شو هي الحبه الحمراء.. وشو فايدتها للحرمه الي في الاربعين..!؟

أ

أوراق الخريف

مشرفة سابقة

10-12-2007 | 05:31 PM

السلام عليكم ورحمة الله وبركاته

هلا الغالياااااااااااااااااات..
من العنوان امبين..:whistling:

سؤالي هو..

شو هي الحبه الحمرى وشو هي فايدتها للحرمه الي في الاربعين..!؟

في منهم يقولون لتنظيف البطن وازالة الكرش..
وفي منهم يقولون حق الرحم حتى ينقبض ويرجع نفس قبل الحمل..!؟:icon9:

كيف يطبخونه وشو هي الخلطه بالضبط..؟!

انتظر ردودكم الحلوه..

ه

هملووله بنت صوغان

مشرفة سابقة

10-12-2007 | 07:37 PM

اختي اوراق الخريف

الحبه الحمراء لي يسون ابها الرشوف او الحسو للمربي او حتي للاجهاض...وكذلك يسون ابها المقطعه بالعاميه اذا تعرفينها ..وللي هي نفسها محروق صبعه...

هن حبوب حمر يامدات
بس يوم ينطبخن يصيرن هلاميات ولينات
وطريقتها يضيفون الها ماي وطحين وبزار(حسب الرغبه) ...بتخبرلج الوالده شقا تسويها بالضبط وبكتبلج الطريقه
وفايدتها تنظف الرحم الانه الحبه الحمراء تعمل انقباضات في الرحم بالتالي تنزل الدم وكذلك حراره البهارات
تعمل اقباضات فالرحم...لاكنها ماترجع الكرش مثل اول والا كانن امهاتنا ويداتنا كلهن رشيقات بليا بطون من كثر
ماشربنها

ف

فوانيس

مشرفة سابقة

10-12-2007 | 09:07 PM

هلا و غلا ام حمدان

الحبه الحمراء مفيده للوالده من كل النواحي
فهي تنظف الرحم و مدره لحليب الام اذا اضيف لها المكسرات
و ايضا مفيده جدا جدا للامساك
معروف انه النفساء تعاني من الامساك لقلة حركتها

اما الطريقه التقليديه لعملها كالتالي

1/2 1 لتر ماء > يغلى على النار
1 كوب واحد الحبه الحمراء > يغسل و يرمى باقي الماء
و يضاف للماء المغلي

بعد ذلك تضيفين للماء اللي تحبين من البهارات
انا اضيف
ملعقة طعام الزنجبيل المطحون
فلفل اسود ملعقه صغيره جدا
ملعقة شاي هال مطحون
زعفران منقوع بماء الورد
كوب دبس التمر
1 ملعقة طعام سمن بلدي (ذوابه)

و اخيرا المكسرات اللي تحبينها

يعني هالطريقه تقليديه مع بعض الاضافات مثل الماء الورد و المكسرات
بس لذيذه

و ممكن تضيفين الحليب
تصبين الحبه الحمراء نصف الكوب و بقية الكوب كوب حليب دافيء

يعني انا ما اخلط الحبه الحمراء مع الحليب اثناء الطبخ

و توجد طرق كثيره لعمل الحبه الحمرا منها
بالحليب
بالكسترد
بالساقو
بالبيض
بالطحين

بس انا احب الطريقه التقليديه دايما

و تقومين بالسلامه يا رب

أ

أوراق الخريف

مشرفة سابقة

11-12-2007 | 06:04 AM

هملووله بنت صوغان;4770352:
اختي اوراق الخريف

الحبه الحمراء لي يسون ابها الرشوف او الحسو للمربي او حتي للاجهاض...وكذلك يسون ابها المقطعه بالعاميه اذا تعرفينها ..وللي هي نفسها محروق صبعه...

هن حبوب حمر يامدات
بس يوم ينطبخن يصيرن هلاميات ولينات
وطريقتها يضيفون الها ماي وطحين وبزار(حسب الرغبه) ...بتخبرلج الوالده شقا تسويها بالضبط وبكتبلج الطريقه
وفايدتها تنظف الرحم الانه الحبه الحمراء تعمل انقباضات في الرحم بالتالي تنزل الدم وكذلك حراره البهارات
تعمل اقباضات فالرحم...لاكنها ماترجع الكرش مثل اول والا كانن امهاتنا ويداتنا كلهن رشيقات بليا بطون من كثر
ماشربنها

مشكووووووووووووووره فديت قلبج (f) وما تقصرين..
ربي يحقق الي في بالج والي فيه الخير يا رب..

