كيف عرفتي انج بتربين...؟؟

انا ببتدي وبقولكم

كانت الساعه 3 فليل كنت تعبانه في ها اليوم وااايد وانا طايحه ع السرير ياسه اقول لريلي ههه اتخيل اربي اللحين قالي زين احسن من انج بتربين وانا في الدوام المهم خذتنا السوالف الضحك وكنت خلاص بتهيا للنوم وفجاة حسيت بمغص في بطني .. طبعا هو كان االطلق وانا ما كنت اعرف انه ها الطلق دخلت الله يعزكم الحمام ان يمكن نازل عندي دم ولا شي ... اعرف عبط مني ... بس ما كنت اعرف وما عرفت بعد ان نزل عندي المااي ولا لا لانه كنت حاطه فوطه صحيه المهم ما قدرت اتحمل الالم ع الساعه 4 رحت المستشفى سبحان الله بنات واحنا في السيارة انا وريلي كنا نسمع قرأن عن المال والبنون وانا حسيت انه انا بربي
المهم دخلنا ع الدكتووورة فحصتني قالتلي انتي عندج مفتوح 3 سانتي بسرعه ع غرفه الولادة طبعا اختكم كاننت هبله انا اتحسبت انه خلاص بسير وبيطلع الولد ما كنت اعرف انه في بعدة وقت اتصلت في امي والحمدالله يتني هيه واختي الكبيرة تميت في غرفه الولادة لين الساعه9 وطبعا ما يحتااااي اقولكم مدى الوجع
ع الساعه 10 دخلت غرفه التوليد الساعه 10\30 انا مطلعه فهود فديته طبعا اللي دخل كعاااي غرفه التوليد اختي الكبيرة حليله كانها هيه اللي بتربي ههههه ودخل ريلي حصلته صااايح لين ما لاعت جبدة قلبي عورني عليه وبـــس

اعرف انه طولت عليكم بس والله يابنات انه احلى وقت كان عندي يوم طلع الولد الصراحه احساس غير طبيعي كان جدا راااااااااااااااااااائع والله



يالله عاد خبروووني عنكم انتوا..؟؟

أنا جاتنـــي آلاااام فظييييييييييييييعة أول مرة أحس فيهـا
جلسـت أربعة أيام أعاني منها وكل يوم تزييييد وتزيييييييد
وقبل يوم الولادة كنت خلاص بموت من الآلام ونزل على الماي
وأنا ولا على يالي... كل مرة أروح الحمام أشوف ينكب علي ماي
وفي النهايـة عرفت أني خلاص بربي... رحت المستشفى شافوا
عندي الرحم مفتوح 2 سم كانت الساعة 9:30 باليل...
وعاااااااانيييييييييييت لحد ما ولدت قيصري بولدي الله يحفظــه

والله انا في الاول والثااني جدااا تعبت لان انا من النووع الي عندي الحوض ضيق واقعد يوومين وانا اتوجع

في الاول على طوول اول ماحسيت بووجع رحتالمستشفى ولا نزل مني اي شي وقعدوو يحووسون فيا اللين ماطلعت عيووني وبعدين نزلت يارا

وفي الثااني حسيت بووجع بعد اخر جمااااع وكان تقريبا قبل صلاه الجمعه وجلس الووجع الى اليووم الثااني

ونزل ثااني يووم العصر موويات كثيررررررره ورحت المستشفى وقعدت الى السااعه ال12 و45 دقيقه وولدت وجبت حموودي

والكل طبيعي

انا في حمودي ...

قمت سرت السوق الصبح الساعه 9 اييب جلابيات الولاده حسيت بماي ينزل بس من دون وجع رحت المستشفى الساعه 1 وولدت الساعه 7 بس وجهع الظهر ذبحني كان حشرات تمشي في ظهري ..

