أبي اتزوج من بره ديرتنا والسبه مرت اخوي

وعليكم السلام
يعني مو معقول وحدة انسانة تطفشك من بيتك وبلدك
لازم توقفوها عند حدها.
انتي وأمك واختك واخوكي لازم تتفقو على كلام واسلوب يوقفها
اما انها تغير حياتكم وتسكتولها هذا مو طبيعي

فلورنتينا حبيبتي مرت أخوي هاي قصتها قصه

يعني تقدرين اتقولين اهي رايها مهم بالبيت

اخوي لو يشوفها تسوي غلط علينا يقول انتو نيتكم سوده وهي الصح وانتو الغلطانين

وأمي تقول تبوني اخسر ولدي

وخواتي على الله

أختي المتزوجة مقاطعة مرت اخوي وماداني لها سيرة لانها تكرهها حياتها بس انا انسانة اجتماعية وصج انا الحين علاقتي مع مرت اخوي صارت سطحية عشان مواقف وحركات سوتها لنا بس لما اتزوج انا بضطر احتك فيها خاصة اذا كان زوجي من قطر وراح تزور اهل زوجي ادري ان الله عالم بالمستقبل بس هي بسم الله منها شيطانة

وأبوي مايقدر عليها لانها بنت ولد عمه ويستحي من هله

وأمي واعليه انسانة هادية صج ساعات اتسولف لكن ماتحك ولاتربط اهم شي عندها اخوي وعياله وأمي تحب المتزوجين أكثر بنات ولا صبيان لأن اتقول انتو عندي الحين اما هم راحو عني خليذكروني بالخير عقب

انا ساعات ادعي اقول الله يرزقني بالزوج الصالح والي بيتهم بمنطقة بعيدة عن بيتنا والسبايب مرت اخوي

ياخي حجيها سجاجين

يوم اختي اتزوجت سوت مشكلة بينا وبين اختي وقامت تقول لاختي يغارون منج لانج اتزوجتي لاتهتمين لهم ومادري شنو واتقول عندنا صارت مغرورة و.....إلخ سوسه الحين عرفناها بس كلامها يسم البدن

قولي احنا نعرف لها بس اهل زوجي بالمستقبل بيقولون هاي مره متزوجة عاقله أكيد بيصدقون اي شي تقوله عني وعن اهلي حتى لو كذب

فأنا اتمنى آخذ واحد بعيد ماطوله عشان ماتقرب صوبنا بالمستقبل

أهيا اصلاً تحسدنا وهاي واضح من تصرفاتها الحمد الله على كل حال بس ساعات لما اقعد ابرر تصرفاتها اقول هاي تحسدني على ووعلى وعلى

وعقب اقول استغفر الله ختولي

بس ترى اهيه مكرهتنا بعيشتنا انا وخواتي والمشكلة انها معانا بالبيت

تخيلي انا عمري 21 كله تقول انتو اذا تزوجتو ماراح تفهمون عيالكم انتو كبار

وساعات اتقول اختج تزوجت بسن كبير معنها تزوجت بسن ال23 انا اشوفها صغيرة

لان اهيه اتزوجت بسن 18 وماخلصت دراستها الثانوية حتى

اللهم لاشماته

بس ترى والله مادري شقول لج حتى مره صارت مشكلة فالبيت قامت يوم قطت كلمة غلط قلت لها استحي على ويهج انتي مره ام عيال تقولين جي تخيلي شقالت لي قالت اسكتي يالعانس !!!!!!!!!!!!!!!؟؟؟؟؟؟؟؟؟

ليش كم كان عمري حزتها 19

انا شقول بس الله يستر علي وعليكم يارب ويوفقنا أجمعين

بس والله صج فكرة اني اتزوج من براا الديرة داشه مزاجي بس المشكلة ماني عارفه اشلون

يعني هي جاهلة و هي اللي ما تعرف شي
ما عليكم من كلامها
بس المشكلة في أخوكم
لازم يوقف في وجهها و يعلمها السنع
هي تتمادى لأنها ما عندها أحد يسكتها و يأدبها
الله يهديه و يهديها

دانة ذهبية تسلمين حبيبتي عالرد

حبيبتي اتبعي اسلوب التطنيـــــــــش معاها !!

فيه ناس التطنيش يذبحهم ..


ولو انخطبتي لاتخلينها تأثر على اخوج او امج ... حاولي باي طريقه



مب معقوله وحده تخليج تعافين بلادج وديرتج ... الله يعينج عليه ــا !!


