والله ضايقه فيني الدنيا..مالقيت غيركم

بنات انا عندي صديقات ومقربات لكن مااقدر اقول لهم هالشئ؟؟

والسبب انه اللي بشكيلكم منها..أمي..

بنات امي ماحسيت بحنانحها من يوم وأنا صغيره..مب بس انا حتى اخواني..بقولكم قصتي من البدايه..

أنا أمي من يوم وانا صغيره ماكانت تسولف معاي بس علاقتها في تذاكرلنا وفلوس واغراض وبس..اما الحنان والسوالف للأسف ماحصلنا هالشئ..يمكن كانت علاقتها طيبه مع اختي اللي اصغر عني بسنه..لكن من ملجت اختي أمي انجلبت عليها..

بنات للأسف أمي كانت ..وكانت ماتتحجب..وفي اشياء ماابي اذكرها..وابوي كان بعد مو ملتزم ..ولكن لما صار عمري 14 أبوي تاب ولله الحمد صار انسان ثاني..يصلي ويقرا قرآن وكل همه عياله وكان عصبي وصار حنون طيب..وعلاقتنا فيه طيبه..الله يخليله لنا..

اما امي بنات ماكانت تتحجب..ولكن بعدين تحجبت وتركت خرابيط الشباب..ولكن صارت نكديه لابعد الحدود..لما كبرت أختي وملجت بدت تدب المشاكل بينها وبين اختي..والسبب تبي تتحكم في كل شئ لين مره من المرات أختي طلعت مع زوجها لشغل ضروري وماخذت معها اي حد لانه محد كان بالبيت تخيلوا شو صار..اول مادخلت احتي زوجها دخل غرفة اخوي..وامي قعدت تضارب اختي وتسبها بكلام وسخ واختي ماسكتت لانه صدق ريلها كانيسمع تخيلوا كامت وصفعت على ويها..واختي راحت الغرفه تمت تصيح..ومن ايام الملكه اخترب علاقة امي باختها..

ونفس الشئ اختي الثانيه لما ملكت امي تدخل عمرها بكل شئ بس اختي عرفت كيف تصرف..وانا كنت اساعدها بالتحضير وامي مرات..ماقصرات امي..لكن اكثر شئ الحمل علي..تخيلوا بنات امي ماكملت اختي ولا قالت ها شو تسوي..ولا اي شئ مسكينه اختي اختي الكبيره ومرت اخوي يفهمونها..

اما انا فأول ماتخرجت من الثانويه جبرتني ادخل الجامعه..ودخلت وسوتلي مشاكل وطلعت علي كلام واخواني يدقولي ويضاربوني وانا احلف لهم انه الكلام ماصار..يصدقون امي وانا الكذابه..طلعت من الجامعه وكرهتها من المشاكل..رحت الكليه ونفس الشئ تخيلوا بنات تقول اني اكلم اخو اربيعتي؟؟وانا ماسكت دافعت عن نفسي..وتخرجت من التقنيه..والحمدالله..ولكن بنات والله من اي مشكله تمد ايدها..وحتى وصلت 21-22

ومن بعدها انا اتجنبها..خلاص طفرت منها..امي بنات والله ماتتخيلون كيف متسلطه..تبي تتدخل بكل شئ..والله بنات ماتتخيلون المذله لما تتضارب معاي تحب تخلق اي مشكله ماتحترم اهل ابوي تسب ابوه وامه..وابوي تعب منها بس صابر عشان..

انا بنات الحمدالله كبرت وتخرجت واخذت الليسن..وتنزل فلوس كل شهر من الدوله..يعني افتكيت من مذلتها وعندي سياره..اللحين هيه تنقهر لانها ماتقدر تمشي كلمتها علي..

تخيلوا بنات انا عمري 26 وقمت كله اتجنب المشاكل معها..

اخر فتره تضاربنا انا واختي وتصير بكل بيت..وتدخلت بالسالفه ودارت ضدي قلت لها امي السالفه بيني وبين اختي بليز لاتدخلين قامت تصارخ,,وقامت بمد يدها بس انا مسكت يدها وقامت اختي تدافع ودار بينا والله مسكينه اختي..وعقب انا خلاص وصلت حدي وقلت لها الله ينتقم منج..بنات بتقولين ليش قلت جي والله بدون وعي..لين طحت عليهم وانا ماحسيت بعمري..

وابوي مسكني ومساكين خواتي كلهم جنبي..تخيلوا اسمعها تقول تمثل كذابه..تدرون سو صار فيني جلطه مؤقته..من الصدمه..والحمدالله عدت على خير..ابوي ماقصر..وبعدين رحت طحت وصليت..

وهيه طبعها كل الناس غلط وهيه الصح..من يومها انا موقادره اسلم عليها..رافع راسها فوق..كاني انا حشره جنبها..والله بنات..تقول لاخواني الصغار بالسياره فلانه تمثل..وتقول لأختي قبل العيد اني ماأسلم عليها..طبعا انا ماسلمت..خلاص قلبي تعب منها..في امي جي..

بنات بدون مابالغ والله..أمي الله يهديها يارب..تكذب كثيييييييييييييييير..وتألف..وعلاقتها شينه مع نا كثير..ومل اتمسك التيلفون كله حش بالناس..ولو نكلمها تقول انتي مايخصكم انا مااحش..وتدعي على ابوي مع انه ماعليها قاصر...كل اللت تبينه عندها..وحتى مع اخونها علاقتها مره زينه ومره شينه..

شو تبوين اقولكم والله مو عارفه..امي انسان نكديه فوق ماتصورون حتى ايام العيد مايهمها لو سوت مشكله..وحتى يوم عرس اختي يو رجعنا..تخيلوا نحنا قلوبنا تعبانه اختي بتورح وهيه تصارخ عشان جدتي ماحضرت..

علاقتي بكل اخواني شينه..والله كلهم تصيلهم مشاكل معاها..يحالون يكسبونها مع انه صعب جداا..حتى حريم اخوني..علاقتها طيبه جدامهم.بس من وراهم تتكلم عليهم..

والله بنات لو اتكلم بقلبي وايد اشياء..الحمدالله ربي عوضني بأبوي وخواتي..وخواتي قريبات مني..وكلنا على قلب واحد..ولله الحمد..بس مااقدر اشكيلهم ولا لصديقات..مااحب اشيل اي احد همي..

تعرفون شو امنيتي..بدون مابالغ

اتمنى تكون عندي عيوز كبيره بالسن..حنونه..طيبه..تدعيلي بالخير..مو تدعي علي وعل اخونا بالموت..وتعايرني مرات..


مابي فلوس ولا ملابس كل عيد..ولا سياره..ابي رضى ربي..وام احس بحنانها..