اش رايكم في ذي الزوجين ؟؟؟؟

السلام عليكم ورحمه الله وبركاته

اختي الكريمه بالنسبه حق حالة زوجها أول شي يتبادر على ذهني . هل كانت بعلم عن حالته في بداية زواجهم يعني الخطوبه والزواج , ولمن سألت عنه هل كانت على علم بتفاصيل حياته.

ان كانت تعلم بامر طلعاته وسفراته . وكانت عايشه على امل ان يتغير .. فجوابي لها خل تصبر وتحتسب والدعاء وقيام الليل والصلاه , ولها ان اشاء الله الاجر . ومسأله انها ترمي اولاده عليه هذا خطا فهم اولادها قبل لايكونون اولاده ,,,, واكبر خطا ,, ترك الاولاد يتحملون اخطاء اباهم .

تربيهم احسن تربيه ولا تحسسهم بفقدان ابيهم , ولا تحاول تشوه صوره ابوهم جدامهم ... وان كانو يسألون عنه ترد عليهم انه في عمل ورحله عمل .....

وبعدين تحاول تكلم زوجه مره واثنين وثلاث بالهدوء وبالنقاش ,,, كل ما تشوفه وتسنح لها الفرصه ولمن يكون مزاجه هادئ.


والحل الثاني

لو كان الزوج تغير من بعد الزواج والخطوبه ... تبحث عن الاسباب .. هل في نفسها هل من انشغالها من عيالها .... وتحاول تعالج الاسباب .. من حيث الاهتمام بالنفس والشكل ,,, وحتى ان كانت تهتم بشكلها ومظهرها ولبسها فهو في الاول والاخير لها . وتحاول ان تحظر عشاء لزوجها في الاوقات المقرر انها تشوفه فيه.. وبنفس الوقت تحاول تشغل نفسها بأمور كثيره ... والحمدالله عندنا الحين اشياء كثيره تستطيع المرأه ان تشغل نفسها فيها .
من دورات تجويد وقراءن وخياطه ومكياج وانترنت وكتب وطبخ .. كثير امور لا تعد ولا تحصى...

وتربي اولادها احسن تربيه ..وتحاول تنصح زوجها بين فتره والثانيه لو هي حاسه بالخيانه .. بس ابدا لا تهدم بيتها .. لان المسأله فيها اولاد ,, وتفكر في اولادها قبل نفسها ... المراءه الصبوره والمضحيه دائما ,, وكله اجره عند الله كبير والله يعلم ويرى .. وان شاء الله يهدي زوجها ويسخره لهاتحياتي
ام جنى

لكن رفاق السوء اللي هو يماشيهم ومصاحبهم ......... وطبعا الويك اند يرجع الساعة 4 او 5 الصبح ، وكم مرة ضاربها الضرب المبرح ويتهاوشون ويقول لها انتى نكدية وتدورين النكد وكل تطلبين هات وهات انزين اذا هى ما تشوفه طول اليوم معقولة تقدر تستقبله بوجه بشوش وكم مرة ينبهها اذا ما غيرت اسلوبها يهددها بالطلاق او مرة من المرات قال لها انا عايش معاج عشان عيالج بس هى تعوذت من الشيطان وسكتت........

حبيبتي باقوولك شي الرجال في نظري انا مايطلع من البيت واجد ولا يغير معاملاته واجد مع زوجته الا فيه سبب والسبب عاد هي وشطارتها تطلعه وانا براائي مثل هالزوج اتوقع السبب من زوجته تلاقينها مقصره معه بالكلام الحلو والحناان تري الرجال محتاااااااااااج لمثل الامور اذا ملاقها يروح يدور يبحث صدقيني بتقولين انا مو مقصره معه في شي اقوم بالبيت اهتم بعياله لا ياقلبي هو اهتمي فيه اكثر حسسيه انه هو مهم عندك واجد اكثر من اي شي صدقيني لما يحس بهالشي يركض وراك ويخفف من طلعاته دامه لاقي الامان والحب
فهمتي ياقمررر والله يوفقك

والله شو أقولج يالغلا تحاول ترمسه بالموضوع وعيالها أهم من كل شي

وإذا ودرته راح يخلاله الجو ويمارس حياته عادي الله يعينها ويهدي ريلها..

ليش يا بنات اتحطون عليا احنا الحريم وانه احنا السبب ترا مشكلتي نفس مشكلتج وانا مو مقصرة معاه كلام حلو ولبس ودلع وكل شي بس اهو شايف وناسته مع ربعه

انا هم افكر بالطلاق بس مترددة علما بان عندي ولد واحد

لازم تفهمه وتزن على راسه كل يوم عشان يتوب لازم تقوله لا تطلع مع ربعك انا ابيك اليوم ولو ماعطاها وجه خل اتسوي روحها زعلانة

انا يوم انطق ويوم اعيش مدلله معاه مثل ما يقولون يوم مر ويوم حلو
الله يصبرها ويقوي من عزيمتها وادعولي ترا انا مثل حالتها

التفاهم اهم شي .... والباقي على الزوجه من حركات وكشخه .... اكيد الزوج مع الايام راح يتغير

على الاقل يوم واحد في الويك اند لزوجته وعياله واشو اشوي بيحن لهم ... العيال يقدرون يغيرون الشي يحنون بابا بابا طلعنا واشوي يصيحون يعني ها .... وهذا كله من تدبير الزوجه والله يكون في العون

في رياييل بدون احساس .... ما ينعطووون ويه واللي في بالهم يسوونه


والله يكون في عوووونج يا ام عليوي ..... ويصبرج على ريلج والله يسخركم لبعض ....

رووووووووووووووووووووووووووووووز

طيب اختي دام الموضوع يوصل فيه ضرب خلي تدخل احد من اهلها .. وحتى لو صار طلاق لا تتنازل عن اليهال ,,, واذا هي تبي تعيش معاه خلاص لاتزن على راسه ولا شي تعيش حياتها عاديه ويمكن هو من نفسه بعدين يلتفت لها .. هذا طبعا اذا تبي تصبر ,, وخلي احد يفتح معاه موضوع الطلاق من اهلها وتشوف اذا بيخلي عيالها عندها خلاص تطلب الطلاق والله يسر امورها . بس لو بياخذ الاولاد انا اقول خل تعيش عشانهم وتتحمل ..

محد مجبور يتحمل شي غصب عنه الا في سبب اقوى منى .. بس لا تقول بخليه يتوهق في اليهال لان ما بتوهق بيجب لهم مرت ابو توريهم الويل او بيهملهم وبالاخر بيضيعون وبيصرون دين برقبتها هي وزوجها ...

اتمنى اسمع الاجابه ..

تحياتي

تتفاهم معاه وتفهمه على كل شي وتصبر عليه اكثر وتحاول تقنعه بكلامها مره ومرتين
اما بالنسبة لطلاق وتخلي اطفالها معاه فاظن انه مافي ام تقدر تعيش بعيد عن عيالها واذا هو شاف حاله توهق بيهم راح يتزوج وحده غيرك عادي عنده طالما هو لحين ايام العزوبية بدمه
ادعي انه الله يهديه

الله يكون فى عوووووووووووووووووونك اختى على هالزوج الغريب
ربنا يهدى