ضايق صدري حيل - منتديات عروس

:

:.:حوريه:.:

عروس مشرقة

24-12-2007 | 11:51 PM

السلام عليكم

اشحالكم بنات ؟

ضايق صدري لدرجه احس صدري يعورني:(

مضايقه من كل شئ حوالي :tears:

افكر اغير الجو واخذ شهادة ايلس بس ماادري شو بلاني

مافي شئ يسعدني كله اتم بروحي في الغرفة اكثر شئ

بس احيانا اطلع عسب ماحد يحس فيني خصوصا امي

ابى اكسر روتيتني في حياتي بس مافي فائده.

ماافكر بالزواج وايد لانه قسمه ونصيب .

رغم ذلك افكر لو عندي بيت وعيال وبكون منشغله على اقل

ارجع اقول مايندرى شو بيطلع نصيبي

للعلم انا انسانه حبوبه جدا وصريحه وعفويه والكل حاسدني

الله يعين حبيت افضفض باللي قلبي .

والسموحة

:

:.:حوريه:.:

عروس مشرقة

25-12-2007 | 12:03 AM

:( :( :(

ن

نشمية بنت سونيته

عروس مشرقة

25-12-2007 | 12:05 AM

الله يساعدج حبيبتي

شوفي حاولي تسيرين دورات ندوات محاظرات ها بالأول

سوي شيء يديد إشتري كتب تعلمي الطباخة دشي مواقع يديدة

تعلمي السياقة إطلعي الصباح إمشي فكري بمشاريع ممكن تسوينها من البيت

تعلمي الخياطة

المشكلة ما اعرف إنتي بأي دولة

*

*عيون الريم*

عروس فضية

25-12-2007 | 12:08 AM

حاولي تلهين نفسج في قراءة القران فهو خير ونيس الله يخليكي ويرضى عليكي واقول لو تشاركي بمعاهد احسن او دورات مفيده ومسلية

واعيد واقول اقري القرآن فبذكر الله تطمئن القلوب

:

:.:حوريه:.:

عروس مشرقة

25-12-2007 | 12:09 AM

نشمية بنت سونيته;4843331:
الله يساعدج حبيبتي

شوفي حاولي تسيرين دورات ندوات محاظرات ها بالأول

سوي شيء يديد إشتري كتب تعلمي الطباخة دشي مواقع يديدة

تعلمي السياقة إطلعي الصباح إمشي فكري بمشاريع ممكن تسوينها من البيت

تعلمي الخياطة

المشكلة ما اعرف إنتي بأي دولة

انا امارتيه

انا اسوق وماخذه دورات وايد احس اني ماخليت شئ ماسويته

رغم ذلك احس شئ ناقصني :(

بس اليوم صايبني ضيق فضيع مادري ليش؟

المشكله اني لا اقدر اصلي ولا اقرا القران بسبب الدوره

بس اللي اقدر عليه ادعوا انه الله يفرج همي

تسلمين يالغاليه والله على المرور ونصيحته

ن

نشمية بنت سونيته

عروس مشرقة

25-12-2007 | 12:10 AM

بصراحة أنا مع الأخت عيون الريم

القرآن واااااااااااااايد يريح

:

:.:حوريه:.:

عروس مشرقة

25-12-2007 | 12:12 AM

*عيون الريم*;4843346:
حاولي تلهين نفسج في قراءة القران فهو خير ونيس الله يخليكي ويرضى عليكي واقول لو تشاركي بمعاهد احسن او دورات مفيده ومسلية

واعيد واقول اقري القرآن فبذكر الله تطمئن القلوب

يالغاليه مااقدر لانه الحينه فيني دوره شهريه بس اقرا المعوذات واية الكرسي

وادعوا لنفسي .

اما عن المعاهد هذا اللي بسوي حاليا ان شاء الله والله كريم

انا ماعرف شو اللي مضيقني جي فاجاه

تسلمين حبيبتي والله

م

مهاا والحلا لهاا

عروس ماسية

25-12-2007 | 12:19 AM

حبيبتي اشغلي نفسج بالأستغفاااار

ل

لوٍن المطرٍ

عروس برونزية

25-12-2007 | 12:24 AM

يارب يريح خاطرك ياقلبي ويسعدك دنيا وآخره
لاتجلسي لوحدك بالبيت أجلسي مع أهلك ويمكن ضيقتك هذي بسبب الدوورة هاليومين
بتأثر على نفسيتك وشي طبيعي
وزي ماقالوا أخواتي إذا فيك تتعلمي دورات كمان فزيادة الخير خيرين منها تغيري جو وتتعلمي
والله يوفقك

ن

نشمية بنت سونيته

عروس مشرقة

25-12-2007 | 12:42 AM

ياااااا حبيبتي هااا عادي بسبب الدورة لأنه تعرفين هرمونات وسوالف يلسي إستغفري وإشتري كتب دينية لين ما تخلص ام علي إذا خلصت خبريني شلون صرتي

م

موني العمر

عروس مشرقة

25-12-2007 | 01:24 AM

الله يعييييييييييييين عليك بالقران يااختي .

