مغتــ::ـــ::ــربات في شقق مفــ:ــ::ــروشه للعزاب

هذه القصة حدثت بعد عطلة عيد رمضان المبارك مباشرة ..









قبل لا أبدأ بالقصة



ملاحظـــ:ـــــة :


1- احب ان اننوه ان جميع الاسماء في هذه القصةاسماء مستعارة

وان حدث تشابه في الاسماء فهو بمحضر الصدفة ولا نقصد الاساءة لأي اسم..


2- كاتبة القصه هي احدى رفيقاتي بالسكن الله يعطيها العافيه على تعبها فيها :rolleyes[1]:


3- انا طبعا احدى بطلات القصه

واللي راح يكشفني له هديه <<<<<< خوخوخوخوخوخوخو


.
.
.
.
.


وصلت محطة القطار بالرياض وهمي كيف راح احمل عفشي معي .. لانه امي الحنون ماتقصر
في حطاط الاغراض ...


لا هذا لازم تاخذية .. يمكن تحتاجية .. ولا اقول هذا افضل شكلة احسن ..
يعني اربع شنط ماشاء الله ...



رحت للمكان تسليم العفش وانتظرت كالمعتاد جنب صف البنات والتقيت بصديقاتي الثلاث (نورة_ اسرار_ فاطمة)

طبعا صديقات ولا احلى منهم احبهم موووت اجنان ياخذو العقل خفة دم وثقالة عقل ...

دخلنا كلنا.. واخذت كل وحده منا اشناطها ...

اللي تشوف اثاث بيت مو ملابس واغراض شخصية من ثقلهم .

انطلقنا الى اماكن الباصات والميكرو الخاص بسكنات الخارجية للبنات ..ماشفنا الباص الخاص بسكن ( نخبة
العائلة )

انا طبعا مباشرة بلا تردد اتصلت على السواق الخاص فينا.



*عبدالقادر* هندي الجنسية بس اول مرة اشوف هندي رافع خشمة وشايف حالة بس مدري على ايش ؟؟!!
على شكلة ولا على اسلوبة ولا على اخلاقة ولا على طريقة كلامة .. مااقول الا الله يعين اهله علية ..



شوق== طبعا انا احم ...

الو الو لو سمحت وين باص السكن

عبد القارد.. والله والله مافي سكن ... سكن ساكر سكر ساكر

شوق .. ليه وش صار ليه سكر

عبد القادر .. هذا تصليح سكن مافي اجي الحين سيارة لكم



انا طبعا بقبقت عيوني وماعرفت ايش اقول ..

شوق.. لو سمحت حنا هنا ماعندنا مكان الا هذا السكن وصلنا من الشرقية ونبغى نطلع للسكن

عبد القادر .. روووح رووح اي مكان رووح رووح

شووق .. معقولة باي




خبرت صديقاتي وانفجعو وكل وحدة فيهم تقول وين نرووح ماعندنا احد بالرياض وليه سكر السكن وعلى اي اساس
سكروه . التصليح مايجي الا في وقت دراستنا .. ياالله وش الي صاير ؟؟



فاطمة تشجعت وقالت راح اتصل على مسؤل الخاص بالسكن اسمه * ابو فاضل *

طبعا سعودي الجنسبة . ضخم جدا صوتة يخرع اذا قال كلمة تروح البنت فيها .يقولو عنة شهم

واخلاق ومبادئ وكلة رجولة ..خخخخخ



فاطمة.. الو الو ابو فاضل لو سمحت نبغى سيارة تجي تاخذنة للسكن

ابو فاضل .. هاا هاا هوا هوا السكن يااختي مسكر في تصليحات

فاطمة .. طيب وين نرووح وحنا ماعندنا اهل بالرياض ومتغربين جايين من الشرقية الى هنا

وسكن مافي ..؟؟

ابو فاضل .. بصراحة مدري ايش اقول لكم بس تصرفو .. باي




(@ @) حنا كلنا جتنا سكتة قلبية ووقفنا مجمدين .. وين نرووح وكيف نتصرف وحنا بنات..







