الدمعة خانقتني .... ودي افضفض لكم .....

مادري اشلون ابدا و احكي لكم ....... احس العبرة خانقتني يا بنات دايم حزينة و مكتئبة و صرت ما احب التجمعات و بالاخص العائلة ...... انا شفت اشلون قلوبكم على بعض في هالمنتدى و من زماااااااااااااان و انا اتصفح مواضيعه عشان كذا ما ترددت في اني ابوح لكم بالي احس فيه ........... حتى لو ما اعطيتوني حل يكفي اني فضفضت يمكن ارتاح شوي
انا عمري 29 سنة مو متزوجة ........ مافي في البيت غير انا و امي و ابوي و الشغالة .... عندي اخت وحدة بس متزوجة و ساكنة بمدينة بعيييييييييييدة وايد عنا .... تزورنا مرة او مرتين بالسنة .. باقي اخواني رجال و متزوجين عايشين في بيوت مستقلة عنا ........ عشان شذيه احس بوحدة فظيييييييييعة يا بنات خاصة و ان علاقتي بزوجات اخواني رسمية و مو ذاك الزود
بنات لا تفهموني غلط ارجووووووووكم ... امي و ابوي مرضانين و يحتاجون لعناية خاصة .... يعني مايقدرون يقضون حاجاتهم اليومية بلحالهم .... و مافيه طبعا احد غيري .... صحيح بعض اخواني مايقصرون و يجون يلبون احتياجاتنا لكن مو مثل الي عندك بالبيت .... يعني اخواني حدهم الساعة تسع بالليل و يروحون بيوتهم ... و اضل انا مع امي و ابوي ........ اعطيهم العشا لان كل واحد فيهم يحتاج نظام غذائي خاص وبعد شذيه اعطيهم الدواء و اغطيهم و احيانا يصحى احد منهم باليل و يناديني و اضل عنده لحد ما ينام يعني احيانا ما اخذ كفايتي من النوم و ثاني يوم عندي دوام ( الحمد لله على كل حال ....... بس يابنات ارجوكم لا تفهموني غلط انا مو متذمره من خدمتهم لا وربي .... عساني اموت و لا اسويها .... لكن يا بنات انتم تدرون ان البنت لما تجيها الدورة و شلون تكون تعبانه نفسيا و جسديا .... وانا بالذات اصير عصبية بشكل مو طبيعي قبلها بيومين ......... فاصير عصبية و اتفه شي يخليني مكتئبة و اضل الليل كله ابكي ... خاصة لما اشوف بعض اخواني و شلون عايشين حياتهم و لاهمهم ( انا اتمنى و الله لهم السعادة بس المفروض يفكرون فيني شوي ) ...... و لما اشوف زوجاتهم و الخرجات و الروحات و الكشخة احس اني احزن على حالي ...

ابي اقول لكم شي هو سبب حزني الاساسي .... يابنات ودي اتزوج .... ودي يكون لي بيت و زوج و اولاد .... تعبت من الوحدة وربي تعبت يا بنات يعني حتى اختي بعيدة مالي احد قريب اشتكي له و يفهمني ........ و ما فيها شي كثير بنات متزوجين و يرعون امهاتهم
وربي يوم اشوف وحدة من صديقاتي او اصغر مني و معها طفل احس بغصة في قلبي ..... الحمد لله انا مو ناقصني شي مو مدحا بنفسي بس الكل يقول لي هالشي .... اتقدموا لي كثير لكن ابوي الله يسامحه و يغفر له كان يرفض ..... وقتها كان الحمد لله بصحته و عافيته كان ما يقبل باي شاب يتقدم لي مع ان بعضهم طيبين و من زين الشباب لكن كان يرفض و يقول عوائلهم مو زينة مع ان بعض زوجات اخواني عوائلهم فيها علة اكثر من عوائل هالشباب ....
كل الشباب الي تقدموا لي تزوجوا و صار عندهم عيال .... و انا محلك سر ... تدرون يا بنات ا ن اخر واحد تقدم لي كان قبل 3 سنوات !!!!!
يا بنات مرة امي ترقدت بالمستشفى يومين و انا كنت مرافقه معها هاليومين و لاو حدة من زوجات اخواني و لو مجاملة قالت لي اساعدك و انتي ارتاحي لك شوي و نامي ...... المهم ذاك اليوم بالليل ماجاني نوم ... جلست اناظر بامي وهي نايمة .......... اتأملت وجهها وبعدين قلت لنفسي ...( الحمد لله ان ربي سخرني لها و ما كنت بنت عاقة ..... لكن يا ترى انا اذا كبرت مين لي ؟؟؟؟ مين بيرعاني لا كبرت ؟؟؟ ) ........... و بعدها بدت الدموع تذرف من عيوني و بكيت بكيت بكيت لحد ما غلبني النوم .....

يارب ارحمني برحمتك ...... يابنات و ربي قلبي قسى كثييييييييير و صرت اشوف الناس بنظرة مو مثل اول .... انا كبرت و فرص الزواج ما عادت مثل اول ... و بعض الناس قاموا يتشمتون فيني ......... حتى بالدوام احيانا يجلسون زميلاتي بالمكتب يتكلمون عن الزواج يقمون يقولون كلنا متزوجات مافيها شي ما عدا انتي صكي اذنك و عيونك لا تسمعين شي او اذا شفتهم يتكلمون بصوت واطي اقول لهم ويش تقولون يردون علي شي ما يخصك !!!!
في البداية كنت اخذها على انها مزح بس الحين صرت اتحسس من كلامهم و تصرفاتهم معي و ارجع البيت وانا في عيوني الدمعة ااااااااااااااااااااااااااه
دايم افكر بمستقبلي وشلون راح يكون ........... وكيف راح اعيش ؟؟؟ لما اشو ف الي بعمري وشلون عايشين حياتهم يطلعون ويا ازواجهم و عيالهم وانا بس قاعدة لحالي حتى يوم العيد تصدقون اني اجلس ابكي الليل لحد ما يغلبني النوم !!! لان كل واحد من اخواني يطلع ويا زوجته و عياله يتمشون وانا لحالي بالبيت ماقدر اطلع عشان امي و ابوي وعشاني ماعندي زوج !!!!! ......... احس شي ناقص بحياتي يا بنات ...... وربي لحظات كثيرة مرت علي احس اني بحاجة لرجل ما ابيه يكون ا خ ما ابيه يكون ا ب ابيه يكون زوج .... فهمتوا علي ابيه يكون زوج ....... ربي ارحمني برحمتك
ادري اني طولت عليكم ....... وافكاري ملخبطة بس مادري صدري ضايق و ابي افضفض و مالقيت احد غيركم