أ

أوراق الخريف

مشرفة سابقة

11-12-2007 | 06:05 AM

فوانيس;4770778:
هلا و غلا ام حمدان

الحبه الحمراء مفيده للوالده من كل النواحي
فهي تنظف الرحم و مدره لحليب الام اذا اضيف لها المكسرات
و ايضا مفيده جدا جدا للامساك
معروف انه النفساء تعاني من الامساك لقلة حركتها

اما الطريقه التقليديه لعملها كالتالي

1/2 1 لتر ماء > يغلى على النار
1 كوب واحد الحبه الحمراء > يغسل و يرمى باقي الماء
و يضاف للماء المغلي

بعد ذلك تضيفين للماء اللي تحبين من البهارات
انا اضيف
ملعقة طعام الزنجبيل المطحون
فلفل اسود ملعقه صغيره جدا
ملعقة شاي هال مطحون
زعفران منقوع بماء الورد
كوب دبس التمر
1 ملعقة طعام سمن بلدي (ذوابه)

و اخيرا المكسرات اللي تحبينها

يعني هالطريقه تقليديه مع بعض الاضافات مثل الماء الورد و المكسرات
بس لذيذه

و ممكن تضيفين الحليب
تصبين الحبه الحمراء نصف الكوب و بقية الكوب كوب حليب دافيء

يعني انا ما اخلط الحبه الحمراء مع الحليب اثناء الطبخ

و توجد طرق كثيره لعمل الحبه الحمرا منها
بالحليب
بالكسترد
بالساقو
بالبيض
بالطحين

بس انا احب الطريقه التقليديه دايما

و تقومين بالسلامه يا رب

مشكووووووووووووووره فديت قلبج (f) وما تقصرين..
ربي يحقق الي في بالج والي فيه الخير يا رب..
بس الغاليه فوانيس هالخلطات فيها بهارات ف ما تسوي غازات حقي وحق الطفل بسبت الرضاعه الطبيعيه..
والشي الثاني اصراحه حسيت ان الحليب احسن شي واحلى مع المكسرات+ الحبه الحمرى شكلي بسويها ان شاء الله.. بس متى بالضبط هل بعد الولاده مباشره والا عقبها باسبوع..؟!
وتسلمين..

ص

صلصوحه

عروس ماسية

11-12-2007 | 07:22 AM

الحسو ضرووووووري عندنا من تربي الحرمه سيده اييبون لها حبه حمرا

ايقولون اتنظف ...

ونحن انسويها بالبصل والمكسرات والسمن

كلن له طريقته....

وانصحج تشربينها عقب ماتقومين بالسلامه ان شاء الله...

ا

ام خماس1

عروس مشرقة

11-12-2007 | 07:43 AM

الحبة الحمرا او الحسو او الجلاب نفس الشىء لتنظيف الرحم ونزول الدم الفاسد من الرحم وانصحكم بة لانة وايد مفيد وبتنظفوا بعده عدل واحنا بنسوية بالطحين والبهارات مثل الزنجبيل والفلفل الاسود والله ما اذكر بعد شو لان الوالدة طول الله عمرها هي يلي تسوية لنا ....مو شرط بعد الولادة او الاجهاض حتى بعد العادة الشهرية لنزول الدم والم الظهر
ولا تنسونا بالدعاء ...ربي هب لي من لدنك ذرية طيبة انك سميع الدعاء

e

endless hope

عروس رائعة

11-12-2007 | 11:39 AM

مثل ما قالوا لج الخوات وفي طرق عديده لحبه الحمرا تشربينها من اول يوم بعد الولاده وبتلاحظين ان اشياء غريبه تنزل منج لووول لانها صدق صدق تنظف وحتى ايام الدورة العاديه لو تشربينها بتلاحظين الفرق،،، ولها فوايد عديده غير انها تنظف تراها تقوي مناعه الجسم وغنيه بالحديد اللي تحتاجه الحرمه عقب الولاده بسبب النزف خلال الولاده وتنظم العمليات البيولوجيه في الجسم،، ومن تجربتي الشخصيه كنت اشربها لتنظيم الدورة لانها كانت متلخبطه عندي ^_^ واذا تبين تعرفين اكثر عنها دوري في النت عن (( حبة الثفاء )).

ه

هملووله بنت صوغان

مشرفة سابقة

11-12-2007 | 02:47 PM

اختي اوراق الخريف
اشربي الحبه الحمراء عقب الولاده على طول
حنا عدنا على طول نوديها المستشفى اذا عدنا
وحده من بناتنا مربي ...
والله يسر لج امورج

ع

عيون بوظبي

مشرفة سابقة

11-12-2007 | 05:01 PM

احلى طريقة للحبة الحمرا الي تكون بشوية طحين وحليب ..

