انتظرتوا قصة ولادتي بنجد؟؟ اقرأوها
عذاري...
09-12-2007
74 رد
2,406 مشاهدة
شلونكم يا اخوات؟؟
يمكن سمعتوا عن ولادتي.. وبعضكم ينتظر يعرف شالقصة
طيب انا بحكيها لكم من الالف الى الياء
انا كان موعد ولادتي 13 – 11 وكنت انتظر هذا التاريخ بفارغ الصبر.. مو بس انا الا العايلة الكريمة كلها .. ولما صار الموعد وطاف وما ولدت الكل صار يسال : ها متى؟؟:icon9:
كنت اتضايق من هذا السؤال لان علمه عند رب العالمين وحده ومالي دخل فيه
المهم صار تاريخ 16- 11 وكان زوجي بهذا الموعد متضايق من مشكلة " الله يحلها عاجلا غير آجل"
ولانه متضايق قال لي : خلينا نطلع نتعشى بره، ودقي على زوجة ابوك تجي ويانا لانها اكيد متضايقة الحين من سفر ابوك
وفعلا طلعنا كلنا وما كان فيني أي بوادر للولادة، وكنت اقول لزوجة ابوي: شكلي مطولة بس المشكلة اني كنت حاسة ان البيبي فوق ومعترض(x)
المهم رجعنا البيت وما نمت ليلتها الا وانا استغفر الله وايد
صار الصبح، وبالتحديد الساعة 6 ، وانا كنت نايمة بس كانت تجيني آلام مثل الدورة الشهرية، حاولت اقوم حتى اروح الحمام نزل مني شي مثل الماي الساخن..
هني قعدت زوجي لان حسيت ان الموضوع صار حقيقة واقعة، وقلت له: حبيبي اقعد خلاص راح اولد
نط زوجي من السرير وهو مو عارف شيسوي، بس شوي استجمع افكاره واتصل حق اخوي وطلب زوجة اخوي وعطاني اياها
كلمتها وقلت لها شقاعد يصير لي ، قالت لي: يالله نروح المستشفى
قلت لها: زين بس عطوني نص ساعة حتى اسبح واجهز:Z_cool_c:
وفعلا سبحت ورحنا المستشفى وهناك ابتدت الالام، وفي خلال سااعتين توسعت 4 سم، لكن الدكتورة قالت ان البيبي معترض وصاير فوق مو نازل في الرحم، ولازم عملية، واذا حبيت اولد طبيعي خل اتحمل اللي يصير
طلبت منهم يتصلون حق زوجي واهلي ويخبرونهم
وكلها دقايق وصار زوجي وامي عند راسي والخوف " الا قولوا الفزع " في عيونهم
وخبرتهم الدكتورة بالموضوع فوقع زوجي على العملية
على فكرة الدكتورة حسيتها انها كلش زفت باخلاقها وكأن الوحدة رايحة تطر من عندها بيبي، مو كأنها رايحة تولد:poster_vt:
المهم صار ودخلت غرفة العمليات، سالت الطبيب اللي راح يخدرني عن التخدير راح يكون كلي والا موضعي، فاقنعني ان الموضعي احسن، علما ان امي طلبت منهم يخدروني تخدير كامل
وصارت العملية وانا احس بكل غرزة في جسمي وبكل شق صار لي لدرجة ان الطبيب المخدر استغرب شلون حاسة بالالم وبكل شي يصير، لكنه كان يخفف عني كل هذا بايده وهي تمسح على شعري:sad:
وبعدها خله الطبيب المخدر يده بين صدري ودفع بقوة لان البيبي كان فوق وخلاه يروح تحت، وسمعت اول صرخة من جنيني، وسالتهم: شنو جنس البيبي ؟؟ قالوا لي: بنوتة زي القمر
وطلعت نجودة " نجد" من بطني وسط الامي
:21_95::21_95::21_95:
ووسط دموع زوجي وامي واخوي اللي واقفين بره غرفة العمليات يدعون الله اني اطلع سالمة وما يبون أي شي بعدها، خصوصا زوجي اللي حس انه راح يفتقدني اول ما عطوه ربطة شعري:cry:
وطاحت دموعي اللي مسحها الطبيب بس سمعت صرخة بنتي، لكني تعبت بعدها كلش، ورااااااااااااااااااااااااااح النفس، حسيت ان الموت راح ياخذني، واول من جا على بالي هو زوجي وشلون راح يتحمل موتي
صارت حالة طواريء وخلوا علي اجهزة التنفس وكنت ادفعها بايدي لانها كانت تخنقني اكثر، واقول لهم: خلاص خلوني اموت :down:
لكن الحمد لله عدت الحالة على خير، وشفت زوجي وامي واخوي ووجوهم صفرة والدموع مغرقة وجوههم، لكن بعد ما شافوني تطمنوا
انا هني دخلت في نوبة اغماء ما قعدت منها الا بثاني يوم الظهر ، والاهل حوالي يتحمدون لي بالسلامة لانهم قالوا لي اني ظليت يوم كامل في غرفة العناية المركزة..:BYE2:
بس هذي هي قصة ولادتي اللي صارت بتاريخ 17 – 11 والحمد لله على كل شي
وشكرا لكل البنات اللي سألوا عني او زاروني بالمستشفى، وبالاخص الاخت طفوف" ام فاضل وبنين":9_33:
الف الف الللللللللللللللللللف الحمد لله على سلامتك والله
والف الف مبروك
ماشاء الله نجوده تجنن حبيبتي والله قمر
انا كنت اتابعك من اول حملك وكنت انتظر القصه بفارغ الصبر
والحمد لله كنت اول وحده اقراها
هههههههههههههههههههههههههه
ادعي لي ام شجاع بالتساهيل لاني بديت اتعب وانا بنهاية الثامن
.