طلعنا البنات الاربع الى غرفة المصلى الموجودة في محطة القطار بالرياض وكل وحدة منه اخذت لها

وضعية في الجلوس وهي كلها يأس وتسائلات عن الساعات الجاية وايش راح يصير حالنا ..

ونتصل مرة مرتين وثلاث واربع للمسؤل بس مقفل جوالة ..

وصحيح صار الي ماتوقعناه بقينا في المحطة اربع ساعات متواصلات . وكل منا تقول وش السوات ؟ ايش راح نقول

لاهالينا .؟ وكيف نخبرهم ؟ وايش راح يقولو ؟ ماراح نكمل دراستنا ؟! ولا الافضل مانخبرهم ونشوف ايش

مخبي لنا باقي الساعات .. واسألة تروح وتجي وكلها وش الاسباب الي تخلي المسؤل مايصلح السكن الا في

وقت الدراسة .. وحنا نحاول نتصل على جميع سواقين السكن . الا جا الفرج وتكرم واحد منهم يرد على الجوال


* شاكر* سعودي الجنسية ويسموة البنات + اقحطة خخخ في مسلسل درب الزلق او حنظل الي في خالتي قماشة +


ونايم على العسل. وتنهز الارض وتنشق وهو التو يستوعب وش الي صاير بالدنيا . بارد الشخصية . عقلة نونو
وتفكيرة خطير ..


نورة.. الو الو شاكر وين السيارة هاا صار لنا اربع ساعات في المحطة مايصير

شاكر .. طيب طيب .... رااح نجيب لكم سيارة

نورة.. بس وين راح تودونا ؟؟ اذا سكن مافي؟

شاكر .. راح نوديكم شقق مفروشة



رضخنا للامر الواقع وقلنا نروح للشقق المفروشة ونشوف اخرتها . وصلنا الشقق وفي بداية الامر

كشي جديد علينا ووضع جديد انبسطنا مرة وقلنا راح نختار اكبر شقة واحسنهم ..

وصحيح وجهوونا للشقة .. شقة مرتبة منظمة لا بأس بها واحلى شي فيها وجود السرير المزدوج

في غرفة . وسريرين منفصلين في غرفة ثانية ..واضح انه الشقة لعائلة بسيطة تتكون من ام واب وطفلين

.. حنا البنات هجووم على السرير الكبير وتضاربنا



اسرا.. انا حجزتة اول

فاطمة.. لا لا انا عجبتني البطانية يعني السرير لي انا .

نورة..المفروض تنام بنتين على السرير الكبير وبنتين على السريرين المنفصل ..


وصحيح انا ونورة رحنا الغرفة الثانية وخلينا اسرار وفاطمة بالغرفة المزدوجة ..خخخ

وبعد التحري وتقصي الاجواء الخارجية اكتشفنا انة لا مشرفات موجودين عندنا بهذي الشقق

ولا مسؤلين يدارو البنات .. يعني صرنا بنات مسؤلين عن انفسنا ( يمــه):shok[1]:



بقينا يومين لا مواصلات يطلعونا للجامعاتنا وكلياتنا ومعاهدنا .. ماتحملت الوضع اتصلت على امي وخبرتها

بأسلوب هادي وبسيط على وضعنا الحالي . وقالت لي تحملي شويا انتي حالك من حال البنات كلها فترة

وراح تعدي .. صحيح قلت انا مني زيادة على البنات الي يجري عليهم يجري علي ..

بس ياناااس مايصير والله مايصير لا اكل ناكلة مثل الناس . ولا نفسياتنا راضيه بالي يصير

ولا اغراضنا الي حطيناهم بسكن ( نخبة العائلة ) موجودين . ولا بعد واهم شي مافي سواقين يطلعونا

للجامعاتنا .. وفي كل وقت ننتصل للمسؤل ويقول ان شاء الله خير بس عطونا فترة نرتب الوضع وبعدها

ننقلكم لسكنكم ...



بصراحة طفح الكيل .. اربعة ايام محبوسين بالشقة لا داري ولا من دري .

