كسرولة اللحم بالبرتقال...عجيييبة!!

D

Daisy Ash

مشرفة سابقة

19-12-2007 | 07:17 PM

السلام عليكم يا عرايس يا حلوين...

قبل كم يوم كنت أتابع نايجيلا لاوسون على قناة فتافيت وكانت تسوي كسرولة لحم... عجبتني الطريقة وجربتها على طول وفي نفس اليوم، لكن غيرت فيها شوي عشان تناسب ذوقنا...و مع أن فيها نكهة غريبة وطعم جديد، الحمد لله عجبت زوجي وخلص صحنه كله...
والحين اتركم مع الطبخة...

المقادير والطريقة:

كوبين جزر مقطع شرائح عرضية كبيرة
رأس بصل أبيض كبير مفروم خشن

في مقلى كبير وغزير حمي شوية زيت و أضيفي له الجزر والبصل، وخليه على نار هاااادية بدون ما يتحمر بس يذبل البصل ويصير شفاف...

بعدين ارفعيهم في طبق جانبي...

الحين نجيب:

كيلو لحم بقر مقطع مكعبات
ربع كوب طحين
ملعقة صغيرة بهارات مشكلة
نص ملعقة صغيرة ملح
رشة فلفل أسود

اخلطي كل المقادير في كيس بلاستيك عشان اللحم يتشرب الطحين ويتغطى بالكامل

في نفس المقلى زيدي شوي زيت وأضيفي اللحم وحركيه لين يتحول لون اللحم من الأحمر للبني، بعدين ارفعيه على جنب مع الجزر والبصل.

ملاحظة: أنا استخدمت مقلى ستينلس ستيل ولصق اللحم فيه، والمرة الثانية استخدمت مقلى تيفال ولا لصق فيه.

لنفس المقلى نضيف هذي المقادير:

2 كوب ماء
بشر برتقالة
عصير نص برتقالة
2 ورق غار

و هذا شكلها بعد ما أضفنا المقادير للقدر... و نخليه يغلي...

بعد ما يغلي رجعي الجزر والبصل واللحم اللي رفعناه على جنب وغطيه وخليه على نار هااادية لمدة ساعتين... أنا تقريباً أخذ ساعة ونص يمكن عشان سويت مقدار قليل لي ولزوجي بس...
طبعاً خلال هالوقت لازم تحركينه من قترة لفترة عشان مايلصق ويحترق...
في البرنامج تقول تقدرين تحطين المقادير في كسرولة وتطبخينها بالفرن، و طبعاً هذا اختيار لثاني لطريقة الطبخ...

و في النهاية راح يتحول المرق لصوص ثقيل، طبعاً انتي هنا زيدي الملح والفلفل حسب الذوق...
و أنا قدمت معاه رز أصفر ورشيت عالوجه كزبرة مفرومة...

أتمنى يكون عجبكم... و هني و عافية...

م

مرمر

مشرفة سابقة

20-12-2007 | 09:29 PM

ما شاء الله

تسلم يدج ...شكله لذيييييييييذ

دايما اشوف الانجليز يطبخون اكلات بالبرتقال و خاااطري اجرب بس ما اتشجع لكن شكلي الحين بجربها ...بعد ما شفت تطبيقج الرائع ما شاء الله

و تسلم ايدج و يعطيج العافيه

D

Daisy Ash

مشرفة سابقة

21-12-2007 | 01:34 PM

تسلمين أختي مرمر على مرورج....
ان شاء الله تعجبج لما تسوينها وهني وعافية :shiny:

م

مرمر

مشرفة سابقة

21-12-2007 | 06:42 PM

بعد ما قريت موضوعج ...طبقته ما تريت ...بس سويته على دجاج...و ضفت شويه ثوم و زنجبيل و صوياصوص ...يعني قلبته الي اسيوي شويه .... و زينته بشرايح البرتقالو الكزبه مثلج .. و طلع لذيييييييييذ ...كان خاطري اصور تطبيقي لكن بطاريه الكاميرا كانت مفضيه للاسف

حتى زوجي عجبه وايد ...و تعحب انه بالبرتقال

تسلم ايدج على الطريقه فعلا لذيذه انصح الكل يجربها... و نكهت البرتقال فيه عجيبه الصراحه ....تسلم ايدج

D

Daisy Ash

مشرفة سابقة

22-12-2007 | 01:16 PM

و تسلم إيدياتج بعد، وعليكم بالعافية...
تصدقين أنا قاعدة أقول المرة الجاية اسويه بزيد ثوم وبهار عشان التغيير...
وأمس كنت عند أهلي وسويته لهم بس عاد الكمية دبل!! بس الحمد عجبهم وكلوه، ولا قلت لهم ان فيه برتقال الا بعد ما ذاقوه عشان ما يستنكرون ويعافونه :shiny:

ز

زينة قطر

عروس فضية

21-03-2008 | 02:46 AM

تسلم يدج

^

^ السفيرة^

مشرفة سابقة

21-03-2008 | 02:19 PM

يعطيج العافية عزيزتي على الطبق

ماشاالله عليج ابداااااع...

ش

شــرينة

عروس ذهبية

22-03-2008 | 03:09 AM

يعطيج العافية ..

بس للاسف ما طلعو الصور كان خاطري اشوفهم ...

ن

نورة1980

عروس برونزية

22-03-2008 | 01:59 PM

يعطيج العافيه اختي...بس للاسف ما طلعت عندي الصور خسااااااارة...

B

Blossoms

مشرفة سابقة

22-03-2008 | 04:20 PM

يسلمووا شكله شهي خساارة الصور ماطلعوا عندي

D

Daisy Ash

مشرفة سابقة

23-03-2008 | 03:49 PM

أشكركم أخواتي على مروركم الكريم...

و بإذن الله سأعيد تحميل الصور مرة أخرى :)

b

beautysendrela

عروس برونزية

23-03-2008 | 03:55 PM

اه ياريت لان الصور مش ظاهرة عندى وتسلم ايدك

أ

أم ياسين العسل

مشرفة سابقة

23-03-2008 | 10:03 PM

للاسف الصور ماظهرتلى

D

Daisy Ash

مشرفة سابقة

29-03-2008 | 08:48 AM

السلام عليكم أخواتي...

رجعت حملت لكم الصور مرة ثانية، و إن شاء الله تكون واضحة مع الخطوات :)

و

ورود بلا اشواك

عروس مشرقة

30-03-2008 | 02:35 PM

ما شاء الله مبين على الطبق انه لذيذ ونكهته مميزه

تسلمين غاليتي

ع

على خطى الحبيب

مشرفة سابقة

01-04-2008 | 01:32 AM

الله يعطيك الف عافية

D

Daisy Ash

مشرفة سابقة

01-04-2008 | 03:03 AM

الله يسلمكم و يعافيكم...

أشكر طلتكم الحلوة (f)

ف

فاطم بدر

عروس مبدعة

03-04-2008 | 02:04 PM

امممممممممم شكله لذيذ

تسلم ايدج

ان شاء الله بجربه

غ

غاردينيا

مشرفة سابقة

06-04-2008 | 01:04 AM

تسلم ايدك اختي ديزي اش على الطبق الرائع والشهي

تاخري بالرد كان لان الصور ما كانت ظاهرة عندي

D

Daisy Ash

مشرفة سابقة

06-04-2008 | 03:30 PM

الله يسلمج أختي غاردينيا...

منورتنا على طول (f)