مشكلتنا مع أخي :(
عروس نجدية
19-12-2007
16 رد
968 مشاهدة
السلام عليكم ورحمة الله وبركاته
كل عام وانتم بخير خواتي
بنات الله يخليكم أبغى حل لمشكلتنا مع أخوي
انا ابوي متوفي من 10سنوات الله يرحمه وامي هي اللي ربتنا وكبرنا وطلعتنا على يديها وتعبت معنا
احنا يالبنات ماتخلينا عنها للحين والله يخليها لنا بس المشكله في اخوي الوحيد وخصوصا في هالسنوات الثنتين الأخيرات بدأ يسافر ويتركنا بحجة الشغل
احنا ماهمنا بس امي هذا ولدها الوحيد وتمووووووووووت فيه بدرجة خياليه وهو قاسي معها ولايعطيها أي اهتمام حتى اذا جاء من سفر بس يصافحها واحيانا يحب راسها وغير كذا خطب بدون رأيها ولامشورتها
وانا اكتشفته وعلمت امي وانصدمت وسوى لي مشكله وإلى هالحين يكرهني بهالسبب
لكن برضو ماهمني بس امي انصدمت وصاحت وتعبت ومشت الموضوع كأنه عادي بالرغم ان زوجته مو ذيك الدرجه يعني بس لما احتاج عشان المهر والبيت قام يسوي نفسه اخ وصار حبيب ذيك الفتره ولما تملك راح تزوج بدون معرفتنا لا والصدمه يوم دق قال تراي بالطريق ومعي زوجتي
لا والأدهى من كذا زوجته تقهر لانها حتى هي ماتعطي امي اي اهتمام ماديه بحته زي زوجها اللي هو اخوي
وبكره العيد تخيلوا مافكر يدق لاهو ولاهي والمفروض انها تعينه مو تصير كذا الله يهديها
ويوم دقت امي لقت جواله مقفل
وجلست تصيح :( واحنا خايفين عليها مررررررررررررررره لان عندها ضغط وحساسه
نخاف يصير لها شيء
صحيح رجال خواتي ماقصروا واحد شرى الضحية والثاني بكره بيذبحها بس انا اسمعها تحكي مع نفسها تقول آه ولدي غير الله يرده لي
وش رايكم بنات وش نسوي له ؟؟
علاقتنا فيه أشد من سطحيه لدرجة انه مايدري انا وين أدرس ولاعن أي شيء ولاخواتي ووظايفهم
إهتماماته ماديه بحته واحسه يحقد علينا لاننا كملنا الجامعه وهو معه شهادة كفاءه
وانا شخصيا اخاف منه ومن مزاجه الصعب
وش نزين بنات والله تو تكلمني اختي ونصيح انا وياه على وضعنا معه ووضع امي:(:(
تكفون محتاجه مشورتكم واحس انكم بتحسون فينا وبوضعنا
وعليكم السلام ورحمة الله
كان الله في عونكم
المشكله يا اختي ان النصيحه الحين تنفهم على اساس انها نقد ومحد صار يتقبل النصيحه
يعني اخوج لو تحسي ان النصيحه تفيد فيه لا تياسوا فيه
خاصه ان هو يمكن التهى بالشغل وصار مادي لانه ما كمل تعليم وتم هالشي في خاطره
امك مثل امي متعلقه واااااااااايد باخواني الشباب ومن شوي والله اخوي مرسل مسج استهبال حق اختي واختي خافت ان المسج صحيح والله انفجعت امي لمن اختي وقفت خايفه قدامها
محد يحس بالخوف اللي بقلب الام وما تقدري تخلي اخوك مثل ما تحبي ولا الدنيا صارت بخير
يمكن اذا تحسن وضعه المادي يرتاح شوي ويحس انه قصر معاكم
ما باليد حيله اختي غير الدعاء له ان الله يهديه ويحنن قلبه عليكم
مصيره بيرجع لكم ويهتم فيكم لو بعد كم سنه
يمكن مثل ما قلتي شهادة الكفاءة اللي معاه
خلته يعتقد انه اقل منكم
وكل التصرفات اللي يسويها مجرد اثبات ذات
لجل يبين لكم ان ما قاصرنه شي وانه يقدر يعتمد على نفسه
ادعوا له بالهداية ولا تبتعدون عنه
الغالية على البال
احنا ماقصرنا معاه بشيء وامي ماقصرت ابد والله دايم تدعمه معنويا وماديا بس هو اناني وميحب غير مصلحته صحيح ماحب أحكي عن شخصيته واسبها عند احد بس انا ابغى اقولكم لعل وعسى شوركم ينفع معاه
حاولنا نتقرب له عقب ماتزوج وقلنا بيلين قلبه علينا اذا تزوج وحاولنا ندخل له عن طرق زوجته بس برضو مانفع:(
وعلى قولتك مالنا إلا الدعاء
اختي سماي
الله يسعدك والله
دايم نقول بيرجع لنا بس كل مامضى يوم يبتعد زياده :(
وارجع اقول احنا ماهمنا لاننا بكره بنتزوج ولاراح نحتاج له بس اي هذا ولدها الوحيد والله منظرها اليوم قطع قلوبنا
الله يهديه
جيت برسل له تو بس خفت من ردة فعله :(
أختي طال الزمن او قصر مرده لكم..وادعوله الله يهديه ويرده لكم..وامج بعد لاتنسيه من دعواتها الطيبه..والحمد الله حبيبتي تشوفين مصيبة غيرج تهون عليج مصيبتج..في ناس الأب يتوفى والولد يتحكم ويسرقهم ويضرب الأم والخوات..يعني والله الحمدالله حالكم ارحم..الله يهديه ويرجعه لكم..:)
