الي عنده اكثرعن طفل وماعنده خدامة يدخل ...

اخيرا في موضوع اقدر اعبر فيه عن شعوري ومعاناتي :wavetowel2:


انا عندي طفلين .. ادرس .. ما عندي خدامه .. ساكنه بعيد عن اهلي .. بيت عمي ابو زوجي مايحبون الخدم وخوات زوجي كللللهم متزوجين وعمتي ام زوجي كبيييرة في السن وبناتها وساعات انا بعد نسوي لها شوية اشغال في بيتهم وهي بعد تسوي اللي تقدر عليه .. وانا زوجي دوامه طوييل ،، يعني باختصار ما عندي احد يساعدني ابداااااااااااااااااااااااااااااا

شقتي نوعا ما كبيرة وعندي حوش صغير وشغلها وايد وخصوصا ان عندي اطفال يوسخون ويعفسون .. وكل ما ارتب واعدل عيالي خربوها (w)(w)(w)

قاعده احاول قد مااقدر ان اسوي اشغالي كلها .. الثياب تنغسل وتنكى مبااااااااشرة ما احب أأجل الكواي لبعدين مع العلم اني اكوي كل شي تقريبا ..ثياب الطلعه وثياب البيت وحتى ثياب النوم ، ما في الا الملابس الداخليه هي اللي ما اكويها فقط :whistling:
اطبخ اغلب ايام الاسبوع سواء ع الغدا او العشا والمواعين اغسلهم مباااااشرة ما اراكمهم ابدا ،، اذا عيالي نثروا شي ع الارض مباشرة اكنسه يعني شغاله طوووووووووول اليوم :(

عن عيالي عادي يعني.. في الايام العادية طبعا لما نقعد من النوم ابدل لهم واريقهم واشتغل شوي في الشقه يكونوا في هالفترة الكبير مع التلفزيون والصغير يلعب بعد شغل الشقه ادخل اطبخ الغدا واطل عليهم كل شوي وهم يكونوا على نفس الحال واذا الصغير تملل وقعد يصيح اسوي له رضاعه واعطيه اياها واحيانا يشربها وينام :shiny:
ع الغدا والعشا ابوهم يكون موجود ويتولى هو مسؤولية الكبير يأكله وانا علي الصغير .. واحيانا اذا الكبير اهتمد على نفسه واكل بروحه مثل سندويشات ع العشا عادي انه يساعدني ع الصغير مثلا :tooth:
في الطلعات الكبير يمشي ما نحطه في المشاية بس الصغير اللي نحطه فيها .. طبعا الكبير عادي يمشي ما نحسه انه يضايقنا الا في حالة انه اصر على شي وما رضى يتركه فيقوم ابوه ويحمله ونبتعد عن المكان .. واما الصغير يقعد فيمشايته يطالع ولما يبكي نعطيه رضاعته ويسكت وممكن ينام ..


المسؤولية اكيد كبيرة .. وللاسف مأثرة علي من الناحية النفسية ومن الناحية الجسمانية ،، من الناحية النفسية عندي اكتئاب شبه متواصل وعصبية وصاير ما لي خلق شي وحتى طلعاتي للاعراس والعزومات والطلعات العائلية صايرة جدا قليلة ،، ومن الناحية الجسمانية سببت لي ارتفاع في ضغط الدم صار له حوالي 4 اشهر مو راضي ينزل :( وحموضة في المعده " الدكتورة خبرتني ان ممكن تكون الاسباب نفسية "
وكذا مرة تقولي الدكتورة اخذي اجازة من الدراسه والبيت واليهال .. تقولي خليهم عند الوالدة مثلا وسافري لج اسبوع ع الاقل غيري جو يمكن ترتاح نفسيتج شوي ويرتاح جسمج لكن هالشي مستحييييييييييييل يصير :whistling:

وعن الخدامه مستحيييييل اجيب لي خدامه وانا في الشقة .. واذا صار عندي بيت بعد ما راح اجيب خدامه دائمة لان عندنا هني في البحرين خدم بالساعات يعني تجيبينهم كم ساعه وتحاسبينها بالساعه تسوي شغلها وبعدين تمشي .. لاني من النوع اللي احب اخذ راحتي في بيتي البس على راحتي واسوي كل شي على راحتي وما احس ان في غريبة في بيتي .. اضافة الى ان زوجي ما يقبل ابدا ان الخدم يلمسون العيال ولما اروح بيت اهلي يهدد علي ان ما اخلي الخدامه تلمس اي شي يخص اليهال فأكييد اذا جبت خدامه بالساعات حتى ما راح يكون لها دخل بالعيال ابدا .. ومسؤوليتهم راح تكون علي طول العمر :schmoll:

ماما حسون

فيه صيحه من التعب عيوني روحها تدمع ..

