من حقي يوم في الاسبوع إجـــــــــــازة من اطفالي !!

يــا هـــلا أختــي جمانـــة ... موضوعج رااااااااااااائـع

أنـا عن نفسي أغيب عن ولدتــي سااااااعاااات بسبب شغلـــي
وأخليـه عند أمي الله يحفظهـــا ... ولما أرجع طبعا أكون مشتاقـة له وااااايد
أرضعـــه وألعــب معــاه وأكله وأبدل ملابســه.. وأيضا أشغل وقتي بالقراءة
لما يكون ولدي عند أبوه هذا طبعا لما أرجعمن الدوام ... زوجي يمكسه
يمشيه في البيت عند الطيور والأسماك.. وأنا أخذلي فتــرة رااااحـة
أطالع التلفزيون أو أقرأ ...

هذا الي عنــــدي ... وننتظـــر رد الأخوات

موضوع حلو جمونة:wavetowel2:

من ناحية انا ناخذ يوم اجازة فالمفروض صج نا خذ لان وايد تعبانيين منهم بصراحة

هل تحرصون بين الفينة والاخرى على الابتعاد عن اطفالكم لفترة معينة؟

والله يا ريت بس نادرا ما يحصل

ماهي الهوايات او الامور التي تستهويكم وتقومون بها في هذا ال break?
اني اقعد اطالع التلفزيون على راحتي وطبعا آكل بهدوء:whistling::whistling: او اطلع اقضي حوايجي من تسوق وغيره من الامور البسيطة لان حتى وانتي طالعة عنهم تحاتينهم

وعند من تتركون اطفالكم؟ وكيف تصفون مشاعركم وحالكم عند عودتكم اليهم؟

عند الوالدة طبعا وساعات عند عمتي ام زوجي
اما مشاعري اذا ترتكهم شوي عاادي اما ساعات طويلة اشتاق لهم عددل واحس بتأنيب الضمير الصراحة:tears:

هل الزوج ومن يقوم برعاية الاطفال حال غيابك مقتنعون بهذه الفكرة؟

لاااااا
الاخ على طوول مشغووول:BANNED2:


ام ان الام مسؤليتها ابنها ولا بد لها من اخذه الى كل مكان تذهب اليه؟؟؟؟؟

لا والف لا الاب بعد ملزووم بأبنائه
ومو ملزومة تاخذهم وياها وين ما راحت لأن بصراحه فيه مشاوير ما تصلح للاطفال والام محتاجة لوقت تختلي بنفسها شوي

جمانه موضوع رائع

احلّوت دنياكم عروس جنان وكيوت ماذر.. من ذوقكم..

شكلكم تخربطون بين ترك الاولاد لقضاء المشاوير وبين الوقت الخاص فيكم.. اللي تسوون فيه اللي تحبونه، مش اللي مفروض عليكم من تسوق وغيره.. :)

يا ريت انا احصل احد يمسك عيالي...

بصراحة ولادي من النوع البكاءين وااااايد ... حتى امي تقول لي لو يعفسون المكان فوق تحت عادي.. بس كله ولا الصياح.. يفجّرون الراس ما قدر اتحملهم... فما اخليهم عندها.. خصوصا الصغيرة وايد وايد متعلقة فيني ومن اغيب عن نظرها لحظات فتحت هالبوق.. صوتها لآخر الدنيا...

هذا من ناحية.. الناحية الثانية زوجي بعد مو موافق اننا نترك عيالنا عند احد ونطلع نتفسح او نشوف عمرنا شوي.. يقول نوع من عدم تحمل المسؤلية :( واذا كلش كلش يقول خليهم عندي واطلعي.. انزين خاطري اطلع معاك بروحنا.. ما يصير؟ :(

موضوع حلووو

توني اليوم افكر اروح الصالون اسوي مساج ظهري متكسر عدل حتى بالغصب اقوم من المرقد

بس قلت بسال الدكتورة لانة مسوية عملية ما ادري يصلح الية او لا

بس ما ادري وين اخلي بنتي

ما عندي احد يجودها :(

و زوجي كلة مشغول

اهلا جمون نور الركن والله

انا بالنسبة الي للاسف صارلي من عمر ابني محمود وانا مستحيل اقدر اطلع من دونهم انا بالغربة ومافي احد احط ولادي عنده على الرغم من وجود حماتي بنفس البيت الا ان رجلهم اولادي وحماتي على رجللي انا وزوجي مافي مفكة
وللاسف زوجي مايحب اني اترك اولادي ابدااااااا نفس حكي زوجك يا جمانة على الله بس

خليتيني اطلع الفضايح هههههههه

انا بالنسبة لي ساعات تمر علي ساعات لازم ابي اقعد بروحي شوي

بالنسبة لولدي انا مااتركه قلبي مايطاوعني اخليه واطلع كفاية تركته اربع سنوات خليني اعوضه

تسلمين جمونه على الموضوع الحلو

موضوع راااائع...