وكل يوم عن يوم يجو البنات ويزيد عدد الشقق المفتوحة .. والمشكلة انها شقق عامة يعني فيه عزاب وفي عوائل يعني وجودنا حنا خطأ

خطأ كبير في هذي الشقق ..ولا بعد حسو الشباب ان في بنات جايين يدرسو في الرياض لوحدهم من دون

اولياء امورهم .. يعني فرصة لهم للمغازلشية . وانتو تعرفو الشباب مو شايفين خير

وبالفعل مانشوف الا زاد عدد الشباب السعودي في هذي الشقق ..

وزادت حركاتهم لنا . واكثر شي خوفني ونقهرت عليه لما اتصل المسؤل على اغلب البنات وامرنا نطلع

للسكن (نخبة العائله ) عشان ناخذ عفشنا كله كله وعلى قولتة شاف لنا سكن خاص للبنات ..

سمعنا كلامة ورحنا تقريبا 45 طالبة والي اكتشفنا هناك انة المسؤل حقنا الشهم البطل

اللي يخاف على حرمة البنات مو مسدد ايجار السكن لصاحب العمارة وبكذا حنا مالنا احقية نسكن

فيه .. البنات عصبو وانفجرو . معقولة معقولة حنا الي دفعنا اكثر من 6000 ريال والي 10000 ريال واللي اقل شي

3000 ريال مالنا احقية للدخول مايصير ..لنتصل عالشرطة حتى يشوفو حل لهذي المهزلة كلها ..

وبالفعل وصلت الشرطة وبعدها اربع دوريات ==( ماعمري شفت شرطة ودوريات الا لما جيت الرياض اهئ )

وحققو بالموضوع واخذو صاحب السكن الي ماقبل يدخلنة وثلاث بنات منا ..




.
.
.



وبعد القيل والقال والتحقيق

اتضح انه الحق مع صاحب العمارة وحنا مالنا احقية وصلاحية للدخول ..

رضخنا للامر الواقع وحملنا عفشنا لكن كنا حاملين على المسؤل واخذنا علية موقف سلبي وكل وحدة من

البنات لو في نفسها تقتلة لانة بهذلنا وخلانا عرضة للشباب ولا وكان شكلنا مرة مو حلو ولا حلو في

حقنا حنا البنات ..



انا عن نفسي اطلاقا مني راضيه على الوضع المزري والسخيف الي حنا فيه .. تحملت تحملت الغياب

وتراكم الدروس علي بس لما عرفت انه بكرة علي اختبار حاولت بقدر مااستطيع اذاكر ..

بس والله كيف اذاكر من زاد عدد البنات صرنا في الشقة 11 شخص تخيلو 11 بنت بالشقة . فين اذاكر وكيف

استوعب ونفسيتي زفت ..ولا ولو تشوفو اذا جا فترة النوم اربع بنات في السرير المزدوج والباقي على الارض

والي زاد الهم عفش كل بنت في الشقة اصلا من الفوضة والزحمة ماتقدر تمر .. انا انفجرت بكي بكيت

بكي لانه مني قادرة استوعب الي يصير . صديقاتي ( نورة _اسرار _ فاطمة )هاجو.وانفجرو ايش هذا الوضع

شباب في نص الليالي يدقو على شققنا عالخفيف .ولا بعد يدقو على رقم الشقة ولا يردو .

واذا طلعنا نشوف الريسبشن وكيف الوضع .نشوفهم نقزو لنا كأنهم ينتظرو خروجنا على احر من الجمر

الشباب.. ياحلوةعطينة وجه . ليه انتو جايين هنا .. حنا نبغى نخدمكم بس تعالو عندنا .

حنا عيوننا لكم بس اخذو ارقامنا ..وحركات ماقدر اسميها او اوصفها..

ولا ولي يقهر يقربو من باب الشقة كأنة يبغانة نقول له تفضل حياك ادخل الشقة البيت بيتك ..

