ابني دبدوب أريد انحفه

مساكم الله بالخير خواتي العزيزات اللي بالفعل احس اني احتاج مشورتكم دايم وما استغني عن نصايحكم ... موضوعي اليوم بصراحه بدا يقلقنا أنا وزوجي كثير وهو طفلي ... ابني الله يحفظه ويبارك فيه عمره ست سنوات وكان وزنه عادي بالعكس ما كان يأكل ولا يشتهي شي ويمكن غلطتي اني كنت احاول كثير وكل يوم اغير شي واجدد بالأكل واعطيه اللي يشتهيه .. :schmoll: واللي صار ان بالسنتين الاخيرات وبالضبط لما كان عمره 4 سنوات بدانا نلاحظ انه بدا يمتن ومثل كل الامهات استانست لان صار وليدي متختخ وحليوه ... بس :icon9: احس انه كل يوم يمتن ماشاالله عليه وشهيته مفتوحه وياكل كثير .. بعد ما حسيت انه فيه مشكله بتواجهنا صرنا ننتبه لاكله ونقيس عليه با|لأكل وما نعطيه أي شي بعد الوجبات الرئيسية بس المشكله انه يجوع ويبدا يصيح انه جوعان فحاولنا ان نضبط له بالاكل بس المسألة وايد صعبه بالنسبة لطفل يحب الحلويات والبطاط والفاست فود ... وخطتنا الحاليه صرنا مطبقينها قدر الامكان من كم شهر انه نعطيه افطار صحي للمدرسة ( طبعا فواكه بروحها رفض لانه يريد سندويش ) فصرت اعمله سندويش جبن قليل الدسم أو بيض مسلوق بس طبعا الخيارات الصحية محدودة ... ولما يرجع من المدرسة يتغدا طبيعي عيش ولحوم أو سمك بس بصراحه يكون جوعان فياكل تقريبا نفس كمية الكبار .. وبعد الغدا تكون فترة صعبة انه ينتظر للعشاء فيبدا يطلب ياكل اشياء مختلفة مثل البطاط والعصاير والبسكويت والحلويات أو كيك واللي غالبا نستبدلها بفواكه أو عصاير طبيعية وعلى العشاء وبما انه ينام بدري على الساعة 8 فنعشية شي خفيف شوربات أو فطاير أو سندويشات ... بس بنفس الوقت احسه ما يضعف بالعكس يكبر بسرعة ما شالله عليه ويطول وهو طويل مقارنة بالاطفال اللي بسنه ووزنه حاليا 28 كيلو واللي ذابحني كرشه كبيرة .. عموما الحين هو مشارك بمجموعة انشطة رياضية اتمى تفيده ... بس المشكله اخاف نضغط عليه كثير ويأثر بنموه بهالسن وبالمقابل اخاف انه يمتن زيادة وبالتالي ما راح يقدر يمارس حياته الطبيعية كطفل ... أرجو من المختصين او اللي عنده تجربة مشابهة يساعدني .. والله يحفظ اولادنا من كل شر .:tears::tears: