بنتي مزكمة و التهاب بمنطقة الحفاض شنو العلاج؟؟

هلا خيو

ما تشوف شر بتش

خب الزكام من برد الجو وولادنا زكام وصدر الله يواليهم العافيه كلهم

بالنسبه لمنطقة الحفاظ اخذي ليها من الصيدليه درابولين واجد زين او اذا مافي اخذي ليها بيبانثين

أما اني استخدم فازلين أطفال سواء ماركة فازلين او جونسون غير معطر وراح الحرار واستخدميه على طول بعد تغيير االحفاظ

السلام عليكم ورحمة الله وبركاته



أول شي أحب أهنيكم بمناسبة العيد الأضحى..
وأقولكم كل عام وانتو بخير يا رب..:wavetowel2:
وعساكم من العيادين والغانمين والسالمين يا رب..



بنسبه للزكام افضل شي مراجعة الدكتور المختص للاطفال.. صدقيني هو بيشوفها وبيصرف لها العلاج المناسب..
وبنسبه للالتهاب..
ان كان اسهال.. انصحج انج تشربينها ماء الارز.. يعني تنقعين الارز بالماء ولما يفور ويستوي.. طلعي الارز بالشخاله واتركي الماء يصير دافي ومن ثم شربي البنت يمكن هالشي صاير من الاسهال..

وان كان من البامبرز.. لا تلبسينها اي شي منعا للاحتكاك..

لا تغسلينه كثيرا لانه بيرطب المنطقه وبيزيد الالتهاب..

واستخدمي لها كريم سودو.. اولا اغسلي المنطقه جيدا بدون الصابون..فقط الماء.. ومن ثم جفيه جيدا.. ومن ثم وزعي كريم سودو بيهدي الالتهاب وبيخفف الاحمرار.. واتركيها تتعرض للهواء بدون الملابس الداخليه او البامبرز.. باذن الله الصبح بتشوفين التغير الطيب..

السلام عليكم .. هلا بيك انوار المودة ان شاء الله راح استخدم الدواء واشوف.. لاني بصراحة تعقدت وصف لها الطبيب دواء وبعدين طلع اثر جانبي تغير لو جلدها.. بس ما يمنع اجرب الوصفة الي ذكرتيها..

هلا والف هلا.. اوراق الخريف.. صعب اتركها بدون ملابس داخلية وخصوصا انها بالشهر السادس وماشاء الله عليه تتقلب وتتحرك يعني تزحف .. افكر اغير الحفاضات من بامبرز الى هكيز.. والله يعين.. وانا بصراحة كل ما تخرج بسرعة ابدل الحفاض اخاف يحرقها او يزيد الالتهاب .. استخدمت بعد ماركة جونسون لمنطقة الحفاض وفازلين للاطفال بس ما فاد .. (w)(w)

مرحبا خيوو
لا تخافين الزكام والحرار مايأثر على التطعيم يعني عادي يطعمونها بس اذا كانت مصخنه بعيد الشر مايطعمونها..

وعن الزكام اني استخدمت لبنتي قطور من الخاص بس مافاد يروح بروحه الزكام خبرش الجو مايساعد

وعن الحرار استخدمي فازلين اني استخدمته لبناتي وفاد وياهم..

ماتشوف شر الكتكوته

مره قالي الدكتور الطفل تحت السنه مانحذنعطيه ادويت زكام افضل شي قطره المويه مع الملح الي من الصيدليه والتهاب الحفاظ العلاج بشيئن التهويه+ترطيب بفازلين الاطفال او زيت زيتون

اول شئ الزكام روحي للدكتور واستشيرية بيعطيكي دوا خاص انا استخدمت لبنتي تمبرا
اما لالتهاب منطقة الحفاظ انا طلع لبنتي كدا لاني كنت اشرب ببيبسي واثر فيها على طووووووووووول
قمت استخدمت سودو كريم بالمرة كووويس وانا اهويها شوي

