enjoy your life

بسم الله الرحمن الرحيم

:flower:
السلااااااااااااااااااااااااام عليكم ورحمه الله وبركاته

لووووووووووووووول أكيد يوم قريتن العنوان قلتن هذي مغلطه فالقسم


لا لا مب مغلطه ولا شي enjoy your life طريقه علاج يديده علمتني الدكتوره هالطريقه

بنات اليوم أدخل عليكن وكلي ونااااااااااااااااااسه وراحه والحمد الله كان خاطري أكتب هالموضوع من كم يوم بس النت كان عندي مقطوع

سمعو سالفتي

بنات أنا من فتره قررت أترك المستشفيات الخاصه خلاص لاعت جبدي من الصرف وكل ما اروح لدكتوره قالتلي فيج وفيج وما اطلع الا باكيتات أدويه

فدخلت منتدى إماراتي وسألت البنات عن أحسن المستشفيات الحكوميه الموجوده في أبوظبي

ماشاء الله ما توقعت ان كل مستشفياتنا الحكوميه أغلبها زينه للنسائيه

المهم أنا عندي ملف أوردي في مستشفى زايد العسكري لان زوجي عسكري فاقلت باخذ عندهم موعد نسائيه لان وايد بنات مدحولي المستشفى

بنات أنا صارلي سنتين تقريباً متزوجه ولا حملت فالبدايه قالولي( المستشفيات الخاصه) ما فيج شي وسوا ريلي فحوصات وقالوله انته عال العال

وبعد سنه ونص من العرس خذت كلوميد وابر تفجيريه شهرين والله ما كتبلي حمل ولله الحمد

قررت أرتاح بعد شهرين اتلخبطت الدوره عندي عذبتني شوي رجعت سويت فحوصات قالولي عندج تكيس وهرمون حليب

خذت باكيتات الادويه من كل شي كتبتلي الدكتوره كرتونين ونفسيتي وايد تعبت من الادويه


هذا الكلام كله في مستشفى خاص

تدرون مواعيد الحكوميه شويه تطول المهم يا موعدي عند الدكتوره الي في المستشفى الحكومي

وأنا قبل الموعد بإسبوع خذت تقاريري وكل فحوصاتي من المستشفيات الخاصه عشان الدكتوره تعرف شو كان فيه وشو الادويه الي خذتها وحتى صورت أشعت الصبغه الي سويتها خذتها معاي

وخذت معاي أخر أدويه أنا مستمره عليها الي هيه الجلوكوفاج ودواء هرمون الحليب

دخلت على الدكتوره حبوووووووووووووووووووووووووبه هنديه وشكلها حنون

خذت عندي التقارير وقعد تقرها بتأمل استانست حسيتها عطتني ويه لان الدكتورات في الخاص بسرعه بسرعه عشان الزبونه قصدي المريضه الثانيه تدخل

المهم

ومسكت أخر نتايج الفحوصات وشافتها ورويتها الادويه وشفت ويها متغير شكل المنصدمه

قالتلي ليش تاكلين هذا كله؟

قلتلها الدكتوره عطتني هالادويه

جان تستغرب

قالتلي نتايج الفحوصات ما تحتاج كل هالكميه من الدوا

جان استغرب قالتلي أول شي نسبه الانسولين فالدم ما تبين ان عندج تكيس!؟

وبعدين نسبه الهرمون ما تحتاج علبتين من الدوا قالتلي الجرعه وايد زايده على النسبه!

الصراحه خفت

وردت شافت تقارير زوجي

زوجي مسوي فحصين مره في شهر واحد من هذي السنه والثاني في شهر سبه وكلهن قال عنهن الدكتور انه فحوصاته تمااااااااااام التمام وحتى الدكتوره في المستشفا الخاص الي شافت التقرير وقات انه ما فيه اي مشكله

انرد على دكتوره الحكومي

يوم شافت تقرير زوجي الي في شهر واحد سألتني قالتلي زوجج اتعالج ؟

هنيه انا فجيت حلجي

قلتلها دكتوره زوجي ما فيه شي دكتوره قال انه اوكي ودكتورتي في الخاص قالت اوكي

جان تفج ثمها سألتني انتي تعرفين تقرين انجليزي ؟ قلتلها شوي !

جان ترويني الورقه وتشرحلي قالتلي ريلج عنده نسبه التشوه في الحيوانات المنويه كبيره

وقرتني في الفحص نفسه قالت 25% وتحت طبيعي وريلي نسبه التشوه عنده 50% قالت هذا من اكبر أسباب انج ما حملتي

وشافت الفحص الثاني اي سواه في شهر 7 وكانت نسبه التشوه فيه 28% قالتلي هنيه صح وايد نازل بس بعد لازم يتعالج وقالتلي الافضل انه يكون تحت العشرين في الميه

وهنيه قمنا عشان الفحص العملي الي هوه التصوير وغيره

أول شي سوتلي فحص مهبلي وقالتي شكل الرحم أوكي وأضن أضن والله العالم انها شلت عينه من الرحم لانها تفحص وتقولي لا تاخفين ما بيعورج هذا فحص ضروري للي كملت سنه وماحملت

وبعد ما قمت من هالفحص شوي نزل دم عشان جيه اقول شلت عينه

المهم

رحنا للألترا ساوند قالت انا اريد أشوف اذا فيج تكيس ولا لا صورت وصورت وصورت يمين يسار يمين يسار

قالت ولا حتى في الصوره أشوف اي تكيس شكل الرحم طبيعي ميه في الميه

الصراحه استغرب ما عرفت منوه أصدق كلامه

بعد ما خلصت التصوير وصتني هالوصايا

قالت أول شي تتركين أي دوا انتي تاخذينه

ثاني شي طلبت ملف زوجي عشان تراجعه مادري ليش

وعطتني ورقتين عشان اسوي فحوصات هرمونيه حقي والورقه الثانيه عشان فحوصات لزوجي

وما خبرتني بخطه العلاج الي باخذها اذا ما حملت هالشهر يوم سألتها ضحكت قالت خلينا انشوف التقارير قبل وبعدين بنخطط

وقالتي شي وايد مهم قالت أبدن أبدن لاتتنرفزين ولا تفكرين ولا تتوترين لان هذي اشياء تأثر في أكتمال التبويض

وقالتلي كلمه ونصحتني نصيحه قالتلي تبين تحملين؟

قلتلها أكيد يادكتوره قالتلي انسي السالفه و enjoy your life

وهذي يابنات سالفت العنوان

تصدقن بنات اني خذت عندها ساعه الاربع والله ارتحت لها الدكتوره واااااااااااااااااايد تحسن انها حنونه وايد

المهم هذا الكلام من اربع ايام وخلال هالاربع الايام الي مرن ربي الشاهد عليه اني نفسيتي مرتااااااااااااااااااحه وايد وايد



بنات فديتكن لا تحرمني من ردودكن الطيبه والله يرزقنا وياكن بالذريه الصاله الي ترد بس يارب تحمل بسرعه:wavetowel2: