تصطحبي أطفالك معاك السوق ولا ؟؟؟؟؟؟

انا عندي ولد واحد الله يخليه .. !

و لما أقرر اطلع لتسوق او حتى مثلا اذا اطلع مجمع بدون مااشتري ، بس أطرد الملل يكون لازم معاي ! ..

لان الطلعة عادة تكون ساعة و نص او ساعتين ! .. تعرفين المجمعات كبيرة و يضيع فيها الوقت فما أقدر اخليه عند أبوه .. !

بكل مرة يمللني و يصيح و يحتاج يرضع و اتوهق ، اروح معاه المسجد اللي بالمجمع و ارضعه ، و احيانا اطلع مباشرة من المجمع و ارد البيت ! ..

لكن اذا معاي زوجي بالطلعة استانس ، لانه يلتهي مع ابوه و مايصيح .. !

...........................................................................................

و اختي عندها بنت عمرها 4 سنوات ، افففف ملولة بكل مرة تسوي لنا مصرع بالسوق ! .. فصارت تتركها مع اخوناه و تطلع عنها !

عندي بنوته عمرها 6 شهور دااااايما اخليه وياي كل مكان اروح اوديه حتى السوق ياخذها ابوها وانا اتسوق براحتي
تحيااتي

السلام عليكم ورحمة الله وبركاته
كلامك صحيح ولكن السبب الاهم فى عدم اصطحابهم هو الخوف من افلاتهم وضياعهم في السوق
وسلمت يداكي على الموضوع:wavetowel2:

آخذهم معايا كل مكان :)

بس لو السوق زحمة آخذ أختي معايا علشان تتوزع المسؤولية علينا ...

هاااااااااااااي
الصراحه انا لمه اروح السوق وناويه اشتري شي ماحب اودي اعيالي ويالي لانهم يربكون الواحد ومايخلوني اخذ راحتي في التسوق واهمه بعد ايتمللون يبون ايردون البيت ............لكن لو بروح مكان فيه العاب اهني اهمه بنفسهم بيلحقوني وانا طبعا باوديهم وياي عن لصياح..........

أما أنا ولدي عمره سنه وشهرين كل مره اطلع
يسويلي سوالف يقعد يصيح يبي يرضع ولا ينام
وكل مره اقول ما آخذه معي وبعدني ارد آخذه
قلبي ما يطاوعني لأنه يرضع طبيعي واقعد احاتيه
يمكن يصيح ويمكن يبي ينام ويمكن ويمكن......

والحين ناوين ع سفر وما ادري شسوي معاه اخاف يلعوزني
بالطياره أو ما نتهنى بالسفره لأنه مثل ما قلت لكم يرضع طبيعي
وقلت حج ابوه خليه يكمل سنتين افطمه وبعدين نسافرقالي لا نسافر شهر 4
وانا ما ابي افطمه من الحين

محتاره ما ادري شسوي:cry:

انا بنتي عمرها 6 شهور
وآخذها معاي كل مكان ..ما يهون علي اطلع بدونها
والحمدلله للحين ما تأذيني لأن تحب الطلعة
وابوها دوم معاي يساعدني
مشكورة عالموضوع

الصراااااااااااااااحه مااقدر اخلي بنتي بالبيت قلبي ينكسر واقعد احاتيها ومااشتري عدل

اوديهاا معاااااااااااااااااي كل مكااان

الصراحه انا كل مكان اروحه لازم اوديه ما احب اخليه قلبي مايطاوعني لانه اذا ماوديته بتم احاتيه طووووول الوقت

وخاصوصا انه يفهم ويعرف ويحب الطلعات بس ما شاء الله عليه حنااااان ويحب يراكض في المجمعات من غير هدف هههههههههههه

بالنسبة لي اذا كنت رايحه اتسوق لهم هم اوديهم معاي لاني لازم اشوف الشي عليهم قبل ما اخذه لان دايما في اللبس يكون غير...بس اذا كنت رايحة آخذ لي انا اغراض لا ما اوديهم اخليهم في بيت امي خصوصا ان اهناك معاهم يهال فما يتمللون لدرجة اني لما اوديهم السوق اكون موديتهم غصب لانهم مايحبون الطلعة بس لازم اوديهم عشان المقاسات...لو عليهم هم جان مابيطلعون من البيت خير شر ...بس الولد ما احب اوديه كلش لانه ماشالله عليه حركي وما يحب احد يمسكه فدايما اخليه في البيت...نادر ما اطلعه معاي

اودي ولدي معاي كل مكان مع ان بيت اهل زوجي مايرضون اطلعه يخافون يمرض لان الجو بارد بس انا مااعرف اطلع بدونه اخاف عليه

انا وانا هنا في مصر ممكن اخرج واسيبها انما لما ارجع الامارات مفيش حد اسيبها معاه هاضطر اخدها معايا

السلام عليكم ورحمة الله وبركاته..
اخذ بنتي معاي واجهز كل شئ لها رضعه ماء ورضعه حليب و اكل جاهز.. وا وقد موعد طلعتنا مع نومها .. فتنام بالعربة وانا اشتري على راحتي .. او تكون مع ابوها.. ما احب اخليها بالبيت او عند احد لاني احاتي تصيح ويتصلون رجعي بس لما تكون معاي اقدر اتصرف وخصوصا اني زوجي بيكون معاي فنتقاسم المسئولية..

اكيد لازم اخذهم

صح يطلعولي قرون وما اخذ راحتي بس شو اسوي مجبورة

ما احب اخلي عيالي عاله على احد لو كانوا اهلي ما ارضى

آخدها معاي كل مكان الحمد لله

و الله المستعان

[GRADE="8B0000 FF0000 FF7F50"]لازم اوديها خصبن عني
الود ودي اخليها في البيت بس هي لزقة تجي معاي كل مكان وهي عمرها 4سنوات[/GRADE]

انا ولدي عمره خمس سنوات بس مستحيل اروح السوق بدون مااخذه قلبي مايطاوعني وغير هذا انا مااروح السوق الا اذا ابوه معاي فهو بيتكفل فيه

انا ولدي معاي وين ما اروح

وعمره 3 سنوات بس من يوم هو صغير لحين مكان الي بروح يكون معاي

ومستحيل اخليه واطلع عنه قلبي ما يطاوعني

رغم انه يغربلني وما اعرف اتشرى براحتي لكن بعد مستحيل اروح بدونه