ابي اغذية ترفع نسبة الدم

هلا بالوردة ، حبيبتي احذري تعطيه دواء الحديد ! .. يعدم الاسنان ..

بقولك ، الحمدلله ولدي كان بالفحصين دمه 11 .. لاني مشيت على نصيحة اختي .. ولدها لما كان عمره 9 شهور مثل ولدك كان دمه 8 و الدكتورة نصحتها بأنها تضيف الى غذاه بقدونس مقطع .. و طبعا عصير التفاح و الموز الغني بالحديد ..

كنت اسوي له جذي يوميا من الصبح عصير .. و بالغذا اضيف له بقدونس شوي ، يتقبله الطفل لانه مايعطي طعم كريه .. والحمدلله دمه كان ممتاز ..

و سوي جذي 3 ايام و روحي المركز شوفي دمه ، و بيطلع لك انه ارتفع !

السلام عليكم ورحمة الله وبركاته

الكبده وايد فيها حديد ... والسبانخ بعد فيها حديد
و زيت الزيتون ..
والبقدونس

حاولي تعطينه من هذي الاطعمة وايد وسوي له خلطات وان شاء الله ما عليه شررررررر يا رب ويرتفع منسوب الحديد عنده

في أمان الله

هلا اختى
انا ولدي في فحص التسع شهور كان نسبه دمه 9.9
وعطونى الحديد بس ما استخدمته
اهتميت في اكله
عطيته حليب الاطفال لانه مزود بالحديد
وعصير الاطفال هم مزود بالحديد
اغلب اغذيه الاطفال مزوده بالحديد
اللحوم الحمراء والكبده
الاوراق الخضراء بانواعها فيها نسبه عاليه من الحديد
والفواكه فيها فيتامين سى اللى يساعد على امتصاص الحديد

مراحب حبوبة

شيء غريب فعلاً.. لاحظت كثير امهات يشكون ان نسبة الدم عند اطفالهم تكون ناقصة بفحص التسعة شهور، ومن ضمنهم انا ببنتي، مع انها تاكل اكل البيت واللي ياكله اخوها، واخوها ما شاء الله تبارك الله دمه 13 !! وهي بس 10 !!

المهم انا مثلك ما استعملت الحديد اللي عطوني اياه لأن نسبة النقص مو وايد، وقررت اهتم أكثر بأكلها، ركزي على الخضروات بكل انواعها، وكل ما كانت خضراء او شديدة الاخضرار كان افضل،
عندك البروكولي منجم حديد..

التمر هم كذلك،
عطيه حليب اطفال كشرب بالكأس لو كان يرضع طبيعي،

ايضاً فيه خلطة وصفتها لنا خبيرة تغذية، وقالت نعطيها الطفل مرتين باليوم حتى لو ملعقة صغيرة كل مرة ( كأنها دوا ) وهي بقدونس وجرجير وكزبرة (تابل) نحطهم مع شوي ماي مذوب فيه قطعة سكر نبات للطعم ونضربهم بالخلاط تبع العصير، ونعطيه الطفل بالمعلقة.. طعمه مو شيء.. بس فائدته عظيمة،
وممكن تتبعين طريقة انثى وتخششينه وسط الاكل..

بعد شيء مهم.. بعد السبعة شهور تستطيعين اعطاءه صفار البيض، غني جداً بالحديد... يمكن ما يتقبله.. اخلطيه مع جبن.. او مع الروب لو كان يحب الروب .. فتتيه داخل الروب..


واهم شيء على الاطلاق السمك ... اكثر شيء صحي.. ومليء بالاحماض الامينية الضرورية لذكاء وصحة نمو دماغ الطفل..
الاجانب يستخدمون زيت كبد الحوت ، عشان هذي الخاصية.. تباع معلبة مثل اكل الاطفال الفواكه المعلبة،
بس احنا الحمدلله عندنا نعمة السمك الطازج... وهو يكفي ويوفي

مشكلة معظم الامهات

انا بعد عانيت وية ولدي وبقول لك طريقتي في ارتفاع دمه

انا مثلك رفضت استخدام دوا الحديد بس بعدين استخدمته

وكنت اخلطه وية عصير برتقالة وبعد الغدا يشرب الدوا

لانةعصير البرتقال يخفف من الدوا وما يخرب الاسنان وفيه فيتامين سي يساعد على امتصاص الحديد

انا استخدمت الدوا لمدة شهرين وفي اليوم مرتين وما اختربت اسنان ولدي كلش عادي

والغدا لازم ياكل اشياء فيها حديد واعصر عليه ليمون لانة فيه فيتامين سي ويساعد على امتصاص الحديد

واجبره بشكل يومي ياكل سلطة واكثر من الاشياء الخضرة في السلطة ونفس الشي لازم يكون معصورة عليها ليمونة لامتصاص الحديد واهم شي انه ما تعطينه اي شي فيه كالسيوم و لا جاي بعد اي وجبة فيها حديد لانه يعيق امتصاص الحديد

واذا ولدج ما يحب الاكل معصور عليه ليمون لازم يشرب بعد الغدا عصيربرتقال حتى لو نص برتقالة لانة يساعد على امتصاص الحديد

وصدقيني هالطريقة ناجحة 100% انا عانيت وية ولدي بس لانة عقب الغدا يشرب حليب فراولة وما كنت اهتم ومن جدي كل موعد اوديه الاقي دمه قاصر اكثر وهالطريقة هي الي نفعت مع ولدي بعد شهرين وديته لفحص ولقيته ارتفع من 9 الى 11

و اصحح الي قالته اخت جمانة ان تخلطيم صفار البيض مع الجبن او روب لاااااااا لانة يعيق امتصاص الحديد

اهم شي عشان يرتفع الدم ان ما تخلطين اي وجبة فيها حديد مع شي فيه كالسيوم لانة يعيق امتصاص الحديد

انتي جربي طريقتي وصدقيني بتشكرين لانة طريقة ناحجة ولا تخافين من دوا الحديد

اذا لمدة شهر او شهرين ما يتاثر على الاسنان واهم شي تخلطينه مع عصير برتقال نص برتقالة

وعلى فكرة انا ولدي عمره ثلاثة سنوات لما استخدمت له هالطريقة

لانة لما كان صغير كنت اعطيه اشياء فيها حديد واكثر منها بعد بس كنت ما اهتم اذا يشرب حليب فراولة او ياكل جبن وروب

ولما اوديه موعده انصدم ان دمه قصر اكثر لاني اكثر اليه من الاشياء الي فيها حديد والحين اكتشفت ان بسبب الكاسيوم الي ياخذ عقب الغدا

اشكرك الجميع على الردود
فديتكم ما قصرتوووووووووووووووووو