بأذن الله ربي يرزقنا بخدود : )

حلوة ومو حلوة 25-12-2007 13 رد 2,457 مشاهدة
ح
السلام عليكم

أخباركم بناات ؟؟؟

تذكرون الموضوع اللي حطتة الأخت FULLA-000

هنااا موضوعها

انا كنت احاول اشتريه من زماان والحمدلله شريته

وبس شريته قلت على طول احطه للي كانو مشاركين في الموضوع يمكن يحتاجونه ويبون يعرفون معلومات عنه

وراح احط لكم النشرة اللي المرفقه معه


طبعا في مقدمه عن البشرة وكيفية العناية بها وانا راح اعطيكم الزبده منه

(( تم انتاج هذا المستحضر بتركيبه طبيعية سريعة الأمتصاص والتي تحتوي على الكولاجين النباتي والفيتامينات بألأضافة للزيوت الطبيعية مثل الافوكادو , الوافيرا , الجوجوبا وبروتين بذرة القمح وغيرها الممزوجه بمعادن البحر الميت لأعادة بناء خلايا البشرة وإزاله التجاعيد وملىء البشرة من الداخل بالكولاجين لتعيد البشرة حيويتها ومرونتها الشبابيه
كما يحتوي على واقي للشمس للأشعة الفوق بنفسجيه ( تعتبر هذه الأشعة أحد الأسباب الرئيسية المسببه لظهور تجاعيد والخطوط التعبيريه بالوجه والرقبه )

التركيبه

الكولاجين البناتي , بروتين القمح ,زيت الوافيرا , زيت الأفوكادو , زيت الجوجوبا , فيتامين E , البانثينول ( فيتامين B5 ) , فيتامين C , اوكتايل ديديكانول , جلسرين , معادن البحر الميت


طريقة الأستخدام

بعد غسل الوجه بالماء والصابون يتم تجفيف الوجه والرقبه جيدا , ثم يوضع كمية كافيه من كريم الكولاجين ثم يدلك بشكل دائري حتى يتم الأمتصاص بشكل كامل
يستخدم مرتين باليوم صباح ومساء




وعشان تعرفوا شكله صورته وحطيت الصور

اخليكم مع الصور

















يابنات انا توه الوالد الله يخليه لي جابه لي لأنه عارف معانتي وحاس فيني لأني محتاجه لخدود اكثر من اي شخص

الله يخليكم ادعو لي اكون طبيعية مع هذا الكريم تعبت من اللي فيني
سويت عمليه ومافادت اختفى اللي سويته ومابي اسوي مرة ثانيه


دعواتكم الله يخليكم
إ
الله ينولك اللي ببالك .. و تكبر خدودك و تستفيدي من هالكريم .. و ان شاء الله تكون لك خدود موردة ولا تروح منك ابد .. :wavetowel2:

.. بس حبيبتي من وين هالكريم ؟! ضروووووووووري لان حالتي نفس حالتج
ح
هلا حبيبتي

انا من السعوديه وشريت هذا الكريم من صيدلية الدواء وماراح تلقينه الا في هاذي الصيدليه لأني دورت عليه في امكان ثانيه ومالقيته



موفقه يااااارب
إ
.. الله يعيني و القاه ..

مشكوره حبيبتي ..

عاد بشرينا بالنتائج .. (y)
م
مشكورة خيتوووو موفقه يااارب

على اني بشتريه بس الحظ الدمر
f
الغالية حلوه ومو حلوه
ان شاء الله يتحقق اللي في بالج واتصير لج خدود
انا عندي نفس المشكلة في خاطري اتصير لي خدود
بس خبريني عن النتايج فاد وياج الكريم؟
ح
fadwa_le3yoonik

هلا خيتو

انا توني اليوم ثاني من استخدمه مابعد الاحظ شي
بس ادعي ربك يوفقني فيه لأني والله العظيم تعبت
وان شاء الله بعد عشان انتوا تستفيدو
غ
يعطيكي الف عافيه اختي نبي تعطينا النتيجه اول ماتشوفين النتيجه

لاني بصراحه مو داخل عقلي خدود تطلع بمجرد استخدام كريم

واذا ماعليك امر اختي قولي كم سعره شريتيه
r
طب يابنات ممكن تقولولى الكريم ده سعره كام ؟ ولو ممكن حد من السعودية يبعتهولى بالبريد ؟ واللهى انا حبعتلكم الفلوس قبل ما استلم الكريم عشان تتطمنوا على الفلوس وجزاكم الله خير الجزاء
ر
الله يعطيج لخدود اللي تتمنينها
وانشاءالله الكل يستفيد

وخبرينا بالنتياج
م
تسلمين على الموضوع وانا قريت موضوع الأخت ن قبل

بس ممكن تذكرين في اي المناطق صيدلية الدواء على حسب علمج

والله يحقق مرادج ويعطيج خدود

وايد أعجبتني مكوناته كلهها طبيعيه وروووووووعه
ك
بنات الكويت ممكن تقولولي في اي صيدليه اقدر احصل عليه لاني رحت بوتس ومالقيته
ع
شكرااااااااااا
ح
اهلا خواتي

اخباركم

بس حبيت اقولكم شي :(


من كم يوم كانت عندي مراجعة عند الطبيب اللي سويت عنده العمليه
وقلت له عن كريم الكولاجين وقبل لا اكمل كلامي قال لي كل هذا كلام فاضي
وانتو ترمون فلوسكم في الأرض
يقول مافي كريم ينفخ وحتى اذا نفخ ينفخ مؤقت ساعه او ساعتين بس وهذا ناادر

ويقول ان اذا شي ينفخ يكون من الداخل مايكون بشكل سطحي من الكريم

بس الحق حق انا من ساتخدمته وبشرتي صايرة نظرة حيييل وناعمة وموردة وصايرة مثل بشرة الأطفال بالنعومة والطراوة


موفقين يااارب
X