السلام عليكم
انا ببدا بمشكلتي على طول واتمنى انو احد يساعدني لاني خلاااااص تعبت اكثر من 3 شهور وانا مو قادرة اركز في شي ,, احاول ادرس بس فكري مشتت ,, طول الليل بحاول انام ولا اقدر واذا نمت كوابيس تصحيني ولا اقدر ارجع بعدها انام .. ومو قادرة اصارح احد بمشكلتي خوف من انو ما احد يصدقني او من مادري شنو بالضبط وخاصة اني مغتربة وما لي احد هنا ,, بس بسكن في سكن الطالبات وهنا بداية المشكلة ,,
انا في غرفة لوحدي وكل غرفة فيها تلفون ولها رقم خاص ,, وكانت تجيني اتصالات كثيرة في كل وقت من شباب وهذا نوعا ما طبيعي واحنا متعودين عليه في السكن انو الشباب اللي في الجامعة واللي في السكن يتصلو على غرف البنات بحكم تشابه الارقام وانتو عارفين حركات الشباب ,, بس انا دايما اذا جاني اتصال من الشباب اسكر على طول بمجرد ما اسمع الصوت انو رجال ,, واذا اصر على الاتصال كم مرة افصل السلك كم يوم وارجعه ويكون خلاص مل وما عاد يتصل ,
في الفترة الاخيرة جاني اكثر من اتصال من شباب يطلبوني باسمي انا , بس انا على طول اقول لهم انو غلطان في الرقم واقفل ,,مع اني خفت من السالفة انو عارفين اسمي ويتصلون على غرفتي بس طنشت الموضوع , وخاصة انو اي بنت تقدر تتصل في المشرفة وتطلب منها رقمي او رقم غرفتي سواء كنت اعرفها والا لا والمشرفات عندنا ما يهتمو بهذي السوالف كثير ,, يعني مررة واثقين في البنات , فقلت في نفسي يمكن بنت عاطية احد اسمي ورقمي بس ما همني ,,
وفي نفس الفترة صارت تجيني اضافات غريبة من ايميلات ثانية وانا في البداية قبلت وحدة منها وعرفت انو واحد وبعدها صرت على طول احط بلوك على اي ايميل غريب ما اعرفه ,, الى ان وصلت انو واحد يتصل على جوالي ويطلبني بالاسم وبعدها صرت ما ارد على اي رقم غريب لانو صار يتصل من اكثر من رقم ,, ويرسل لي مسجات انو ردي ابي اقولك شي بس انا مطنشة الموضوع لين طفشت في يوم وغيرت ايميلاتي كلها ورقمي ,, وكنسلت ايميلاتي بس عارفين انو ما يتكنسل بشكل نهائي الا بعد 3 شهور اذا ما فتحته خلالها ,,
وطلعت لي رقم جديد وسويت لي ايميل جديد وارتحت لفترة ,, وفي هالفترة عرفت من بنت انو ايميل من ايميلاتي شكله مسروق لاني كنت راسلة رسالة لكل اللي عندي انو ايميلاتي هذيك خلاص ما راح استخدمها وهذا الجديد واللي بستخدمه بس , وفيه احد كان يكلمها من هذاك على اساس انو انا ,, بس خلاص قلت بما اني اخليت مسؤليتي من هذا الايميل يعني المشكلة منتهية
بس المشكلة انو صار يستخدم الايميلات الموجودة في هذا الايميل ويكلمهم ويضيفهم من ايميلات ثانية ,, واكتشفت هالشي انو انا شخصيا جاتني اكثر من اضافة على ايميلي الجديد وصديقاتي ثنتين منهم جاتهم اضافة من نفس الايميلات وكمان اختي !!!
و المشكلة اللي بجد متعبتني وهي الاكبر انو جاتني مرة مكالمة على رقمي الجديد من رقم غريب وما رديت , وعلى طول بعدها مسج انا فلانة وهذا رقمي الجديد ردي علي ,, واتصلت مرة ثانية ورديت وكلمتها على اساس انو هي فلانة - وهذي الفلانة تدرس معاي في الكلية - واقولها اكثر من مرة صوتك متغير تقول لي لا عادي بس من البرد وهيك ,, بس لاحضت اني اكلمها في اشياء هي ما تدري عنها وشكيت في الموضوع وشفتها يوم ثاني وسالتها طلعت البنت مو هي اصلا اللي داقة ولا تدري عن الموضوع شي !!!
