3 عطور ثقيلة للطلعات .... 3 عطور خفيفة للبيت

ق

قمقومة ... قم قم

عروس ذهبية

09-12-2007 | 11:57 PM

هلا عرايس :flower:

اشحالكم ؟؟؟ :wavetowel2:

انا اول مرة اشارك في ها القسم وناختنكم وانشا الله ما اتردوني :friendship:

انا حامل في اخر الثامن وعلى ويه ولادة :tears:

خلصت الحمد لله اغراض بنتي (g)

والحين دور اغراضي ومن ضمن اغراضي العطور والبخور والعود :21_112:

ابغي مساعدتكم وابغي كل وحدة اتحط لي 3 عطور ثقال للطلعات غير عن (( الين _ ديرو اديكيت _ ومس ديور _ ولوي _ وكوكو شانيل_ وستيلا _ واتراكشن )) ابغي شي غير **** خبركم الوحام وما يسوي ما ابغي اشم عطر شميته وانا حامل :D_smil1:

وابغي 3 عطور خفيفة للبيت غير عن (( لوكست الوردي _ اسكادا _ سي كي الطويل ما اعرف شو اسمه ))

والي اتعرف عن بخور غير عن مراسيم رصاصي وكشخة اتسوي خير فيني :icon9:

وما بنساكم انشا الله من الدعاء في الولادة
:cry:

والي اتساعدني امانة عيها تكتب ادعاء اي تبغيني ادعيلها اياه وانشا الله فالها طيب :tv_horror:

والسموحة منكم

:wavey:

ت

تـــرانيم

مشرفة سابقة

10-12-2007 | 12:04 AM

فديتج والله

الله يقومج بالسلامه ان شاء الله

أختي العطور الثقيله ممكن اممم عطر الشيخ حلو وعطر كرستال

هذا الي جربته وعجبني من العطور الثقيله الثابته

اما العطور الخفيفه عندك دازلينق حلو وبتدمنين عليه وعطر بريتني وايد خفيف وينفع للبيت وثابت بنفس الوقت

وادعي لي ان الله لا يغير علينا الا بالخير ان شاء الله ويوفقنا ويرحمنا

ق

قمقومة ... قم قم

عروس ذهبية

10-12-2007 | 12:45 AM

ترانيم مشكورة يا قلبي

والله لا يغير عليج يارب الا با الخير ويوفقج ويرحمج

دنيا واخرة

أ

أنثى مذهلة

عروس جديدة

10-12-2007 | 01:19 AM

الثقيله / ميركل بصراحه رووووعه من لانكوم
والخفيفه / اممممممم برتني الفوشي حلــو وفندي كمآن رووعه

بالتوفيق وربي يسهل عليك

ح

حلا2006

عروس فضية

10-12-2007 | 01:51 AM

امممم شوفي عطر فرساتشي الجديد >> هذا العطورات الثقيلة وهو عموما هادي بس فخم

والخفيفة>> عطر من لانكوم هو قديم بس ريحتة باردة وفخمة ما اعرف اسمة الي شكلة مدرجات الان يجيبون لة دعايات
وعطر بويزن من ديور الي لونة اخضر قديم بس ريحتة روعة

انا احب العطورات القديمة

ق

قمقومة ... قم قم

عروس ذهبية

10-12-2007 | 04:03 AM

مشكورين حبايي

ما قصرتوا

س

سـماح

عروس نشيطة

10-12-2007 | 04:17 AM

حبيبتي انا اقدر افيدج باليي اعرفهم

عطر ايف سان لوران الجديد البنفسجي

وعطر فرساتشي كمان الجديد

العطور الخفيفة اسكادا ولاكوست

ادعي لي ان تتيسر الامور

س

سـماح

عروس نشيطة

10-12-2007 | 04:18 AM

بالمناسبة لاكوست مو الوردي لونه بيجي وغطاه رصاصي

غ

غلية الاثمان

عروس مشاركة

10-12-2007 | 07:29 AM

من العطوور الثقيلة

شيخ او امواج من باريس غاليري

ومن الخفيف جربي رومانس من لارف لورين او اوي من لانكوم

و الله يقومج بالسلااامه

ق

قمقومة ... قم قم

عروس ذهبية

10-12-2007 | 05:35 PM

يعطيكم العافية مشكورين وما قصرتوا

الله يوفقكم وايسر اموركم ويرزقكم الي في خاطركم يا رب

ر

رواظي بوظبي

عروس مبدعة

10-12-2007 | 05:54 PM

هلا حياتي

العطور لثقيله عندج لابيرلا ريحته روعه
والعطور الخفيفه بولغري الوردي وجربي عطور ذ بدي شوب
ريحتهم حلوه وفرش وبس

والله يقومنا بالسلامه ان شاالله

E

EmOoOo!

عروس جديدة

10-12-2007 | 06:00 PM

الله يهون علييييك ويقومك بالسلامه ياااااااااارب
انا بالنسبه لي العطور الثقيله اللي احبها ايف سان لوران الجديد الفوشي رووووعه وعندك جيفنشي الجديد بعد ابداع بس مشكلتهم كلن شراهم يعني ماراح تتميزين بريحتك احب سيسلي بعد عطورهم مييزه مع العود والبخور والعطور الخفيفه عندك دولتشي غابانا اسمه لايت بلوو هو قديم شوي بس ريحته واااااااااااااااااااو تجنن ومو منتشر كثير وعندك جادور من ديور عطري المفضل احببببببه وكمان في خلطه من زهور الريف خليه يسوي لك اياها عطر بخاخ مو زيت اللي هي ( مس دارلينغ + واتر ليدي ) هذي خذيها على ضماااااااااااااانتي وصدقيني كلللن بيسالك عن ريحتك ونظافتك وقولي ايمو قالت وعندك بعد بخاخ ريسبري للجسم من نكتار بخي لي بختين بعد اي عطر عشان تصير ريحتك مميزه وفريش هذي عطوري للبيت ووووبس طولت عليك بس قلت افيدك بالاشياء اللي احبها وادعيييي لي ان الله يحفظ لي بنوتي ويخليلي زوجي حبيبي ويسخره لي ولايشوف غيري :)

