و للاسف اني ما لحقت اصورها بالخطوات لاني نسيت
و هذي الصوره من الموقع ...لكن الي عملتها طلعت نفس الشكل
المقادير
عجينه الباي الجاهزه ...نلاقونها بقسم الثلاجه بالسوبر ماركت
1 كوب سكر
4 بيضات
3/4 ثلاث ارباع كوب ماء
كوبين حليب مبخر ...يعني ابو قوس
ذره ملح
قرفه بودر الكميه حسب الذوق
جوز الطيب بودر الكميه حسب الذوقا
الطريقه
اولا: نفرد العجينه في صحن بايركس حتى الاطراف ...لان راح ندخلها الفرن
ثانيا : نخفق البيض و السكر و بعدين نضيف الحليب و الماء و ذره الملح ...و نصبه على العجينه بالصحن
ثالثا: نرش عليها القرفه و جوز الطيب على السطح بالكميه الي تحبينها
رابعا : نحطها في حمام مائي ...يعني نجيب صحن اكبر من الصحن الي جهزنا فيه الفطيره و نضيف في الصحن الاكبر ماء ساااااااااخن و ندخلهم الفرن ...لمده ساعه او 55 دقيقه ...انا خذت مني تقريبا ساعه و ربع يعتمد على كل فرن ...على درجه حراره 180 ...و اغرسي فيها عود اذا طلع نظيف يعني الفطيره جاهزه ...مثل طريقه الكيك للتاكد من استوائها
خامسا : طلعيها و خليها تدفى و قطعيها و قدميها و استمتعي بالطعم ....و تقدم دافيه او ممكن تحطينها بالثلاجه و تقدم بارده
و اتمنى تعجبكم