الله يوفقج ويرزقج ماتتمنين

لا حول ولا قوة إلا بالله

يعني تشردين من بلادج عشان هالشي؟؟؟
شو ضمنج انج بترتاحين؟؟

يا أختي اذا مرت اخوج لها أسلوب عجيب
في التدخل في حياة الناس وإثارة الفتن،
انتو ساعدتوها بدون ما تقصدون
المفروض ما تعطونها فرصة في التدخل،
ولا تتأثرون بكلامها، يعني مب معقولة اختج
تسير تتضارب ويا ريلها بسبب كلام سمعته منها
يعني انتو عارفين سواياها، ما يستوي تخلونها تأثر
عليكم وتخرب حياتكم لهالدرجه

خلوها تقول اللي تباه مدام انكم عارفينها وادعوا
دووووووووووووووووووووووم عشان الله يكفيكم شرها
وشر لسانها
والله يرزقج بولد الحلال اللي يستر عليج ويريح بالج

يا بنتي متبقيش ودنيه يعني تسمعي من الناس وتتاثري

وليه تخليها تتحكم فيكي وتاثر علي مشاعرك مانتي هتتجوزي من برا وتسمعيلها حلو هتقولي حلو ..

وافرضي معجبهاش ؟ هتسيبيها تكرهك فيه برضه

انتي كبرتي لكي حياتك وعقلك متخليش بني ادن ابدا ياثر عليكي

اخ بس كذي حريم هذيله مو حريم هذيه ذياب اللي كذي يستغلن فرصه وطيبه اهل الزوج حسبي الله ونعم الوكيل
الله يهديها ان شاء الله
وبأذن الله انتي لما تتزوجي كل شي راح يتغير ومحد يقدر يتدخل ما بينكم
وتزوجي من ديرتك احسن لك من الغريب وخبريه من قبل عن حركاتها البايخه
وعسى تتيسر امورك يا رب

انتي تعرفينها يعني لا تعملي اي اعتبار لكلامها

ولا تعطينها وج وطنشي وبشوفين هي الي بتنقهر

والله يرزقك الزوج الصالح الي يريح بالج

ياحبيبتي اقولك اسلم طريقه مع هذي الاشكال اعطى كلامهم xxxxxx وشوفي القهر حتى تصير ماتدخل في شي لانه تعرف ايش راح تلاقي والله يعينك ويعنني على هذي الاشكالok(y)

أختي اسمحيلي اقولج اختج ساذجه..والعاقله تنطنش كلامها حتى لو كانت تغيط.او توقفها عند حدها..الحل مو الزواج من برع..التصرف بحكمه وعقل..تمر من جدمنا والله اشكال والوان من الحريم..بس الوحده ماتتأثر..تدخل من اليمين وتطلع من اليسار..والله يهديها يارب..

المثل يقول طنش تعش تنتعش ولمن تفتح معك موضوع طنشيها وقومي خلها تكلم نفسها

جاوان
بنت العالي
انفينتي
عروسة مصر
مسك وعود
حبيبة جيمي
بسوووومه
انسة فله
روبا

تسلمووون حبيباتي

وإذا على التطنيش أنا اطنش لها اصلاً بس الموضوع مب اموقف اهني اهي اتسير تروح اتشل قشها وتسوي سوالف عند نسبانا ويوم صادو سوالفها صدوها

أنا مابي لما ادش في بيت زوجي بالمستقبل ابين له ان علاقتنا بالبيت فككه ومن يجوفون حركات مرت اخوي هشكل علطوول بيقولون هاي مفككين وبيستهين فيني الريال عقب

المهم خلوها على الله والله يوفقكم يارب وتسلمووون على كلاكم ونصايحكم بس هاذي هي الدنيا يمكن خيرة الله رزقني بمرت اخو اذيه وحشرية عشان الله يعوضني بحماوات حليوات مثل خواتي

والله يوفقنا يارب والله كريم ماينسا عبيده

" فاستجاب لهم ربهم أني لا أضيع عمل عامل منكم من ذكر أو أنثى بعضكم من بعض فالذين هاجروا وأخرجوا من ديارهم وأوذوا في سبيلي وقاتلوا وقتلوا لأكفرن عنهم سيئاتهم ولأدخلنهم جنات تجري من تحتها الأنهار ثوابا من عند الله والله عنده حسن الثواب"

والحمد الله على كل حال والله يوفق المتزوجات منكم ويزقني ويرزق الي ماتزوجو بالزوج الصالح المناسب لكل وحده فينا