ماأقدر عليها..

بس عزيزتي بغيت أسألج وين ألاقي عبد الصمد القرشي بالبحرين؟؟

maro;4862683:
تسلمون على الروائح الطيبه بموت فى العطور العربيه رغم انى مصريه مش خليجيه
بس ياريت تزكروا الاسعار بتاعه العطور وخصوصا القرشى فيه مشكله عندنا بيغلو فى القرشى علينا جامد مش عارفه ليه :( الحجات بنجبها من السعوديه ارخص من مصر
واحسن مخمريه جربتوها كانت ايه ؟؟؟؟

مرحبا اختى maro
سعيدين بتواجدك معانا .. وبالفعل الطيب العربي حلوو وانتي عربية وبيلبق لك.. حتى الاجانب نفسهم بيحبووا الروايح الي تميل على العوود
والدليل عطر قوتشي البني كله عود في عود وريحته مرره تجنن وقوية

بس اختى ما في فايدة من ذكر الاسعار احيانا
لانه اكيد السعر في بلد التصنيع ارخص من تصديرة لبلدان ثانية عزيزتي

اتمنى من البنات يفيدونش بسالفة الخمرية
لاني سبق وقلت اني اشتريها من المعارض وتكون شغل بيت اتوقع
مش من محلات معينة

يا هلا بمروك الطيب

بالكويت الحين فاتح معرض العطور
و مشتهية عطور عربية عووود و هالسوالف بس ماعندي خبرة فمشكوووورين الي قلتوهم بروح اشمهم
جانزين تقولولي أسامي عطور رجالية على عود من أجمل أو الرصاصي أو القرشي و أكون ممنونة لكم
و شكر خاص لصاحبة الموضوع الشيخة هاذي وردة حقج(f)

maryoom;4863664:
يعطيج العافية عزيزتي على موضوعج

آنا أستخدم أكثر العطور العربية من أصغر علي وأجمل ونادراً من جنيد لأن ريحتها قوووية حيل ماأقدر عليها..

بس عزيزتي بغيت أسألج وين ألاقي عبد الصمد القرشي بالبحرين؟؟

هلا ومرحبا بش اختى maryoom
اشكر مشاركتك
بس ما ذكرتي لنا العطور الي تشترينها من اجمل واصغر علي!
يمكن تخبرينا عن شي حلووو وندعي لش

عموما القرشي في السيف حبيبتي


ويا هلا بمرورك الطيب

انا استخدم مسك مكعبات من عبدالصمدالقرشي بعد الدوره
مسك العروسه كمان من عبدالصمدالقرشي
دهن العود الثقيل من العربيه للعود لشعري لكن ثقيله ريحته احس اني حرمه خخخخخخ
والخمريه مين يدلني على شي حلو ورخيص عبدالصمدالقرشي غالي مرره
والمعمول والعود كمان ماعرفت من وين اجيبه وكمان رخيص ابغى