احس اني انسانه ضعيفه ( اونه من متنج) والله جد جد احس اني لو ما كنت معرسه اريحلي ,,, انا من سارت عني الخدامة وانا قاعده بيت قوم امي لانهم يساعدوني شوي يمسكون اليهال والخدامة تكوي ملابسنا .. اما اذا سرت بيتنا( بيت اهل زوجي) عمتي قالت مالكم خص في خدمنا اي شي تبون روحكم سووووو بحكم المشاكل الي تصير بينا

واليهال سهلين بس الي يخلي احط حمود فالمشاية ان يشوف وراه ويمشي ويدعملي 20 الف شي ... ويتعور

شحوالش اختي bj3a

اني زعلانة عليش اللي عندهم طفل واحد يعني ما عندهم رب

بس اللي عندهم اكثر من واحد عندهم رب

اهنة بعد تعبانيين

اخخخخخخخخخ يابجعة حطيتي ايدك على الجرح انا عندي طفلين ربي يحميهم وكمان حماتي معي بالبيت حرمة كبيرة بالسن
يعني صار عندي 3 اطفال ههههه

كل روحاتي وجياتي مع اطفالي وحماتي كمان اتعودت على هالموضوع

يادوب الحق غسيل وكوي وطبخ وجللي وترتيب وكللو كوم والحمامات عندي اعزك الله كوووم اكره شي علي
ويعني الحمد لله عم احاول ما اضغط على حالي يعني اذا تركتللي كم شغلة لبكرا ماراح تخرب الدنيا
والله اذا بدي اعمل متلك يا ماما حسون بهلك وبتعب وبكبر قبل اواني ماشاء الله عنك ربي يقويكي ارتاحي شوي عشان جسمك

والله يقويكي يجعة ونحنا معك

السلام عليكم المنقذه جاءت >>>>>> مصدقه عمرها
في الماضي كنت مثلكم دائما تعبانه ولا فيه وقت لنفسي ولزوجي بس لقيت الحل وكان من أحد الأخوات في أحد المنتديات طبعا أنا حامل وعندي طفلين الحل :
1 : قبل ماتنامين سبحان الله والحمد لله والله أكبر 33مره وإختميها بقول لاإله إلا الله وحده لاشريك له له الملك وله الحمد وهو على كل شي شهيد
2 : الدعاء عند الصلاة وخصوصا في السجود إن الله يسهل أعمالك ويسخر لك الصالح من عبادة
3 : كل يوم ترتبين 3 أشياء مثلا : السبت : تنظيف المطبخ و الدرج وغسل الملابس الملونه
الأحــــد : تنظيف غرف النوم وكوي الملابس المغسوله بلأمس
الإثنين : تنظيف غرفة الجلوس والحمامات وغسل الملابس البيضاء ......وهكذا
رتبي الجدول وكيف يناسبك ووقتك وشوفي النتائج بس خلي لك يوم إجازه من الأشغال والطبخ ولو تطلعين برى البيت يكون أفضل عشان تغيير الجو لك وللأطفال ولاتحاولين تضغطين نفسك بالشغل لأن العمر يخلص والشغل مايخلص حتى لو كان فيه يوم ماعندك شغل
والله يوفقكم ويريحكم بالنيا والأخره