حتى موية للشرب مافي والله مافي . كل شي كان مكركب عندنا



اسرار.. اذا وضعنا كذا ومسؤلنا تاركنا ورافع يدة عن خدمتنا ورعايتنا انا راح ارويه

فاطمة.. ليه مانطلع ونوديك المستشفى واقضي اغراضي عند الصيدليه

نورة.. قصدكم نطلع من دون علمهم

فاطمة.. ايوا نطلع ونشوف ايش راح يسوي لنا هذا المسؤول


لبسو عباياتهم ووقفو لهم لموزين اجرة وركبو فيه وقضو اغراضهم وطلعو للمستشفى

وهما راجعين بالموزين رن جوال اسرار رقم غريب قفلت الخط بوجهه

وبعدها بثواني اتصل والده



والدها : اسرار ليه تقفلي الخط بوجه المسؤول ؟؟؟

اسرار : ابوي الرقم غريب وما رديت عليه وانت تعرفني اطنش الارقام الغريبه

والدها .. اسرار المسؤول يقول انك طلعتي برا السكن بدون موافقته.. وين رايحه

اسرار .. انا بالمستشفى تعبانة من امس وانااقوله وديني المستشفى ولا هو راضي يوديني

والدها .. طيب راح اتصل عليك بعد 5 دقايق لو مارجعتي السكن راح يكون لك آخر يوم بالرياض اليوم


حست اسرار انه الموضوع ماراح يعدي على خير لانه واضح ابوها واصل حدة لطلوعها الغير قانوني

وصلت الشقة منه اتصلت امها منه تسأل عنها وعن اللي صار . المسؤل اتصل علينا وقال انك طلعتي من دون علمة
ولا بعد يقول انك مو في المستشفى ..


اسرار: امي انا قايله لك انا احنا في شقق ومافي مسؤولين إلا الهنود تحت وانا من امس اتصل على المسؤول

ابيه يوديني المستشفى مو راضي وكل يوم يقولي بكره بكره بكره حتى انا اليوم ماقدرت اروح الجامعه من التعب

اخذ السماعه ابوها وبدا يسرد عليها نصايح لان المسؤول ماقصر بالكذب على والدها حتى انه قال انهم ضربت الهندي
عشان تطلع



اسرار.. * وهي مرة تبكي بكي مو طبيعي وماهي مصدقة الكلام الي قاله عنها المسؤل *

ابوي انا كنت تعبانة تعبانة ومحتاجة للمستشفى . المسؤل رافع يدة . ابوي بذمتك انا ولد عشان اضرب الهندي

وانا تعبانه اصلا مافيني حيل اشيل نفسي عشان اضرب الهندي


والدها : إذا تعبانه اتصلي علي وانا اللي اتفاهم معه انتي بنت وبغربه افهمي هو يقول انه راح
يطردك من السكن وين تروحي انتي بعدها هااا

أسرار : ابوي خل يكون عنده سكن بالاول عشان يطردني منه هو اصلا مو دافع لصاحب الشقق فلوسه
وهو كل يهددنا انه راح يطلعنا من الشقق لو المسؤول مادفع له



بصراحة انا شفت الموقف بعيوني ماصدقت والله لو تشوفو شكلها لايوصف قتلت نفسها من البكي ووجها من الصراخ
أحمر وشوي ويغمى عليها ...


حاولنا بعدها نهدأها بس مافي أمل .. مو سهلة وربي مو سهله انه يطلع المسؤل كلام مو صحيح عنها

... ولا بعد يتصل على والدها وهااااات كلام سهووووم سهووووم تنخر بالقلوب

لا رحمة ولا خوف من عقاب الله المهم يفرض عضلاته ويتخلص من الموضوع بأي حل كان وكل هذا ليه لانه عارفه

نفسه انه غلطان وماله اي حق ان تكون البنت تعبانه ولا يطلعها للمستشفى وبأي طريقه يبي يغلط البنت ..



اسرار وهي تضارخ بقوه : والله ماراح اخليه والله ماراح اخليه راح اوريه راح اوريه واللي مايستحي قادر باشا

راح اضربه صحيح ماراح اخليها في نفسه ...... راح اتصل بالشرطه ماني ساكته على المهزله هذي



البنات : الشرطه


صحيح دقت على الشرطه ووصفت لهم الوضع الحالي وهي تبكي

رأف على حالها الضابط وقال انتي وين باالضبط حددي موقعك

وحددت له هي وينها بالضبط بأي شارع وبأي حي

وبعد حوالي نصف ساعه وصل ونزلنا 7 بنات وبدئ التحقيق



قال الضابط : ممكن تفهموني وش اللي صاير بالضبط


أسرار :حنا بنات من الشرقيه وجايين هنا الرياض للدراسه ولنا سكن خاص للبنات وقائمين عليه مشرفات