..M!ss-P!nk..
مشرفة سابقة
09-12-2007 | 03:27 AM
مشالله تبارك الرحمن
الف مبرك يالغاليه
والله يخلي لكم نجوده وتتربى بعزكم يارب
بسم الله على قلبها تجنن
يارب ترزقني مثلها قلبوووسييي
الف الف الحمد لله على سلامتك والله وانا اقراء القصه من الخرعه دمعت عيوني على حالتك
الحمد لله انك قمتي بالسلامه وشفتي بنوتك مشالله عليها تتربي بعزكم انشالله
ام شجاع ؟ كل هذا صار لك ؟ و الله ماعرفت انك تعبتين هالقد ! الحمدلله على سلامتك مرة ثانية !
و القصة روعة باسلوبك ! و تجنن نجد ماشاء الله ! بس خاطري لو تخلين لها صورة من قريب ، احلى !
الحمدلله ع سلامتج ومبروووووووووووك قدووم نجد وتتربى بعزج يااااااااااااااااااااااااارب وتكووون من الذريه الصالحه
وعقبالنا نحمل ونووووووولد ونكتب لكم معاناه ولادتنا..
تقبلي مروري
الحب الكبير
بالله عليكي مانسيتي الوجع يووم شفتي بنتك القمر ماشاء الله الله يحرسها ويخليه لعين ترجيها..........
الف الحمد الله على سلامتك
وعقبالنا
ماشــــــــــــــــاء الله تبارك الرحمن
تجننننننن ربي يحفظها ويخليكها لك ذكرتني بولدي اول ماجبته تشبهله كثير
والف حمد لله ع السلامه وتتربى احلى نجوده بعزك يارب
وتكفيييييييين حصينيها وعوذيها يوميا خصوصا بعد هالصوره عسى ربي يحفظك ويحفظها من كل مكروووووووووه
ام نجد ....لعل الكلمات التي في النفس تعجز عن التعبير لك بالفرح ولكن لابد من اطلالة صغيرة تدون في مذكرة الايام ....ساعات مضت من ذاك اليوم ولكنها محفورة في الذاكرة ...تخفق بي الحين والاخر بالحب ....
عسى الله ان يدوم عليك نعمة جميلة اسمها نجد ادامها الله لك سالمة بحق محمد وال محمد
الف الف الللللللللللللللللللف الحمد لله على سلامتك والله
والف الف مبروك
الحمد لله على السلامه وتتربى في عزج ان شاء الله
ألف الحمدلله على سلامتج حبيبتي... تتربى بعزكم والله يجعلها من مواليد السعادة وتفرحين بها عروس إن شاء الله...
الحمدلله على سلامتك..والله بكيتينا...ومبروك قدوم نجد
B
BnT^aLbA7rAiN
مشرفة سابقة
09-12-2007 | 08:59 AM
ام شجاع الحمدالله على السلامة وتتربى في عزكم ان شاء الله
مع محبتي
الف الحمدلله على سلامتج حبيبتي :)
ماعليه الالم يهون عشان خاطر نجوده اللي والصلاة على الرسول واله فلقة قمر :)
الله يخليها لكم ذخر يارب!
ن
نبعه الريحان
عروس برونزية
09-12-2007 | 09:43 AM
ااالف الحمد لله على سلامتج خيتوووو...
سبحان الله يعني لون انها نجوووود القمر ماكانت فوق كان احتمال ولادتج سهله مرررره لانج توسعتي 4 في ساعتين....
بس الحمد لله على كتبة رب العالمين...
والحمد لله انج قمتي بالسلامه مع القمورررره....
وبوسي لي القموووووره كتير كتير...
اللهم صل على محمد وآل محمد
الحمدلله على سلامتج وسلامة الغالية نجد
الحمدلله اهم شي انج قمتي بالسلامة وتتربى بعزكم انشالله وتنسين
قصتج ذكرتني بولادتي
أم شجاع أولا الحمد لله عالسلامه
والله يخلي لج نجوده وتتربى بعزج يالغاليه
قصتج بصراحه خلت دموعي تسيل وأسلوبج روعه خيواا
بس الأهم ان الله ردج بالسلامه بوسط أحبابج وأهلج وبنوتتج الغاليه
الف سلامة عليك ولادتك كانت صعبة الف الحمد لله على سلامتك وسلامة نجود والله يخليكي لهم انشاء الله
[BLINK]الف الف الف مبروك[/BLINK]
تتربى في عزكم
ماشاء الله عسولة نجودة
انشاء الله عقبال ما تشوفيها عروس