لذيييييييييذة .. الي بالبهارات ما حبها وايد احسها حارة شوي ..

اما الحليب لذيذه ما تشبعين منها .. بصراحة ماعرف طريقتها عدل ..

قلت من ادش السادس بجرب اسويها مرة وحدة ..

وشي حرمة قالت لي من نص الثامن زين اني اشربها تسهل الولاده مادري ليش بس اتوقع انها تساعد في الانقباضات ..

وتنظف الرحم بعد الولادة وايد

م

ميس_الريم

عروس فضية

11-12-2007 | 05:23 PM

الحبه الحمرا مالها مسمى ثاني؟؟

أ

أوراق الخريف

مشرفة سابقة

12-12-2007 | 06:23 AM

[BLINK]ما قصرتو حبايب قلبي.. ويزاكم الله خير..[/BLINK]

ا

ام خلييفه

عروس مبدعة

12-12-2007 | 10:00 AM

حبيبتي عندنا في الامارات وخاصة في العين نسميها الحريروه وهي نحط ماي مع السكر وشوي من الحبه الحمرة والحلبه والبهارات والزعفران وشويه طحين علشان تتطلع غليضة ولازم اللي تربي عندنا لازمت تكون عندها دله وتشرب اكثر من كوب في اليوم لانه زيين حق الرحم ويدر الحليب ...
انشالله اكون افدج..

ن

نورس الوجود

عروس رائعة

12-12-2007 | 11:25 AM

ياااااااااااابنات لوسمحتم انا من السعوديه وابي مسمى اخر لاني مااااااااااعرفتها
فيه عندنا حبه تشبه الحبه السوده بس حمراء اوبني مايل للحمره تسمى رشاد اوثفى لها رائحه مقبوله وفيها حراره بسطه ولزاجه وهي ممتازه خصتن الي ظهرها مفكوك يجبره ونامجربتها
وجزاكم الله خير

ا

ام خلييفه

عروس مبدعة

12-12-2007 | 12:08 PM

نورس الوجود هي اسمها حب الرشاد بس عندنا في الامارات نسميها الحبه الحمرا...

e

endless hope

عروس رائعة

12-12-2007 | 01:12 PM

هي لها مسميات وايد الرشاد ،، والثفاء ونحن في الامارات نسميها حبه الحمرا او حريروه

ف

فوانيس

مشرفة سابقة

12-12-2007 | 02:56 PM

الامارات السعودية
7 7
7 7

الحبة الحمرا = الرشاد

أوراق الخريف;4773560:
مشكووووووووووووووره فديت قلبج (f) وما تقصرين..
ربي يحقق الي في بالج والي فيه الخير يا رب..
بس الغاليه فوانيس هالخلطات فيها بهارات ف ما تسوي غازات حقي وحق الطفل بسبت الرضاعه الطبيعيه..
والشي الثاني اصراحه حسيت ان الحليب احسن شي واحلى مع المكسرات+ الحبه الحمرى شكلي بسويها ان شاء الله.. بس متى بالضبط هل بعد الولاده مباشره والا عقبها باسبوع..؟!
وتسلمين..

هلا حبيبتي ام حمدان
لا ابد ما تسوي غازات لانه البهارات ايضا تساعد على تجنب الامساك
بدل الفلفل الاسود ممكن تضيفين جرفه لانها اطيب
نعم بعد الولاده مباشره تشربينها باستمرار يوميا لمدة 20 يوم متواصله
لانه اذا شربتيها بشكل متقطع الدم بينزل بشكل متقطع...
و يمكن يوقف بعد 30 يوم و تطهرين و يرجع ينزل بعد يومين او ثلاث,,
فنصيحه اشربيها باستمرار يوميا و بتغتسلين بسرعه قبل 40 يوم

م

ميس_الريم

عروس فضية

12-12-2007 | 10:24 PM

هههههههههههههههههههههههههههههههههههههه

الحبه الحمرا هي الرشاد

احنا ناكله حب بملعقه ونشرب مويه من بعده في ايام الدوره

وفي النفاس

شكرا لكم اخواتي

ط

طبعي كذا

عروس مشاركة

14-12-2007 | 01:35 AM

ههههههههههههههههههه
ضحكتيني ياميس الريم انا اقراء الموضوع واقول وش الحبه الحمراء في النهايه صارت رشاد يوم قريت ردك مت من الضحك اثاريكم مثلنا نلهمها ملعقه الصبح وملعقه بالليل الله يسهل علينا وعليكم يابنات ويوسع صدوركم اللي خليتوني اضحك

أ

أوراق الخريف

مشرفة سابقة

14-12-2007 | 10:42 AM

تسلمون على المرور الطيب.. والافاده الطيبه حبايب قلبي..