في الثامن والبيبي وزنه كيلو و 900 غرام ؟؟

ع

عاشقه مبارك

عروس متألقة

12-12-2007 | 10:45 PM

السلام عليكم
بقيت حد يفيدني واذا مر اوسمع مثل هذي الحاله
والحاله انهم قالولي جنيني واااااايد صغير وانا امشي في الثامن وقالولي بناخذ من كيس الجنين مقدار ملعقه من الماي وبيسوون زراعه عن الكروموسوماتاذا فيها شي وانا قلتلها برد عليج اذا بغيت اسويها وانا لما رجعت من المستشفى رحت سيده لعياده خاصه وسألتها عن الي قالولي عنه وقالت لا اتخلينهم يسولج لان وزن البيبي طبيعي ووزنه كيلو 900جرام وقالت في التاسع بيوصل الى 2.800بليز اذا حد منكن مرت مثل حلتي وولدت والبيبي مافيه شي اطمني لاني بموت من كثر التفكير
يارب اني متوكله عليك ويارب ترزقني بالذريه الصاحيه الصالحه المعافاه وتجعله من عبادك الصالحين واسألك بحسن الخلق وهون الطلق يارب العالمين..............

س

سرايا الحب

عروس رائعة

12-12-2007 | 11:25 PM

اختي ما حبيت اطلع الا وانا راده عليج بس ما عندي فكره لان هذا اول حمل لي ... استخيري حبيبتي بعدين المستشفيات الحكوميه الصراحه تخوف ما نعرف شو انسوي معاهم .. اساليهم هل الجنين في خطر بهذا الحجم و قليلهم انج رحتي عياه خاصه وقالولج هذا طبيعي ومافيج و الجنين الا العافيه
الله يعينج اختي ويسهل عليج و علينا

ه

هملووله بنت صوغان

مشرفة سابقة

13-12-2007 | 12:16 AM

كيلو 900 غرام !!

انا شوف انه الوزن جداً طبيعي

بالعكس رنج الجنين في هذي المرحله 1.700 الي 2.800

وانتي بعدج تمشين في الثامن ..يعني عدج ماخلصتيه

وانشالله انه وزنه بيزيد ,,,, لانه نمو جسم الجنين في هذي المرحله يكون سريع بأذن الله

وحده من هليه صارت الها ولاده مبكره في الثامن وكان وزن الجنين 1.500 والحمدلله مابلاه شي فخير وفنعمه

وكثار عدنا فالقسم جي ,,,

مدري ليه قالولج كل هذا ؟!

عموماً راجعي اشطر الدكاتره في منطقتكم وشوفي الاراء ونظرياتهم وانشالله انج ماتحتيين اي شي

موفقه اختي ويعلج دوم فخير والبيبي فصحه وعافيه

أ

أم لمااار

عروس ذهبية

13-12-2007 | 07:53 AM

أنا أحس أنة طبيعي ومناسب لأنك ماخلصتي الشهر الثامن بعدك والشهر التاسع بيزيد أن شاءالله كيلو أو أكثر
وأنا الحين داخلة في الثامن بدايتة والأسبوع القادم عندي موعد وبتأكد من الوزن..

ا

ام نيلا

مشرفة سابقة

13-12-2007 | 09:31 AM

صحيح كلام الخواااات

الوزن طبيعي ومافية اي مشاكل

l

little kitten

عروس متألقة

13-12-2007 | 10:24 AM

وزن البيبي طبيعي...

ت

توته*

عروس نشيطة

13-12-2007 | 12:56 PM

طبيعي جدا المستشفيات على طول يخوفون الحامل والله ان زوجة اخوي قامو المستشفى يخوفونها يقولون لها ان البيبي جحمه مو طبيعي وعلى طول يرقدونها في المستشفي بس الحمدلله في الولادة يكون حجم المولود طبيعي 2.7 كيلو يعني ممتاز:21_95:

ع

عاشقه مبارك

عروس متألقة

13-12-2007 | 01:11 PM

اشكركن خواتي والله انكن طمنتني والله يرزقكن على نيتكن وجزاكن الف خير
وانا هذا اول حمل لي والله يكتب الي فيه خيره لي وللبيبي والله يعطي وهوه ياخذ .......

C

Cute Mother

عروس فضية

13-12-2007 | 01:16 PM

هلا اختي

انا مثلك بالضبط سويت التراساوند يوم كنت بالثامن وكان تقريبا كيلو و800 او 900

والحمدلله لمن ولدت كان وزن البيبي كيلوين و700 غرام يعني طبيعي

لا تحاتين

الله يقومج بالسلامة

ع

عاشقه مبارك

عروس متألقة

14-12-2007 | 12:28 PM

مشكوره اختي انتي طمنتيني اكثر

ا

ام شهد11

عروس جديدة

14-12-2007 | 12:40 PM

ماعليج منهم
وزنه طبييعي جدااا

ولما توصلين الشهر التاسع رايح يزيد بسرعه لان الجنين في التاسع يزيد وزنه كثيرر

×

× همسة براءة ×

عروس نشيطة

14-12-2007 | 04:51 PM

خيتوا الله يسهل عليش يارب وتقومي انتي والبيبي بالسلامة
بصراحة انا ماعندي خبرة لأني حامل لاول مرة في الشهر السابع
بس أحب اقول لج اخواني امي جابتهم كلهم كيلوين وشوية بس الحمد لله الحين احنا كلنا كبرنا ومافينا ولاشي
وحدة من خواتي وزنها عند الولادة كيلوين و200جرام وحتى ماحطوها في الحضانة........
لاتحاتي وان شاء الله خير.

ع

عاشقه مبارك

عروس متألقة

14-12-2007 | 11:32 PM

مشكوره اختي همسه براءه وانا انشالله متوكله على الله ولي فيه الخيره ومن عند ربي راضيتبه

ف

فوانيس

مشرفة سابقة

16-12-2007 | 11:33 AM

طبيعي الوزن
و خذي بالج من سحب الماء اللي حولين الجنين لانه 95% يصير اجهاض بعد سحب الماء
شكل الدكتوره تبغي تسوي تجارب!!
ما فيج الا العافيه انتي و البيبي
و في الشهر التاسع يزيد حجم الجنين من كيلو الى كيلوين

غ

غاب طيفك

عروس نشيطة

16-12-2007 | 07:11 PM

كلامهم مو صح .. ولا عليج منهم

البيبي وزنه اووووكي وما فيه الا العافيه

وتركي عنج التفكير واكلي زين ... و جهزي حق الولاده ..

الله يقومج بالسلامه انتي والبيبي الحلووو

أ

أم لمااار

عروس ذهبية

18-12-2007 | 07:51 AM

مرحبا يابنات

من يومين كان عندي موعد الشهر الثامن وسألت الكتوره عن وزن الجنين

خبرتني الوزن .....كيلوين و 20 جرام...والحمدالله على كل حال..:happy1:

ت

توتو20

عروس مشاركة

19-12-2007 | 05:24 AM

والله حبيبتي انا مثلك بالضبط حامل في الثامن وجنيني له نفس الوزن بس مافي احد قالي انه مو طبيعي والله يسهل علينا