وفي نفس اليوم اللي عرفت فيه انو مو هي اتصل نفس الرقم الا يكلمني واحد وعارف انا مين ,, يقول اجل غيرتي رقمك توقعتي ما اقدر اوصل له بس قبل لا تقفلي ابيكي تسمعيني للاخير ,, يا انك تمشين معاي سيدة وتكلميني وتسمعين كلامي او ترى بفضحك عند اهلك ,,
انا هنا وصلت حدي خلاص وغلطت اني سمعت كلامه ورديت عليه بعد,, قلت بتفضحني افضحني انا واثقة من نفسي اني مو مسوية شي واهلي واثقين فيني يعني ما بيهمني كلامك ,, قال انتي تقولين كذا , بس ترى انا ما بيصعب علي شي ,, انا اعرف كل شي عنك واقدر اتصل الحين في ابوكي واقوله اني اعرف بنتك واكلمها والدليل اني اعرف عنها كذا وكذا وكذا ,, قلت وانت وش جايب جديد كل الناس تعرف عني هالمعلومات ,, قال طيب تذكري امس لما كلمتك فلانة ترى فلانة كانت انا وقلت لك ترى ما يصعب علي شي وسجلت لك مكالمات بصوتك وتفضلي اسمعي , وشغل لي تسجيل بصوتي اني انا اكلمه واسولف معاه عادي ,, وانا واالله والله والله ما عمري كلمت احد ولا كلمته الا في هذي المكالمة لما نرفزني ,, وقال لي هاا وش رايك بتتادبي والا شلون ؟؟
وقفلت في وجهه وصار يتصل على الغرفة وفصلت السلك ورجع على الجوال وانا ما ارد عليه ويرسل مسجات تهديد انو بيشتكي علي عند اهلي وبيرسل لهم مكالمات هو مسويها
القهر انو لا هي صحيحة هالمكالمات وباعترافه هو مسجلها وببرنامج مغير الصوت لصوت قريب مني , ومن الغباء انو يعترف على نفسه انو هو اللي مسويها ,, ويقول مسوي لي محادثات في الماسنجر كمان ,,
وانا في هذي الفترة صرت مطنشته بالقوة لدرجة انو اي مسج يوصلني منه على طول احذفه بدون ما اقراه حتى ,, بس قبل يومين تقريبا ارسل لي مسج وبالغلط فتحته وكلامه كان انو اذا ما رديت عليه قبل الساعة 4 بيتصل لابوي وبيفضحني على قولته ,,
ويقول اذا ما طلعتك عند ابوكي اكبر " قال كلمة ما تنقال ابد " ما اكون انا رجال ,
وصار يتصل بعدها ورديت وكنت معصبة وقلت له انت وش تبي مني في الاخير ؟ انا اعرفك ؟ مسوية شي لك عشان تلاحقني ومو تاركني في حالي ,, قال ليه ما تكلميني طيب , قلت له وانا وش بيني وبينك عشان اكلمك وقعد يخربط بكلام انو انا احبك ومن الكلام الفاضي هذا ,
قلت له انا كل هالكلام الفاضي هذا ما يهمني ,, كل اللي ابيه منك تبتعد عني وتخليني في حالي ,, والا ان ما تركت هالحركات بشتكي عليك عند السفارة وبقول لهم السالفة كلها وهم يتصرفون معاك - على فكرة من لهجته باين انو من نفس منطقتي - هنا شوي حسيته خاف وقال خلاص بما انك ما تبيني ومادري شنو انا ما عاد يهمني شي بتشتكين على كيفك بس انا خلاص بتركك وبمسح ارقامك وايميلاتك كلها وكل شوي يعيد انو مو هامه شي خلاص بس كان باين عليه مررررة انو خايف ,, وهذا الكلام كان بعد العيد بيوم ,, واليوم ارسل لي مسج يقول على فكرة ترى مو من صالحك انك تشتكي علي لاني انا مستعد اوديكي في ستين الف داهية ,, ومن يومين وهو يحاول يضيفني من اكثر من ايميل وكمان اختي قالت لي انو فيه ايميلات تجيها منها اضافة وهي نفس اللي عندي وكمان صديقاتي ثنيتن منهم تجيهم اضافات غريبة من نفس الايميلات ,,
والله هالمشكلة متعبتني ومو قادرة اسوي شي ,, مو قادرة اركز في دراستي وامتحاناتي هذا الاسبوع ,, نوم مو قادرة انام ,, من احط راسي ع المخدة ابدا اصيح لا ارادي , ابي اعرف انا وش مسوية عشان يطلع لي هذا الحقير في حياتي يعني لاني صاكة على نفسي باب غرفتي وما لي في حركات البنات اللي هنا يصير لي كل هذا ,,
ابي اقول لاهلي ع الاقل يكون عندهم فكرة بالموضوع بس خايفة انهم ما يصدقوني خاصة انو يقول محرف لي محادثات ومسجل لي باصوات شبيهة بصوتي ,, او لو عرفو ووقفو بصفي خايفة انهم يرجعوني من هنا وما اقدر اكمل دراستي عشان واحد حثالة ,, وخايفة اني ما اقول ويوصل لهم خبر منه باي طريقة وبعدين يلوموني اني ما تكلمت ,,
محتارة وخايفة ابي اخلص من هالمشكلة باي طريقة ومو عارفة ,,
مع انو عندي اعتقاد انو ما يهدد الا الجبان وانو ما راح يقدر يسوي شي ,, بس في نفس الوقت تجيني في كل وقت تهديدات منه يعني كانه
يقولي لا تنسي وبظل وراج وراج وين ما تروحي ,,
مع انه من هذاك اليوم بعد العيد لحتى اليوم توه مرسل مسج بعكس الايام اللي فاتت اللي كان كل شوي مسج ,, بس اللي مخوفني منه انه قاعد يحاول يضيف اختي باي
طريقة ,, ومو عارفة وش اللي في راسه ,, وش يبي وش بيسوي وش يبي يوصل له
وعلى فكرة انا لما هددته بالسفارة وفكرت في الموضوع بشكل جدي اكتشتفت اني ما اعرف مين هو اصلا ,, يعني بروح اشتكي على مين !!!
ابيكم تشورون علي ,, لاني خلاص تعبت ووصلت فيني افكر في الانتحار عشان افتك من هالمشكلة بكبرها ,, ولو ع الاقل ما عندكم حل
لو بدعاء يفكني منه ويبعده عني ..
سلااام