اما في مريومه المزيونه

ربيت في رمضان من الساعه 1 بالليل احس بوجع يروح ويجي بس محتمل .. صمت اليوم الثاني والوجع يزيد ويزيد حلفت اني ما اروح المستشفى الا عقب ما افطر .. اذن المغرب فطرت بسرعه وصليت طيران على المستشفى وصلت فحصتني الدكتورة قالتلي بسررررررررررررعه ولاده مفتوح 9 دخلت 7 وربه وربيت 7 ونص ..

الحمدلله ماتعبت في مريومه ..

بس الي لعوزني في ولاده مريومه يوم سحبوا مني دم المشيمه ودم مني للحفظ ما خلوا مكان ما حاولوا يسحبون منه دم وفالنهاية ما نفع ان يحفظونه لانه ما طابق دم المشيمه مع دمي ..

بعوااشه كنت كلش مااحس بشي وكنت بخلص تااسع وكنت رايحه صبح مشوار ورجعت وقعدت بصاله اشوف تلفزيون ورفيجتي متصله تخبرني باختها بتربي واضحك معاها اقولها الكل ربي الا انا شكلي بعوشر وبس بعدها قعدت اشوف تلفزيون وشوي نزل منى ماي واتصلت بريلي كان بدوام وجاني الم فضييييييييييييع وجهزت اغراضي ورحت المستشفي وكنت 3سم وتميت من ظهر لين بليل وربيت عقب ماطلعت روووووووووووووووحي

انا وضعت بشهر رمضان ( 21 رمضان ) .. كانت ليالي مباركة الحمدلله !

قدمت عن موعدي 16 يوم !

اما عن بوادر الولادة ، كنت عند دكتورتي و كالعادة احتاج للحمام اكرمكم الله في العيادة ، لما رحت شفت دم غامق ينزل مني ! .. طلعت مذعورة و قلت لزوجي و هو خاف مسكين و قلنا للدكتورة ، قالت هذا دليل على ولادة قريبة !

المهم سوت لي تخطيط طلع معاها طلق و انا مااحس !

بإختصار .. لما رديت البيت نزلت علي الالام المبرحة ! لثلاث ايام انا اطلق .. ووضعت بعد معاناة استثنائية ! ..

السلام عليكم ورحمة الله وبركاته..
بصراحة لحظات احاول انسها .. ما ابي تذكرها.. ربي يحفظكم ويسهل على كل حامل

انا عن نفسى وصلت التاسع وكنت خلاص ماقدر استحمل الحمل والثقل

ماكان معى ألم ولا شى بس قمت مع الصبح ورحت صوب الدكتور

وقلت ولدنى<<ههههههههههههههه مستعجله هههههههههههههه

المهم قام الشيخ وفتح الرحم عندى <<كان الوقت 9صبح وقالى يمكن على 8 المسا اتربين

المهم ظهرت من عنده وانا احس بالم بسيط وبس فيه دم وماى شوى

ويوم جات الساعه 8 شافنى قال مفتوح الرحم 3

قلت يعنى شنو قال روحى البيت وتعالى بكره يمكن اتصير ولاده قلت والله ماطلع من عندك <<ههههههه نشبه

المهم دخلت المستشفى وركب الكمام على من الساعه 9 المسا الى الساعه 3 الفجر واناوالله ماحس الا بألم بسيط

وعلى هذى الحال الين ظهر حمود فديت قلبه<<ولاده حلوه خخخخخخخخخخ راقده طول الوقت ماحس الا بألم بسيط

ههههههههههههههههههههههههههههههههه<<على فكره ترى طبيعى هع

بس ولدى تعب بسبب الكمام اول ماطلع كان لونه ازرق وصارت سالفه<<والله بغيت اذبح الدكتور