ك

كلي أنوثة

عروس نشيطة

10-12-2007 | 06:09 PM

الشيخ يهبللللل حلو حلو حلو
لأن انا ماحب عطور الي تصير قريبة من ريحة الفواكه و هذا صاير على عود وايد عجبني
و الحجر الاسود من القرشي
و فيرساتشي الوردي و الأسود عجيبين مايروح الا بعد 3 اسابيع من على الملابس
و غيس حلو بعد

بالنسبة للعطور الخفيفة:
كل عطور ذي بدي شوب خفيفة
انا جربت الياسمين هذا بس يصلح للصبح خفيييف بسرعة يروح
و نينا ريتشي هذا شوي ثقيل بس ريحته أحسه صباحية.
و بخاخ ليل الي يبيعونه بالجمعيات من القرشي حلو حق بعد التسبح الي (بالعود)
و مبروووووووووك ان شاء الله تولدين بالسلامة و تكبر بنتج و تعطينها عطورج عاد ذيج الساعة اذا رضت تستعملهم قوليلي;)

ه

هنوف الحلوه

عروس برونزية

10-12-2007 | 06:16 PM

[GRADE="8B0000 FF0000 FF7F50"]من العطورات الثقيله للطلعات جربي انسولانس من جيرلاند افسان لورين elle جفنشي
وايد حلوه واللحين بعد برد تطلع اروع وعندش شوبارد الجديده واو شي عجيب وفلور بمب
اما الخفيفه وتبقى ليومين وما تتغير بصراحه برادى ميلانو وايد روعه خفيفه وتحسينها فرنسي انا من احطها الكل يسئل شنو هالعطر
وبالنسبه للبخور والعود روحي جنيد واخذي بائنه رهيبه ومن العربيه للعود معجون الشيوخ يهوس والسموحه طولت عليج اختى بس انشاء الله افدتج[/GRADE]

i

immOrtal sOul

عروس مبدعة

10-12-2007 | 09:05 PM

حبيبتي الله يقومك بالسلامة
عندك عطر ايف سان لوران اسمه elle
D&Gالجديد
ALLUREالجديدغطاه لونه وردي غامق
وعطر كارتير الاحمر وعطور GUcci كلها حلوة

أ

أرض دبي

عروس مشاركة

11-12-2007 | 07:31 PM

سـماح;4766372:
بالمناسبة لاكوست مو الوردي لونه بيجي وغطاه رصاصي

انا اوافقها ... لوكست البيج اللي غطاه رصاصي من ابرد الروايح .. وفيه ريحه يهال شوي

انصحج به ..

انا ما استغني عنه ..

وعطر تريزر ... ريحته هاديه وخبال ... بس نطري خل الريحه تبرد ..

هذه عطور خفيفه ما تنمل

والله يسهل عليج الولاده فديتج وتربين بالسلامه انتي والنونو

ب

بنت__دبي

عروس مبدعة

11-12-2007 | 08:29 PM

الله يقومج بسلامه

ويسهل عليج الولاده

وربي يحفظج من كل شر

ه

هملووله بنت صوغان

مشرفة سابقة

12-12-2007 | 01:01 AM

الله يقومج بالسلامه

وايد عطورات ثجيله فباليه
بس اذا حابه احطلج 3 عطور فبرشح لج :-

عطر Agent Provocateur طباً مش يديد طايح من فتره
فيه نسبه عود وعنبر ,,, وياي على ذوق حريم البلاد
يعني بيعيبهن يوم بيتعطرن منه...واهوه فعلا حلو
وراقي....وينفع ينحط لضيوف لنه بياض الويه...

العطر الثاني

عطر Black Orchid من Tom Ford
بعد طايح من فتره ,,,اهوه مركز وثابت وراقي صراحه وعلى الاكيد بيعيب الضيوف

العطر الثالث

عطرJean Paul Gaultier

مركز وثابت

عطر Rose Aoud من Micallef

روعه على الدخون

وفيه عطر pink musk من هند العود بتحصلينه في باريس غاليري روعه وراقي وثابت وريحته تهب من اميال

وبالنسبه للعطور الهاديه حق البيت

عطر emporio armani diamonds

خذته من فتره ريحته هاديه سو رومانتك

عطر Vera Wang Princess perfume
هذا طايح من فتره بعد ريحته على فانيليا حلو وهادي وثابت

عطر Infiniment من chopard
ريحته ثابته وراقيه

amour-perfume من kenzo
ريحته باودر على فانيليا

عطر Happy Spirit من Chopard
اهوه عطر صباحي- هادي

وفيه عطر من Victoria's Secret الاخير بعد ريحته هاديه حاولت ادورلج صورته بس ماحصلته
وغرشته عقيتها لني من فتره ماخذتنه

وبخصووص الدخون انصحج بدخون الياس ,,, انا يربت جميرا واسرار والامارات والمها والياس
وصراحه كلهم حلوين.

فروعه في بوظبي شارع النصر و باريس غاليري الخالديه
ابوظبي مول والمارينا مول وقصر الامارات

دبي في وافي مول وابن بطوطه ردهة الصين ودبي فستفال ستي

العين في العين مول