وومسؤولين سعوديين وبعد مادفعنا له المبلغ المخصص للسكن جابنا هنا في الشقق المفروشه مايصر مايصر

حنا في وادي واغراضنا في وادي وش الفوضى هذي نكب بنا المسؤول وأخذ فلوسنا من دون ماينفذ

شروط العقد وخلانا في شقق عزاب عزااااااااااااب



وباللحظه هذي تدخل صاحب الشقق المفروشه معترض ان سكنه مافيه عزاب إلا ويوقف الأصنصير وفيه حوالي

7 او 8 شباب نزلوا منه وهما يناظرونا نظرات اعوذ بالله منها



كنا حناواقفين حول البوابه ومافي اي مجال للشباب انهم يمروا

تدخلت اسرار وقالت : يابنات ابعدوا عن الطريق خلوا العوايل يمرو (( طبعا هي تتريق على صاحب الشقق

اللي قال انه مافيه عزاب بسكنه ))


وتكمل كلامها اسرار للضابط : شفت كل يوم نتعرض للشباب ولنفس هالموقف والنظرات وياليت بس كذا كل يوم

يدقوا علينا باب شقتنا بأخر الليل وصاحب الشقق المفروشه قابل للوضع عادي عنده لان احنا مو من محارمه


الضابط : لو سمحتي ياأختي اللحين انتي تبغي تشتكي على المسؤول حق سكنكم ولا

على صاحب الشقق المفروشه ولا على الشباب اللي يبغوا يسرقوا منكم ...


جا كلام اسرار قوي وصارم : من قال من قال ان الشباب يبغوا يسرقوا الشباب يدقو عشان يبغوا بنااااااات

:scared[1]:


:scared[1]:

:scared[1]:

** ياليتي اكون قويه وشجاعه مثل اسرار وصرامتها ** :huh[1]:


تبلعم الضابط وتغير لون وجهه من كلامها :shok[1]: وقال : طيب حددي انتي على ايش تبغي تشتكي

أسرار : انا ابغاك تآخذ بحقنا من المسؤول ياأنه يسكنا بسكن مثل الخلق ويحفظنا فيه او انه يرجع

لنا فلوسنا نشوف لنا سكن ثاني وحنا في غنى عن خدماته

الضابط : عندكم عقد معين

اسرار : ايوه تفضل وشوفه

الضابط : اهاااااا يعني انتوا تطالبوا مسؤولكم عن الفلوس اللي أخذها منكم

اسرار : ايوه وش السوات معه انت شوف اللحين الساعه 12 بالليل وهو مو موجود مع البنات

ومخلينا بمسؤليةهنود إذا هو يأمن على حريمه مع هنود حنا نأمن على انفسنا معهم

الضابط : معك حق يابنتي انا راح انتظره إلى مايجي

اسرار : جواسيسه اكيد خبروه ان الشرطه هنا استحاله يجي

الضابط : ننتظر ونشوف



انتظرنا حوالي ساعه ونصف والشرطه تتصل على جواله ومايرد بعدها يأس الظابط من جيته

وقال : والله يأخواتي مسألتكم مسأله حقوق ماليه ومالنا دخل أطلاقا في هذا الموضوع خلي اي احد من اقربائكم

يرفعو قضيه بالرغم انه في هناك بلاغين حاليا على مسؤولكم


رجعنا لأدرجنا خائبيييييين (قال حقوق ماليه قال) دخلنا شقتنا واشكالنا تخرع وغالب علينا الإكتئاب والحزن


طلعت نوره لنافذه الغرفه تبغى تناظر العالم وتشم شويه هوا علها تنفس عن الهم اللي فيها إلا سمعت صوت

شي ينرمي من تحت واكتشفت بعدها انه علبة ميرندا فاضيه طاحت من النافذه نفسها إلى تحت العماره

وكان فيه رجال سوداني الجنسيه تحت وسمع العلبه تطيح


وبعد فتره سمعنا دق قووووووي مرررررة على باب شقتنا ... " وش صاير "