وحلفت ثانى مره اولد فى النسا حالى من حال النسوان

انا حكايتى حكاية كنت رايحة الزيارة الشهرية للدكتورة باول اسبوع من الشهر الثامن وسالت الدكتورة قلت لها فى سائل صار لة يمكن شهرين بينزل منى خفيف قالت لى نكشف الاول طلع ماى البيبى و قالت لى لازم اتنوم و اتنومت و بعد اسبوعين ولدونى بطلق صناعى لان صابنى التهاب و الماى قلت و كان فى خطر على و على بنتى الدكتورة حطت لى التحميلة الساعة 5 المغرب ولدت تانى يوم الساعة 10 الصبح بس اية الطلق كان شغال طول الوقت انفتح كيس الماى كامل الساعة 5 الفجر و الساعة 10 الا ربع نزلت لولو حبيبتى و استقبلها دكتور الاطفال طبعا لانها مولودة بالثامن الله يحفظها يارب

اممممممممممممم

بالاول ابدا ما كنت متوقعه اولد .. الكل كان مفهمني اني راح اطوف موعدي لاني بكر هههههههههههههه وانا بعد ما كانت عندي الام ولا شي ..
قبل موعد ولادتي ب10 ايام قعدت من النوم الصبح حسيت برطوبة تحت :whistling: رحت الله يعزكم الحمام الا الماي بدا ينزل وانا خفت ، راح زوجي سأل امه اذا في داعي نروح المستشفى او لا فقالت اي روحوا بس ما خبرتنا انها علامة ولادة ولا شي :schmoll:
رحت المستشفى الدكتورة فحصتني قالت لي ماي يعني ولادة !! قلت لها يعني انا بولد اليوم ؟؟؟ <<< ما كنت مستوعبة ابدا ،، قالت لي اي ان شاء الله اليوم والدة باذن الله .. اتذكر اول شي جا في بالي وقتها هو التاريخ ,, لان انا كان موعد ولادتي 4\4\2004 يعني التاريخ كان واااااايد حلو فقلت اليوم خسارة التاريخ مو حلو " التاريخ كان 26 \ 3 " :(
ومع ان الماي كان ينزل علي بغزارة الا ان ما كان معاي طلق ولا انفتحت حتى نص سنتميتر ،، قالوا بينتظرون الى الليل اذا ما ابتدا عندي الطلق بيسوون لي طلق صناعي لكن بعد 3 ساعات ابتدا قالوا خلاص الطلق لازم نحطه الحين لان في خطر ع البيبي وحطولي اياه الساعه 12 ونص الظهر وتميت اعاني الين ما ولدت الساعه 7 و34 دقيقة المغرب :wavetowel2:
لكن اتذكر لما خبرتني الدكتورة ما رحت ان ولادة استأذنت منها وطلعت اخبر زوجي وكان مو مصدق ولا كان في بالنا اني بولد اليوم وكنا حاطين في بالنا على الاقل بعد اسبوعين بولد هههههههههههههههه
والحمدلله اني قبل يومين بس من ولادتي جهزت شنطة المستشفى :tooth:


****************************

اما بالثاني صار عندي خبرة اضافة الى ان قامت تجيني تقلصات من الشهر السابع .. ومن وصلت نهاية التاسع قمت اشتغل على روحي مشي علشان الولادة ،، وباليوم الموعود قعدت الساعه 4 الفجر الا في نقطة دم صغييييرة نازلة علي رديت نمت وقعدت الساعه 7 حسيت برطوبة وفرحت ويوم جيكت طلعت افارازات مو ماي وانحبطت شوي لاني كنت متوقعة ولادة الحين وزوجي كان ينتظرني يبي يتأكد قبل ما يروح الشغل وعمتي بعد كانت نايمه معانا لان عمي كان مسافر قام زوجي وقعدها وقالها ماما حسون تقول انها حاسة برطوبة هههههههههههههه وماطلعت من الحمام الا اثنينهم ينتظرون يبغون يتطمنون :shiny: قلت لهم لا ما في شي وقلت لزوجي يروح الشغل عادي واذا صار شي بتصل له ،، وطمنت عمتي بعد ان ما في شي ورحنا ننام وقعدت الساعه 9 على الام تجي وتروح وهني قلت شكلها ولادة هاليومين ان شاء الله .. وكان في نفس الوقت زوجي متصل يسأل قلت له لا ما في شي ،، والساعه 10 كنت رايحه الحمام الا نازل مني دمممم :wavetowel2: فرحت كثييييير وطلعت واتصلت لزوجي وقالي ربع ساعه وانا عندك وعمتي مسكينه قامت تسوي لي حليب ساخن اشربه تقول زين للولادة وهي مستانسة وايد لانها كانت دوم تدعيلي ،، وانا في هالفترة قمت جهزت اغراض حق ولدي الكبير علشان بنوديه عند اهلي في فترة وجودي في المستشفى ولبست وانا اتألم وبصراحه توقعت اوصل المستشفى واكون 5 سم وفوق لكن انصدمت لما وصلت الا تقول الدكتورة انتي مفتوحه بس من 2-3 سم (w)
لكن الحمد لله ولدت في نفس اليوم المغرب الساعه 6 و10 دقايق وارتحت :wavetowel2:

