السلام عليكم ورحمة الله وبركاته
قبل يومين عملت حلو المبروشة وهي مشهورة بالأردن واول مرة بعملها
اليوم أخذت منها للمعلمات الكنديات في مكان بيلعبوا فيه الأطفال وعجبهن كثيييييييير
أصلا هم بحبوا شغل البيت كثير
المقادير:
5 كاسات ونصف طحين
5 بيضات +رشة فانيلا
ملعقتين صغار بيكنك باودر
1 كأس سمنه
2 كأس سكر ناعم
مربى أي نوع (أنا استخدمت مربى المشمش زاكي كثير)
جوز مكسر او جوز الهند +قرفة حسب الرغبة (أنا ما حطيت ولا شيء)
الطريقة:
1-ضعي البيض والفانيلا والسكر في الخلاط
2-أخلطي الطحين والبكنج باودر معا
3-ذوبي السمنة ولما تبرد شوي أضيفيها فوق الطحين ثم ضعي البيض واعجنيها رح تطلع متماسكة
تقريبا مثل عجينة البتفور حتى في لبنان بسموها بتفور!!!!!!!!!
4- أقسميها نصفين نصف مديه في صينية مستطيلة رح تكون رقيقة شوي وضعي فوقها المربى
مديه على السطح وديري بالك من الجوانب واذا بدك رشي عليه القرفة والجوز أو جوز الهند
5- ابرشي النصف الثاني برش خشن بحيث يغطي طبقة المربى كاملة
6- اخبزيها على حرارة 375 ف أنا اخذت مني تقريبا 17 دقيقة لانها بتستوي بسرعة
7- بس تبرد تقطع وتقدم
وصحتييييييييييييين وعافية
