ورايحين نعمل طبقين الاول
الشاورما
بنحتاج لصدور دجاج مقطعة شرحات طولية(ممكن تشوفوها قطعها اكبر من الملوف في الشاورما لكن جربوها مثل ما انا عملتها وشوفي انا بفضلها قطع سميكة نوعا ما )
بنتبلهم قبل بيوم في نص كوب خل+بهارات الشاورما وان لم يتوفر اي بهارات متوفرة+ثومة مدقوقة
ناعم+ملح وفلفل
بتخلطهم مع بعض وبنتركهم ليلة كاملة في الثلاجة لاكسابها طعم اكثر
بعدها بنحط ملعقتين كبار زيت زيتون علي النار وبنضيف الدجاج عليهم
وبنخليهم بس تتنشف المي عنهم ويتحمصو في الزيت وياخذوا اللون الذهبي
وبعدها بتصير عندنا الشاورما جاهزة
بنتركها علي جنب وبنروح نشوف طريقة تحضير الفلافل
ولازم يكونو منقوعين قبل بيوم مع مراعات تغير المي عنهم كل ساعة تقريبا
الفلافل باخذ مني 3 ايام قبل ما يكون جاهز
اليوم الاول نقع الحمص
اليوم الثاني طحن جميع المقادير وتركها في الثلاجة بعد اضافة بيكربونات الصودا
اليوم الثالث بتكون جاهزة للاستعمال
ضمة بقدونس+راس بصل كبير+ راس ثومة
جميعهم بنخلطهم علي ماكينة الخضرة حتي نحصل علي مزيج شبيه بالعجينة لازم يكون ناعم
ومطحون كويس
بنضيف عليهم بهارات الفلافل ان توفرت واذا لا بنحط بهارات مشكلة وكمون ملح وفلفل +بيكربونات
الصودا نص ملعقة
نفس الشي بنخليها بالثلاجة ليلة كاملة عشان تتخمر وتكون افضل ثاني يوم
وثاني يوم بنشكل حبات الفلافل اما بايدنا او بماكينة الفلافل الموضحة في الصورة
وبعدها بنقلي الفلافل في زيت غزير وحامي اول شي وبعد ما نحط الفلافل بنوطي الغاز شوي
علشان تستوي الحبات من برا ومن جوة وبهيك بيكون الفلافل جاهز بنرش عليه شوي ملح ليمون
مع السماق والملح
بعد ما جهزنا الفلا فل والشاورما بنجهز صلطة بطحينية للفلافل وصوص الطحينية للشاورما
وهي عبارة عن ملعقة طحينية + ملعقة مايونيز + ملعقة روب+ ملعقة عصير ليمون ملح بنحركهم وبنضيف شوية مي علشان نحصل علي هذا المزيج
بنحضر لعمل الساندويشات
بنجيب الخبز وبنحط فلافل وشوية سلطة وحبة مخلل وبنلف الساندويش
هذا بالنسبة للفلافل
بالنسبة للشاورما نفس الشي بنحضر الخبز وبنحط شوي شاورما وشوي من الصوص شرحات
من البطاطا المقلية وشرحتين مخلل وبنلف الساندويش نفس الفلافل
وهذا شكلهم النهائي وصحة والف هنا وان شاء الله طريقتي تعجبكم
وهذه عن قرب
.gif)
" alt="" loading="lazy">