انا فيني طلق من السابع ومفتوح الرحم 2 سم

ولين دخلت التاسع

قبل لا اولد بيوم الله يعزكم صادني اسهال ذبحني وترجيع

اقول حق ام زوجي ابي عصير ليمون شكلي ضاربني هوا

تقول لا انتي شكلج بتربين بكره اعتقد هذا طلق

المهم قمت اليوم الثاني ونزل علي دم وأوجاع خفيفه يعني محتملة وبعدها رحت حق امي

جات 8 بالليل والالم قام يزيد شوي شوي وامي تقول لا اصبري مابي اوديج المستشفى تتبهدلين

رحت على الساعه 11 ألا ربع قالولي 6 سانتي دخلت غرفة الولادة

والساعه 12 ونص ولدت وجبت نموووووووووور الغالي

السلام عليكم ورحمة الله وبركاته


لا تذكريني يا وخيتي في اصعب ايام حياتي

الله يسلم اعماركم انا قبل ولادتي بشهر كنا مرتبين الغرفة الي بتم فيها مع البيبي فترة نفاسي وكنت مع الخدامة ام عيون حارة وكل شي اطلع بطلت حلجها بااااال مااما غالي شنو يشتري .. وكل ساعه حطت عينها على شي وما يات العصر الله وكيلكم الا واحس بحرارررررررررة في بطني وتعبانة وجسمي يرتعش .. ونمت ذاك اليوم في بيت ابوي والصبح زوجي بالدوام اتصل لي قلت له مب قادرة ارقد وايد تعبانة واستاذن من العمل ويه خذاني ورحنا المستشفى وبعد الفحص والتخطيط طلع ان نبضي ونبض البيبي وايد سرييييييع يوصل ل 200 وجهاز القياس تم يرن يرن مال الخطر وانا هني قمت اصيحححححححححح من اجوف الممرضات يركضون وحالتهم لله وعندي حرارة مسخنة ... بس الدكتورة كتبت لي على الترقيد تحت المراقبة وتميت عندهم اسبوع وعلى نفس الحال مب راضي يتعدل النبض وكتبوا لي طلق صناعي ..

كملت 6 حبات طلع صناعي ما توسعت غير 1 سم بس .. مع ان وايد كان ينزل دم علي وكل ساعة يودوني العناية القصوى مالت الحوامل ويطلعوني من اصير اوكي .. وحالتي النفسية اعتفست فوق تحت وميتة من الام الطلق بس ما في توسع الا ال1 سم واخر شي الدكتورة قررت لي على عملية ومن قالوا عملية هاتوه يا توقيع بدونننننننننن تفكير اهم شي اولد وارتاح ويتطمن قلبي على ولدي...
وخصوصا اني مليت من القعدة في قسم الولادة من الليل للصبح اسمع صريخخخخخخ الي والدات وانا هاتوا يا دموعع وفي حالتي وانا ادعي لهم بتيسير الولادة وناسية روحي ههههههههههههه


