تعالوا ساعدوني دخيلكم بسرعه ؟؟

مرحبا يا جماعه ساعدوني بموت من التفكير ..؟؟

كانت عندي خدامة وايد كانت زينه ويا عيالي وتخاف عليهم وتحبهم لانهم كانوا يذكرونها بعيالها الي هم في نفس سن عيالي ..

وخلصت السنتين .. طبعا لازم ترجع بلادها . طبعا لازم اييب خدامة يديده ..

المهم كنسلتها قالتليمدام تبيني ايلس شهر زياده اليما اتي الخدامة اليديده قلتلها اوكي وطلبت خدامة بس هاي المرة فلبينيه مسلمة .. وهي ساعدتني فالاختيار .. الي طلبتها مب متزوجه وعمرها 25 .. وكانت تشتغل فالسعوديه تنظف وتطبخ وتربي عيالهم اصغرهم 4 شهور وهي ربتها اليما كملت السنتين ..

المهم المكتب يقولولي كل اسبوع اسبوع الياي بتوصل وما توصل .. يوم هددتهم قالولي ما محصليلها تذكرة عشان الكرسمس ... المهم وفالنهاية حصلولها حجز بعد ما طفرتهم والحين انا من اسبوع من دون خدامة تعبانه وهلكانه ..

البرنسيسه المفروضتوصل تاريخ 12/12 بسما وصلت اتصلت المكتب استفسر قالولي لا هي مسوية مشكله يوم نزلت ترانزيت في هونج كومج .. قلتلهم شو هي المشكله قالوليما نعرف نتريا تقرير الشرطه .. يمكن صارقه او عندها مشكله فالجواز .. قلتلهم اوكي اباكم تتاكون اذا صارقه ماباها ..

المهم عقب 3 ساعات رجعت اتصلت قاي الحين طلعوها بكفاله .. وبتوصل باجر الصبح قلتله بس انا ابا اعرف هي شو مسوية .. قالي والله هي خذت دخان من الديوتي فري ومادفعت .. مسكوها

وصديقتها تقول هي مش مسلمة هي مرتده ؟؟

استغربت شو هو الدخان هل هو السكاير ... وليش تبا السكاير هل هي تدخن ..؟؟


الخدامة بتمسك اطفال .. عقب الي سمعته انا خايفه على عيالي ..؟؟


على فكرة هالمكتب لعوز وايد ناس يتاخر في توصيل الخدم ويتعلث علث مالها وجود .. مثلا تاخرت في مطار سانغفور لانه فيه مشكله في جوازها (قالوا حق خالتي يوم طلبت من عندهم ) ويوم وصلت الخدامة سالناها قالت لا ما صارتلي مشاكل ..

اوكي فرضا جذبوا علي كبف اتاكد ..

السؤال الي بتسالوني ليش طلبتي من هالمكتب وانتي تعرفين سوالفهم ...؟؟

ما كنت اعرف الا عقب ما سويت الفيزا وخلصت ...

يا جماعه فهموني... شوروا عليه .. شو اسوي ..؟؟