الصراحه لازم الوحده يكون عندها وقت خاص فيها...والا بتيها حالة اكتئاب و :( من مجابل الييهال 24 ساعه ...:shiny:


عن نفسي...اطلع بالشهر مره والا مرتين السينما مع زوجي واخلي العيال عند امي والا بيت عمتي طبعا معاهم الشغاله...واروح مره بالشهر ال spa مع وحده من صديقاتي ويكونون العيال مع ابوهم بالبيت...ونطلع كلنا مع بعض للملاهي والا السنتر مره او مرتين بالشهر... وجذا انكون كلنا راضين ومحد زعلان لووووووووووول :wavetowel2:

كالعادة جمانة .. موضوع مميز و رائع !

بما انه ولد واحد عندي بس .. الحمدلله .. يصير لي واجد اوقات فراغ باليوم الواحد .. و راح انسخ سؤالك و اجاوب !

ماهي الهوايات او الامور التي تستهويكم وتقومون بها في هذا ال break?

أقرأ كتب الروايات اللي عندي ، و غالبا مااقدر اكمل اكثر من 6 صفحات ! لان ولدي يوصل لدرجة الغليان بدوني خخخ !! او ارتب لي و لزوجي صينية كاكو و شيبسات و كولا ( دايت طبعا !! ) و ناخذ راحتنا بوقت نومه !

وعند من تتركون اطفالكم؟ وكيف تصفون مشاعركم وحالكم عند عودتكم اليهم؟

طفلي ما يتحمل فراقي ! فما تعودت اتركه عند امي مثلا او عند جدته لابوه ! .. فأخليه مع ابوه و اتركهم واروح لغرفة ثانية ،، و مشاعري عادية خخخ ، مايمدي اشتاق له ! بس بليلة القدر خليته مع اختي و اتصلت فيها تجيبه لي لاني مو عارفة اقرأ قرآن و هو مو معاي ! .. و لما شفته كأني من دهر مو شايفته !

هل الزوج ومن يقوم برعاية الاطفال حال غيابك مقتنعون بهذه الفكرة؟

لما رحت اسجل للجامعة ، كان عمر ولدي 5 شهور .. مسكين زوجي عطاه خضرة مسلوقة .. و تأذى معاه بس عرف له !

الله يعطيج العافية اختي جمانة على هالموضوع الحلو...

بالنسبة لي ولدي شاغل وقتي كله، بس إذا جا أبوه من الدوام يمسكه عشان أرتاح شوي... وقت قراءتي بس عند النوم... وبرامج التلفزيون ما اتابع شي غير Baby TV عشان حكم الأخ شوشو...
غير كذا شوشو معانا في كل طلعاتنا...

لكن مرة في الشهر أروح عند أهلي وهناك أرتاح، الله يخلي لي أمي و أختي يأكلونه ويغيرون له واخواني الأولاد يلعبونه ويمشونه، وحضرتي إما في الصالون أو أزور صديقاتي أو عند التلفزيون... و أكيد أشتاق له إذا رجعت... بس وانا برا اسكر تلفوني عشان مايكلموني أهلي وينشغل بالي عليه<<<<وحدة شريرة :cool2:...

مراحب جمانه ومبروك عليك الخط الجديد
هل تحرصون بين الفينة والاخرى على الابتعاد عن اطفالكم لفترة معينة؟

ما كنت اقتنع بها الشي بس سويتها مره مرتين حسيت نفسيتي وايد تعدلت وصرت اهتم بولدي اكثر واشتاقله لما ارجع

ماهي الهوايات او الامور التي تستهويكم وتقومون بها في هذا ال break?