سلامتها البنوته ما تشوف شر ..............بالنسبه للزكام اعطيها ليمون وعسل واجد مفيد طبعا مع الدواء عني بصراحه استخدم لعيالي فلوكت مرتين باليوم مع اليمون والعسل والحمد لله
بالنسبه لالتها الحفاظ انا انصحك غيري الحفاظ تراه البامبرز صار كلش ما زين ............انا ولدي وبنتي صارلهم التهاب حاد بسبب البامبرز واخذتهم على اخصائي جلد .....جلدهم انسلخ وتغير لونه من الاتهاب على طول الدكتور عطاني كريم وقالي لزم اغير البامبرز قالي البامبرز قوي على بشرة الاطفال .............وفعلا لما غيرت الحفاظ الحمد لله راح الاتهاب
يا امهات تراه البامبرز الحين تغير الماده الي يحطونها في الحفاظ قويه على بشرة الاطفال وفعلا لما اجيت على امريكا في فرق كبير بين الحفاظ في دول الخليج والبامبرز الي هنا ..............حلو كثير وناعم وريحته حلوه :wavetowel2:
طولت عليكي ............سلامتها البنوته ما تشوف شر

مثل ما قالوا البنات الافضل تعرضينها على طبيب اخصائي لعلاج الزكام ..

انا اللعام ولدت في هالاوقات .. وولدي مسكين طلع مزكم وخشمه كل مسكر ولا يقدر يتنفس الا من بوزه ،، وتعبت معاه وايد ووديته عند طبيب الاطفال اللي نتعامل معاه ولا فاد معاه شي لا المضاد والا القطور ولا البخاخ " شفطوا له الوسخ من خشمه في العياده وانفتح شوي ورد تسكر " (w)
لما كمل ولدي شهرين رحت به عند اخصائي انف واذن وحنجرة وكتب له على دوا واحد بس + قطرة الماي والملح .. لكن الصراحه الدوا نفعه واااااااااااااااااااااااااااااااااايد وخف عنه الزكام .. الدواء كان اسمه بريملان :shiny:
فالافصل انك تعرضينها على اخصائي يوصف لها العلاج المناسب ..

وعن الحرار في كريمات كثيرة وفي بعد غسول مثل الشامبو هو تغسلين لها به من تحت .. وحتى انا مرة المركز كتب لي على كريم وكان وايد زين:tooth:



ما عليها شر يا رب :flower:

بالنسبه للحفاظ حاولي تريحينه منه فترة نص ساعه واو ساعه واتحملي نتائج شوي خخخخخ بس جد اختي تسوي كذا

فازلين الوردي

انا ولدي من يوم ما ولددته يمشي بطننه ومنطقة الخروج احمرت وايد وتعذب المسكين منه وبعدين خبرتني مرت اخوية عن كريم سيباميد الصراحه ممتاز واااااايد من ثاني يوم ما شا الله خف الاحمرار بس سيباميد نوع خاص اللي مكتوب عليه (( كريم علاجي خاص )) Headling Cream لتهيج الجلد استخدمه م كل تغيير حفاض

البنات ما شاء الله ما قصّروا..

بالنسبة للزكام الطبيب ما راح يعطيك أكثر من Normal Saline

انتي حاولي تسوين له بخار راح يرتاح..

أما لالتهاب الحفاظ

فيه كريم بالصيدلية اسمه Vasogen
وايد زين ومفيد، تقدرين حتى لو كان ما فيها التهاب، تستعملينه مع الحفاظ يمنع ظهوره

والله يكون بعونش

انا ولدي سبب له بامبرز التهاب في منطقة الحفاظ فبدلت من بامبرز الى هجيز وحطيت له كريم للالتهاب والحمدلله احسن

جبيبتي لاتستغربي من كلامي عن تجربه انا لبنتي عمرها اربعين يوم لالتهاب الحفاظ استعمل قشر الرمان اطجنه ويكون ناعم في كل مرة تغيري لبنتك خوذي قليل من القشر وحطي عليه قليل من الماء وامسحي المنطقه وراح تشوفي الفرق.. وأي استفسار عالخاص.

عن الالتهااااااااااااب انصحك بزيت السمسم مرررررررررررره رهيب جربي وحاتشوووفي بنفسك من اول مرررررررررره

امسحي المنطقه بالزيت السمسم ولبسيه الحفاضه

وادعيلي

بالنسبه للالتهاب انصحج بكريم سيباميد..

يمدحووونه ..وفاد ولدي وايد..بشرط انج اداومين عليه..

والسموووحه..

السلام عليكم ورحمة الله وبركاته..
ربي يحفظ عيالكم ويحميهم.. غيرت الحفاظ من بامبرز الى هكيز.. ورح استخدم الكريم التى خبرتوني عنه وان شاء الله يفيد..