شو اخــــرة كــــلام هالناس اللي يجرح؟!!!

السلام عليكم عليكم و رحمة الله و بركاته ..شخباركم عرايس كل عام ونتوا بخير ..ترددت قبل لا اكتب بس قلت ابي افضفض
انا مجروحة من كـــــــــلام الناس ..انا اول الزواج زوجي بغى ياجل الحمل و نا كنت معاه لانه عايشين بعيدين عن بعض بسبب شغله و هو الحين يريد ينقل و ان شاءالله الخير قريب وهو كـــــان مصررررر يقعد معاي لو حملت..المهم يا بنات انا لا كنت استخدم حبوب و لا شي لاني اعارضها نهـــــائي و اخاف من عقاب الرحمن لانه اثرت على ناس و الله ما كتب لهم ..و لا استخدمنا شي غير العزل الطبيعي ونتوا تدرون انه نسبته 82% او اقل يعني يمكن يصير حمل بارادة الله ونا والله ما عارضت و لا زوجي ..قعدنا فترة مع بعض و كنسلنا كل شي لا عزل ولا شي شعور الامـــــــــومة طـــــاااااغي و لكن الله ما كتب ..المهم يا عرايس ما صار نصيب و ما حملت و الناس يجرحـــــــــون طبعا انا ما يهمني بس انا معروفة اني ما اخلي حقي يعني لو حد قالها ما اسكتله الا يوم اخذ حقي و طبعا بالطيب لانه هذي خصوصياتنا بس الوحدة تكتئب يوم الكلام يكثر..اخت ريلي ولدت في شهر 10 و نا قعدت وياها في المستشفى و عمات زوجي يوا يزورونها و وحدة فيهم الله يهداها قعدت تنغزني و تقول هاااااا وييييين و نا اقول علم الغيب عند الله و الجو الصراااااحة كـــــــــان محررررج و الكل يطالعني!! و بعدها قالتلي انا بعطيج شهر ييبي فيه شي و لا !!!!! لااااااااااااااا تعلييييييييق طبعا بلعتها مع انه اخت زوجي انزعجت و توها كانت طالعة من عملية الصباح و طبعا هذا لما زوجي ما يكون موجود لانه ما يحب حد يضايقني بعد عمري ..و العمة الثاااانية اااااه تقولي ما نبي بنااااات !!!هو اصلا انا حملت عشان تتشررررررط!!بنات و لا اولاد كله من الله و هي نعمة غالية .. تدرون شو الشعوووووور المحححححححبط ..ولد عم زوجي جاه ولد ما شاءالله عليه الله يخليه لهم و يفرحهم فيه و العيون انفتحت علي بس زوجة ولد عمه كانت حامل شهرين يوم عرسها و كان قبل عرسنا باسبوعين ولا شوية و نحن صارلنا 7 شهور بس ..لييييييش ياذوني نحن الحين ما باليد حيلة و هو مو ياي قبل شهر 5 يعني انسىىىىىى هالفترة اني احمل .. تاذيت واااايد و الكلاااام مستمررررر ..ادعولي احمل على طوول يوم زوجي يرجع لانه بيرجع لشغله مرة ثانية لانه طبيعة شغله متعاقد و العقد مدته سنة ..اللـــــــه يرزقنا جميـــــــع ان شاءالله