اطلع مع صديقاتي لعشى برا او نروح اي مركز المهم اسوي شي بعيد عن المسؤولية خخخخ

وعند من تتركون اطفالكم؟ وكيف تصفون مشاعركم وحالكم عند عودتكم اليهم؟

عند امي ولما ارجع طبعا اكون وايد مشتاقة واذا كان وايد يصيح اندم بس لو كان عادي ارتاح لاني غيرت من نفسيتي ورجعت له فرش خخخخخخخ

هل الزوج ومن يقوم برعاية الاطفال حال غيابك مقتنعون بهذه الفكرة؟

الزوج غير مقتنع خخخخخخ بس امي تقولي اطلعي غيري من نفسيتك لان طلعاتي اساسا قليلة فما تصدق اني اطلع واغير جو

ام ان الام مسؤليتها ابنها ولا بد لها من اخذه الى كل مكان تذهب اليه؟؟؟؟؟

انا مع فكرة ان الطفل مسؤول من امه وهي مجبورة تطلعه معاها بس بنفس الوقت احس الطفل قبل عمر سنة اذا طلعته مو في صالحه تعب له وللام فجنه الاطفال منازلهم خخخخ

انا بنتي لسة صغيرة عمرها شهرين وطبعا معرفش اخد اجازة منها لان انا في غربة و هاسيبها لمين
لازم تكون معايا على طول

هلا والله ام حسين ، تو ما نور الركن

انا من جبت نور ما احب اخليها واطلع ما اقدر على فراقها ابدا وهي من النوع اللي مثل زنوب بنتج ما تهدني حتى اذا كنت برح المستشفى انا مريضة اخذها معاي، بس يوم صار عمرها سنة ونصف اشتغلت فتعودت شوي اني اتركها فصرت اخليها ساعات عند امي وطلع ما ابوها في البداية ابوها ما كان يحب بس يوم شافها تحب تقعد عند امي ومتعودة عليها تعود، بس هذا قليل جداً.

اما الحين هي راحت الروضة وانا ما عدت اشتغل فصارت الفترة الصباحية فترة راحتي الخاصة، اقوم من الصبح اجهزها الى الروضة وهي تمشي قبل الثمان يعني على الساعة 7:30 فمن هالوقت الى الساعة ثمان اني افطر ، بعدها اقوم الى شغل البيت اللي ما ياخذ اكثر من ساعة او بالكثير ساعة ونصف تصير عندي ثلاث ساعات اسوي اللي ابيه وعادة اول شي اطلع امشي في الهواء الطلق لمدة نصف ساعة ( والله المشي شي عجيب عن جد يريح الاعصاب) وبعدها ارجع وعلى النت والتلفزيون مع كوب قهوة، وساعات استغني عن النت والتلفزيون في هذا الوقت واسوي شغل البيت قبل لا انام في الليل وطلع الصباح مع احدى صديقاتي ، صار عني احلى وقت في اليوم وقت الصبح ما احب انام فيه احب استمتع فيه.

بس تصدقين وقت ماتجي نور اكون مشتاقة لها موت ، والله انتظرها عند الباب وعلى طول احظنها وبعدين يبدأ البرنامج معاها.

ورايي ان الام لازم تكون لها فترة خاصة تريح فيها اعصابها عشان تقدر تواصل يومها بهدوء واستقرار.

والاطفال مو مسؤولية الام لوحدها لازم الاب يساندها شوي.

والسموحة على الاطالة

موضوع رائع اختي

بما ان بنتي توها صغيرة فما اخليها عند احد خصوصا اني للحين عاطلة عن العمل

بس سويتها كم مرة وخليتها عند امي او اختي وكان لاعمال ضرورية بعد مو لطلعات و هات يا اتصالات تلفوني ما سكت!!!! بسرعة ردي لبنتج عطشاااانة ........

لانها ما تشرب مرضعة كلش ولا تاكل توني اعلمها على الاكل فلازم وين ما اروح وياي

ورايي من راي البنات الام محتاجة لوقت راحة تهتم بنفسها شوي من الحمل للولادة وبلاويها للرضاعة والتربية هلاك

والاب مسؤول عن عيالة حالة حال الام

جمـــانة;4776702:

بصراحة ولادي من النوع البكاءين وااااايد ... حتى امي تقول لي لو يعفسون المكان فوق تحت عادي.. بس كله ولا الصياح.. يفجّرون الراس ما قدر اتحملهم... فما اخليهم عندها.. خصوصا الصغيرة وايد وايد متعلقة فيني ومن اغيب عن نظرها لحظات فتحت هالبوق.. صوتها لآخر الدنيا...

