تعالى استفيدي من خطأي

السلام عليكم
اكيد ربيعاتى اللى في المنتدى مستغربين انى غايبه كل هالفتره وبصراحه اشتقت للمنتدى وسوالفكم المهم بدخل بالموضوع على طول ولدي سليمان كان عنده تطعيم الاربع شهور وانتوا مثل ماتعرفون انه مزكم المهم قبل االليله اللى قبل التطيعيم امى قالتلى لاتطعيمينه انا ماسمعت كلامها لانه واااااايد تعبت من الزكام وبدت فيه كحه خيييييييييفه يعني لاتكاد تذكر عشان جي طنشت كلام امى ووديته وقلت الدكتورة بتفحصه المهم وديته والدكتورة قالت هو مافي التهاب لاحمي ولا شي قلتلها فيه كحه (وكانوا خواتى قايليينلي انه الطفل اذا فيه كحه لاتودي التطعيم يعني نفس كلام امي ) المهم قالت بنطعمه وفعلا طعمته وياعينك ماشافت النور رقد حبيبي ولما نش ذيك الحمى العدللللله ولا الكحه اللى زادت والزكام زاد يزياااده وااايد تعبت وياه هذاك اليوم وماوديته المستشفى واستمرييت على الادويه مالته اللى هي طبعا مال الزكام وبديت احس كانه فيه بلغم وهي قالتلى مافيه بلغم المهم اليوم اللى زراه بدا لدي حبيبي يهذي وهو راقد وححرارته مررره عاااااليه وكله يبى يرقد او ينش يصيييح والابره انتفخت عليه مع انى عكيته ادول اول مايبته وبعد سويتله كمادات المهم خفت عليه لانه كانت عيونه تدمع ثاني يوم ومايتكلم الا اذا حاولت ارقد مثل الانسان الكبير اللي يهذي من الحمى المهم قلت مابسكت وديته عياده خاصه وقالى انتى كيف اتطعميه دام فيه كحه مايطعمون الولد مب كل الاطفال نفس الشي وقالى انه فيه التهاب قي الصدر احتمال من الابره واحتمال لقط المرض من احد في المستشفى وانا اتذكرت انى انا اصلا عقب ماطعمته ريلي قال بيمر على عمته منومه في المستشفى فدخلنا داخل والدنيا كلها مرض هالايام وشكله لقط المرض من احد وسواله تحليل من ريوله وكان شكل الدكتور خاااااااااف والحمدلله طلعت الحمى من الابره ليش اكثر وانا مطعمته يوم الاحد والحمى اليوم بس خفت عنه بس بعده يكح يقطع القلب وبس الغريبه انه الزكام خف لكن كله رد بلغم هيه صح وعلى فكره يوم اعكيه الدوا كله يزووعه من الكحه ادعوللى انه سليمانى يتشافى واتمنى انكم تستفيدوا من خطاى..ترى انا سمعت انه ابره 6 اشهر تسوي حمى لكن هذي الابره ماتسوي حمي ولاتنتفخ نفس مانتفخت هذي