اللي عندها خبره في المكياج تدخل

غـ,ـ,ـلا 17-12-2007 7 رد 2,280 مشاهدة
غ
السلام عليكم

كل عام وانتم بخير

الله يسعدها وينولها اللي ببالهااا اللي ترد علي والله لادعيلهااااااا

اللي عندها خبره بالمكياج تساعدني


لان مشكلتي عندي اثار حبوب في وجهي ومسامات ودي اسوي لها تغطيه اتبين صافيه وطبيعيه

بس عن تجربه لاني جربت اشياء كثيره ومانفع او اني استعمالي للاساس غلط

احترت ساعدوني


بانتظاركم ولاتخيبون ظني.....(w)(w).......
M
شوفي اختي اول شئ لازم تنضفين ويهم
بالتونيك والحليب
باستمرار قبل وبعد المكياج
وبالهشئ ويهم بيكون نظيف
وبخصوص اثار تبين تخفينه
عندج ماركااات كثيره
بناااي
كارويلين
ودريماكول الخطير
لانهاا مركزين وثقال
وطبعااا تستخدمين فوقهم بودره
انا عند نفسي احطه واخليه شوي وبعدهاا بالماي احط ماك او كنابو او اي بودره احبهاا
وبعد ماحط ميك اب العيون
احط البودره المنثوره
مع البلاشر
والله يوفقج
غ
مشكوره اختي حرم الشيخ وماقصرتي


اتمنى الي عندها فكره سهله ماتقصر معي لا تخيبون ظني
أ
انا اعاني من نفس المشكله وكانت المشكله الثانيه لما احط كونسيلر او كريم اساس ثقيل يبين على وجهي ويخرب بعد ساعه لأن اصلا وجهي دهني:icon9:

ولقيت الحل اخيرا ..
:shiny:
وهو

اني احط كونسيلر من ميك اب فور ايفر اغمق من لوني بدرجه وحده



وأسمه Make Up For Ever Full Cover Concealer

انا حنطاويه فاتحه واستخدم رقم 10


وفوقه أذا ابي تغطيه كبيره للزيارات او السهرات

احط كومباكت بودر يا اما من ميك اب فور ايفر



واسمه Make Up For Ever Velvet Finish Compact Powder

واذا ابي تغطيه خفيفه وطبيعيه تصلح للصبح استخدم كلينك


واسمه Clinique Superpowder Double Face Makeup

والنتيجه كثير حلوه

جربيها وان شاءالله تطلع معاك اوكي
أ
بس أكيد قبل هذا كله لازم تغسلين وجهك بغسول مناسب وتحطين تونيك يلائم نوعية بشرتك

وبعدها مرطب خفيف (اتوقع ان بشرتك دهنيه بأعتبار ان عندك حبوب مثلي)

عشان يظل فتره مكياجك وما يخترب

جربي ال 3 step من كلينك

او من هلينا روبنشتاين الكولكشن اللي للبشره الدهنيه
ز
اللي اعرفه كل ما زادت طبقة الاساس كل ما وضحت المسامات اكثر بالذات في الاضاءه الصباحيه والعصر

اعتقد من نوعية بشرتك المفروض تستخدمين كريم اساس سائل تغطيته قويه نوعا ما مثل اساس جيرلان ديفنوار او ماكس فاكتور اللي غطاه كحلي وبعده تستخدمين بودره مضغوطه باسفنجه جافه توزعينه بطبقه كثيفه نوعا ما افضل الماركات عندك ماك او كانيبو او جيفنشي اول مات
غ
مشكورين اخواتي والله انكم ماقصرتم الله يجعلها في موازين حسناتكم
تعرفون والله اني طفشت من بشرتي وماادري وش اسوي لها لكن راح اسوي اللي قولتولي عليه وان شاء الله انه يفيد
m
هلالا اختي...

خواتي ماقصرن ...

انا مابزيد على كلامهن ...

بداية ... لازم تنظفين بشرتج زين بالمنظف اللي متعوده عليه ...
يعني الرغوة والحليب والتونيك ....الخ
وآخر شي تحطين السيريوم ...

عقب تقريبا ربع ساعه ... حطي الكريم البيس

وبعدين تحطين الكونسيلير ... اماكن العيوب في ويهج
طبعا يكون افتح عن بشرتج بدرجه

وعقب تحطين الفاونديشن ... يفضل يكون نفس لون بشرج
والبودره .. يفضل تكون خفيفه مب ثجيله ... لان كل ماتكون البودره تجيله تبز الحبوب أكثر!!
انا قبل كنت دوم اخذ بودره ثجيله عسب اغطي الحبوب... لكنلاحظت انها تبرز زياده...
عسب جيه نصيجتي لج خذي بودره خفيفه ...

وووبس

وان شاء الله ماتبين العيوب اللي في ويهج ...
X