واخر شي ولدت بعملية قيصرية وكان لسه باقي شهر تقريبا على موعد ولادتي ..ولا وحضرته فهادي حتى وقت الي بيطلعونه من بطني بالعملية مب راضي قام الدكتور خله يده فوق بطني من تحت الستار ودفعه لين ما طلع يمكن باسطططططططط ومستانس بالقعده الاخ ههههههههه



الحمد لله على كل حال والله يوالي خواتنا الحوامل الصحة والعافية وييسر حملهم وولادتهم ويقومهم بالسلامة


في أمان الله

يتني صيحه ههههههه

انا كنت منومه فالمستشفى بسبت الضغط وقبله بيوم قالتلي الدكتور خالص اذا كلشي تمام بكره بنطلعج قلت اوكي لاني مليت...

الفليل بعد ما راح زوجي نمت وصحيت تقريبا الفجر كان الم في بطني..قلت يمكن غازات رحت الحمام ورديت نمت بعده الألم ما يخف يزيد قلت خلني اتمشى فالغرفه بس الم كان يزيد ناديت على الممرضه عطتني دواء مسكن كلت الدواء وشويه ورجعته اقوللها بطني يعورني

قاسوا الضغط شافوا مرتفع اتصلوا بالدكتوره قالت حولوها على الولاده..

ورحت غرف الولاده بس كنت فالعنايه ومليون ممرضه ودكتوره على راسي وزوجي وخواتي جوو بسرعه

وعطوني دواء ينزل الضغط بس مافي فايده..قالواا بسرعه حولولها على القيصري لان الخطر كان علي وعلى البيبي خافوا المشيمه تنفصل وشي يصير فيه من كثر ما كان الضغط مرتفع..

ودخلوني العمليات وشقولي بطني واسمع احلا صوووووووووووووووووت اوووووووووووووووووووووووووووووه يعني كنت نايم ليش صحيتوني..هههههههههه فديته جان اتقولي الدكتوره تبين تشوفينه اقوللها لا ما ابي ههههههه خفت لاني ولدت في اةل الثامن وخفت من شكله وحجمه

بس يوم رحت شفته بعديت تميت اصيح لانه كان كتكوووووووووت وجميل بسم الله عليه

اشكر الكل ع المرور الطيب

روز القلب كنتي متحمسه وااايد شكلج للولادة

دمع الليل زين والله كنت تتدعيلهم انا يوم كان فيني الطلق اختي اتقولي ادعي لفلان اقولها خلي فلان يدعيلي هههههه

ماما حسون الصراحه انتي قصتج عجيبه واشكرج ع المرور وااايد ضحكتيني

ذكرتوني بما مضى

أنا في اليوم اللي يسبق ولادتي كنت أحس بمغص طول الوقت وتقلصات بس اتوقعته شيء عادي " أو حاولت أقنع نفسي بهذا "

وللحين أذكر أن رئيستي كل لحظة والثانية كانت تقولي فلانة إذا بتولدين قولي عشان ما أخلي فلانة تروح الكورس " إحنا موظفتين بس في القسم بالإضافة للرئيسة وكان عندنا ضغط وزميلتي ما راحت ولا كورس فرشحتها الرئيسة لواحد بس سألتني قبل عادي تروح ما في تعب عليش وأكيد ما بتولدين وأني أقول بثقة لا وين أولد للحين باقي شهر "

المهم أول يوم لزميلتي في الكورس رحت داومت عادي رغم أن التقلصات من الفجر كانت كل 10 دقائق تقريباً !! وعلى الساعة ثمان ونص حسيت ألم قوي بس كنت أتجاهله لأن واجد عندي شغل وأبي أكمل ... بعدين صارت التقلصات كل 3 دقائق تقريبا ما قدرت أستحمل رحت الحمام الله يعزكم بس عشان ما يلاحظوا أن فيي شيء إلا أشوف افرازات مخاطية شكثر مخلوطة بدم وأنا كنت قاريه قبل بيوم بس أنها من علامات الولادة الموكدة وهاي سدادة الرحم