ل

لوافي

عروس نشيطة

25-12-2007 | 01:49 AM

رمسي ربيعآتج
و عزميهم عندج فـ البيت
رووحي عندهم
اتونسي
زوري قرآيبج ..
لآ تحبسين عمرج ارووحج فـ الغرفه
و حآولي اتفكرين فـ اشيآ تفرحج
مب كله اتقولين انآ مضآيجه و مآعرف شو اسوي
^^
و طمنينآ عنج
=)

ا

احلام فتاه

عروس مبدعة

25-12-2007 | 05:38 AM

الله يساعدج حبيبتي

شوفي حاولي تسيرين دورات ندوات محاظرات ها بالأول

سوي شيء يديد إشتري كتب تعلمي الطباخة دشي مواقع يديدة

تعلمي السياقة إطلعي الصباح إمشي فكري بمشاريع ممكن تسوينها من البيت

تعلمي الخياطة

المشكلة ما اعرف إنتي بأي دولة

و

وحي الفيروز

عروس ذهبية

25-12-2007 | 08:57 AM

حبيبتي الي تمري فيه شي طبيعي ويسمى اكتئاب الدورة
اهم شي لاتخليه يسيطر عليك حولي تغيري جو
سوي اي شي
مثلا اقلبي غرفتك فوق تحت سوي حملة تنظيف كامل للغرفة
افرزي ثيابك وشوفي الي ماتحتاجيه وتصدقي ابه
ولاتقولي الشغالة تنظف لا
اليوم خليها في اجازة وانت قومي بالمهمة عنها

روحي المطبخ واطبخي وتفنني في الطبخ
قولي الى امج اليوم يمه ارتاحي وانا راح اطبخ

اطلعي المولات او روحي الى رفيجاتج

سوي اي شي اهم شي تغيري الجو الي عايشته
وراح تشوفي اليوم مر بسرعة ولاحسيتي بشي

موفقـــــــــــة يااارب والله يبعد عنج الهم

ع

عيون غاية

عروس متألقة

25-12-2007 | 09:25 AM

الله يعينج اختي

وربي يفرج عنج ضيقتج

شوفي اختي انا وايد امر بنفس الحالة اللي انتي فيها

صدقيني احس الدنيا كلها هم على صدري

مع اني معرسة وعندي بنتين والحمدلله بس مادري ليش يصير فيني جذي

تدرين شو اسوي؟؟؟

اول شي اقعد استغفر الله واذكره وادعيه

وبعدين ما اقعد استسلم للضيقة يعني اسوي اي شي احبه

مثلا ازور اهلي او ادخل منتدى عروس وافرج عن نفسي

وبعدين لما تحسين بالضيق فكري دايما باشياء حلوة

وحطي في بالج ان هذا بلاء من رب العالمين يغسل فيه ذنوبنا

ودايما حمدي ربج وقولي ترى حالي احسن عن حال وايدين غيري طايحين بالمستشفيات

مالهم امل بالشفاء الله يبعد عنا الامراض انشا الله

والسموحة الغالية طولت عليج

وطمنينا عليج:wavetowel2:

:

:.:حوريه:.:

عروس مشرقة

25-12-2007 | 09:04 PM

تسلموون بنات

انا احاول اشغل حااالي

ان شاء الله مرحلة وتمررر

جزاكم الله خير

خ

خبال أنثى

عروس متألقة

25-12-2007 | 09:17 PM

هلا اختي...
يمكن هالامور عشان الدورة فيج هالايام.. تعرفين النفسية تكون زفت وحاله.. الله يعينج...
والله انا مرات شراتج احس بضيقه بس الحمدالله ترووح... ومرات بالقران.. ومرات بالصياح تحسين بالراحه...
وحاولي كثر ما تقدرين انج تشغلين نفسج الغلا... ولا تفكرين بشي..
لانه مرات الفراغ.. والقعده روحج تسبب الضيقه..
^_^

h

halakhaled

عروس ماسية

25-12-2007 | 09:18 PM

اختى عليك بالقران والذكر
وربى معك ويخفف ما انتى فية

:

:.:حوريه:.:

عروس مشرقة

25-12-2007 | 10:07 PM

مشكورين بنااااات

والله كلامكم طيب يريح شوووي النفسيه