للي مركبين لولب ... ساعدووني لو سمحتو

ن

نور الدوحه

عروس برونزية

11-12-2007 | 01:10 PM

بسم الله الرحمن الرحيم

انا ركبت لولب عادي بعد دورة الاربعين
وتم ينزل علي دم بعد التركيب لمدة اسبوع يعني نقط نقط مرات بنية ومرات حمرا
الافرازات تكون مثل اللي تجي عند الولادة اللي خيوط ومعاها دم
في اليوم السادس بدا ينزل مثل الدورة
:tears:

رحت للدكتورة
لقته نازل تحت وقالت لي يمكن الرحم سوا انقباضات ونزل اللولب

المهم

شالته وركبت واحد ثاني
وقالت اذا ماصار اوكي معناته الرحم ماتقبله وغيري نوع المانع

سؤالي هو
انا للحين ينزل على نقط بس مو نفس اول مرة اقل
والالم بعد اقل مو نفس الالم اللي حسيت فيه قبل

هل هذا طبيعي ولا ايش؟

وعطتني حبوب اسمها دافلون daflon توقف الدم
اقدر اخذها وانا ارضع؟ لاني خايفة الصراحه وللحين ماخذتها
مع اني اذا مشيت عليها بيوقف الدم بس خايفة اخذها

ياليت اللي عنده فكرة يساعدني في حالتي

واكون شاكرة له

وجزاكم ربي كل خير مقدما

e

endless hope

عروس رائعة

11-12-2007 | 02:48 PM

شوفي اختي انا ما جربت اللولب بس اكثر اللي ركبن لولب كانن يعانن من نقط الدم في ناس استمر معاهم فتره ووقف وفي ناس استمر وياهم واضطروا يشلون اللولب،،النسبه للحبوب كنتي المفروض تسالين الدكتورة اذا يناسبن المرضع ولا لا،، بس تقدرين تتصلين فيها او في اي صيدلي وتسالين ^_^

ن

نور الدوحه

عروس برونزية

11-12-2007 | 03:08 PM

مشكورة اختي على ردج
يزاج ربي كل خير

أ

أنثى كلاس

عروس جديدة

12-12-2007 | 09:38 AM

بصراحة ومن تجربة اللولب أكثر من مرة بعد الأربعين ما يثبت لازم يتحرك من مكانه
يعني الوحدة لازم تنتظر على الأقل 3 شهور تستخدم مانع آخر وبعدين تركبه
بس أنا كنت أخذ هالدوا مع الرضاعة بالإضافة للبروفين عشان يقلل كمية الدم بس ما يوقفه لأنه ينزل غزير
بعدين ترى الدورة ممكن اتطول أكثر عادي هاذي آثار تركيب اللولب
بس الحمد لله كنت مرتاحة عليه أكثر من الحبوب

ن

نور الدوحه

عروس برونزية

12-12-2007 | 11:32 AM

انثى كلاس

طمنتيني بخصوص الحبوب
بس بخصوص الدم .. انا راحت الدورة قبل لا اركبه
وعقب ماركبته نزل مرة ثانية يعني مو دورة
وللحين والله يوميا نقط
يعني من تجربتج متى وقف نزول هالنقط ؟

ومشكورة على ردج يالغالية

ه

هملووله بنت صوغان

مشرفة سابقة

12-12-2007 | 04:42 PM

ماعليج شر اختي
بس هالتفاصيل المفروض
تسألين طبيبتج عنها

أ

أنثى كلاس

عروس جديدة

13-12-2007 | 08:39 AM

حبيبتي حتى لو ركبتي اللولب بعد الدورة ينزل عليج دم كأنه دورة جديدة يمكن يقعد تقريبا
4 أيام يعني في البداية يكون متوسط وبعدين نقط
أما بخصوص الدورة بعد اللولب كانت في بدايتها 3 أيام بعدين دم غزير لمدة 5 أيام وبعدين ترجع تنقط بعد مدة يومين أو ثلاثة
يعني بصراحة كانت اتطول وايد
قعدت على هالحال لمدة سنتين ونص تقريبا لحد ما قررت أشيله اتعدلت الدورة صارت 6 أيام يعني جسمي خذ له سنتين ونص لحد ماتعود عليه
ترى أعرف حريم وايد ركبوا لولب ودورتهم ما كانت مثل دورتي يعني إذا كثرت 8 أيام
بس أنا كانت اتطول عندي وايد وهالشي يختلف من حرمه للثانية.
ويبي لج بعد كم شهر لحد ما يتعود جسمج عليه

ن

نور الدوحه

عروس برونزية

13-12-2007 | 12:04 PM

انثى كلاس

وي زين افتكيتي منه
يارب المشكلة تنتهي ومااضطر اشيله لان الموانع الثانية صعبة علي

مشكورة حبيبتي على معلوماتج

م

مرفت محمد

عروس متألقة

13-12-2007 | 03:40 PM

انا في رايي سيبيكي من اللولب وغيري نوع المانع وفي حبوب منع حمل للرضاعه يمكن فعلا رحمك مش متقبله ولو استمريتي عليه ممكن يعملك مشاكل ربنا يعافيكي يارب وحمد لله على السلامه

ج

جوني

عروس جديدة

14-12-2007 | 04:15 PM

الله يهديك ياختي استعجلتي بالللووووووووووولب كان ريحتي ثلاث اشهور بعدين ركبتيه

لأن الأرحام تكون مرتخيه بعد الأربعين ومايتثبت اللوب صح

بس ان شاء الله هالمره يضبط