رجعت مكتبي وأنا أشوي وأصيح لأني عرفت أني بولد خلاص وكانت رئيستي تدورني ومن شافتني قالت ليي فلانة في مذكرة عاجلة عاجلة للوكيل خلي كل شيء وسويها ... قلت ليها مو مشكلة بسويها بس ممكن استئذن بعدها أبي أروح المستشفى !!!!!!! في البداية ما أستوعبت القصة بعدين قالت ليي أتصل في زوجش يجيش الحين أو تقدرين تتصلين قلت ليها لا بتصل .. أتصلت ليه قلت له تعبانه قالي شيء ضروري عندي شغل عاجل !!! قلت له لا !! خلص وتعال ، والله ما صارت عشر دقايق إلا هو قدامي شلون وصل ما أدري بعدين قالي أنه من صوته حس أن فيي شيء وشغلي وشغله في نفس المنطقة وهو ساق بسرعة مو معقولة

المهم قلت له ما أبي مصعد بنزل على الدرج " شغلي الطابق الثالث هو مسماه الثاني بس في أرضي وأول وهو بعدين فالكل يعتبره الثالث " حاول فيي خصوصاً أنه طويل الدرج ما في فايدة
وكان طريق السلمانية زحمممممممممة ، وصلت الساعة 9 وربع تقريباً ودخلوني بسرعة بعد السونار والكشف الداخلي حولتني الدكتورة على غرفة الولادة مباشرة لأني كنت متوسعة 4 سم ، وعلى ما بدلت وصلت الغرفة صاروا 5 وأني أقول ببرود لا ما يصير أنتوا غلطانين هي مو ولادة هاي آخر يوم لي في الثامن !!! باجر بدخل التاسع !!

بعد فترة حسيت الألم صار شديد وبدى جسمي يرتجف ، وحاولت آخذ نفس كل ما جت نوبة ألم لتخفيفها مثل ما كنت أقرأ وفادني هذا شوي بس بعدين صار الألم أقوى وحسيت أنو بموت خلص وأن الألم ما يستحمل " عطوني أبرة مسكنة خففت شوي عني بس مو كثير " وبعدين حسيت برغبة قوية في دخول الحمام " الله يعزكم " قلت للنرس فحصتني فلقتني متوسعة 7 سم فقالت لا ما في حمام خلص هاي ولادة .. هني جتني حالة هستيريا خخخخخخخخ وقمت أصارخ أبي أروح الحمام وفعلا حاولت أقوم ... قامت تصرخ علي ونادت 3 يمسكوني وياها ويثبتوني وأنا أصرخ أبي أروح أبي أروح

قالت هذا الصغير بيطلع دفعي ، قلت لا ما أبي ... أبي الحمام !! ما بدفع ما بدفع هني !! هني صرخت وحدة من النرسات رأس البيبي بين فنسيت الحمام وكل شيء خخخخخخ ودفعت وأنا أحس بألم في كل جسمي .. هم يصرخوا دفعي وأنا أشد شعري من الألم وأدفع وفجأة حسيت بدفعة قوية واختفى كل الألم ولقيت وحمود بين ايدينهم ينظفونه طالعت الساعة اللي في الغرفة بتعب " كانت 1 و14 دقيقة تقريباً " وقلت حمود طلع ... حمود زين .. ماما حمود ليش تصيح لا تصيح " خخخخخ الله يسمعني يقول مو عارفه أنه إذا ما صاح بلوة " ، سمعتهم يضحكوا ويقولوا عارفه أنه ولد ومسميتنه بعد

