الحمد لله ... الله اختار واحد وعوضني بواحد ... قصة ولادتي

السلام عليكم ورحمة الله وبركاته

وحشتووووووووووووني

وبالذات شلة بنات السعودية وتجهيزاتهم :wavetowel2:

هذي قصتي
لكل اللي سالوا عني واعتذر عن تقصيري معاكم

حملت
3 الأشهر الأولى

وحم غير طبيعي + نزول بالوزن + افرازات بنية + نوم عالظهر + وحمي صار عالنوم تقريبا من 14 إلى 18 ساعة :whistling:

الشهر الرابع رحت المستشفى ...

طلع فيني توأم أولاد .... انصدمت واستانست :wavetowel2:

وطبعا ... بطني كبر بسرعة ... وثقل وتعب .. يعني انتو جربوا اضربوا تعبكم في اثنين .. ورح ترأفوا بحالي
خشيت عالكل الا أمي طبعا ... وصرت ما أطلع من شقتي من الشهر السادس

يعني الشهور الوسطية اللي المفروض مافيه ثقل ولا وحم... عانيت من الثقل الغير طبيعي

طبعا الحديد نازل كالعادة ... وصرت آخذ حقن حديد
الين الشهر الثامن رايحة موعد ... ولا عالبال والخاطر

الا والجنين الثاني متوفي في بطني نفسيتي صارت ولا شي ... وصياح بالمستشفى ... والله ربي العالم بحالي ,... ضاقت بي الوسيعة .... وحسيت اني ميتة من داخل
سبحان الله .... صح الولد غالي ...
كنت أحس انه نصي عايش ... ونصي ميت
بعد قلبي كان متوقف نبضه من اسبوع ... واحتاروا الاطباء في أمري ورقدوني بالمستشفى ... وقالوا بما انه كل ولد في مشيمة لحال ... ان شالله مافيه تأثير
وصاروا يسووا لي تحاليل على طول حتى يكتشفوا لو فيه تسمم لا سمح الله للجنين الثاني أو لي

وربي صرت في حال ... زي الميتة ... طبعا فطرت رمضان كله ... خوفا على الجنين العايش ... وظليت في بيت أهلي ... أخاف أولد مبكر ... وأفقد الثاني ... وأخاف يظل ببطني ويتسمم لا سمح الله وأفقده ...

والله أنام .. والقرآن في حضني ... وكله دموع وخوف وترقب ... حتى أمي وزوجي نفسيتهم تعبت علشاني ... وحبيب قلبي ولدي ... كنت ناستنه بالمرة دايم عند امي وخواتي
تحولت على استشاري ... وصار يتابع حالتي
ويوم شاف انه معاي طلق من شهر وشوي ... رأف بحالي وحدد لي تاريخ أروح أولد يا أما طلق صناعي أو عملية ... وكنت في نص التاسع
رحت ... وأنا خايفة من الطبيعي ( معاناة سابقة .... وآخر شي عملية ) :tears:

وسألوني وش تبغي ...؟؟ قلت ليهم موكله أمري لرب العالمين
أي شي يجي من ربي جميل .... انتو اختاروا ... سووا لي سونار ... وقالوا البيبي العايش ... نازل براسه بس مو داخل بالحوض ... والثاني جنبه ويمكن يعترضه حزة الولادة

دخلت المستشفى يوم الثلاثاء 18 شوال وأنا ما أدري كيف بولد... ومتى بولد ... ويوم رحت الدكاترة هناك كل وحدة تتصل بالثانية وتسأل يعني وش نسوي
طبعاً طلق صناعي كانوا خايفين يعطوني لأني مسوية عملية من قبل ,... ويمكن ينفجر الرحم ...
وقالوا حرام نسوي عملية وانتي معاك طلق قوي وايد ... يجي كل 7 دقايق ... طبعا هالطلق كان معاي من توفى البيبي الثاني .... وربي عذاب ... طلق كل سبع دقايق مدة شهر ونص .....
بس كله محسوب عند رب العالمين ...

جت الدكتورة وسوت فحص ( أكثر شي أكرهه بالولادة ) :schmoll:
وقالت انه راس البيبي الكبير ( العايش) مو بالحوض زي ما قلت ... بس ممكن مع الطلق الصناعي يستقر ...
يوم شافوني ما أصريت على الطبيعي ... ولا العملية ...
جابوا دكتور التخدير ( بصراحة ما عجبني كأنه سفاح ) :sa36:
وقاله زوجي .. احنا نفضل تخدير نصفي ... ( أبرة ظهر .... سبق وجربتها بعملية ولادتي بولدي .. وكانت نعمة لا توصف )
وفي نفس الوقت كنت خايفة أحط تخدير نصفي ... وأشوف البيبي الميت وأظل مكتئبة ومتضايقة ...
فقال دكتور التخدير ... احنا حنتفاهم مع المدام جوه ( خخخ بالمصري طبعا) :21_178:

دخلت غرفة الولادة ... ويوم شفت المقصات والخناجر ...:essen: خخخ مقصب مو ولادة ... وربي تشهدت ... وشهقت شهقة .... وصرخت وما حسيت بشي ..... ( نمت على طول )
قعدت كأني بعالم ثاني ... حطيت يدي على بطني ... ويوم شفت مافيه كرشة ... صرخت على طول ... وين البيبي ... وين ولدي .... وزوجي جنبي يقول لي كل شي تمام ... وأنا أصرخ وأصرخ ... ماني مستوعبة ... حاسة كأنه سيف مغروس في بطني وظهري ... كأني والله مقسومة نصين ... على قد اني ما تعبت بعمليتي الاولى .. بالعكس كنت أحس العملية نعمة .... هالمرة كان غييييييييير .... قعدت أصارخ ... وأبكي ... والممرضات يكلموا زوجي بالانجليزي ... انه وش فيها .؟؟؟ هديها ؟؟؟ كلمها ؟؟ وزوجي مختلع

بصراحة كان وجه زوجي متغير ... لأنه توه شايف الجنين الميت ... وأني كنت أفكر انه الثاني صار فيه شي ... وظليت أصارخ ... الين هديت شوي .. واستوعبت انه كل شي تمام ...
ظليت بالملاحظة من الظهر ... الين يوم ثاني الصباح رحت غرفتي الخاصة ...
طبعا جابوا ولدي حبيبي المغرب ... وراووني اياه من بعيد ... ويوم شافوني مادة يدي أبغى أحضنه ..ز قالوا ( ماما انتي تعبانة ) ... أي تعبانة أي خرابيط ... أني ما صدقت أشوفه ... بس حطيته بحضني ... والله يا بنات حتى جرح العملية ... ما حسيت فيه ... صغنون ... كل شي فيه نعوم ... لأنه مولود قبل موعده باسبوعين ... ومعاه توأم ... كان صغنون ... ومافيه رموش .. وشوي أصلع خخخ شكله كان يجنن .. ما شالله تبارك الرحمن أطالع فيه ,ابتسم وأحس انه الدنيا مو واسعتني من الفرح


ادعولي يا بنات
دعيت لكل المحرومات ربي يرزقهم بهالنعمة ولا يحرم احد من الذرية




حبيت أسأل عن حبيبتي كائن حي

شخبارها ؟؟؟ ولدت؟؟
اذا حد يعرف شي يطمني