ماشاء الله ماما حسون ما قصرت جنها تتكلم عني

الفرق اني انا عندي طفل واحد بسسس وما ادرس وشقتي صغيرة

بس حياتي نفس وصف ماما حسون بالضبط

وفي الطلعات ما اخلي ولدي في المشاية يقعد يلعب ويراكض

بس انا وابوه ننتبه له لانة وايد يطيح ويتعور

بس انا عندي طفل واحد وشقتي صغيرة لكن تعبي ما ينوصف

وكل شغلي اسويه حزته لازززززم وما ااجل اي شي لبعدين

والله يعينك يا اختي بجعة وانا حشورة عندي طفل واحد بس حشرت روحي في السالفة

انا عندي ولد واحد وكنت ادرس وبعيد عن بيتي يعني اغيب عن بيتي وزوجي وولدي بالاسبوع ومااجي الاخميس وارجع يوم الجمعة تخيلوا في هذ اليوم اسوي ايش واخلي ايش وطبعا عن النفسية زفت طبعا
والحين الحمد لله خلصت الدراسة ومباشرة حملت بالثاني ونظمت اموري لاني دوم تعبانه فأجرت لي شغاله تجي لي اسبوعيا يوم الخميس وتنظف كل الشقة ويصير علي ايام الاسبوع تنظيف خفيف بالاظافة الى الطبخ وغسيل الملابس بعد علي لاني مااحب تلمس اي شي يخصنا غير انها تنظف بس لكن نافعتني بصراحة يصير الشغل الصعب عليها وانا علي ادور على اللي نظفته يعني شغل خفيف جدا

كلنا نفس المعاناة...

بس على فكرة يا بجعة...شويه و بتلاقي نفسك تعودتي فعلا...

و لما تيجي لك خدامة جديدة راح تحسي إنه مالها لازمة...لأنك دبرتي أمورك...

عيالك راح يتعودوا و زوجك راح يتعود...و إنتي بالتالي حياتك بتنتظم أكثر..

أني مثل الحال
كنت أول شي متزوجة وشقة ودراسة وطفل

وألحين طفلين وشقة وشغل

بس ماني طايقة أجيب خدامة وأقعدها علة على قلةبنا
بس مثلاً من قبل كنت أني أكوي كل شي بس من اشتغلت قمنا الكواي نوديه المغسلة والطباخ جدي جدي ما يمديني أطبخ وكله جاهز بس العشيات ساعات أطبخ وعن الأشغال مثلما قلتي يادمشقية ساعات أأجل ليوم ثاني لأن لو بتابع الشغل بهلك مع اني حمود يبى ليه بس شغالة من عفسته والحدايد والأدوات اللي يفلتها في كل مكان بس ألزم ما على الواحد راحته في بيته

وزوجي ما يثق في الخدم أبو ساعة يقول كم مرة صارت ويخمون البيت ويطلعون ووحدة من ديرتنا من أول مرة جتها قامت تساعل وعدتها مرض خطير وتمت في العناية المركزة شهر

وكم مرة يقول ليي بنجيب ليش خدامة ما تقدرين جدي قلت ليه بصبر لين أيأس

الله يساعد الجميع ويعطيكم الصحة والعافية

ماما حسون تحملي بروحش الأغراض ما بتخلص بس صحتش ليها حدود ولبدنك عليك حق

انا عندي ولد 3سنوات ونصف وبنوته سنه وتسع شهور .......توسيختهم وعفستهم على اصول .............انضف غرفه اطلع منها ارد لها طبعا ولا كني مرتبه شي ..............طبعا ما عندي شغاله وشقتي صغيره ............انظف في اليوم مرتين مره الصبح والثانيه قبل ما انام ...............الحمد لله في الاكل عبادي معتمد على نفسه ...وحور انا اكلها
جدولي اغسل الملابس في الاسبوع مرتين لانا الغساله والدراير برع البيت .....بالنسبه للكوي كنت استخدم الكوايه العاديه .....بس الصراحه من غيرت الى الكوايه البخاريه صدقوني اختصرت نصف الوقت والملابس ما تخترب ..........لذلك انصحكم بالكوايه البخاريه سريعه .......في الطلعه لزم الاثين معايا ......عبادي معايا لاني اعرف اتعامل معاه اذا اصر على شي والبنت ويا ابوها وساعات الاثنين مع ابوهم ............وانا عليا الاختيار ..........والله اذا جلسنا على التنظيف والكوي والغسيل ما راح نخلص ...........لذلك مراتا اطنش ....

بصراحة موضوع حلو
على اني عندي بس عبادي
يصير اني اشارك <<<<<<<<<حاشرة نفسها:2_22:

ويش اقول اني عند بس عبادي الله يحفظة ويخلية
وساعات يصيرون 2 ابوه بعد وياه:sad:
وعندي شقة صغيرة ومااشتغل
لكن بعد ولله الحمد هلكان
والله ساعات احس روحي ماشاء الله ساعتين مااقعد على طول من شغلة الى شغلة:cry:
وهذا بعد عبادي ماكبر واحس المكان كلة عفسة يعني العابة في صوب مشاية في صوب جالوسية في صوب
وخصوصا اذا طلع من الحمام اني حاطة له سلة يعني فيها كل شي علي بس من يطلع من الحمام اطلع الاشياء الي محتاجتة
وفي غمضة عين اتصير الغراض الي في السلة كلها برة وكلشي في صوب
وتعالي شيلي وحطي من اول وجديد:pain:
والله المستعان اذا عبود كبر
ساعات احاول اني مااقصر على شي
يعني البيت وعبادي وابوة وحتى نفسي لكن ساعات احس انه خلاص مااقدر بعد من التعب فلازم اطنش جم شغلة:SOFA:
ولا مقدمة اوراقي في شغلة والله يستر اذا ابتديت اشتغل اشلون بتصير حياتي
بس ان شاء الله الله ييسر الامور

وبصراحة الله يعينكم الي عندكم اكثر من واحد

ام فاطمه

حياتي اعوذ بالله والله كلهم لهم رب بس تعب ال2 غير عن 1 ..

وفالكم طيب التربيه هي المتعبه مب الياهل

اخخخخخخ احس الي يالسين في شقه بروحهم امشين حالهم ..

بس انا يالسه بيت اهل زوجي وما عندهم بنات 3 اولاد وماشاء الله كبار والغساله برع فالهوا الطلق .. يعني صعبه اني اغسل برع ... حاولت اخذ غساله احطها فالغرفه بس للاسف ماعندي مكان تكرمون حمامي مزدحك .. شور بانيو المغسله المرحاض يادوب تمشين فيه ..

قولولي مبروك حصلن خدامة مردوده ... ما خليت مكتب ما اتصلت فيه اليما حصلت وحده حق العيد

مبروووووووووك اختي

أكيد اللي عندها شغالة بتكون مرتاحة كل شي مرتب ونظيف
على طول عندي بنتين و ولد
بس اني شغالتي مو معاي علىطول تشتغل عندي النهار
وأهل زوجي بليل حتى تنام معاهم
الواحد ياخذ راحته
الاطفال تعب على طول وما في راحة
مشكورة على الموضوع

انا عندي بنت وحده و متأكده انه اثنين اصعب

بس بعد شقتي صغيرة و ما عندي شغاله

اموت من شغل البيت

و بنتي ما خده كل وقتي

دايما عندي اكتئاب و مهمله نفسي

و تعبانه

الله المستعان

انا عندي ولد واااحد ومطلع عيني وبيتي كبيييييييييييييييييييييييييييييييييييييييير

الشغل مو مهم عندي انا اشتغل عاادي بس احد يجلس مع خلوودي ويهتم فيه لانه الله يصلحه بالمره عسر ونومه قلللليل مع ان عمره 3 شهوور

جبت له مربيه وربي ارتحت لانه صار عندي اكتئاااب ومالي مزاجه اذا بدا يبكي

وشغل البيت علي دورين واذا نام خلود تقوم تشتغل وتساعدني والله حراام بالمره طيبه حنوونه مع ولدي
بس الحين ماخذه اجازه يومين بتتعيد مع زوجها
وربي تعبت حتى العيد بجلس في البيت ماراح اعيد عند احد لاني ماراح انبسط فقلت لنفسي اجلس في البيت احسن لي
وفي شي ثاني مظيق خلقي انها بعد شهر بتروح عني لانها حاامل وماراح تقدر على ولدي

عاد تصدقون افكر اقولها اذا ولدت تجي اهي ولدها لانها بصرااحه مريحه وتعرف لللاطفاال

وما اقووول الا الله يكوون بعونااااااااااااااااا

يا فرحة ما تمت الخدامة كفيلها طلبها مرة ثانيه يباها تشتغل عنده فالبيت ...

يعني رجعن مرة ثانية اعاني .. قالولي الخدامة اليديده بتوصل عقب شهر اذا طلبتيها الحين ...

شو اسوي بحالي ... تعبانه ...