ولادتي بآخر العنقود "عابدين"

السلام عليكم ورحمة الله وبركاته

اشلونكم خواتي حوامل البحرين :wavetowel2: ألي لولاهم ما كنت اعرف شنو اسوي وانا كنت مريضة وكان صيف والدكتور مانعني من ان اطلع في الحر لاني كنت مصابة بحساسية اسمها الحكة الحملية في كل حمولاتي كانت اتصيبني الحساسية بحكة شديدة وحرقان :(بس هل المرة كان اكثر واكثر وعلاجه كان بالكروتيزون فالحمدلله ما ياتني وايد حكة بس الخوف من جرعات زيادة الدكتور منعني ان اطلع ووجودي في البيت و عيالي محد وزوجي في الشغل وانا وحده تعلمت على الشغل فبنات البحرين ما قصروا صرت ادردش معاهم طول اليوم :whistling:وكانوا مالين علي وحدتي وخوفي من المرض اوه نسيت اقول لكم هاي حملي الرابع والاخير

شكلي طولت عليكم :shiny:

المهم أنا كان موعدي 20 نوفمبر وفي الليل كنت اقول لزوجي عيالي كلهم جبتهم في مناسبات بس هالمرة بعد العيد ما في مناسبة وسبحان الله في اليوم الثاني وكان ثالث ايام عيد الفطر وبالتحديد الساعة الثامنة وانا كنت راكدة:21_164:حسيت بماي نزل علي مرة وحدة وكان بكثرة فقمت وتكرمون رحت الحمام شفت مع الماي شوية دم :sad:وانا كنت في الشهر الثامن وكان اخر يوم من الثامن فعرفت انه هاي حالة ولادة ورحت لزوجي وقعدته من النوم وهو مو مصدق اني باولد واتصلت في امي وقلت لها قالت لازم اتروحين الحين المستشفى مادام الماي كله نزل طبعاً ما كان عندي الم الا شويه فرحت المستشفى الساعة 9 ونص والدكتورة شافتني وقالت راس البيبي فوق ولازم عملية الصراحة استانست لانه ما باطلق مع ان في حمولاتي القبلين كنت اجيبهم طبيعي فهني فكرت قلت ما دام عملية فبالمرة اسوي ربط وافتك من سالفة الحساسية مع ان عندي ثلاث اولاد والي في بطني بعد كان ولد والحمدلله فقلت للدكتورة ووافقت وزوجي وافق بس امي كانت اتقول لي لاتسوين انتي صغيرة وبتحنين للبنت بس راضيتها وقلت لها انتي اكثر وحده اتعرفين حالتي مع الحساسية واشلون نفسيتي تتعب وحملي كله صياح ونياح

فقلت للدكتورة ما دام عملية لا تأخريني علشان ما ايجيني طلق وأتألم وبعد وراي عملية المهم
وحد ه كانت قبلي وخلوني للساعة وحده ونص وانه احاتي وخايفة ان ايزيد فيني الم الطلق وجهزوني للعملية ودخلت الساعة الرابعة وعطوني بنج نصفي بس وايد وايد كنت خايفة:tongue: لاني كنت احس فيهم بس طبعاً ما في الم ودكتورة البنج كانت اتطمني المهم ولدوني الساعة الرابعة والنص بتاريخ 15 اكتوبر 2007 وياني آخر العنقود عابدين حبيبي :888345:

وطلعوني من العمليات وخلوني تقريبا ساعتن في الانعاش وودوني الحجرة وانا اهني تضايقت ونفسيتي اتعبت ما كنت اقدر ارضع ولدي ولا اتحرك من الالم وبس وقوف زوجي وامي وياي كان ايريحني يعني صج الطبيعي نعمه لانه العملية متعبة

والله يسهل على الجميع :Z_cool_c:

ام عون سابقاً