تسوء الظن فيني قاهرتني شالحل ؟؟

السلام عليكم ورحمة الله وبركاته ..

خواتي انا من فتره كتبت مشكلتي بالمنتدى وهذا رابطها :

http://www.3roos.com/forums/t281708.html


انا قلت ان ماعندي صديقات قريبين مني وايد بس عندي معارف وامس صارت لي مشكله وابيك تشورون علي و تساعدوني :

( الاسماء اللي بذكرها انا حطيتها عشان تقدرون تفرقون و مو اسماء حقيقيه )

عندي صديقة اسمها فاطمة من ايام المدرسه و انا اعرفها من الثانوي

امس المغرب اتصلت فيني تقولي بالعيد لما طلعنا تذكرين وين رحناا قلت لها ايه قالت وين قلت لها وين رحنا و قالت من كان معانا قلت لها بعد اسماء البنات اللي معانا وهم كانوا صديقاتها و انا مااعرفهم بالعيد لما طلعت معاها اول مره اشوفهم ..

قالتي اوكي باي قلت لها انا شصاااير ؟ قلت لا خلاص بس اسوي رفرش تو ماي ميموري وقالت باي وقلفت انا مايدش عقلي ان بس جذي ارسلت لها مسج وقلتلها شصاير قولي
ما ردت علي خوفتني قلت يمكن صايرشي مشكله اتصلت فيها ردت علي رجعت سالتني
خلتني سبيكر ما اعرف من معاها ويسمع صوتي رجعت سالتني تقولي وين رحنا ومن كان معانا جاوبتها وهي تكلمني باسلوب جدا وقح تقولي انا ابي اعرف من فيكم انتوا الثلاث اللي مكذب و انا اقولها شصااير يا بنت الحلال وهي تقولي باجر الساعه 5 العصر
انتي فاضيه انا بييي بيتكم و بيبهم معاي مادري من بتيب معاها وبخليج تتكلمين ساعه كامله تقولين كل شي شتكلم شقول مادري؟؟ وهذ ه اللي سوت فيني جذي بضربها كف تخيلوا بتي بيتنا بتهاوشني وبتمد يدها علي و تقولي اهلي انا مربيني وعندي اخلاق واللي يضرني بضره !!!

قلت لها جوفي انا ماعرف شصاير بس اذا سويت شي تراني بقوله في ويهج و لا اخاف منج بتييين تعالي تقولي ايه بااييي ..

وتقولي بعد احنا لما طلعنا انا قلت لج ان انا بروح اقابل واحد واني اعرفه من 3 سنوات و اني اعرف شباب قلت لها ما قلتي لي بس اذا تعرفين شباب ماتعرفين انا مادري عنج بس وحده من اللي كانت معانا هي تكلم اخوها مسنجر وقالها يعني اختي دايما بالبيت لحالها قالت هي(فاطمة) انا بطلع و باخذها معاي يعني اكيد عندها احد وتكلمه و انا مالي شغل بعد تكلم ما تكلم مايدخلني

انا عندي صديقة ثانيه اسمها سارة عندها صديقة اسمها مريم وهذه مريم صديقة فاطمه بعد من فتره مريم تقول لسارة :
مسكييييييينه فاطمه ماطلع شعرها و لا تكلم شباب سارة قالت لي ان مريم قالت لها جذي انا ضحكت فاطمه شيله جذي بس ترميها وشعرها يطلع وعادي عندها
واهلها مايدرون وسارة تدري عن فاطمه هالشي و انا قلت لها الله اكبر انا طالعه معاها وشعرها ورقبتها طالعين وعن شباب مادري بس احس انها تكلم بس هذه اللي قلته
المهم اتفقت مع فاطمه تجي بيتنا باجر اللي هو اليوم ..
قفلت من فاطمه انا كلمت سارة قلت لها ترى فاطمه كلمتني وجذي وجذي انتي قلتي شي تكلمتي ؟
قالت لي سارة لا تقولي بس بتصل لمريم يمكن تعرف شي قلت لها اوكي
كلمت رفيجتها وردت علي تقولي مريم ما تدري بالدنيا قلت اوكي خلاص انا بشوف السالفه باجر مع فاطمه وبقولج اللي يصير دقااايق الا فاطمه متصله فيني
تقولي انا مو غبيه وماله داعي تكلمين سارة وانتي اللي سويتي !!!

شسويت انا مادري ؟؟ وتقولي انسي انج تعرفيني اصلا مادري اذا في احد متكلم عليها او لا

لان اول مااتصلت هي اقولها في احد متكلم عليج تقولي محد يقدر يتكلم علي ؟؟ و تقول مو انا فاطمه اللي تعرفينها الطيبه عيل شسالفه وتقولي بعد كلمتي سارة وقعدتي تستقوين ومو انا الغبيه و اللي يمشي علي اكيد انتي قلتي لسارة و اتصلتي فيها عشان تقولين لها ماله داعي تقول لاحد شقول عاد ماادررري ؟ تقولي انا اللي يضرني اضره وانسي انج تعرفين وحده اسمها فاطمه قلت لها سمعيني و قفلت الخط بوجها مللتني انا اكره ماعندي احد يظلمني ويقول اني سويت شي و انا ماسويته واصلا مادري شنو صايرر بالضبط قهرتني و قطعته بوجها
...


شرايكم باللي صار ؟ قولوا لي شسوي والله تعبت .. هذا غير المشاكل الثانيه اللي عندي :(

والله هونت مابي صديقات اذا هم بسون لي مشاكل وبلاوي اقعد بروحي يعني ؟؟

وانا الاسبوعين اللي طافوا كنت وايد تعبانه وحتى دخلت المستشفى .. ولا احد همه ..

ادعوا لي الله يفرج همي ويريح قلبي .. ويوفقني ..


جزاكم الله خير ..