وخلص رحت في غيبوبة " سابع نومة " وبعدين اتوعيت على وخزات الخياط

والله ذكرتوني بولدت عبادي اه اه اه ...............معاناه انا من الشهر السادس وانا اعاني يا بنات
اعاني الم فضيع ما يحتمل لدرجة انه يغمى عليا .........وكنت اسكن بعيد عن امي قالت امي مستحيل اخلي بنتي كذا لزم تجلس عندي لحد ما تولد انتقلت انا وزوجي نسكن بيت امي المستشفى ما اكتشف سبب الام يقولوا حموضه ................مره كنت طالعه ويايا خواتي
وخربت عليهم الطلعه توهم يريدوا ينزلزا من السياره الا وانا بديت ارجع من الالم
ودوني المستشفى على طول الدكتوره تقول حموضه وانا اقولها هذي ما حموضه هذا الم بختنق من الالم ما اقدر اتنفس والمصيبه حطوني عند وحده تبي تولد وصريخها مالي الغرفه
تصدقوا اقول لاختي ايش فيها تصاريح تقول هذي دلوعه ...........وانا اقولها لا تكذبي عليا هذي تبي تولد.............الدكتوره جات وعطتني ابره والله ما ابره ابرة حمير كبيره كبيره اول مره اشوف كذا لدرجة اختي ما قدرت تتحمل طلعت برع ..............المسكينه اختي حامل بعد
مرت الشهور وانا طبعا مع الالم ...........اكتشفوا انا عندي حصى في المراره وعددهم كبير وغير ان اثنين منهم كبار .................. وقالولي لازم اعمل عمليه بعد الولاده لانا يمكن يصدهم التهاب
بنات ايش رايكم الحين افكر في الم العمليه او الم الولاده
خلاص تعبت من التفكير والصياح ............خليتها على الله
يوم الولاده صحيت الصبح الساعه 7 الصباح حصلت دم ...........ههههههههه فرحت بعدين بدات تجيني الم بسيطه ...........ما خبرت احد الا امي .........زوجي جى من الدوام عمي الي هو حمايا جا يبي يشوفني جيت وجلست ويايه وقدمتله قهوه وانا فيا الم وساكته ............ لما طلع عمي خبرت زوجي .........بعد المغرب رحت البحر امشي رجعت البيت والالم يزيد خبرت امي تقولي انتي بكريه انتظري شوي ............جلست لحد الساعه 12 بالليل وما استحملت من الالم رحنا المستشفى حصلوا الرحم مفتوح 9 سم ........بدوا ينططوني من سرير لسرير من غير ما يغيروا ملابسي ............اتصدقوا بنات ولدت على الساعه 3 الفجر من التعب الي فيا ما قدرت ازفر 4 شهور وانا اعاني من الالم لدرجة امي جلست تصيح تقول لوني سار اسود مثل العبايه
في غرفة الولاده ...........اه اه معاناه وخلاصت وذكرى الالم ونهايه سعيده عبادي حبيب قلبي

وعلى فكره احس اني سرت قويه ولله الحمد رحت المستشفى وحدي وعملت العمليه ما اتصلت في امي الا ليلت ما انا بروح اسوي العمليه وجاتني المستشفى ........... وطلعت الحصى شكلهم مقرف عطوني اياهم للذكر ى :tears:

وااااااااااااااااااااااااااااااي ذكرتوني بنفسي اول ما حمالي بطروقي

انا ولدت تاريخ 2/6 وقبل بيوميين كنت احس بالألم خفيفه وسألت خواتي قالولي

بتولديين بس مارحت المستشفى الالم يروح ويجي بس ما هتميين

وفي نص الليييييييييل زاد علي الالم وكل دقيقه رايح الحمام وينزل مني مااي بس

وظلييت من الساعه1 الى الصبح الساعه 6 ونص وانا اتألم وطبعا زوجي نايمه وكل حيين يقعد اقول لي قومي

المستشفى وانا اقول لأأ ما بولد بس جذي والساعه 6 ونص ما تحملت الالم وزوجي وداني المستشفى وانا في

السياره اصيييح من الالم والخوف من الولاده لاني مادري شنو بصير فيني كنت خااايفه واايد

ولما كشفت الدكتوره كنت منفتحه 3سم والحمدلله ولادتي الساعه1 الظهر شرفت ملااك للدنيه

ومسامحه طولت علليكم بس فعلا ذكرى حللوه وصعبه جدا

والحمدلله على هالنعمه

والله يرزق كل محرومه

تحيااااااتي