لا حول ولاقوة الا بالله
الله يهدي بالكم ويفرج همكم
:
::ميمي الصغيرة::
عروس مشاركة
19-12-2007 | 07:50 AM
الله يعينكم بس اقو لك عوضوا امكم عنه بقد ماتقدرون لعلها تنسى تقصيره معاها
بسم الله
اختي اذا تبون اخوكم فعلا يرد لكم .........حاولوا مرة ثانيه وثالثه مع زوجته وقربوها لكم قد ما تقدرون وهي الا راح تاثر فيه وتعرف ليش هو كذا يعاملكم .........والله يهديه ويرد لكم ويطمن قلب امك عليه...يااااااااارب:flower:
ا
الجوهرة السعودية
عروس برونزية
19-12-2007 | 01:30 PM
ادعولة بلهداية وان الله يحنن قلبة وقوموا اخر الليل وصلوا وامك تدعيلة من قلب وخليكم لينين معاة لان العنف ماارح يجيب نتيجة مهاة ولا الدلع الزايد خلة يتمرد عليكم خليكم وسط لا تبنون كرة ولا حب ومرة ورا مرة راح يلين بدعاء والله يهدية ويسخرة لكم
الله يكون في عون امك يا اختي لانه ابنها الوحيد واخوك مارح يحس بقيمة امه الان لكن الزمن سيؤدبه على كل افعاله معها ولو امك تقدر تخليه وما تسال فيه وتقولو مادام انت اكتفيت بنفسك وزوجتك فخليهم ينفعوك لكن اعرف انها لن تستطيع دلك لانه جزء من كبدها ما اقدر اقولك شي غير ان الله يمهل ولا يهمل وكما تدين تدان
الله يرزق امك الصبر ويصبركم معاها
والله اختي ما ادري اش اقولك بس اكيد دام اخوك ما يحترم امك للاسف اقول هذي الكلمه اكيد زوجته ما راح تحترم امك
بس لمن يجي اي وقت عندكم اجلسي انتي وياه وكلمه وقوليليه كيف لو جالك عيال وانت كذا مع امي وامي تعبت فينا ووفهميه انه هو في الطريق الخطا وحاولي التقرب من زوجته وكلميها يعني خذيهب بطيب وراح تشوفي النتيجه كيف
الله يستر على اخوك
لاحول ولاقوة الابالله
الله يرده لكم رد جميل
واختي عليكم بالدعاء
فمن يجيب المضطراذاء دعاء الاالله
وعليك اختي بالتقرب
لزوجته حتى تحبكم لانها هي تستطيع
باذن الله تأثر عليه
والله يكون بعونكم
صدق الزمن هذا بلاوي
ان لله وان اليه راجعون
الله يكون في عون امك المسكينه لان من جد ربت وكبرت وار شي لقيت جزاه التربيه من ولدها الوحيد
والله امك عظيمه وام بمعنى الكلمه
اتي عااارفه ايش سبب هاذا لان هو الولد الوحيدبين بنات وهاذا طبيعي انو يشووف نفسه عليكم
لكن تااكدي ياختي الدنيا دواره ويوم لك ويووم عليك
وانتو لااااااااااااااااازم تتقربوون من زوجته وتاكدون لها انو اذا مالينت زوجها وضغطة عليه انو يصل امه ويرحمهم
بكرره حايجيها بزوره يسووى كذا فيه...........
واذا مانفع خلي واحد كبير في العايله يكلمه انو يهتم بامه
الله لايبلانا لاانا ولا انتو بوولد زي كذا
وين ماااااادرس او سمع انو الجنه تحت اقدااااااااام الامهااااااااات
ورضاااااااااااااء الله من رضى الوالدين
لا حول و لا قوة الا بالله...
الغاليه خلي امج تدعي له بالهدايه ليل و نهار...
خليها تدعي بالسر و العلانيه...
و بالنسبه له هو...حاولوا تقولون مثلا كل الجمعه الغدا في بيتكم...
يعني هو و خواتج...على الاقل شوي شوي لين يحن...
و بالنسبه لزوجته..ز(( اسمحيلي )) كيف اهلها رضوا تتزوج بدون ما تدرون
او بدون وجودكم!!!!!!!!!!!!!!!
الله يهديها...المفروض تحنن قلبه على امه..
لان الدنيا دواره (( و كما تدين تدان ))...
الله يسخر اخوج و يهديه...
لا حول ولا قوة الا بالله
ادعوا لة فى هذةالايام ان ربنا يهدية ويحنن قلبة على امة وعلى اخواتة
ياحبي لكم والله
ردودكم تبرد على الخاطر وحلولكم راح اجربها بس هاليومين تخيلوا امي تتصل فيه ولاجاء
واحنا ننتظره يجي أنا وخواتي
وراح نحكي معه ونقوله على كل اللي بخاطرنا واذا شفنا الحكي ماينفع معه راح نقول لأحد كبير بالعائلة يحكي معه
والدعاء هذانا والله ندعي له بالليل والنهار وراح أبشركم اول مايجي
وربي رحمت امي اليوم تتصل فيه وتنتظره تقول بيفاجأني ولا لقى لها بال :tears:
الله يهديه هو وزوجته :(
مشكورين ياحلوات على الردود اللي تشرح الخاطر والبال وتحسسني إني بين خواتي
الله يرزقكم جميعاً وياي الذرية الصالحة البااااااااااااااااره واللي ماتعصاكم او تقسى عليكم بيوم من الأيام ويصبر قلب امي ويهدي اخوي لأمي ويرده لها:(