هذا من ناحية.. الناحية الثانية زوجي بعد مو موافق اننا نترك عيالنا عند احد ونطلع نتفسح او نشوف عمرنا شوي.. يقول نوع من عدم تحمل المسؤلية :( واذا كلش كلش يقول خليهم عندي واطلعي.. انزين خاطري اطلع معاك بروحنا.. ما يصير؟ :(

الحين عرفت سارة طالعة لمين...شكلها طالعة لزينب :) الله يحفظهم يا رب

هذه برضه لو غبت بس عن نظرها قامت الدنيا و لا قعدت...بصراحة مريم كانت أشطر منها...

و زوجي رأيه نفس رأي زوجك...و اقنعني فيه

مشكلتنا إنه عيالنا محور حياتنا...و نحس بتأنيب الضمير لو حاولنا ناخذ منهم إجازة و لو لساعات...

يطلعوا دلوعين و معتمدين علينا...

الله يهديهم يا رب (f)

ههههههههههه والله راجعة يا جمانة بموضوع في الصميم ... وعقبالي لما أغير شركة النت ...


طبعا بآخذ وقت مستقطع ليّ مرة أروح للكوافيرة - أعيش حياتي ..

أو أزور أحد من المصريين هنا ...

أو حتى أطلع اتعشى مع زوجي ...



وبالنسبة لأطفالي ولأنهم كبار نوعا ما فإنني اتركهم مع بعضهم - إذا خرجت مع زوجي - وطبعا بيشتغلوا اتصال على الموبايل كل فترة والثانية ...

أو اتركهم مع أبوهم إذا خرجت وحدي !!

وطبعا في الحالة الأولى بأرجع ألاقي الدنيا مقلوبة وكل اللي كان نفسه في شيء عمله !! وأضطر أرجع من فسحتي علشان أقف على روسهم الثلاثة لغاية ما يصلحوا بعض مما افسدوا ... وهذه هينة ..


أما في الحالة الثانية فغالبا أرجع ألاقي واحد منهم على الأقل مضروب ... وتقلب طلعتي بنكد هههههه

السلام عليكم ورحمة الله وبركاته

أني بالنسبة ليي عادي أطلع وأخلي ولادي
مثلاً حمود من صغره من الأربعين رحت عنه الجامعة وتم في بيت جده فواجد متعود عليهم ومن جدي ساعات حتى لو نقول ليه تعال بنطلع ما يرضى يقول بيطلع وياهم
هدا لما كبر وفطوم بعد ساعات أخليها ولأنهم بيت عمي بعد واجد يحبون ولادي ساعات هم اللي يقولون خليهم

وأغلب الأحيان تكون طلعات تسوق بس ساعات تكون طلعات تسوق بس للترفيه لأني وزوجي نحب ندور في الأسواق (هواية) وساعات من نطلع من الشغل نروح نتغدى في مطعم قبل لا نرجع البيت

وبالعكس زوجي يشجع هالسالفة أكثر مني حتى لو اضغط على حمود كان يجي ويانا يقول ليي ما يبغي يجي خليه على راحته
بس أني لأن استحي أقول كفاية لين في الشغل مخلتنهم عند بيت عمي ما أبغي بعد أثقل عليهم وحتى مو وقت الدوام عندهم من جدي ساعات طلعات العصرية أخليهم عند أمي

نسيت أرحب بش جمانة
فجيتين علينا ومرة ثانية خلي ليش خطة احتياطية للطواريء ما نقدر بدونش

موضوع رائع :wavetowel2: وبالفعل أنا ودي أن يكون لي وقت حق نفسي مو لازم للطلعة على الأقل في البيت لكن للأسف زوجي دائما مشغول ولا يوجد وقت فراغ عندي:( وبنتي في النهار قليلة النوم ولا أحد معاي في البيت وللطلعة أحس بتنيب الضمير أخليهم عند امي عشان وناستي وهي تتعب معاهم مع أن أمي تلح علي بين فترة وفترة يبيهم وطلعي غيري جو وأرتاحي :icon9:

لكن دائما في العيد والمناسبات:whistling: لي طلعة مع زوجي من دونهم وغالبا ما تزيد عن ساعتين:21_87: