زوجي يكرة التليفون .وش الحل ؟؟!!

هلاااااا بنات
حقولكم على قصتي وساعدوني بليز
انا اسافر عند اهلي تقريبا شهر لحالي وزوجي مايقدر يجي معايا عشان دوامه طبعا
والي انا اعرفه والطبيعي ان الي في حالتي زوجعها يتصل عليها ويرسل لها مسجات
اما زوجي يتصل بعد خمسه ايام او اسبوع وكل ماره لما يتصل يقول كنت حتصل عليك في الايام الي فاتت بس ماقدرت ويقول ظرفه انه مشغول وبرضه لما يتصل شويه ويقول يلا مع السلامة
اما ابوه ينادية والا حيوصل امه والا يودي اخواته الصغار مول او مكتبه ويقول حتصل عليك بعدين وطبعا انا اجلس منتظرة وهو ولاهنا لااتصال ولاشئ
وكمان من يوم ماسافر وانا دايما ارسل له مسجات وهو ولا حتى رساله وحدة ولما يتصل بعد مرور الايام طبعا حكون زعلانة ولسه اعاتبه يقوم يزعل ويقول انت تحبي العتاب ويقفل
بالله اش الحل معاه هذا تعبت من هذا الاسلوب
مع العلم اني احبه مووووت وطول الوقت وانا افكر فيه وهوا عارف الشئ دا
وبرضوا من ناحية اهله هو باااااااار فيهم لدرجة مو طبيعية
وبالنسبه للدوام انا هارفه انه دوامه متعب حتى وانا عنده يرجع متأخر وهلكان يدوبك ياكل ويرمي نفسه وينام بس في النهاية اكيد للزوجة حق بأن زوجها يسأل عليها

ارجووووووووووووووكم ساعدوني اش اسوي عشان يتصل علي ويحس فيني